

Lajmet
Krasniqi: Përmes ZRrE-së Qeveria e ka realizuar agjendën e saj për shtrenjtim të energjisë elektrike
Sipas Krasniqit, Kurti i ka mashtruar qytetarët.
Published
4 years agoon
By
UBT newsKryetari i Partisë Demokratike të Kosovës, Memli Krasniqi ka thënë se Qeveria në krye me Albin Kurtin e ka realizuar agjendën e saj për shtrenjtimin e energjisë elektrike dhe sipas tij, këtë e ka bërë përmes Zyrës së Rregullatorit të Energjisë Elektrike (ZRrE).
Krasniqi ka thënë se Kurti e ka rënduar jetën e qytetarëve besimin e së cilëve ka marrë duke u premtuar lirim të çmimit të energjisë. Në foltoren e Kuvendit, Krasniqi ka thënë se PDK do të kundërshtojë vendimin për shtrenjtimin e energjisë përmes të gjitha formave demokratike.
Sipas Krasniqit, Kurti i ka mashtruar qytetarët.
“Qeveria e drejtuar nga Albin Kurti dje e ka realizuar agjendën e saj të paralajmëruar me kohë për shtrenjtimin e energjisë elektrike për krejt qytetarët e Kosovës, duke ua vënë një barrë të rëndë, të padrejtë por edhe të papërballueshme për secilën familje në vendin tonë. E këtë agjendë që e realizoi përmes Zyrës së Rregullatorit të Energjisë, një instrument që ligjërisht është i pavarur por paraprakisht është në shërbim të agjendës politike të Qeverisë Kurti, e kjo zyrë nuk ndërmori vendim të pavarur por vetëm e vulosi një vendim politik të propozuar në kurriz të qytetarëve nga mazhoranca e këtij Kuvendi që sot ikë edhe prej debatit”, ka thënë Kraniqi.
Kransiqi ka thënë se ZRrE me vendimin e publikuar ka dalë të jetë mbi Kuvendin dhe Kushtetutën e Kosovës meqë sipas tij, e njëjta i ka dalluar qytetarët me vendimin e saj.
Në seancën e jashtëzakonshme ku po diskutohet për vendimin e ZRrE-së për shtrenjtim të energjisë elektrike, Krasniqi ka thënë se qeveria nuk i ka marrë parasysh debatet për këtë temë dhe as propozimet e PDK-së për zbutje të krizës energjetike.
“Albin Kurti po dëshiron me ia falë rreth 100 milionë euro, se kanë me dalë më shumë se 100 milionë euro, KEDS-it, mashtrimi që po tentojnë me e mbulu kinse po i subvencionojmë qytetarët është absolutisht i pavërtetë, ndarja e mbi 100 milionë eurove tashmë nga ana e Qeverisë është subvencion direkt për KEDS-in, për kompaninë private që e kanë sharë me vite dhe kanë thënë që duhet me ndërmarrë masa ndaj tyre dhe sot taksat e qytetarëve në vlerë mbi 100 milionë euro deri tash e kushedi sa deri në fund janë duke ua falë. Detyrojnë qytetarët me pagu rrymën dyfish më shtrenjtë sesa e kanë paguar deri sot. Nga dita e djeshme qytetari i Kosovës është mbështetur për muri”, ka thënë Krasniqi.
Ai ka deklaruar se PDK do të kundërshtojë vendimin për ngritjen e energjisë përmes çdo mjeti ligjor.
“Siç e kemi kundërshtuar gjatë gjithë muajve të kaluar rritjen e çmimit të energjisë elektrike do ta kundërshtojmë me çdo mjet ligjor në çdo instancë ligjore këtu në Kuvend por edhe me të gjitha mjetet demokratike për të kërkuar dy gjëra themelore, shkarkimin e anëtarëve të bordit të ZRRE-së që si piuna të Albin Kurtit e kanë marrë këtë vendim me rëndu jetën e qytetarëve dhe anulimin e vendimit skandaloz për rritjen e energjisë elektrike”, ka thënë ai.
Kuvendi i Kosovës, me kërkesë të tri partive opozitare është mbledhur në seancë të jashtëzakonshme ku po zhvillohet debat parlamentar lidhur me vendimin e djeshëm të ZRrE-së për shtrenjtim të energjisë elektrike.
Aktualitet
Sot nis Seminari i 43-të për Gjuhë, Letërsi dhe Kulturë Shqiptare
Published
1 hour agoon
August 18, 2025By
UBT News
Seminari Ndërkombëtar i Gjuhës, Letërsisë dhe Kulturës Shqiptare do të nisë punimet nga sot deri më 29 gusht në Prishtinë ku sot në orën 11:00, në amfiteatrin e Bibliotekës Qendrore Universitare, do të bëhet hapja solemne e punimeve.
“Seminari i 43-të, do t’i zhvillojë punimet në sallën ‘Idriz Ajeti’ të Fakultetit të Filologjisë në Prishtinë. Në këtë edicion të Seminarit, përpos studiueseve, studiuesve nga Kosova dhe Shqipëria, do të marrin pjesë edhe albanologë nga shumë vende të botës, për t’i shpalosur dhe për të diskutuar rreth arritjeve e rezultateve të tyre të fundit shkencore”, ka njoftuar drejtoria e seminarit të Univerisitetit të Prishtinës.
Ndërkaq në fund të Seminarit do të mbahet sesioni shkencor me këto tema bosht “Zhvillime aktuale lidhur me leksikun e shqipes, Shqipja në rrjetet sociale dhe Postmodernizmi në letërsinë shqipe”.
