Sport

Vijnë lajme të reja, Real Madridi po bëhet me trajner të ri

Published

5 years ago

May 17, 2021

Betim Gashi

Ish-trajneri i Juventusit, Massimiliano Allegri thuhet se u takua me drejtuesit e Real Madridit dhe dëshiron të pasojë Zinedine Zidanin në “Santiago Bernabeu”

Allegri ka qenë i lidhur me një kthim në Serie A në muajt e fundit, me disa klube të përmendura si destinacione të mundshme për ish-trajnerin e “Bianconerëve”.

Trajneri u përmend gjithashtu si një kandidat për punën në stolin e Paris Saint-Germain para se Mauricio Pochettino të punësohej si pasardhës i Thomas Tuchel. Por Fabrizio Romano pretendon se Allegri e dëshiron punën e Real Madridit dhe ka qenë në kontakte të drejtpërdrejta me gjigandët spanjollë që nga marsi.

Trajneri i Madridit Zidane thuhet se informoi lojtarët e tij se do të largohet pas përfundimit të sezonit aktual, por më vonë doli dhe i mohoi thashethemet.

Raporti nga Romano zbulon se Allegri dëshiron punën në “Santiago Bernabeu” dhe është i gatshëm të pranojë një ofertë të mundshme nga kryeqyteti spanjoll.

Ish-trajneri i Juventusit ishte lidhur gjithashtu me një kthim në “Allianz Stadium” në muajt e fundit, por raporti i fundit nga “Tuttosport” nxjerr në pah trajnerin e Napolit, Gennaro Gattuso, si një zëvendësues të mundshëm të Andrea Pirlos.

Related Topics:Real Madrid Zinedine Zidane

Up Next

Lufta e ashpër për Champions, ja edhe dy ndeshjet e mbetura për Leicesterin, Chelsean dhe Liverpoolin

Don't Miss

Klopp për golin e Alisson: E kemi shikuar dhjetë herë në zhevshtore

Sport

Eshref Beqiri delegat në gjysmëfinalen e Kupës Evropiane në hendboll

Published

9 hours ago

April 27, 2026

UBTNews

Anëtari i Federatës të Hendbollit të Kosovës, Eshref Beqiri, ka përfaqësuar sërish Kosovën në arenën ndërkombëtare, duke shërbyer si delegat i Federata Evropiane e Hendbollit në një ndeshje të rëndësishme evropiane të zhvilluar në fundjavë.

Beqiri ishte i angazhuar në mbarëvajtjen e takimit të parë gjysmëfinal të EHF European Cup për hendbollistë, ku u përballën skuadra sllovene RK Celje Pivovarna Laško dhe ekipi nga Maqedonia e Veriut, GRK Ohrid.

Ndeshja u zhvillua në Celje të Sllovenisë dhe përfundoi me fitoren e skuadrës vendase 27:26, duke lënë gjithçka të hapur për takimin e kthimit që do të luhet më 2 maj në Ohër.

Eshref Beqiri vazhdon të jetë i besuar nga Federata Evropiane e Hendbollit, duke u deleguar rregullisht në ndeshje të rëndësishme të garave evropiane gjatë këtij edicioni, çka vlerësohet si një konfirmim i punës së tij profesionale në këtë rol.

Sport

Sonte ndeshje finale në volejboll

Published

9 hours ago

April 27, 2026

UBTNews

Në Pallatin e Sporteve “Bill Clinton” në Ferizaj, sonte zhvillohen ndeshje shumë të rëndësishme finale në kuadër të Raiffeisen Superliga e Kosovës në volejboll.

Në konkurrencën e femrave, nga ora 20:30 luhet finalja e dytë e serisë për titullin e kampionit, ku përballen KVF Ferizaj dhe KV Fer Volley. Ky duel pritet të jetë vendimtar në garën për titull, pas ndeshjes së parë mes këtyre dy skuadrave rivale.

Ndërkohë, në konkurrencën e meshkujve, sonte nis seria e finaleve, ku në aktin e parë përballen dy skuadra nga i njëjti qytet, KV Ferizaj dhe KV Luboteni. Ndeshja fillon nga ora 18:00 dhe pritet të sjellë një rivalitet të fortë lokal.

Të dyja përballjet pritet të ofrojnë spektakël dhe interesim të madh nga tifozët, duke qenë se bëhet fjalë për ndeshje vendimtare në garën për titujt kampionë.

Sport

Kristian Prenga përballet me Anthony Joshua në Riad, para sfidës së madhe me Fury

Published

10 hours ago

April 27, 2026

UBTNews

Boksieri shqiptar Kristian Prenga do të përballet me një nga emrat më të mëdhenj të boksit profesionist, Anthony Joshua, në një duel që pritet të zhvillohet më 25 korrik në Riad të Arabisë Saudite.

Vetë Joshua ka konfirmuar rikthimin në ring për këtë përballje, e cila do të shërbejë si një test i rëndësishëm përpara sfidës së madhe që e pret më vonë gjatë vitit. Për Prengën, kjo është një mundësi e artë për t’u përballur me një kampion të njohur botëror dhe për të bërë hap të madh në karrierë.

Ndërkohë, vëmendja e botës së boksit është e përqendruar edhe te superndeshja e shumëpritur mes Joshua dhe Tyson Fury. Pas vitesh spekulimesh, dy rivalët kanë arritur marrëveshje për t’u përballur, duke e bërë këtë një nga duelet më të mëdha të kohëve të fundit.

Para kësaj përballjeje, Joshua synon të rikthehet në formë optimale pikërisht përmes meçit ndaj Prengës. Në anën tjetër, Fury tashmë është rikthyer në ring, duke fituar me pikë ndaj Arslanbek Makhmudov pas një pauze të gjatë prej 16 muajsh.

Nëse gjithçka shkon sipas planit dhe Joshua kalon me sukses sfidën e korrikut, përballja e madhe me Fury pritet të zhvillohet në nëntor, me shumë gjasa në Wembley Stadium, ndërsa interesimi global për këtë duel pritet të jetë jashtëzakonisht i madh.

Sport

Asllani shënon, Hajdari asiston në fitoren e Hoffenheimit ndaj Hamburgut

Published

11 hours ago

April 27, 2026

UBTNews

TSG Hoffenheim ka shënuar fitore të rëndësishme në udhëtim ndaj Hamburger SV me rezultat 2:1, në një ndeshje ku futbollistët shqiptarë patën rol vendimtar.

Golin e parë për Hoffenheimin e realizoi Tim Lemperle në minutat shtesë të pjesës së parë, pas një asistimi të saktë nga Albian Hajdari, i cili u dallua me paraqitje shumë të mirë gjatë gjithë takimit.

Në pjesën e dytë, në minutën e 64-të, ishte Fisnik Asllani ai që vulosi fitoren, duke shënuar golin e dytë për mysafirët dhe duke qenë një nga figurat kryesore të ndeshjes.

Paraqitja e dy futbollistëve shqiptarë ishte vendimtare për këtë sukses, me Hajdarin që kontribuoi me asist dhe Asllanin që gjeti rrugën e rrjetës, duke konfirmuar formën e mirë dhe rëndësinë e tyre në skuadër.

Hamburger SV arriti të shënojë një gol, por nuk ishte i mjaftueshëm për të shmangur humbjen ndaj një Hoffenheimi më efikas.