

Lajmet
Malisheva e Mamusha përfitojnë nga mbështetja e BE për efiçiencë, përurohen pesë projekte
Të lumtur që përfituan nga ky fond ishin dy kryetarët e komunave, Malishevës dhe Mamushës.
Published
2 years agoon
By
Betim GashiKomuna e Malishevës dhe ajo e Mamushës janë komunat e radhës përfituese të aplikimit të masave të efiçiencës së energjisë nga Fondi i Kosovës për Efiçiencë të Energjisë, mbështetur nga Bashkimi Evropian, Banka Botërore dhe Qeveria e Kosovës.
Në komunën e Malishevës janë përfunduar dy projekte për efiçiencë energjetike në ndërtesën e komunës së Malishevës dhe në shkollën e mesme “Hamdi Berisha” në vlerë mbi 400 mijë euro.
Ndërkaq, tri projekte të tjera me panele solare janë realizuar në Mamushë në vlerë mbi 45 mijë eurosh në ndërtesën administrative komunale, në shkollën “Anadolu” dhe në shkollën e mesme “Ataturk”.
Disa nga masat që përfshihen në këto projekte janë, izolimi termik i jashtëm me lesh guri, ndërrimi i dritareve dhe dyerve me ato efikase nga alumini, kaldaja e re për ngrohje qendrore me pelet ose pompe termike, ndriçim LED dhe komponentë të tjerë.
Zëvendësshefi i Bashkëpunimit në zyrën e BE-së në Prishtinë, Alessandro Bianciardi, deklaroi se janë të lumtur që po financojnë projekte që ndihmojnë në trancizionin e Kosovës drejt energjisë së gjelbër.
“Bashkimi Evropian për disa vite po e ndihmon Kosovën në tranzicionin drejt një energjie më të gjelbër, për të dekarbonizuar ekonominë dhe ne do të vazhdojmë të ofrojmë financime për këtë. Tani BE ka ofruar një paketë të rëndësishme prej 75 milionë eurosh për të ndihmuar sërish Kosovën në futjen e masave për efiçiencën e energjisë dhe energjinë e ripërtëritshme, veçanërisht në objektet rezidenciale, dhe ne do të vazhdojmë të punojmë edhe me ndërtesat publike, por edhe me ndërtesat e banimit, të përpiqemi të përmirësojmë performancën e tyre të efiçiencës së energjisë dhe të përdorim gjithnjë e më shumë energji të rinovueshme”, tha Bianciardi.
Të lumtur që përfituan nga ky fond ishin dy kryetarët e komunave, Malishevës dhe Mamushës.
Kryetari i Malishevës, Ekrem Kastrati tha se përmes këtij fondi u mundësohet qytetarëve një jetë më e mirë dhe më cilësore. Ai tha se nga kjo masë Komuna e Malishevës ka përfituar mbi 400 mijë euro .
“Përmes këtij fondi ne ju mundësojmë qytetarëve të Komunës së Malishevës që të kenë një jetë më të mirë, përkatësisht edhe nxënësit dhe mësimdhënësit, sepse përmes këtij projekti ne edhe kursejmë energjinë, mirëpo edhe rrisim cilësinë e jetës dhe punës nëpër këto objekte ku veçse zhvillojmë aktivitete. Komuna e Malishevës deri më tash nga ky fond ka përfituar rreth 1 milion euro, ku kemi edhe katër objekte të cilat duhet që më vazhdimësi t’i riparojmë apo edhe t’i ndërtojmë kapacitetet që kanë të bëjnë me kursimin e energjisë elektrike dhe në këtë mënyrë të vazhdojmë që Komuna e Malishevës të jetë njëra prej komunave e cila ka gëzuar përfitimin nga ky fond e që sigurisht qytetarët e kësaj komune të kenë mundësinë për një jetë më të mirë dhe më cilësore”, tha Kastrati.
Kryetari i Mamushës, Abylhadi Krasniqi, tha se frytet e projekteve të mbështetura nga Bashkimi Evropian vetëm janë duke i shijuar për shkak se pjesa më e madhe e energjisë që shërben për administratën komunale prodhohet prej paneleve solare.
“Në Komunën e Mamushës prej solareve për momentin e kemi prodhimin e rrymës deri 86 për qind e konsumimit të objekteve komunale. Por, shpresojmë që projekte të tillë do të ketë Kosova më shumë dhe shpresojmë që nuk do të kemi nevojë të bëjmë një termocentral të ri për prodhim të energjisë së ripërtërishme”, tha Krasniqi.
Zëvendësministri i Ekonomisë, Getoar Mjeku ripërsëriti angazhimin e Qeverisë së Kosovës për energji të gjelbër duke thënë se synojnë që projekte të ngjashme të aplikohene dhe në dnërtesa të tjera private.