Njëherësh, në programin bazë të Seminarit 43 përfshihen kurse intensive të mësimit të shqipes, ligjërata të veçanta të gjuhësisë, ligjërata për letërsinë shqiptare dhe referime shkencore.
Po ashtu është bërë me dije se ashtu si edhe në edicionet paraprake, Seminari ofron program kulturor plotësues për t’i njohur seminaristët me bukuritë natyrore, me veprimtaritë kulturore, si dhe me zhvillime të tjera pozitive.
Seminari Ndërkombëtar për Gjuhën, Letërsinë dhe Kulturën Shqiptare është themeluar në vitin 1974 në Fakultetin e Filologjisë dhe oorganizohet për studentë e studiues që merren me çështje të gjuhës, të letërsisë e të kulturës shqiptare, por edhe me albanologjinë përgjithësisht.
Deri më tani, seminari ka zhvilluar gjithsej 42 sesione.
Aktualitet
Aksident me të lënduar në rrugën Dragash-Prizren
Published
2 hours agoon
August 18, 2025By
UBT News
Dy persona kanë pësuar lëndime dhe janë shkaktuar dëme të konsiderueshme materiale si pasojë e një aksidenti ndërmjet dy veturave në rrugën Dragash-Prizren.
Shaqir Bytyqi nga policia rajonale Prizren tha se aksidenti ka ndodhur rreth orës 18:20, dhe si pasojë e aksidentit janë lënduar dy persona.
“Si pasojë e aksidentit së paku dy persona kanë pësuar lëndime trupore si dhe janë shkaktuar dëme të konsiderueshme materiale si dhe përkohësisht rruga ka qenë e mbyllur derisa policia ka kryer procedurat e nevojshme dhe ka liruar rrugën”, ka thënë ai.
Aktualitet
Ambasadori Rohde ‘i zhgënjyer’ me qëndrimin e VV-së për Gjykatën Kushtetuese
Published
2 hours agoon
August 18, 2025By
UBT News
Jorn Rohde, Ambasador i Gjermanisë në Kosovë, tha se është “i zhgënjyer” me deklarimet e politikanëve nga Vetëvendosje te të cilët thotë se s’ka parë gatishmëri për zbatim të Aktgjykimit të Gjykatës Kushtetuese për seancën konstitutive; aktgjykim ky i cili e ndaloi në plotni të gjithë uzurpimin procedural të Avni Deharit, kryesuesit thjesht nga virtyti i moshës në seancë konstitutive.
“Jo, jo, duhet të thoni se e respektoni…e jo duhet ta lexojmë aktgjykimi, sepse nuk duhet të lëmë hapësirë për spekuliime se dikush nuk do ta respektojë”, u shpreh Rhode në një intervistë.
Ndërsa vetë Rohde, nga korrespodenca private me akterë politik të pushtetit në detyrë, nuk mundi të thotë se ka dëgjuar ose parë gatishmëri se do të ketë zgjidhje të bllokadës institucionale.
“Analogjia e futbollit: ndoshta ka ardhur koha të ndërrohet ekipi. Opozita ka thanë se do të votojnë këdo që s’ka qenë anëtar qeverie. Pra, duhet të ketë vullnet për zgjidhje, e jo futje më thellë në problem. Ndërtimi i dy urave të reja nuk është ndihmuese në heqjen e sanksioneve. Situata është gjithmonë ndryshe, por keni një kryetar në veri që nuk përfaqëson popullinë. Po të kishte kryetar në veri me përfshirje të popullit, nuk do të mund të thonit qe me 2%. ndërtimi i urave para zgjedhjeve është hap eskalues i cili nuk sjell mjedis që largon masat ndëshkuese”, shtoi ai.
Për çështjen e (mos)anëtarësimit të Kosovës në Këshill të Evropës, Rohde i qëndroi linjës së vjetër që sapo të dërgohet draft-Statuti i Asociacionit të Komunave të banuara me shumicë serbe, Kosova do të kalonte anëtarësimin.
Aktualitet
87 zjarre brenda 24 orëve, 8 mbeten aktive
Published
2 hours agoon
August 18, 2025By
UBT News
Agjencia e Menaxhimit Emergjent njofton se sipas të dhënave të pranuara janë regjistruar gjithsej 87 vatra zjarri në vend, prej tyre tetë vazhdojnë të jenë aktive ndërsa 79 janë lokalizuar.
Menaxhimi i situatës po bëhet në koordinim të plotë me Njësitë Profesionale të Zjarrfikjes dhe Shpëtimit, thuhet në njoftim.
Agjencia e Menaxhimit Emergjent u bën apel të gjithë qytetarëve që të tregojnë kujdes të shtuar, të shmangin çdo veprim që mund të shkaktojë zjarre dhe të raportojnë çdo rast në numrat emergjentë 112, 193 dhe 192.

Inteligjenca Artificiale krijon antibiotikë kundër dy sëmundjeve

Pasuria neto e Dakota Johnson – sa vlerësohet ylli i roleve të suksesshme?

Sot nis Seminari i 43-të për Gjuhë, Letërsi dhe Kulturë Shqiptare

Aksident me të lënduar në rrugën Dragash-Prizren

Ambasadori Rohde ‘i zhgënjyer’ me qëndrimin e VV-së për Gjykatën Kushtetuese

87 zjarre brenda 24 orëve, 8 mbeten aktive

Zelensky sot takohet sërish me Trump

Plagosi rëndë një shtetas, arrestohet 25-vjeçari në Durrës

Vuçiq i ashpër ndaj protestuesve, paralajmëron masa
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit