Lajmet

​Kuvendi emëron Komisionin për Mbrojtjen e Konkurrencës

Pro emërimit të këtij komisioni votuan vetëm deputetët e mazhorancës.

Published

on

Kuvendi i Kosovës ka emëruar Komisionin për Mbrojtjen e Konkurrencës, që i hap rrugë funksionalizimit të Autoritetit të Konkurrencës. Pro emërimit të këtij komisioni votuan vetëm deputetët e mazhorancës, ndërsa partitë opozitare u përmbajtën nga votimi.

Duke paraqitur këtë komision, kryeministri i Kosovës, Albin Kurti, tha se kanë bërë përpjekje që Kuvendit t’i propozojnë kandidatët e përgatitur profesionalisht, me integritet moral, mirëpo edhe me më shumë gra të përfshira në pozita vendimmarrëse.

“Autoriteti i Konkurrencës është institucion publik shumë i rëndësishëm për të mbrojtur konkurrencën e lirë dhe efektive në vend. Një institucion i cili ka qëllim të mbrojë konkurrencën si një e mirë publike e që i shërben të mirës së përgjithshëm. Andaj duke marrë parasysh rëndësinë e këtij autoriteti, ne si Qeveri kemi bërë përpjeke që Kuvendit t’i propozojmë kandidatë të përgatitur profesionalisht dhe integritet moral për Komisionin e Mbrojtjes së konkurrencës. Disa funksione të larta shtetërore kërkojnë dije dhe vendosmëri, por gjithsesi edhe më shumë gra të përfshira në pozita vendimmarrëse”, tha ai.

Vërejtje për emrat e propozuar nga Qeveria, paraqiti deputetja e LDK-së, Valentina Bunjaku.

“Qytetarët e Kosovës janë dëmtuar më shumë se 1 vit në mungesë të Autoritetit të Konkurrencës dhe tani nuk është arsyetim vetëm pse janë gra dhe patjetër duhet. Ne kemi vërejte në procedurë dhe emrat e propozuar. Prandaj ne si LDK dhe GP nuk do të marrim pjesë në votim”, theksoi ajo.

Kritika paraqiti edhe shefi i Grupit Parlamentar të AAK-së, Besnik Tahiri, i cili pati edhe një epitet për Qeverinë Kurti.

“Është Qeveria që do të jetë në histori, si qeveria më e ngadalshme dhe më e dobët në marrjen e vendimeve për gjithçka. Autoriteti i Konkurrencës është jo funksional qysh prej 9 qershorit të vitit të kaluar dhe ky kryeministër nuk ka mundur të sjell 5 emra për me bërë një komision që me zgjedh një trup që është e rëndësishme për ekonominë e vendit”, tha ai.

Lidhur me vonesat për emërimin e këtij komisioni u pajtua edhe shefja e Grupit Parlamentar të LVV-së, Mimoza Kusari-Lila, mirëpo tha se emrat e propozuar nuk ofrojnë asnjë hapësirë për ta vënë në dyshim kredibilitetin dhe performancën e këtij autoriteti në të ardhmen.

“Pajtohem se vonesa është evidente, mirëpo emrat që i kemi përpara nuk ofrojnë hapësirë që ne të vëmë në dyshim kredibilitetin, performancën apo të ardhmen e këtij autoriteti”, tha ai.

Komisionin për Mbrojtjen e Konkurrencës e përbëjnë katër gra dhe një burrë. Kryesuese e Komisionit është Neime Binaku-Isufi, zëvendëskryetare, Kaltrina Sela, ndërsa Violeta Blakaj – Spaçi, Nafije Osdautaj dhe Besim Stublla janë anëtarë.