“Shpresojmë që brenda vitit 2031 do t’i arrijmë caqet që është një transformim i sektorit dhe investime në kapacitete të reja 1600 MGW energji të ripërtrishme. Por, që çfarëdo transformimi nuk jep rezultatin e duhur pa kursimin e energjisë dhe pa efiçencën, pra të bëjmë punë sa më shumë me më pak energji, me më pak mund, ky është synimi. Andaj, ne vazhdojmë ta përkrahim punën që bënë Fondi i Efiçiencës dhe shpresojmë të shohim projekte dhe investime të kësaj natyre më tutje dhe jo vetëm në Komunën e Malishevës por edhe në komuna tjera të cilat do të vazhdojmë t’i vizitojmë gjatë këtyre ditëve për t’i përuruar investimet, kryesisht nëpër objekte publike, pra ndërtesa të komunave, shkollave. Por në fazat e mëvonshme edhe në ndërtesa banesore dhe pse jo në banesa private”, tha Mjeku.
Ndërsa drejtori Menaxhues i Fondit të Kosovës për Efiçiencë të Energjisë, Ahmet Ismaili dha lajmin e mirë se tha se do të vazhdojnë edhe me tëj me këto masa edhe në komuna të tjera në vend.
“Ne do të vazhdojmë edhe me projekte tjera në përputhje me strategjinë e energjisë që së fundmi është miratuar në Kuvend, me një plan tonin dhe mbështetje që kemi ne do të vazhdojmë edhe me tutje me këto masa. Po ashtu, komuna e Malishevës gjithashtu është një prej komunave që do të përfitojë në vazhdimësi”, tha Ismaili.
Kujtojmë se sipas IPA 2017, BE-ja ka ndarë 10 milionë euro për Fondin e Mirëbesimit të menaxhuar nga Banka Botërore me qëllim të mbështetjes së operacioneve të Fondit të Kosovës për Efiçiencë të Energjisë (KEEF) në infrastrukturën publike komunale duke përfshirë ndërtesat publike dhe ndriçimin publik.
Granti i BE-së është i kombinuar me 5 milionë euro kredi nga Banka Botërore si dhe bashkëfinancim nga Qeveria me 1 milionë euro/vit.
Në kuadër të “Pakos për Mbështetje të Energjisë” të financuar nga BE-ja prej 75 milionë euro si përgjigje ndaj krizës energjetike, Fondi i Kosovës për efiçencën e energjisë do të zbatojë 20 milionë euro për masat e efiçiencës së energjisë në sektorin e banimit.
BE-ja kërkon më tej të mbështesë Kosovën në zbatimin e strategjisë së re të energjisë (2022-2031) në veçanti në fushën e eficiençës së energjisë dhe energjisë së rinovueshme.
Aktualitet
Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)
Published
13 hours agoon
August 1, 2025By
Driton Iseni
Themeluesi dhe Presidenti i UBT-së, Rektori, Prof. Dr. Edmond Hajrizi, është pranuar si anëtar në Akademinë Evropiane të Shkencave (European Academy of Sciences – EurASc).
European Academy of Sciences (EurASc) është një nga akademitë më prestigjioze në Evropë, që bashkon shkencëtarë dhe studiues të shquar nga e gjithë bota, me qëllim promovimin e ekselencës shkencore dhe teknologjike për të adresuar sfidat më të mëdha globale. Anëtarët e saj janë emra të njohur që kanë dhënë kontribute të mëdha në fushat përkatëse, përfshirë shumë fitues të çmimeve ndërkombëtare dhe nobelistë.
Ky është një vlerësim i rëndësishëm ndërkombëtar që njeh kontributin e jashtëzakonshëm të Prof. Hajrizit në fushën e arsimit të lartë, kërkimit shkencor, inovacionit dhe politikëbërjes në nivel rajonal dhe evropian.
“Pjesëmarrja ime si anëtar në Akademinë Evropiane të Shkencave është një vlerësim personal, por mbi të gjitha është një njohje për punën dhe përkushtimin afatgjatë të UBT-së në ndërtimin e një ekosistemi akademik dhe shkencor në përputhje me standardet evropiane. Ky është një hap i rëndësishëm drejt fuqizimit të rolit të Kosovës në hartën ndërkombëtare të dijes dhe inovacionit”, tha Rektori Hajrizi.
Akademia Evropiane e Shkencave (EurASc), në publikimin e saj në rrjetet sociale, ka vlerësuar lart kontributin e Prof. Dr. Edmond Hajrizi për përvojën e tij mbi dydekadëshe në ndërthurjen e akademisë me ekosistemet e inovacionit dhe zhvillimit ekonomik.
Nën udhëheqjen e tij strategjike dhe vizionare, UBT është konsoliduar si një nga institucionet më të avancuara të arsimit të lartë në Evropën Juglindore, duke u shndërruar në një qendër të rëndësishme për zhvillimin e inovacionit, teknologjisë dhe sipërmarrjes.
Si pjesë e angazhimeve të tij profesionale, Prof. Hajrizi ka udhëhequr me sukses dhjetëra projekte të financuara nga Bashkimi Evropian, si dhe ka kontribuar si këshilltar për institucione prestigjioze ndërkombëtare, duke promovuar transformimin digjital, prodhimin inteligjent dhe arsimin e orientuar drejt së ardhmes.
