Sport

​Lufta e ashpër për Champions, ja edhe dy ndeshjet e mbetura për Leicesterin, Chelsean dhe Liverpoolin

Published

on

Edhe pse gjithçka ka përfunduar në Premier League sa i përket çështjes së titullit kampion që ka shkuar në duart me Manchester Cityt, ky kampionat vazhdon të jetë shumë interesant dhe kjo për shkak të luftës së ashpër që po zhvillohet ndërmjet skuadrave për të siguruar një vend që siguron pjesëmarrjen në Ligën e Kampionëve në sezonin e ardhshëm.

Leicester City, Chelsea dhe Liverpooli janë tri skuadra të cilat po luftojnë me të gjitha forcat për të siguruar marrjen pjesë në garën më prestigjose evropiane.

Në renditjen momentale, kur kanë mbetur edhe dy ndeshje deri në fund të këtij edicioni të Premierligës, Leicester City është në vendin e tretë me 66 pikë, Chelsea në vendin e katërt me 64 dhe Liverpooli ne të pestin me 63 pikë.

Pra gjithçka mbetet shumë e hapur sa i përket asaj se kush prej këtyre ekipeve do të jetë edicionin e ardhshëm në Ligën e Kampionëve andaj gjithçka do të vendoset në dy xhirot e fundit.

Leicester City ka një kalendar mjaftë të vështirë pasi do të ballafaqohet me Chelsean si rival direkt për këtë objektiv dhe pastaj ballafaqohet edhe me Tottenhamin ne ndeshjen e fundit, skuadër kjo e cila matematikisht ende ka gjasa që të sigurojë një vend që dërgon në Ligën e Kampionëve pasi momentalisht është në kuotën e 59 pikëve.

Edhe Chelsean e presin dy sfida mjaftë të vështira ku së pari luan ndaj Leicteser Cityt si vendas dhe më pas i shkon Aston Villas.

Një kalendar më i favorshëm së paku në letër duket për Liverpoolin. Skuadra e Jurgen Klopp ballafaqohet me Burnleyn si mysafir dhe pastaj në ndeshjen e fundit e pret në “Anfield Road” skuadrën e Crystal Palace.

Sport

Lëndohen dy yjet e Kosovës para ndeshjes kthyese me Islandën

Published

on

By

Kosova do të duhet të bëjë punë pa dy lojtarë shumë të rëndësishëm në ndeshjen kthyese të Ligës së Kombeve, kundër Islandës që zhvillohet të dielën.

Portieri Arijanet Muric dhe mesfushori Donat Rrudhani nuk do të udhëtojnë me Kombëtaren e Kosovës në Spanjë për ndeshjen e kthimit ndaj Islandës, për shkak të lëndimeve të pësuara në ndeshjen e mbrëmshme në stadiumin “Fadil Vokrri”, ka bërë të ditur Federata e Futbollit të Kosovës.

Pas ekzaminimeve mjekësore është konstatuar se dy lojtarët në fjalë, e kanë të pamundur të rikuperohen për ndeshjen e radhës.

Ndërkohë, ekipit iu ka bashkuar portieri i Dritës, Faton Maloku.

Dardanët udhëtojnë sot pasdite drejt Murcia, ku të dielën do të zhvillohet ndeshja Islandë-Kosovë.

Continue Reading

Sport

Shqipëria nis sonte rrugëtimin drejt Botërorit 2026

Published

on

By

Sot në mbrëmje, në stadiumin “Wembley” të Londrës, Kombëtarja e Anglisë do të presë Shqipërinë në ndeshjen hapëse të Grupit K për kualifikimet e Kupës së Botës 2026. Ky grup përfshin gjithashtu Serbinë, Letoninë dhe Andorrën.

Trajneri i Anglisë, Thomas Tuchel, ka përjashtuar nga lista e lojtarëve për këtë ndeshje mesfushorin Morgan Gibbs-White, mbrojtësin Jarrell Quansah dhe portierin Aaron Ramsdale, për të respektuar rregullin e UEFA-s që lejon vetëm 23 lojtarë në listën e ndeshjes.

