Sport

Krasniqi: Do luftoj me shpirt, Muhamedi: S’do ta kesh të lehtë

“Kam jetuar një jetë jo të lehtë sepse ky sport ka kërkuar shumë sakrifica shumë të mëdha”, tha Krasniqi.

Published

3 years ago

June 19, 2023

UBT news

Boksieri kosovar Robin Haxhi Krasniqi meçin e radhës të karrierës së tij do ta zhvillojë në Kosovë, përkatësisht në stadiumin “Fadil Vokrri”, në Prishtinë, më 5 gusht të këtij viti.

Ai do të ndeshet me boksierin francez, Nadjib Mohammedi në kategorinë WBC Silver gjysmë të rëndë.

Krasniqi së bashku me rivalin e tij, dolën në një konferencë për media, ku zbuluam detaje të shumta rreth ngjarjes më të madh të boksit të zhvilluar ndonjëherë në Kosovë.

Në fjalimin e tij para mediave, Krasniqi tha se zhvillimin i meçit të radhës në Kosovë, është një ëndërr e kthyer në realitet. Ai shtoi se sakrificat dhe sukseset e tij të bëra gjatë karrierës ia dedikon Kosovës.

“Kam jetuar një jetë jo të lehtë sepse ky sport ka kërkuar shumë sakrifica shumë të mëdha edhe gjithmonë kamë dashur që sakrificat e mia mos t’i bëjë vetëm për vetën por t’i sjellë në këtë vend që edhe për këtë vend të bëjë një të mirë sa do e vogël që të jetë…Falemnderit që të gjithë po na i hapin dyert në Kosovë dhe ëndrrën time po e bëjnë realitet… Jam shumë i lumtur që më në fund po realizohet ëndrra ime. Kam pasur ëndërr gjithmonë që një dit në qiellin e Prishtinë të boksojë dhe këtë e kam pritur që të marr njëherë shumë tituj, të korri shumë suksese, të bëjë një histori shumë të madhe që të gjitha t’i mbledh dhe atë sukses që më në fund ta sjell në Prishtinë, ta realizojë këtë ëndërr dhe të boksojë nën qiellin e Prishtinës, të Kosovës, të vendit ku jam lindur dhe rritur”, tha Krasniqi.

Ai shtoi se do të luftojë me mish e me shpirt për ta fituar këtë duel dhe për ta përfaqësuar denjësisht Kosovën.

“Unë atë natë e kam një natë shumë të madhe ku përkrahja e të gjithëve është e nevojshme. Trupi im atë natë nuk do ta shpreh vetëm sportin por dua që t’i tregojë të gjithë botës se kush jemi ne, sa mikpritës jemi ne, sa e duam këtë vend edhe se të gjitha vendet e botës janë të mrëseardhura, por është edhe një ëndërr e madhe që edhe Prishtinën ta fusim nën hartën e botës që do të bëjë organizime shumë të mëdha të boksit profesionist. Do të mundohem me mish e me shpirt ta prezantojë vendin tim, kulturën time, traditën time, vetveten, karakterin tim, familjen time dhe të dalim si fitues”, tha Krasniqi.

Por, për ta bërë këtë, nuk do ta ketë të lehtë. Kështu ka thënë rivali i tij, francezi, Nadjib Medvedev, i cili për më tepër tha se është nder i madh që do të boksojë në Kosovë.

“Faleminderit pafundësisht për pritjen, për mundësinë dhe respektin të cilin ia bëni të gjithë sportistëve, jam i nderuar dhe krenar të bëjë pjesë në këtë organizim të kësaj ngjarjeje. Pra t’i japim aq forcë një populli i cili ka vuajtur, jam i lumtur që është bërë një zgjedhje dhe prishmëritë e juaja janë realizuar që të jem unë këtu… Kam pasur mundësinë ta njoh gjithë botën, shumë vende në botë, shumë hapësira dhe është shansi im dhe nderi që të boksoj në një vend aq presitgjoz dhe i mirë sikur këtu. Do të vij këtu duke respektuar të gjitha traditat sepse ne kemi të njëjtin religjion, të njëjtën fe dje jemi këtu ta bëjmë punën tonë dhe ju premtoj që lufta nuk do të jetë e lehtë as për kundërshtarin e as për mua”, tha Muhamedi.

Ai shtoi se fakti që Krasniqi do ta ketë mbështetjen e tifozëve në tribuna nuk e tremb aspak, por se kjo do ta motivojë më shumë.