Bota

Komisionerja Marta Kos: Hyrja në BE, receta për pajtim në Ballkanin Perëndimor

Published

on

Komisionerja për Zgjerim e Bashkimit Evropian, Marta Kos, shprehu besimin se integrimi i Ballkanit Perëndimor në Bashkimin Evropian (BE) mund të shërbejë si një mënyrë për të arritur pajtimin në rajon. Gjatë një konference në Gorizia të Italisë dhe Nova Goricë të Sllovenisë, Kos theksoi se ëndrra e saj është që të gjithë vendet e Ballkanit Perëndimor të bëhen pjesë e BE-së, duke zhdukur kufijtë dhe konfliktet dypalëshe, ashtu siç ka ndodhur në pjesë të tjera të Evropës.

Ajo shprehu zhgënjimin për potencialin e parealizuar të rajonit për shkak të tensioneve dhe mosmarrëveshjeve të pazgjidhura. Kos gjithashtu e vlerësoi programin Intereg, që mbështet bashkëpunimin ndërkufitar, si një mundësi për forcimin e lidhjeve mes shteteve të Ballkanit dhe për reduktimin e tensioneve.

Një tjetër hap i rëndësishëm që ajo përmendi ishte përfshirja e Serbisë, Shqipërisë, Bosnjës dhe Hercegovinës, Moldavisë, Malit të Zi, Maqedonisë së Veriut dhe Ukrainës në programin Intereg, i cili ofron financime për projekte bashkëpunimi. Kos gjithashtu nënvizoi iniciativat për të përmirësuar qarkullimin në kufijtë e Ballkanit Perëndimor, siç është plani për korsi të gjelbra që do të ndihmojnë në uljen e kohës së pritjes.

Kos përfundoi duke theksuar rëndësinë e bashkëpunimit rajonal dhe besimit ndërmjet komuniteteve, duke e konsideruar këtë si një shans real për integrimin e më shumë vendeve të Ballkanit në BE dhe për të siguruar një të ardhme më të qëndrueshme dhe të paqes në rajon./UBTNews/

 

Continue Reading

Bota

Reshjet e shiut shkaktuan probleme të shumta në Bosnjën veriore dhe Kroacinë

Published

on

Reshjet e dendura të shiut, të cilat kanë përfshirë Bosnjën veriore dhe Kroacinë, kanë shkaktuar vështirësi të mëdha, përfshirë përmbytje dhe ndërprerje të trafikut. Situata mbetet e ndërlikuar, me nivele të larta uji që po rrisin rrezikun për përmbytje edhe më të mëdha, dhe meteorologët parashikojnë vazhdimësi të reshjeve në ditët në vijim.

Në qytetin e Cazin, Bosnjë-Hercegovinë, reshjet kanë krijuar vështirësi në qarkullimin e automjeteve, veçanërisht në vendbanimin Tatari, ku disa ura janë mbyllur për shkak të rritjes së niveleve të ujit. Po ashtu, në Sanski Most, nivelet e ujit në lumenjtë Sana dhe Dabar kanë vazhduar të rriten, duke kërcënuar seriozisht popullsinë dhe infrastrukturën lokale. Situata ka arritur në një pikë alarmante, veçanërisht në Skuçani Vakuf, ku ura e improvizuar është shembur për shkak të përmbytjeve, duke ndërprerë qarkullimin.

Në Laktashi, një gjendje emergjente është shpallur për shkak të reshjeve të shiut dhe vërshimeve të lumenjve, përfshirë lumit Bukovica. Po ashtu, në Derventë, shkollat janë mbyllur për shkak të rritjes së nivelit të ujit të lumit Ukrina. Në zonat e tjera të Bosnjës, nivelet e ujit të lumenjve Sana dhe Gomjenica kanë kaluar nivelet e alarmit, duke shtuar kërcënimin e përmbytjeve.

Në Kroaci, në Rahovicë, reshjet kanë shkaktuar vështirësi të mëdha në lëvizjen e automjeteve, ndërsa niveli i ujit në lumenjtë Vuçicë dhe Vojllovicë është rritur, duke kërcënuar edhe shtëpitë. Për të përballuar situatën, janë aktivizuar ekipet e mbrojtjes civile.

Ndërkohë, në Sarajevë, situata duket se po përmirësohet me ulje të niveleve të ujit, por ende ka probleme në disa zona të qytetit, veçanërisht në zonat kodrinore dhe afër lumit Bosna, ku ka pasur dalje nga brigjet.

Për shkak të këtyre kushteve atmosferike, autoritetet kanë shpallur masa emergjente dhe kanë kërkuar që qytetarët të jenë në gatishmëri maksimale për të shmangur pasojat e mundshme./UBTNews/

 

Continue Reading

Lajmet

Ende nuk ka vendim për tarifat e reja të energjisë

Published

on

By

Zyra e Rregullatorit të Energjisë (ZRRE) ka sqaruar se aktualisht nuk është marrë asnjë vendim për rritjen e tarifave të energjisë.

Sipas një njoftimi të lëshuar në rrjetin social Facebook, thuhet se me qëllim që të sigurohet transparencë dhe të krijohet mundësia e një dialogu të hapur nga të gjitha palët e interesuara, ZRRE-ja ka vendosur të ndajë për konsultim publik Raportin Konsultativ për të Hyrat e Lejuara Maksimale.

“Në kuadër të përpjekjeve për të garantuar një proces të hapur dhe transparent, ZRRE-ja fton të gjitha palët e interesuara – përfshirë konsumatorët, organizatat e shoqërisë civile, bizneset, që të paraqesin komentet dhe sugjerimet e tyre mbi raportin e publikuar deri më 28 mars. Ky proces është një mundësi për të siguruar që çdo vendim të marrë të bazohet në mendime të shumta dhe të ndihmojë në krijimin e një sistemi të drejtë dhe të balancuar për të gjithë”, thuhet në njoftim.

ZRRE-ja është shprehur e angazhuar për të siguruar informacion të plotë, të saktë dhe të qartë dhe për të mbajtur një komunikim të hapur dhe të vazhdueshëm me publikun për çdo zhvillim që mund të ndikojë në tarifat e energjisë.

Zyra e Rregullatorit për Energji ka njoftuar se bazuar në rezultatet e raportit të tij konsultativ për të hyrat maksimale të lejuara, rritja mesatare e tarifave për konsumatorët pritet të jetë 15 për qind.

Rritja e çmimit të energjisë elektrike është kundërshtuar nga qytetarët, bizneset e partitë opozitare.

Rritja e faturave të energjisë, konsiderohet se do ti dëmtojë qytetarët dhe bizneset derisa thuhet se ndikon drejtpërdrejt në përkeqësimin e mirëqenies së tyre.

Dhoma e Tregtisë dhe Industrisë Kosovë e ka pritur me shqetësim të madh paralajmërimin e Zyrës së Rregullatorit të Energjisë, për rritjen e çmimit të rrymës për 15 për qind.

Ky vendim konsiderohet se është bërë pa konsulta të duhura me bizneset dhe pa një analizë të duhur për pasojat që mund të sjellë kjo rritje te prodhuesit vendës.

Continue Reading

Lajmet

​26 vjet nga masakra në Izbicë

Published

on

By

Sot mbushen 26 vjet nga masakra në Izbicë, ku më 28 mars 1999, forcat policore dhe ushtarake serbe, pas rrethimit të mijëra civilëve të fshatit Izbicë dhe vendbanimeve përreth, veçuan 147 burra të rinj dhe pleq, të cilët i vranë dhe i masakruan, ndërsa pjesën tjetër e dëbuan jashtë Kosovës.

Masakra në Izbicë hyn në radhën e krimeve më të rënda të shtetit të Serbisë, ku vrasja masive, përdhosja e trupave dhe varrimi i tyre, përmes pamjeve satelitore, u bë lajm botëror.

Sot 26 vjet pas këtij krimi askush nga autorët dhe ekzekutuesit serbë nuk doli para drejtësisë vendore dhe asaj ndërkombëtare.

Continue Reading

Të kërkuara