Aktualitet

​Largimi i konstruksioneve në Pallat të Rinisë, një nga afaristët paralajmëron padi

Aksioni i Inspeksionit të Komunës së Prishtinës u mbështet nga Policia e Kosovës.

Published

3 years ago

on

Inspeksioni i Komunës së Prishtinës mëngjesin e sotëm ka zhvilluar një aksion në Pallatin e Rinisë për largimin e disa konstruksioneve të vendosura pa leje. Kjo ka nxitur reagimin afaristit Naim Tërnava, i cili ka paralajmëruar edhe padi.

Kryetari i komunës së Prishtinës, Përparim Rama tha se sot po lirojnë hapësirat e uzurpuara në Pallat me qëllim që ky objekt të kthehet në gjendjen origjinale.

Rama tha se janë në proces të planit të rigjenerimit për gjithë Pallatin e Rinisë.

“Kemi një intervenim këtu, çlirimin e hapësirave të cilat kanë qenë të uzurpuara në Pallat të Rinisë dhe kthimin e Pallatit të Rinisë në gjendje origjinale. Siç e dini, Pallati i Rinisë është ikonë arkitektonike e Prishtinës është e mbrojtur me ligj dhe kemi filluar që ta pastrojmë prej këtyre elementeve shtesë në periudha kohore tash e pas luftës. Kemi filluar sot me këtë dhe do ta vazhdojmë pastrimin e gjitha këtyre intervenimeve që nuk janë të mira që janë të jashtëligjshme dhe i bëjnë dëm brendit të Pallatit të Rinisë. Këto janë iniciativat fillestare për kthimin e kësaj ikone në gjendjen e mëparshme”, theksoi ai.

Këtë vendim e ka kundërshtuar ish qiramarrësi dhe pronari i lokalit “Bly Sky”, Naim Tërnava i cili tha se veprimet e sotme janë të jashtëligjshme dhe se nuk kanë pranuar asnjë vendim për aksionin e sotëm.

Derisa paralajmëroi padi për Ramën dhe të tjerët, Tërnava hodhi akuza karshi drejtorit të Pallatit të Rinisë, Ilir Dugollit, për të cilin tha se e ka kriminalizuar këtë objekt.

“Siguromani vendimin, na takon një vendim që e keni marrë që keni ardhur për të ndërhyrë. Këtu ka tulla me bllok për ndërhyrje pse nuk i keni ndërmarrë, këtu ka pllaka, këtu ke beton e kulme. Asnjë vendim nuk na është ofruar prej anës së komunës apo Pallatit të Rinisë pa vendim keni ardhur, është e jashtëligjshme dhe për këtë nuk paskeni qenë të informuar. As nuk është uzurpim, është me kërkesë, është me një vendim të drejtorit, është paguar mbi 1 milionë euro qira dhe investime këtu dhe pagesa e shtetit tatim, mbi 15 punëtorë kanë qenë. Ju thatë se është uzurpuar, iu ftoj të kërkoni falje se nuk jemi uzurpatorë dhe nuk kemi qenë asnjëherë, kemi qenë tatimpagues. Të kanë keqinformuar më së pari drejtoi i Pallatit, i cili e ka kriminalizu Pallatin e Rinisë, e ka keqpërdorë Pallatin e Rinisë i cili miliona i ka shkaktuar dëm Pallatit të Rinisë, 2 milionë i ka shkaktim vetëm prej djegies dhe na këtu kemi pas shumë sfida prej keqmenaxhimit të keq që e ka bërë drejtori i pallatit, shihemi në Gjykatë“, u shpreh Tërnava.

E karshi këtyre akuzave, kryetari i Prishtinës, Përparim Rama tha se për këtë aksion kanë përcjell të gjitha procedurat ligjore, kurse paralajmërimi për padi u shpreh se është i mirëseardhur.

“Ne i kemi përcjell të gjitha procedurat ligjore kjo faktikisht është hapësirë që nuk është dashur kurrë me u ndërtua në të. Pra çdo gjë është në aspektin ligjor dhe procedura ligjore, kështu që për atë arsye nuk ka ndodh dhe po ndodh tani. Është e mirëseardhur është vend demokratik ka të drejta me bë atë punë dhe mundet por ne iu kemi qasur kësaj pune në mënyrë ligjore”, u shpreh ai.

