

Lajmet
Krasniqi-Kurtit: Ke mundur ta bësh vet këtë që e bëre dje në Bruksel
Krasniqi tha se në katër javët e fundit janë shkaktuar drama të panevojshme.
Published
3 years agoon
By
Betim GashiKryetari i Partisë Demokratike të Kosovës, Memli Krasniqi ka deklaruar se veprimet e kryeministrit Albin Kurti kanë shprehur pafuqinë e Kosovës. Sipas tij, gjatë këtyre javëve është ndjellë frikë, panik dhe është shkaktuar krizë e panevojshme në veri. Gjatë seancës plenare, Krasniqi ka theksuar se drafti franko-gjerman nuk i adreson aspiratat e Kosovës.
Gjatë deklarimeve jashtë rendit të ditës, Krasniqi tha se në katër javët e fundit janë shkaktuar drama të panevojshme. Sipas tij, është koha të veprohet në drejtim të dialogut për normalizimin e marrëdhënieve Kosovë-Serbi.
“Ne mirëpresim dakordimin që ka ndodhur dje në Bruksel, marrëveshjen e cila shmang përshkallëzimin dhe eskalimin potencial të situatës në veriun e vendit. Por, vërtetë u bë shumë zhurmë, por jo shumë zhurmë për asgjë. Sepse, nuk është që ndodhi asgjë, në fakt ndodhi shumë sepse një çështje të cilën e cila ishte kompetencë ekskluzive e qeverisë dhe kryeministrit, arritët që ta shndërroni në temë të diskutimit e të negocimit duke bërë palë Serbinë dhe Aleksandër Vuçiqin për një çështje e cila ishte krejtësisht kompetencë vendimmarrëse e qeverisë dhe kryeministrit. Ke mundur ta bësh vet këtë që e bërë dje në Bruksel, duke u dakorduar me ShBA-të dhe duke marrë për bazë këshillin që e kishe që më shumë se katër javë në tavolinë e në telefonata, takime nga Escobar dhe sekretari i shtetit, Blinken”, ka deklaruar Krasniqi.
Duke mos bërë një gjë të tillë, Krasniqi shtoi se është shprehur pafuqia e Kosovës.
“Mua më vjen keq që ke shprehur një pafuqi të Kosovës, duke mos qenë e mundshme që ta zbatoni vendimin për tabelat dhe po ashtu duke krijuar edhe shpenzime për mbajtjen e zgjedhjeve që kanë mundur të evitohen, por duke ndjellur edhe frikë, panikë dhe krizë të panevojshme jo vetëm në veri, por sidomos në veri. Po ashtu, ka një paqartësi të madhe për të cilën nuk jeni deklaruar as ju e as kryenegociatori i juaj, zëvendëskryeministri Besnik Bislimi se a do të kthehen serbët në institucionet e Kosovës. Cfarë do të bëni për këtë? Askush prej jush nuk po tregon se a do të ketë normalitet në veriun e vendit, siç ka pasur. Sepse normalitet si para katër javëve nuk mund të bëni, sepse tash zgjedhjet do të mbahen, nuk mund t’i ktheni eprorët e policisë që janë dorëhequr”, ka theksuar ai.
Ai nga Kurti e Bislimi ka kërkuar përgjigje edhe për zyrtarët e tjerë të dorëhequr në institucione publike. Krasniqi ka folur edhe për planin franko-gjerman, ku ka renditur edhe pesë shtyllat për marrëveshjen në Bruksel.
“Si draft aktual nuk i adreson aspiratat shtetërore të Kosovës. Për angazhimin në negocimin dhe përmirësimin e tij, është i nevojshëm dhe unë ju kam inkurajuar që ta bëni një gjë të tillë. Dëshiroj të theksoj këtu qëllimet kryesore që duhet dhe mundet të arrihen në fund të procesit, që janë qëllime jo vetëm të PDK-së, por unë besoj nga të gjitha këto vite deklarime e qëndrime, të gjithë spektrit politik edhe të gjithë qytetarët. Duke të inkurajuar kryeministër për vendosshmëri dhe fokus në arritjen e marrëveshjes finale ju ftoj që këto pesë shtylla kryesore të marrëveshjes të jenë: 1. ruajtja e karakterit unitar të shtetit tonë sipas rregullimit aktual kushtetues, 2. Njohja formale nga pesë shtetet mos-njohëse të BE-së, 3. Nisjen e procesit të anëtarësimit në NATO përmes pjesëmarrjes në partneritetin për paqe si hap i parë, 4. Marrjen e statusit të shtetit kandidat për anëtarësim në BE dhe 5. Njohja e ndërsjellë mes Kosovës dhe Serbisë”, ka përfunduar ai.
Krasniqi tha se në rast se shefi i ekzekutivit do të vepronte përgjegjshëm, duke mos vendosur në pyetje edhe aleancat më të rëndësishme, atëherë këto katër javë do të ishin të fokusuar në situatën aktuale në Kosovë.
Lajmet
VV insiston në votim të fshehtë: Deputetët opozitarë shkelën Kushtetutën për tridhjetë seanca me radhë
Published
15 seconds agoon
June 27, 2025By
UBTNews
Lëvizja Vetëvendosje nuk do të heq dorë nga zgjedhja e kryetarit të Kuvendit përmes votimit të fshehtë.
Deputeti i LVV-së, Hekuran Murati, pas ndërprerjes së vazhdimit të seancës konstituive për herë të 38-të, tha se aktgjykimi i Gjykatës Kushtetuese për krizën në Kuvend thotë se zgjedhja e trupave të legjislativit është përgjegjësi e të gjitha subjekteve parlamentare.
Sipas tij, votimi i fshehtë i kryekuvendarit nuk është shkelje kushtetuese, madje ai shtoi se e njëjta u dëshmua edhe në aktgjykim të Kushtetueses.
“Kjo është faqja e vendimit. Këtu te konstatimet kemi dy pika. Në asnjërën prej tyre, Gjykata Kushtetuese ka thënë se votimi i fshehtë nuk është në kundërshtim me Kushtetutën siç po tentohet të prezantohet gabimisht dhe rrejshëm nga opozita. Po besoj i keni dëgjuar deklaratat jo serioze por në asnjë pikë të këtij vendimi nuk thuhet një gjë e tillë. Përkundrazi, në paragrafin 141 dhe 180, Gjykata Kushtetuese veç sa e ka rikonfirmuar se votimi i fshehtë është një prej mënyrave që mund të përdoret për zgjedhjen e kryesisë së Kuvendit… Gjykata Kushtetuese ka rikonfirmuar se të gjithë deputetët duhet të marrin pjesë në votim. Pra nuk mund të vihet në seancë konstituive dhe mos të votohet. Mosvotimi fare është shkelje kushtetuese. Që nga data 1 maj, për 30 seanca me radhë të gjithë deputetët e opozitës kanë shkelur Kushtetutën duke mos marrë pjesë në votim”, tha ai.
Ndërkaq, kryetarja e partisë Guxo, deputetja Donika Gërvalla, tha se Gjykata Kushtetuese ka mundur të nxjerrë një vendim më konkret, pasi sipas saj i njëjti ishte shumë i përgjithshëm.
Megjithatë, sipas saj, është përcaktuar nevoja që të gjithë deputetët të marrin pjesë në votim dhe që votimi i fshehtë nuk është antikushtetues.
Madje ajo akuzoi deputetin e PDK-së, ish-ministrin e Drejtësisë, Abelard Tahirin, për deklarimet e tij se aktgjykimi i Kushtetueses tregon devijimin kushtetues që LVV-ja ka bërë në mbi dy muaj të vazhdimit të seancës konstituive.
“Tre gjëra shumë të qarta i ka thënë vendimi i Kushtetueses edhe pse është një vendim goxha i përgjithshëm, edhe pse dorën në zemër mund të ishte më konkret dhe mund të jepte rrugëdalje. Të gjithë deputetët obligon Kushtetuta të marrin pjesë në seancë dhe i obligon të marrin pjesë në votim. Nuk mundesh me ardhur në Kuvend me ardhur kot, por kur vjen në Kuvend duhet të votosh. Askush se imponon të votosh për kandidatin tonë, por duhet të votosh. E dyta është se secili deputet në Kuvendin e Kosovës nuk vjen aty për të bllokuar por për t’i dhënë drejtim konstituimit të Kuvendit. Pyetja që Kushtetuesja s’i ka dhënë përgjigje është se çka ndodh pas tridhjetë ditësh. Unë besoj se nuk do të sfidohemi përsëri që pas tridhjetë ditësh të kemi nevojë për zgjidhje kreative, por besoj se pas takimit të nesërm me Kurtin me liderët e opozitës të arrihet një dakordim. I kam lexuar 47 faqet e vendimit dhe pas deklaratës së ish-ministrit të Drejtësisë ku thotë se Kushtetuesja flet për devijim në atë aktvendim i kam lexuar përsëri 47 faqet pasi nuk më besoja se ish-ministri i drejtësisë është i gatshëm me gënjyer publikun”, tha ajo.
Seanca konstituive e Kuvendit të Kosovës e paraparë të mbahet sot (e premte) është ndërprerë për shkak të aktgjykimit të Gjykatës Kushtetuese dhe shpresës për takimin e nesërm të liderëve të partive parlamentare për zgjidhjen e ngërçit në Kuvend.
Kryesuesi i seancës, Avni Dehari, tha se shpreson që të arrihet një konsensus në takimin e nesërm që lideri i LVV-së, Albin Kurti, i ka ftuar përfaqësuesit e partive parlamentare për konstituimin e legjislaturës së nëntë.
