Lajmet

​Limaj: Enveri Hoxhaj veç në filmat e Rambos e ka parë çfarë është shpirti luftarak

Published

on

Kryetari i Nismës Socialdemokrate, Fatmir Limaj ka bërë thirrje që mos të votohet kandidati i PDK-së për kryeministër, Enver Hoxhaj. Ai gjatë një takimi me të rinjtë e Malishevës, është treguar i ashpër me Hoxhajn duke e quajtur “çun”, i cili nuk e dinë çka është shpirti luftarak i Ushtrisë Çlirimtare të Kosovës.

Limaj duke u shprehur i vendosur se Nisma e do të jetë në Kuvendin e Kosovës, tha se partia e tij do të përfaqësojë çlirimtarët në legjislativ.

“A e dini cili është dallimi im me Enverin. Ai kurgjo s’ka ndërtuar, krejt i ka marrë të gatshme. Dallimi është se ky senet e mëdha i bënë të vogëla, e unë i nisi të vogla i bëj të mëdha. Enveri është mësu gjithë me i pas të gatshëm. E kemi pa edhe partinë e ka marrë të gatshme, kemi me pa ku e ka çu. Ku është shku i ka zvogëlu. Dallimi është se unë gjithmonë e kam nis duke ndërtu, zhvillu dhe kam rritë. Dallim tjetër është se ai kurrë një betejë në jetën e vet nuk ka zhvillu, as në jetën politike, ai nuk e dinë çka është se për ketë tjetrën s’po flas ju e dinë më mirë. Mos ia shihni për të madhe se nuk dinë, ai niset prej veti. Enveri veç në filmat e Rambos e ka pa çfarë është shpirti luftarak. Enveri nuk e dinë çka është përballja me jetën a vdekjen, atë e ka parë vetëm në televizion. Dallim i madh është. I dashur Enver dallimi ndërmjet meje e teje është se unë jam kanë në mesin e popullit e ju keni qenë vetëm në mesin e spektatorëve, unë kam një apel për gjithë bashkëluftëtarët anë e kënd Kosovës, familjet patriotike mos e votoni Enver Hoxhajn. Po tregoj pse, sepse në kohën kur unë së bashku me bashkëluftëtarët luftonin për çlirimin e Kosovës, Enver Hoxhaj deklaronte se do të kërkoj azil politik në Beograd nëse UÇK-ja fitonte luftën. Prandaj ju ftoj të gjithë e të mos votojnë këtë njeri”, tha ai.

Lideri i Nismës adresoi kritika edhe për kandidatin e Lëvizjes Vetëvendosje për kryeministër, Albin Kurti.

“51 ditë e ka shti në burg Malishevën me atë karantiminim në ditën e parë. 51 ditë as një vizitë nuk kanë ardh me vizitu Malishevën kur ka qenë më keq, kur njerëzit tanë nga panika as telefonin nuk e kanë qel për 51 ditë, tash kam ndi që Albini po vjen në fshatra dhe oda të Malishevës. Ku ishe në kohën kur Malisheva kishte nevojë për ty”, tha ai.

Ndërkohë tha se çdo çlirimtar do të jetë i përfaqësuar në Kuvend përmes Nismës.

“Çdo djalë-vajzë që e ndien vetën krenar për lirinë e Kosovës, sakrificën e Kosovës sot është çlirimtar dhe po rreshtohen me çlirimtarët për të qenë në Kuvendin e Kosovës”, tha ai.

Derisa pati një porosi edhe për ish-bashkëpunëtorin e tij në Nisma, Haxhi Shalën.

“Çka me thënë për Haxhin, çka kish thanë Enveri, i ka bërë projektet tjetër kush. O Haxhi, unë ty t’kam bërë e lëri projektet”, tha ai.

Pjesë e këtij takimi të Nismës me të rinjtë e Malishëvës ishin edhe kandidatët për deputetë të kësaj partie, të cilët kërkuan votën e malishevasëve.