Ky pranim përfaqëson jo vetëm një sukses personal për Rektorin Hajrizi, por një arritje të rëndësishme për UBT-në dhe Kosovën në tërësi. Ai dëshmon se përkushtimi ndaj inovacionit, cilësisë akademike dhe vizionit global mund të sjellë njohje ndërkombëtare dhe ta vendosë Kosovën në hartën e qendrave të rëndësishme të dijes dhe teknologjisë.
Lajmet
Liga e Kampionëve 2025-2026, 29 klube të kualifikuara
Published
14 hours agoon
August 1, 2025By
UBT News
Ka ende kohë deri në fillimin e sezonit të ri të Ligës së Kampionëve, megjithatë vështirë se ka ndonjë garë që gjeneron aq shumë pritje sa ky kompeticion. Edhe para se faza e ligës të fillojë më 16 shtator, ka disa data të rëndësishme në axhendë.
UEFA ka planifikuar tashmë shortin për fazën e ligës. Ai do të zhvillohet më 28 gusht në Nyon. Siç ndodhi vitin e kaluar, një program kompjuterik do ta kryejë procesin, pasi një short manual në formatin revolucionar do të ishte përtej mundësive.
Klubet do të ndahen në katër vazo me nga tetë ekipe secila sipas koeficientit të klubit të tyre, me Paris Saint-Germain, si fitues të Ligës së Kampionëve, që tashmë janë të vendosur në vazon e parë. Bayern (i 2-ti), Leverkusen (i 7-ti) dhe Dortmund (i 8-ti) nga Bundesliga janë midis tetë ekipeve të para. Një ekip nga vazoja e parë duhet të luajë kundër një ekipi tjetër nga vazoja e parë dhe klubeve të dyta secila nga vazot e dyta, të treta dhe të katërta në fazën e ligës.
Liga e Kampionëve 2025/26: Cilat klube janë gati për shortin?
Anglia : Liverpool , Arsenal , Manchester City, Chelsea, Tottenham, Newcastle
Spanjë : Barcelona , Real Madrid , Atlético Madrid, Athletic Club, Villarreal
Italia : Napoli, Inter, Atalanta, Juventus
Gjermani : Bayern Munich, Bayer Leverkusen, Eintracht Frankfurt , Dortmund
Francë : Paris Saint-Germain, Marseille, Monaco
Holanda : PSV, Ajax
Portugalia : Sporting CP
Belgjikë : Union Saint-Gilloise
Turqi : Galatasaray
Republika Çeke : Slavia Pragë
Greqi : Olimpiakosi
29 klube janë kualifikuar tashmë për shortin e fazës së ligës. Anglia dhe Spanja kanë siguruar secila nga një vend shtesë përmes renditjes vjetore të UEFA-s, kështu që Newcastle dhe Villarreal do të përfaqësohen. Tottenham është kualifikuar si fitues i Europa League, që do të thotë se Premier League do të ketë gjashtë klube.
Liga e Kampionëve 2025/26: Si do të luhen vendet e mbetura?
Vendet e mbetura do të përcaktohen përmes fazës kualifikuese dhe eliminatoreve.
Raundi i 1-rë kualifikues: 8/9 dhe 15/16 korrik 2025
Raundi i dytë kualifikues: 22/23 dhe 29/30 korrik 2025
Raundi i 3-të kualifikues: 5/6 dhe 12 gusht 2025
Playoff-et: 19/20 dhe 26/27. Gusht 2025
Raundi i parë kualifikues është tashmë në kulmin e tij. Megjithatë, vetëm klubet nga ligat më të ulëta do të garojnë atje. Megjithatë, në raundin e dytë kualifikues do të marrin pjesë klube të njohura si FC Copenhagen dhe RB Salzburg.
Vendimi se cilat klube do të avancojnë në fazën e ligës do të merret më 26 dhe 27 gusht me ndeshjet e kthimit të fazës eliminatore.
Lajmet
Laporta për Yamalin: Ka personalitet të fortë si Messi, është i rrallë
Published
15 hours agoon
August 1, 2025By
UBT News
Presidenti i Barcelonës, Joan Laporta, ka bërë një deklaratë të fuqishme në lidhje me talentin e jashtëzakonshëm të Lamine Yamal, duke e krahasuar atë me Lionel Messin jo vetëm për cilësitë teknike, por edhe për karakterin e tij të veçantë.
Në një prononcim për mediat, Laporta u shpreh: “Lamine Yamal ka një personalitet shumë të fortë, njësoj siç kishte edhe Messi në kohën e tij. Ai nuk është thjesht një lojtar i talentuar, por është i rrallë, një prej atyre futbollistëve që lindin rrallëherë.”
Presidenti katalanas vazhdoi me vlerësimet duke theksuar nivelin elitar në të cilin tashmë ndodhet adoleshenti spanjoll:
“Yamal është një gjeni i vërtetë i futbollit. Ka arritur një nivel shumë të lartë për moshën që ka dhe kjo e bën edhe më të jashtëzakonshëm. Ne te Barcelona jemi shumë krenarë që kemi një lojtar si ai në radhët tona.”
Lamine Yamal, vetëm 18 vjeç, ka shpërthyer me paraqitjet e tij për Barçën dhe përfaqësuesen e Spanjës, duke u bërë një ndër emrat më premtues në futbollin botëror. Krahasimi me Messin nga vetë presidenti Laporta vetëm sa e forcon imazhin e tij si trashëgimtar potencial i legjendës argjentinase në “Camp Nou”.