Nga ana tjetër, Shqipëria, nën drejtimin e trajnerit Sylvinho, synon të bëjë një paraqitje dinjitoze kundër një kundërshtari të fortë si Anglia. Formacioni pritet të bazohet në një mbrojtje të fortë dhe kundërsulme të shpejta.

Kjo ndeshje ka një rëndësi të veçantë për të dyja skuadrat. Anglia synon të nisë fushatën kualifikuese me një fitore për të konsoliduar pozitat në grup, ndërsa Shqipëria kërkon të marrë pikë të vlefshme në një transfertë të vështirë, që do t’i jepte moral për ndeshjet e ardhshme.

Në përballjet e mëparshme mes dy ekipeve, Anglia ka dominuar, por Shqipëria ka treguar përmirësime të ndjeshme në vitet e fundit dhe shpreson të surprizojë në këtë takim.

Stadiumi “Wembley” pritet të jetë i mbushur me tifozë anglezë, por edhe një numër i konsiderueshëm tifozësh shqiptarë që jetojnë në Mbretërinë e Bashkuar.

Atmosfera pritet të jetë elektrizuese, duke i dhënë ndeshjes një dimension të veçantë.

Continue Reading

Sport

Notat e lojtarëve, ja kush ishte futbollisti më i mirë te Kosova

Published

on

Kosova e ka fituar përballjen e parë ndaj Islandës me rezultat 2-1 në kuadër të play-off-it në Ligën e Kombeve.

Dardanët e nisën ndeshjen duke sulmuar kundërshtarin dhe me këtë e krijuar një epërsi të hershme.

Lumbardh Dellova dhe Elvis Rexhbeçaj i shënuan golat në fitoren e Dardanëve, ndërsa folin e islandezëve e shënoi kapiteni, Orri Oskarsson.

Lojtari më i mirë i ndeshjes sipas SofaScore ishte portieri Arijanet Muric, i cili u vlerësua me notën 8.1.

Pas tij me paraqitje të lartë ishin dy qendërmbrojtësit Amir Rrahmani (7.7) dhe Lumbardh Dellova (7.7).

Vedat Muriqi (7.4), Leart Paqarada (7.3) dhe Elvis Rexhbeçaj (7.1) kishin po ashtu paraqitje shumë të mirë.

Te islandezët më i miri ishte Orri Oskarsson me notën 7.8, ndërsa Hakon Arnar Haraldsson ishte më i dobëti në fushë me notën 6.3.

Ndeshja kthyese mes Kosovës dhe Islandës do të zhvillohet të dielën në Murcia të Spanjës.

Continue Reading

Sport

Doncic vazhdon shkëlqimin, Lakers triumfojnë ndaj Denver Nuggets

Published

on

Është zhvilluar xhiro e radhës në elitën e basketbollit amerikan NBA, ku vëmendja ka qenë në Kaliforni. Los Angeles Lakers ka vazhduar me fitore, teksa ka mposhtur Denver Nuggets me 12 pikë diferencë 120:108.

Luka Doncic luajti ndeshjen e tij të 200-të me 30 ose më shumë pikë në NBA mbrëmë kundër Denverit.

Lakers fituan ndaj Denverit 120:108, ndërsa Doncic e mbylli ndeshjen me 31 pikë, 8 kërcime dhe 7 asistime.

Austin Reaves gjithashtu pati paraqitje shumë të mirë duke e mbyllur ndeshjen me 22 pikë, pesë kërcime e tetë asistime.

Në shtatë sezonet e mëparshme e gjysmë në një fanellë të Dallasit, ai shënoi 30 ose më shumë pikë 192 herë, dhe kjo ishte ndeshja e tij e tetë e tillë nga 16 përpjekjet me një fanellë të Lakers.

 

Continue Reading

Të kërkuara