Kurse, drejtori i Inspeksionit të Prishtinës, Florian Dushi thase kërkesa është që këto hapësira të kthehen në pamjen origjinale.

Ai ka paralajmëruar edhe intervenime të tjera kudo rreth konstruksioneve të jashtëligjshme të Pallatit të Rinisë.

Kryeshefi ekzekutiv i Pallatit të Rinisë, Ilir Dugolli shprehu keqardhjen për mllefosjen që ka ndodhur siç u shpreh ai, duke potencuar se intervenimet e tilla ndër vite e kanë deformuar këtë strukturë.

Ai tha se do të bëjnë të pamundurën për ta rikthyer Pallatin e Rinisë në pozicionin siç ka qenë.

“Ka që 6 muaj që nuk është më afarist i Pallatit të Rinisë kemi pritur vendimet e Gjykatës që të përfundojnë dhe në bazë të tyre të procedojmë. Pallati i Rinisë pikërisht duke u bazuar në disa veprime të gabuara që në të kaluarën kanë ndodhur është deformuar në tërësi edhe kuptimi i Pallatit të Rinisë, prandaj së bashku me Inspeksionin dhe institucionet përkatëse do ta bëjmë të pamundurën që ta rikthejmë në pozicionin siç ka qenë. Pallati i Rinisë në këtë formë siç ka qenë deri më tani është i shëmtuar”, u shpreh Dugolli.

Aksioni i Inspeksionit të Komunës së Prishtinës u mbështet nga Policia e Kosovës.

Related Topics:
Continue Reading

Bota

WhatsApp thotë se dhjetëra përdorues ishin cak i softuerit izraelit të spiunimit

Published

2 days ago

on

January 31, 2025

By

Softueri i spiunimit i Izraelit, Paragon, i ka shënjëstruar dhjetëra përdorues të WhatsApp-it, përfshirë gazetarë dhe pjesëtarë të shoqërisë civile, tha të premten një zyrtar i aplikacionit të Meta-s.

Zyrtari tha për agjencinë e lajmeve Reuters se WhatsApp ia ka dërguar Paragonit një letër duke i kërkuar të ndalojë, pas përpjekjes për hakim.

WhatsApp tha në një komunikatë se kompania “do të vazhdojë ta mbrojë mundësinë e njerëzve për të komunikuar privatisht”.

Paragoni nuk ka dashur të komentojë.

Zyrtari i WhatsApp-it shtoi për Reuters se Paragoni u përpoq t’i hakojë rreth 90 përdorues të kësaj platforme.

Ai nuk tregoi se kush në veçanti ishte në shënjestër dhe nga cilat vende vinin, duke theksuar se cak i hakimit ishte një numër i paspecifikuar i figurave mediatike dhe shoqërisë civile.

Zyrtari theksoi se WhatsApp e “ndali” tentimin për hakimin e përdoruesve të tij.

Ai nuk pranoi të komentojë se si WhatsApp e kuptoi se Paragoni është përgjegjës për hakimin. Ai shtoi se institucionet ligjore dhe “partnerët industrialë” janë njoftuar për hakimin, pa dhënë më shumë hollësi./REL/

Continue Reading

Bota

Spanja, e fundit në listën e NATO-s për shpenzimet e mbrojtjes

Published

2 days ago

on

January 31, 2025

By

Gjatë vizitës në Spanjë këtë javë, sekretari i përgjithshëm i NATO-s u bëri thirrje vendeve anëtare të rrisin shpenzimet për ushtrinë përballë kërcënimit nga Rusia. Spanja shpenzon më pak për mbrojtjen në krahasim me madhësinë e ekonomisë së saj. Presidenti amerikan Donald Trump, ka veçuar Madridin për dështimin për të përmbushur objektivin e NATO-s për shpenzimet e mbrojtjes.

Spanja është ekonomia e katërt më e madhe e eurozonës. Megjithatë, vendi është në fund të listës kur bëhet fjalë për shpenzimet e mbrojtjes në aleancën 32 anëtarëshe të NATO-s, shkruan VOA.

Madridi shpenzoi rreth 21.3 miliardë dollarë për mbrojtjen vitin e kaluar, apo 1.28% të Prodhimit të saj të Brendshëm Bruto, pavarësisht zotimit që NATO ka bërë më 2014 për të shpenzuar të paktën 2%.

Sekretari i Përgjithshëm i NATO-s Mark Rutte vizitoi Spanjën dhe Portugalinë këtë javë dhe bëri këtë paralajmërim.

“Qëllimi për të shpenzuar 2% të Prodhimit të Brendshëm Bruto për mbrojtjen, i miratuar para një dekade, nuk do të mjaftojë për të përballuar sfidat e së nesërmes. Kërcënimi nga Rusia mund të duket i largët, por ju siguroj se nuk është”, tha zoti Rutte.

Kryeministri i Spanjës Pedro Sanchez tha se Spanja është e përkushtuar për të arritur objektivin prej 2% deri në vitin 2029. Ai tha se shpenzimet për mbrojtjen ishin rritur me 70% gjatë dekadës së fundit. Kryeministri Sanchez shtoi se Madridi, në përgjithësi, ishte kontribuesi i 10-të më i madh i NATO-s.

Trupat spanjolle gjithashtu ndihmojnë për të trajnuar forcat ukrainase ndërsa Kievi lufton kundër agresionit rus.

Megjithatë, kjo nuk ka gjasa t’i duket e mjaftueshme kontribuesit më të madh të NATO-s, Shteteve të Bashkuara, që më 2024 shpenzuan 3.38 për qind të Prodhimit të Brendshëm Bruto për mbrojtjen.

Presidenti Trump e cilësoi kontributin e Spanjës në NATO si “shumë të ulët”. Ai gjithashtu kërkoi rritjen e objektivit të shpenzimeve për mbrojtjen.

“Do t’u kërkoj të gjitha vendeve të NATO-s që të rrisin shpenzimet e mbrojtjes në 5% të Prodhimit të Brendshëm Bruto, një qëllim që duhej të ishte arritur vite më parë”, tha Presidenti Trump.

Ai është ankuar prej kohësh se aleatët evropianë po përfitojnë nga Shtetet e Bashkuara dhe thotë se ata duhet të marrin një pjesë të barrës së shpenzimeve për mbrojtjen.

Megjithatë, analisti Pere Ortega thotë se objektivi prej 5% është jorealist për Spanjën.

“Kjo do të thotë se Spanja të shpenzojë pothuajse 65 miliardë euro. Ne nuk e kemi atë kapacitet ekonomik. Për të arritur këtë shpenzim në mbrojtje, në një farë mënyre, do të duhej të sakrifikohej sfera e sigurimeve shoqërore. Spanjollët do ta ndëshkonin këtë me votën e tyre gjatë zgjedhjeve”, thotë zoti Ortega nga Qendra ‘Delàs’ për Studime të Paqes, me bazë në Madrid.

Presidenti Trump, megjithatë ka gjetur mbështetjeje nga Lituania e cila njoftoi këtë muaj se do të rrisë shpenzimet e mbrojtjes në 5 ose 6% të PBB-së, deri në vitin 2026.

“Ne po përshtatemi me planin e mbrojtjes të NATO-s, që është me rëndësi jetësore për rajonin tonë”, tha ministrja lituaneze e mbrojtjes, Dovilė Šakalienė.

Në takimin e tij të parë të NATO-s si President i Shteteve të Bashkuara, në vitin 2017, Donald Trump qortoi aleatët se kanë dështuar të shpenzojnë mjaftueshëm për mbrojtjen.

Aleatët evropianë, veçanërisht Spanja, janë të përgatitur të përballen me kërkesa të mëtejshme në takimin e ardhshëm të udhëheqësve të vendeve anëtare, që do të mbahet në Hagë, në muajin qershor.

Continue Reading

Bota

Bethoven, Da Vinçi dhe Kyri’ në kartëmonedhat e reja euro

Published

2 days ago

on

January 31, 2025

By

Banka Qendrore Evropiane (BQE) ka zbuluar një përzgjedhje paraprake të dizajneve për kartëmonedhat e reja të euros që pritet të lëshohen në të ardhmen, duke përfshirë figura të njohura të historisë dhe kulturës evropiane, si Ludvig van Beethoven, Mari Kyri dhe Leonardo da Vinci.