Drita ka bërë një goditje të rëndësishme në merkato duke siguruar shërbimet e sulmuesit të njohur Kristal Abazaj. Lojtari me përvojë të madhe dhe cilësi të spikatura do të jetë tashmë pjesë e repartit ofensiv, duke i shtuar më shumë forcë dhe alternativë skuadrës nga Gjilani.
Pas një pune të përkushtuar dhe negociatash të suksesshme, drejtori sportiv Valon Zymberi arriti të finalizojë marrëveshjen me Abazajn, i cili ka firmosur një kontratë dyvjeçare me klubin.
Abazaj pritet të jetë një armë e fuqishme në dispozicion të trajnerit Ramadani, duke sjellë me vete jo vetëm eksperiencë, por edhe potencial për të bërë diferencën në fushë.

Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)

Tri shenja të dukshme që mund të keni kolesterol të lartë

Meta me projekt për superinteligjencë artificiale

Liga e Kampionëve 2025-2026, 29 klube të kualifikuara

A keni migrenë të shpeshtë? Mund ta lehtësoni atë me ndihmën e kësaj erëze

Filmi “Heldin” me aktorin shqiptar Ridvan Murati bëhet pjesë e platformës Netflix

Laporta për Yamalin: Ka personalitet të fortë si Messi, është i rrallë

Përfitimet e shumta të çajit japonez

Drita prezanton përforcimin e ri
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit