Sport

Laporta për rikthimin e Messit: Po, por jo me shifra të çmendura

Ata nuk po brengosen për oferta e mëdha që mund të vijnë nga arabët e Al Hilal, sipas tij.

Published

3 years ago

May 15, 2023

UBT news

Presidenti i Barcelonës, Joao Laporta tani më nuk po e fsheh faktin se është duke u angazhuar direkt për rikthimin e Lionel Messit në “Camp Nou”.

Pas shpalljes së Barcelonës si kampione e Spanjës, Laporta ka thënë se klubi do të investoj në afatin kalimtar të verës për t’i përforcuar radhët, ndërsa në këtë plan është edhe rikthimi i yllit argjentinas.

Ai ka bërë të ditur se është në kontaktte të vazhdueshme me Messin dhe se nuk po brengosen për oferta e mëdha që mund të vijnë nga arabët e Al Hilal.

“Kam folur me Leo Messin dhe e kemi rikuperuar marrëdhënien duke shkëmbyer disa mesazhe, ishte mirë. Oferta e Al Hilal? Barça është Barça. Ky klub mund të konkurrojë me të gjithë. Në Arabi ata po bëjnë një punë të mirë dhe po investojnë, por unë insistoj, Barça është shtëpia e tij”, ka thënë Laporta.

Tutje ai ka thënë se kthimi i Messit në “Camp Nou” mund të konkretizohet, por jo me shifrat të çmendura.

“Ne duam të kthehet Leo Messi, ne mund ta bëjmë këtë, por nuk mund të ofrojmë shifra të çmendura; kështu që shpresojmë që La Liga të miratojë planin tonë të qëndrueshmërisë për të vazhduar me nënshkrime të reja”, ka sqaruar Laporta.

Vendi

Akil Gjakova mbyll garën pa medalje në Abu Dhabi

Published

3 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

4 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

6 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/