Lajmet

​Kurti: Sfida kryesore shëndetësore është ta gjejmë një mënyrë për të luftuar sëmundjet kronike

Konferenca punimet e saj do t’i vazhdojë edhe gjatë ditës së nesërme.

Published

on

Në konferencën e tretë rajonale për promovim dhe edukim shëndetësor me temën “Mjediset e shëndetshme” u theksua se përmes promovimit dhe edukimit të shëndetshëm sigurohet mbrojtja shëndetësore e qytetarëve.

Krahas shumë profesionistëve shëndetësor e akterëve relevant në fushën e shëndetësisë, i pranishëm në këtë konferencë ishte edhe kryeministri i Kosovës, Albin Kurti, i cili u shpreh se Kosova ka treguar sukses në ballafaqimin me pandeminë COVID-19 fal promovimit dhe edukimit shëndetësor.

Kurti tha se një prej sfidave kryesore të institucioneve shëndetësore në fushën e promovimit dhe edukimit, është të gjendet një mënyrë për luftimin e sëmundjeve të tjera kronike dhe jo ngjitëse.

“Suksesi i Kosovës në këtë drejtim na jep një mundësi ideale për të reflektuar mbi rëndësinë e promovimit dhe edukimit shëndetësor. Sepse një pjesë e madhe e këtij suksesi ka qenë pikërisht për shkak të efikasitetit tonë në promovim dhe edukim…Aktualisht një prej sfidave kryesore të institucioneve shëndetësore në fushën e promovimit dhe edukimit është të gjejmë një mënyrë se si ta përsërisim suksesin tonë gjatë pandemisë në luftimin e sëmundjeve tjera. COVID-19 është një sëmundje akute dhe ngjitëse, këto dy karakteristika të saj mbollën një lloj frike tek qytetarët, gjë që e ka bërë më të lehtë që t’i bindim ata për të pranuar masat e domosdoshme. Mirëpo, në rastin e sëmundjeve kronike dhe jo ngjitëse si për shembull kanceri, diabeti dhe sëmundjet e zemrës puna jonë është dukshëm më e vështirë por sigurisht jo më pak jetike. Sfida kryesore në këtë drejtim është se si të edukojmë qytetarët që të bëjnë ndryshimet e duhura në jetën e tyre të përditshme sot, për të mos pasur nevojë për shërbime të vështira dhe të shtrenjta nesër, për të parandaluar sëmundje të rënda kronike që mund të zhvillohet 10-20 vjet më vonë”, u shpreh Kurti.

Drejtori i Institutit Kombëtar të Shëndetit Publik në Kosovë, Naser Ramadani u shpreh se promovimi dhe edukimi shëndetësor ka ndihmuar institucionet dhe profesionistët për ballafaqim me sfidat shëndetësore. Ai theksoi se fal promovimit dhe edukimit shëndetësor në Kosovë është rritur vdekshmëria e foshnjave por është rritur edhe jetëgjatësia e popullatës.

“Kosova ka arritur të zvogëloj vdekshmërinë e foshnjave, sëmundjet, vaksinë preventabile, të rrit jetëgjatësinë e popullatës dhe ka përmirësuar dukshëm indikatorët tjerë duke u fokusuar në qëllimin që të kemi popullatë më të shëndetshme. Shumë programe preventive mundësuan të fuqizojnë individin dhe bashkësinë të marrin vendime të drejta të bazuara në evidenca dhe të zgjedhin sjellje të shëndetshme të cilat zvogëlojnë mundësitë e lajmërimit të sëmundjeve nën paradigmën shëndeti për të gjithë dhe shëndet në të gjitha politikat….01’44 Promovimi dhe edukimi shëndetësor tashmë zbatohet nga të gjitha nivelet e kujdesit shëndetësor të Kosovës, nga profesionistët shëndetësor për ndryshimin e sjelljeve me qëllim të krijimit të qëndrimeve pozitive për një mënyrë të shëndetshme të jetesës….01’44Qëllimi dhe vizioni ynë është të krijojmë mjedise të shëndetshme dhe të përshtatshme që dërgojnë në ruajtjen dhe përparimin e shëndetit dhe ndikojnë në shfrytëzimin racional të shërbimeve shëndetësore e që rezultojnë në mirëqenien e qytetarëve”, tha ai.

Ministri i Shëndetësisë, Rifat Latifi theksoi se misioni kryesor aktual është transformimi i shëndetësisë kosovare në shëndetësi moderne.

Latifi tha se tashmë do të nisin një fushatë të re për zbatimin e ligjit kundër pirjes së duhanit, derisa u shpreh se edhe industria e ushqimit kërkon kontroll.

“Kjo është me rëndësi të madhe për ne tash kur në vendin tonë qëllimi dhe misioni qendror është transformimi i shëndetësisë në shëndetësi moderne, transformimi i spitaleve në spitale moderne, por në të njëjtën kohë secili prej nesh duhet të punojmë në mënyrë të disiplinuar të zvogëlojmë numrin e atyre që kanë nevojë për shërbimet tona, si mjek, për spitale por edhe për shërbimet tjera farmaceutike, secili prej nesh në shëndetësi duhet me u mundu ..11’40Këtë mund ta bëjmë vetëm nëse shëndetësinë e kemi të bazuar në shkencë nëse bëhemi të ditur për trupin dhe organizimin tonë, për atë që hamë dhe pimë nëse merremi me aktivitete për ruajtjen e shëndetit fizik dhe mendor dhe emocional”, u shpreh Latifi.

Drejtori i Institutit të Shëndetit publik në Shkup, Shaban Memeti u shpreh se konferenca e tillë u jep mundësi t’i shohin të arriturat por edhe të shkëmbejnë përvojat që ndikojnë në mirëqenien e qytetarëve.

“Promovimi i shëndetit dhe parandalimi i sëmundjeve janë aktivitete kyçe në mbrojtjen shëndetësore të qytetarëve me një qëllim të vetëm për të siguruar një mënyrë jetese të shëndetshme dhe vazhdimin e një jetese cilësore dhe aktive. Si një proces i vazhdueshëm i komuniteteve dhe individëve për të vazhduar kontrollën mbi rreziqet e mundshme ndaj shëndetit në këtë mënyrë për të përmirësuar atë promovim shëndetësor që janë baza mbi të cilët punojmë dhe duhet të vazhdojmë të punojmë të gjithë strukturat dhe organizatat”, u shpreh Memeti.

Konferenca e tretë rajonale për promovim dhe edukim shëndetësor me temën “Mjediset e shëndetshme” punimet e saj do t’i vazhdojë edhe gjatë ditës së nesërme. 

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara