Lajmet

Ministri i Jashtëm austriak: Evropa të tregohet e kujdesshme, Moska mund të destabilizojë rajonin

Ai ka thënë se Kosovës duhet t’i jepet sa më parë liberalizimi i vizave.

Published

4 years ago

on

Ministri i Jashtëm i Austrisë, Alexander Schalenberg ka thënë se sulmi i Rusisë në Ukrainë duhet të zgjojë Bashkimin Evropian lidhur me procesin e anëtarësimit.

Ai ka thënë se Kosovës duhet t’i jepet sa më parë liberalizimi i vizave për çka tha se ai vet do të bëjë thirrje. Schalenberg ka folur pas takimit me ministren e Jashtme të Kosovës, Donika Gërvalla, me të cilën kanë biseduar edhe për dialogun Kosovë-Serbi. Për këtë proces, diplomati austriak tha se nuk duhet të vihet në dyshim se duhet të përfundojë me njohje reciproke.

Ministri i Jashtëm i Austrisë tha se Rusia mund të krijojë shqetësime dhe të destabilizojë rajonin, për çka theksoi se Evropa duhet të jetë e vëmendshme.

“Ne duhet të kemi parasysh që Moska e ka mundësinë që të bëjë destabilizim të rajonit, vetëm me një gjuajte të lëshuar, ata mund të krijojnë shqetësime, mund të destabilizojnë rajonin dhe kjo gjë na rreh neve zilet e alarmit. Mendojmë që sulmi i Rusisë në Ukrainë është vërtetë një thirrje për të zgjuar Bashkimin Evropian për të trajtuar synimin e anëtarësimit në BE, dhe kjo gjë nuk ka qenë asnjëherë më e rëndësishme se tani, dhe premtimi që është dhënë para 19 viteve në Selanik, ky premtim është më i rëndësishëm tani që të zbatohet, të mbajmë këtë premtim, pra të hapen negociatat me Maqedoninë e Veriut dhe Shqipërinë mirëpo edhe të behët liberalizimi i vizave për Kosovën. Jeni shteti i vetëm i cili është pjesë e programit i cili ende nuk e ka liberalizimin e vizave, natyrisht që edhe në samitin e radhës do të shpreh këtë gjë”, tha ai.

Ndërsa lidhur me draftin me propozime për afrimin e shteteve kandidate me BE-në, ai duhet të arrihet eksportimi i vlerave evropiane, në të kundërtën sipas tij do të ketë konfrontim me modele të tjera të jetesës.

“Kemi vërejtur në tërë rajonin zhgënjim, frustrim sepse herën e parë jemi konfrontuar edhe me pyetje edhe me shtetin fqinj Serbinë, i cili popullaritetin për Bashkimin Evropian dhe neglizhimin e ka më të madh. Por për ne në Bruksel duhet të bien zilet në këtë drejtim, pra ideja e kësaj shkrese, këtij dokumenti është qasja e Austrisë sesi mund të jetësojë këtë proces, si mund të vë në jetë këtë procesin e anëtarësimit. Pra ne nisemi nga shabllonet e vjetra e cila parasheh anëtarësimin e plotë dhe pagesën e asociimit, mirëpo këto nuk funksionojnë, mirëpo ata mund të thonë ‘po, ne gjatë procesit të anëtarësimit këtu mund të bëjmë hapa konkret që njerëzit të kuptojnë dhe të jetë e ditur që bëhet për anëtarësim të plotë…E kam thënë edhe më herët, nuk ka vakum, ose ja dalim që vlerat tona evropiane t’i eksportojmë ose dikur, posaçërisht në Evropën Juglindore do të konfrontohemi me modele të tjera të jetesës, kjo nuk është në qëllimin tonë sepse kjo gjë do të bëhej pastaj e rrezikshme”, tha ai.

Ndërsa ministrja e Jashtme e Kosovës, Donika Gërvalla tha se nevojiten veprime konkrete drejt integrimit në Bashkimin Evropian.