Aktualitet

Irani ka lëshuar mbi 100 dronë drejt Izraelit

Published

on

Një zëdhënës i ushtrisë izraelite tha se Irani ka lëshuar më shumë se 100 dronë drejt Izraelit gjatë orëve të fundit, pasi vendi premtoi hakmarrje për sulmet izraelite.

Zëdhënësi tha se 200 aeroplanë luftarakë izraelitë morën pjesë në sulmet kundër më shumë se 100 objektivave në Iran gjatë natës.

Sipas reuters, ai tha se Izraelin e presin “disa orë të vështira”. Sirena ajrore ranë paraprakisht në Izrael, ndërsa vendi u përgatit për hakmarrjen.

Në reagim të menjëhershëm pas sulmit, udhëheqësi suprem i Iranit tha se Izraeli “duhet të presë një ndëshkim të ashpër”.

“Regjimi sionist i ka sjellë vetes një fat të hidhur dhe të dhimbshëm, dhe me siguri do të përballet me të”, u shpreh ai.

Ndryshe, Izraeli ka nisur një fushatë të paprecedentë sulmesh ajrore mbi territorin iranian, në një operacion të koduar “Luanin që Ngrihet” (Operation Rising Lion), duke goditur objektiva strategjike që përfshijnë uzina bërthamore, baza ushtarake dhe ndërtesa të lidhura me Gardën Revolucionare Iraniane.

Continue Reading

Lajmet

Vijon gjykimi për rastin “Banjska”, dëshmojnë dy zyrtarë policorë

Published

on

By

Po mbahet seanca gjyqësore në rastin “Banjska”, ku sot pritet të dëgjohen dëshmitë e dy zyrtarëve policorë, Fahri Shala dhe Sedat Dushi.

Të akuzuarit Dushan Maksimoviq, Blagoje Spasojeviq dhe Vladimir Toliq, të cilët ndodhen në masë paraburgimi, u sollën në seancë nën masa të rrepta sigurie.

Më 11 shtator 2023, kryeprokurori i Prokurorisë Speciale të Kosovës, Blerim Isufaj, kishte konfirmuar aktakuzën për këtë rast, në të cilin mbeti i vrarë rreshteri i Policisë së Kosovës, Afrim Bunjaku.

Deri më tani, në këtë proces gjyqësor kanë dëshmuar edhe zyrtarët policorë Avni Shala, Elez Peci, Mirsad Kryeziu, Çlirim Shaqiri dhe Alban Rashiti.

Continue Reading

Lajmet

Presidentja Osmani pritet në takim nga Perandori i Japonisë

Published

on

By

Presidentja e Republikës së Kosovës, Vjosa Osmani, është takuar me Lartmadhërinë e Tij, Perandorin e Japonisë, gjatë vizitës së saj zyrtare në Tokio.

Në këtë takim, Presidentja Osmani theksoi lidhjet e veçanta dhe miqësinë e qëndrueshme mes Kosovës dhe Japonisë, të ndërtuara mbi vlerat e përbashkëta, respektin dhe besimin e ndërsjellë.

Ajo shprehu mirënjohjen e popullit të Kosovës për mbështetjen e vazhdueshme që Japonia ka dhënë ndër vite, si dhe falënderoi Perandorin për mikpritjen.

Në fund të takimit, Presidentja uroi popullin japonez për mirëqenie, shëndet dhe zhvillim të mëtejshëm.

Continue Reading

Lajmet

Vazhdon edhe sot seanca për “Banjskën”

Published

on

By

Në Gjykatën Themelore në Prishtinë, edhe sot do të vazhdojë seanca për rastin “Banjska”, ku pritet dëshmia e dy zyrtarëve policorë.

Deri më tani kanë dëshmuar policët Avni Shala, Elez Peci, Mirsad Kryeziu, Çlirim Shaqiri dhe Alban Rashiti.

Ndërsa tashmë të arrestuar dhe nën masën e paraburgimit për këtë rast janë: Blagoje Spasojeviq, Vladimir Toliq dhe Dushan Maksimoviq.

Continue Reading

Të kërkuara