Ai tha se seanca e radhës do të mbahet të dielën në orën 11:00.
Lajmet
PDK konfirmon pjesëmarrjen në takimin me Kurtin, kërkon zgjidhje përmes konsensusit
Published
2 minutes agoon
June 27, 2025By
UBTNews
Partia Demokratike e Kosovës ka konfirmuar pjesëmarrjen në takimin e thirrur nga Albin Kurti me liderët politikë.
Abelard Tahiri tha se Gjykata Kushtetuese ka kërkuar konsensus dhe kompromis.
“Ne e kemi thënë në vazhdimësi që nuk ia kemi mohuar të drejtën për propozim partisë së parë. Mirëpo meqenëse nuk ka shumicë parlamentare që drejtohet nga VV-ja, është parti e parë pa shumicë, edhe Gjykata e thotë që duhet të ketë konsensus dhe kompromis”, tha ai.
Ndërsa Përparim Gruda konfirmoi se kryetari Memli Krasniqi do ta përfaqësojë partinë në takim. PDK thekson se nuk do të marrë pjesë në një votim jokushtetues.
“Kryetari jonë z.Krasniqi e përfaqëson partinë në takim. Ne nuk votojmë në një procedurë jokushtetuese, pra me votim të fshehtë”, tha ai.
Lajmet
Ngrihet aktakuzë kundër një personi për krime lufte në Gjakovë
Published
5 minutes agoon
June 27, 2025By
UBTnews
Prokuroria Speciale e Kosovës njoftoi të premten se ka ngritur aktakuzë kundër të pandehurit D.R., për veprën penale “krim i luftës kundër popullsisë civile”.
Hetimet zbuluan se gjatë periudhës 7-10 maj të vitit 1999, i pandehuri ka marrë pjesë në sulm të gjerë dhe të organizuar të forcave ushtarake, policore dhe paramilitare serbe kundër popullsisë civile shqiptare në Gjakovë, thuhet në njoftim.
Aty bëhet e ditur se ai ka vepruar në bashkëkryerje me persona të tjerë.
“Aktakuza e ngarkon të pandehurin me përgjegjësi për vrasjen e tre civilëve shqiptarë, të cilët më pas janë keqtrajtuar fizikisht, si dhe për dëbimin e dhunshëm të civilëve nga shtëpitë e tyre, plaçkitjen dhe shkatërrimin e pronave në disa lagje të qytetit”, bëri të ditur prokuroria.
Provat kundër të pandehurit përfshijnë dëshmi të viktimave dhe dëshmitarëve okularë, identifikimin e tij përmes fotografive, raporte të Institutit të Mjekësisë Ligjore dhe materiale të tjera të mbledhura gjatë hetimeve.
I pandehuri ndodhet në paraburgim, ndërsa prokuroria tha se ka kërkuar vazhdimin e kësaj mase, për shkak të rrezikut të arratisjes.
Gjatë luftës në Kosovë më 1998/99 u vranë mbi 13.000 civilë, ndërsa mijëra të tjerë u zhdukën.
Rreth 1.600 persona, kryesisht shqiptarë, janë ende në kërkim.
Ndër vite, autoritetet e drejtësisë në Kosovë kanë akuzuar ose dënuar disa persona për krime lufte.
Dhjetë ditë më parë, një person u dënua me 15 vjet burgim për dhunë seksuale gjatë luftës./REL
Lajmet
Dehari fton në konsultim përfaqësuesit e partive politike para nisjes së seancës
Published
2 hours agoon
June 27, 2025By
UBTNews
Kryesuesi i seancës, Avni Dehari, para se të nis seanca e 38-të në përpjekje për konstituimin e Kuvendit, ka ftuar në konsultim përfaqësuesit e partive politike para nisjes së seancës.
“Para se të fillojmë, pas aktgjykimit të Kushtetueses, e shoh të nevojshme një konsultim paraprak”, tha Dehari.

VV insiston në votim të fshehtë: Deputetët opozitarë shkelën Kushtetutën për tridhjetë seanca me radhë

Irani kryen një valë arrestimesh dhe ekzekutimesh pas konfliktit me Izraelin

PDK konfirmon pjesëmarrjen në takimin me Kurtin, kërkon zgjidhje përmes konsensusit

Ngrihet aktakuzë kundër një personi për krime lufte në Gjakovë

Dehari fton në konsultim përfaqësuesit e partive politike para nisjes së seancës

Limaj: Porosia e Gjykatës Kushtetuese është qartë

Haradinaj: Duhet zgjidhje para seancës, nëse vazhdojmë me të vjetrën kot na thirr Kurti në takim

“Mos folni për zgjedhje, kur s’ofroni zgjidhje”, shoqëria civile rikthehet me protestë para Kuvendit

A është një mollë në ditë vërtetë e mirë për shëndetin?
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore