Sport

Manchester City në kërkim të fitores së 19-të radhazi

Published

4 years ago

February 24, 2021

Betim Gashi

Borussia Monchengladbach do të zhvillojë ndeshje kundër Manchester Cityt në stadiumin “Puskas Arena”, në kuadër të ndeshjes së parë të fazës së eliminatorëve.

Kjo është hera e parë që Monchengladbach arrin të prek fazën e eliminatorëve në Ligën e Kampionëve, edhe pse në vitin 1977 ishin finalistë të Ligës së Kampionëve, atëkohë e njohur edhe si Kupa e Evropës.

Skuadra e Pep Guardiolas do të shikojë të regjistrojë fitoren e 19-të radhazi këtë sezon, ku janë duke kaluar nëpër një formë tejet fantastike, dhe aktualisht shihen si favoritë në këtë ndeshje, pavarësisht faktit që luajnë si mysafirë.

Në anën tjetër, Borussia Monchengladbach që nga konfirmimi se trajneri Marco Rose do të largohet në fund të sezonit drejt Dortmundit, nuk ka arritur të nxjerrë rezultate edhe aq të kënaqshme, ku në gjashtë ndeshjet e fundit ka dy fitore, dy barazime dhe dy humbje.

Të dy skuadrat nuk do të kenë probleme të mëdha me lëndime, ku mungon vetëm Nathan Ake i Manchester Cityt.

Formacionet e mundshme janë të bashkangjitura më poshtë.

Borussia Monchengladbach (4-3-3): Sommer; Lainer, Ginter, Elvedi, Bensebaini; Kramer, Neuhaus, Zakaria; Plea, Embolo, Hofmann

Manchester City (4-3-3): Ederson; Walker, Stones, Dias, Cancelo; Rodri, Silva, Gundogan; Foden, De Bruyne, Sterling

21:00 Borussia Monchengladbach – Manchester City (Stadiumi Borussia-Park)

Up Next

FIBA: Evropa lavdëron FBK-në për organizimin e suksesshëm të “Bubble” në Prishtinë

Don't Miss

PSG-ja i bën ofertë Alabas

Sport

18 vite mik me topin e basketbollit! Drilon Hajrizi vjen me një rrëfim krejtësisht ndryshe

Published

10 hours ago

May 17, 2025

Albina Zeneli

Pjesë e emisionit “n’RITËM” me autore dhe moderatore Albina Zeneli, ishte basketbollisti i njohur Drilon Hajrizi.

Ai jep kontribut në KB Trepca e foli për fitoren kundër Bashkimit me rezultat 80:74, e po ashtu tregoi pak detaje sa i përket përballjes së radhës që do ta kenë të dielen nga ora 19:00 në Prizren, e në rast se ky ekip fiton bëhet kampion duke e mbrojtur titullin.

Tash e 18 vite si një sportist profesionist, Driloni jep ca këshilla edhe për studentët e rinj duke theksuar se ky profesion është njëherë pasion por gjë me rëndësi unike sigurisht që sipas tij është shkollimi sepse mendon se është e vetmja metodë që nuk të lë pa financa.

Për më shumë detaje ju ftojmë ta ndiqni intervistën e plotë në linkun e mëposhtëm. /UBT News/

https://www.facebook.com/campusradio100.7/videos/649951138079163

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

3 days ago

May 14, 2025

Albina Zeneli

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Sport

Xabi Alonso, së shpejti trajner i Real Madridit

Published

5 days ago

May 12, 2025

Albina Zeneli

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Sport

Legjenda e mundjes Sabu vdes në moshën 60 vjeçare

Published

5 days ago

May 12, 2025

Albina Zeneli

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.