“Austria dhe Kosova ndajnë qëndrimin që koha e të folurit rreth integrimit në BE duhet zëvendësuar me veprime konkrete drejt integrimit në Bashkimin Evropian. Andaj në një fazë të tillë historike, të riorientimit të arkitekturës gjeopolitike evropiane të sigurisë duhet ndërmarrë hapat e nevojshëm për të evituar gabimet që mund të ndodhin nëse nuk veprojmë por hezitojmë. Me homologun Schallenberg folëm edhe për dialogun që Republika e Kosovës po e zhvillon me Serbinë rreth njohjes së ndërsjellë. Duke vënë në pah edhe propozimet tona shumë konkrete, nënvizova gatishmërinë dhe seriozitetin tonë në këtë proces i cili do të mund të përfundonte shumë shpejtë nëse Serbia do të hiqte dorë nga pozicioni i saj për bllokimin e procesit”, tha Gërvalla.

Related Topics:
Continue Reading

Vendi

Edhe sonte protestë në Prishtinë, dita e tetë

Published

14 hours ago

on

September 23, 2026

By

Protestat në Prishtinë do të vazhdojnë edhe sonte, duke shënuar ditën e tetë radhazi.

Qytetarët pritet të mblidhen në orën 21:00 në sheshin “Skënderbeu”, në kundërshtim me vendimin e Dhomave të Specializuara në Hagë ndaj ish-krerëve të UÇK-së.

Protestat kanë nisur pas vendimit të 16 shtatorit dhe kanë vazhduar çdo ditë në Prishtinë./A.K/

Continue Reading

Vendi

Profesoreshat e UBT-së, Blertë Zylfiu-Latifi dhe Miranda Sejdiu-Abazi, publikojnë studim të ri shkencor në bashkëpunim ndërkombëtar

Published

15 hours ago

on

September 23, 2026

By

Në kuadër të avancimit të kërkimit shkencor dhe bashkëpunimit ndërkombëtar, profesoreshat e Fakultetit të Stomatologjisë në UBT, Dr. Blertë Zylfiu-Latifi si autore e parë dhe Dr. Miranda Sejdiu-Abazi si autore korrespondente, kanë publikuar një studim të ri hulumtues në fushën e ortodoncisë. Ky punim shkencor është realizuar në partneritet me studiues nga Departamenti i Ortodoncisë dhe Antropologjisë Dentare i Universitetit të Zagrebit, si dhe me profesionistë të stomatologjisë nga Gjermania.

Punimi me titull “Tooth Crown Dimensions among Angle Occlusion Classes in Kosovar Adolescents” është publikuar si artikull origjinal në revistën ndërkombëtare Acta Stomatologica Croatica (Vol. 60, Nr. 3, 2026, fq. 289–301). Ky organ shkencor është i indeksuar në platformat më prestigjioze globale si Scopus, PubMed dhe Web of Science Core Collection (ESCI), duke mbajtur Faktor Ndikimi (Impact Factor) 1.8 në JCR dhe 1.9 në SJR. Autorët e këtij studimi janë Blertë Zylfiu-Latifi, Senka Meštrović, Jelena Dumančić, Miranda Sejdiu-Abazi dhe Fatbardha Mustafa.

Hulumtimi është shtrirë në shtatë qytete kryesore të Kosovës – Prishtinë, Prizren, Pejë, Gjakovë, Mitrovicë, Ferizaj dhe Gjilan – ku janë përfshirë 400 adoleshentë të moshës 13 deri në 19 vjeç. Pjesëmarrësit janë kategorizuar sipas klasave I, II dhe III të okluzionit sipas Angle, me qëllim që të analizohet lidhja mes këtyre klasave dhe dimensioneve të kurorave të dhëmbëve permanentë.

Përmes një analize multidimensionale të dimensioneve meziodistale, bukolinguale, cervikoincizale dhe diagonale, studimi nxori në pah se ekzistojnë dallime të dukshme ndërmjet klasave të okluzionit, sidomos në dimensionet meziodistale dhe cervikoincizale. Në anën tjetër, dimensionet bukolinguale shfaqën një shkallë më të ulët të variacionit.