Sipas presidentes së BQE-së, Christine Lagarde, këto kartëmonedha do të reflektojnë identitetin e përbashkët evropian dhe diversitetin që e bën Evropën të fortë. “Kultura evropiane feston hapësirat e përbashkëta kulturore që kanë formësuar identitetin evropian gjatë shekujve dhe ‘personalitetet ikonike evropiane'”, tha Lagarde gjatë një njoftimi nga selia e BQE-së në Frankfurt.

Dizajni i kartëmonedhave përfshin figura të njohura si laureatja e çmimit Nobel, Mari Kyri, kompozitori gjerman Ludvig van Beethoven dhe artisti italian Leonardo da Vinci, duke nderuar kështu trashëgiminë kulturore të kontinentit. Në anën e pasme të kartëmonedhave, mund të shfaqen elemente që lidhen me kulturën dhe arsimin, si një bibliotekë ose universitet.

Një tjetër grup dizajnesh do të përqendrohet te “Lumenjtë dhe zogjtë”, duke simbolizuar qëndrueshmërinë dhe diversitetin e ekosistemeve natyrore të Evropës. Ky dizajn mund të përfshijë imazhe të institucioneve evropiane, si Parlamenti Evropian ose Komisioni Evropian, si një mënyrë për të theksuar angazhimin e Evropës për ruajtjen e mjedisit dhe pasurimin e trashëgimisë kulturore.

“Ne jemi të emocionuar të prezantojmë këto motive që pasqyrojnë angazhimin tonë ndaj Evropës dhe festojnë trashëgiminë e saj kulturore dhe natyrore”, tha Lagarde, duke theksuar rëndësinë e këtyre kartëmonedhave si një simbol të unitetit dhe identitetit evropian./UBTNews/

Continue Reading

Bota

Inflacioni francez mbetet i qëndrueshëm, BQE ul normat e interesit

Published

2 days ago

on

January 31, 2025

By

Inflacioni në Francë është rritur me një ritëm të qëndrueshëm në fillim të vitit, duke qëndruar në 1.8% në janar, i njëjti nivel si në dhjetor. Kjo shifër mbetet nën objektivin 2% të Bankës Qendrore Evropiane (BQE), duke ofruar mundësinë që BQE të ulë normat e interesit në muajt në vijim për të stimuluar më tej rritjen ekonomike.

Këto të dhëna janë publikuar vetëm një ditë pas vendimit të BQE-së për të ulur normën bazë të interesit me 25 pikë bazë, një masë që synon lehtësimin e kushteve të financimit dhe nxitjen e aktivitetit ekonomik në eurozonë.

Presidentja e BQE-së, Christine Lagarde, komentoi këtë ulje të normës, duke theksuar se inflacioni po ngadalësohet në përputhje me pritshmëritë, por paralajmëroi se ekonomia evropiane ende përballet me disa sfida, përfshirë besimin e dobët të konsumatorëve dhe pasigurinë që shkaktojnë tarifat e mundshme nga administrata amerikane. Ajo shtoi se, megjithë ngadalësimin e inflacionit, rritja ekonomike mbetet e ngadaltë.

Indeksi i çmimeve të konsumit (CPI) i Francës u rrit me 1.4% në janar krahasuar me të njëjtën periudhë të vitit të kaluar, pas një rritjeje prej 1.3% në dhjetor. Në baza mujore, CPI ra me 0.1%, kryesisht për shkak të uljes së çmimeve të veshjeve dimërore, këpucëve dhe transportit. Nga ana tjetër, çmimet e energjisë, ushqimeve, duhanit dhe produkteve të sigurimit kanë pasur rritje.

Edhe pse të dhënat e inflacionit janë relativisht të qëndrueshme, qeveria franceze po përballet me një krizë buxhetore. Për të adresuar deficitin e lartë, kryeministri François Bayrou ka propozuar një projekt-ligj të ri për financat publike. Megjithatë, ai përballet me sfida politike, pasi Asambleja Kombëtare do të zhvillojë një votë mosbesimi ndaj tij javën e ardhshme.

Tregjet dhe analistët do të kenë sytë te Gjermania, e cila pritet të publikojë të dhënat e saj të inflacionit më vonë këtë javë, që mund të ofrojnë një pamje më të gjerë të situatës ekonomike në eurozonë./UBTNews/

 

Continue Reading

Të kërkuara