Kontributi kryesor i këtij hulumtimi qëndron në përcaktimin e vlerave të para referente specifike për popullatën e adoleshentëve kosovarë. Këto të dhëna do të shërbejnë si një bazë e rëndësishme për përmirësimin e saktësisë në diagnostikimin ortodontik, analizën e hapësirës dhe planifikimin e trajtimeve klinike në Kosovë. Ky publikim dëshmon angazhimin e vazhdueshëm të UBT-së për zhvillimin e kërkimit shkencor me standarde të larta ndërkombëtare.

Punimi është publikuar me Open Access dhe mban DOI-në 10.15644/asc60/3/3.

 

 

 

 

Continue Reading

Vendi

Vendimi i Kushtetueses: Zgjedhja e Qeverisë është kushtetuese, Presidenti duhet të zgjidhet deri më 6 tetor

Published

16 hours ago

on

September 23, 2026

By

Gjykata Kushtetuese e Republikës së Kosovës ka shpallur aktgjykimin lidhur me kërkesat e, të parashtruara nga deputeti Arian Tahiri dhe deputetë të tjerë të Kuvendit, duke konfirmuar kushtetutshmërinë e zgjedhjes së Qeverisë së re, ndërsa ka përcaktuar afate strikte për zgjedhjen e Presidentit të Republikës.

Në vendimin e marrë me vota unanime më 23 shtator 2026, Gjykata Kushtetuese ka konstatuar se zgjedhja e ekzekutivit është kryer në përputhje me aktin më të lartë juridik të vendit.

“Vendimi [Nr. 11-V-007] i 13 shtatorit 2026 i Kuvendit të Republikës së Kosovës për zgjedhjen e Qeverisë së Republikës së Kosovës nuk është në kundërshtim me nenin 95 [Zgjedhja e Qeverisë] të Kushtetutës së Republikës së Kosovës”, thuhet në aktgjykimit.

Pavarësisht legjitimimit të Qeverisë, Gjykata vërejti se Kuvendi është konstituuar pas kalimit të afatit të paraparë 30-ditor (Neni 66, paragrafi 1), gjë që automatikisht ka vënë në lëvizje afatet kushtetuese për postin vakant të Presidentit.

Lidhur me këtë proces sovran, Kushtetuesja ka caktuar një datë të prerë për përmbylljen e tij:

“Afati gjashtëdhjetë (60) ditor për zgjedhjen e Presidentit të Republikës së Kosovës, sipas nënparagrafit 3, paragrafit 1 të nenit 82 [Shpërndarja e Kuvendit] të Kushtetutës së Republikës së Kosovës ka filluar më 8 gusht 2026 dhe përfundon më 6 tetor 2026”, nënvizon Gjykata në pikën VI.

Gjithashtu, aktgjykimi i obligon deputetët e Kuvendit të Kosovës që sa më parë të zgjedhin Nënkryetarin e Kuvendit nga radhët e grupit të dytë më të madh parlamentar, në përputhje me nenin 67 të Kushtetutës. Kërkesa e parashtruesve për caktimin e masës së përkohshme është refuzuar, ndërsa vendimi hyn në fuqi menjëherë në ditën e publikimit zyrtar. /E.A/

 

Continue Reading

Lajmet

Donjeta Sadiku siguron medalje evropiane në boks

Published

17 hours ago

on

September 23, 2026

By

Boksierja e Kosovës, Donjeta Sadiku, ka arritur një tjetër sukses të madh ndërkombëtar duke siguruar medalje në Kampionatin Evropian të Boksit.

Në ndeshjen çerekfinale të kategorisë deri në 60 kilogramë, Sadiku dominoi tërësisht përballjen ndaj boksieres nga Holanda, Maud van der Toorn, duke e mposhtur me rezultatin e pastër 5:0 me vendim të njëpërfshishëm të gjyqtarëve.

Me këtë fitore, boksierja kosovare ka siguruar të paktën medaljen e bronztë evropiane, ndërsa synon ngjitjen në majën e podiumit.Në gjysmëfinale, Donjeta Sadiku do të përballet me garuesen që përfaqëson Serbinë, rusen Kristina Kuluhova. Kjo do të jetë një përballje e njohur për kosovaren, e cila e kishte mposhtur Kuluhovën në finalen e Lojërave Mesdhetare “Taranto 2026”.

 

Continue Reading

Të kërkuara