“Po e organizojmë një event të tillë në pasluftën e kryeqytetit, është një evend me përmasa botërore, një i cili me siguri do ta vendosë Prishtinën në rangjet botërore për boks… Kemi pasur biseda të shumta edhe me të madhin tonë Rubinin që duhet ta kthejmë këtë madhështi Prishtinë se Kosovës, pra gjithë vendit tonë. Për këtë arsye edhe ideja e Rubinit që ta mbajmë këtë meç në Prishtinë, normalisht që jo vetëm ka qenë iniciativë fantastike e tij, por kryeqyteti e përkrah me gjithë zemër dhe së bashku do të mundësojmë që Prishtina të jetë në nivelin botëror si vend edhe si institucion për meçe të tilla edhe në të ardhmen”, theksoi Rama.

I pari i kryeqyteti ftoi të gjithë adhuruesit e boksit që më 5 gusht të jenë të pranishëm në “Fadil Vokrri” në numër sa më të madh për ta përkrahur Krasniqin.

Në “Fadil Vokrri”, Krasniqi do ta zhvillojë duelin e 60- të me radhë dhe synon fitoren e 56 në karrierën e tij.

Biletat për këtë meç do të dalin në shitje më 26 qershor, por që çmimet nuk janë bërë të ditura nga ana e organizatorëve.

Related Topics:Robin Krasniqi Nadjib Mohammedi

Up Next

E ardhmja e Giresses pritet të vendoset sot

Don't Miss

Krasniqi: Po më pret një natë e madhe e boksit, do jap gjithçka për Kosovën

Sport

Franca tërhiqet nga mbështetja për Infantinon, rritet kundërshtimi në Evropë

Published

4 hours ago

September 10, 2026

UBTNews

Federata Franceze e Futbollit ka vendosur të mos e mbështesë Gianni Infantinon në zgjedhjet e ardhshme për president të FIFA-s, duke u rreshtuar kështu kundër kreut aktual të organizatës botërore të futbollit.

Vendimi është konfirmuar të enjten nga presidenti i Federatës Franceze të Futbollit, Philippe Diallo, ndërsa vendimi është mbështetur unanimisht nga komiteti ekzekutiv i federatës.

Ky zhvillim përbën një goditje të rëndësishme për Infantinon, pasi Franca është një prej federatave më të fuqishme të futbollit në Evropë. Me këtë qëndrim, ajo i bashkohet edhe Anglisë dhe Italisë, të cilat gjithashtu kanë tërhequr mbështetjen për mandatin e ardhshëm të Infantinos.

Diallo, i cili është anëtar i Komitetit Ekzekutiv të UEFA-s, ka bërë të ditur se besimi ndaj presidentit të FIFA-s është dëmtuar dhe se mënyra e qeverisjes së futbollit botëror nuk përputhet më me atë që kërkojnë federatat evropiane.

Infantino ka konfirmuar se do të kandidojë për një mandat të ri në zgjedhjet presidenciale të FIFA-s, të cilat do të mbahen më 18 mars 2027 në Rabat të Marokut. Afati i fundit për dorëzimin e kandidaturave është 18 nëntori 2026.

Deri tani, Infantino mbetet kandidati i vetëm zyrtar për këtë pozitë, ndërsa presidenti i CONCACAF-it, kanadezi Victor Montagliani, përmendet si një prej emrave që mund ta sfidojë, edhe pse kandidatura e tij ende nuk është zyrtarizuar.

Kundërshtimi ndaj Infantinos është rritur pas propozimit të tij për hapjen e një pjese të aktiviteteve komerciale të FIFA-s ndaj investitorëve privatë, plan që më vonë u braktis pas kundërshtimeve të forta nga konfederatat rajonale.

Në anën tjetër, Infantino vazhdon të ketë mbështetje të rëndësishme nga konfederatat e Amerikës së Jugut dhe Afrikës, ndërsa në Evropë po shtohet presioni për ndryshime në drejtimin e FIFA-s.

Me zgjedhjet që po afrohen, pritet që gjatë muajve të ardhshëm të qartësohet nëse do të shfaqet një kandidat i përbashkët që mund ta sfidojë Infantinon për drejtimin e futbollit botëror.

D.L

Sport

Leard Sadriu bëhet kapiten në Rumani, kosovari po shndërrohet në lider të FC Arges

Published

7 hours ago

September 10, 2026

UBTNews

Paraqitje të qëndrueshme, nota të larta dhe tashmë edhe shiriti i kapitenit. Leard Sadriu po kalon një periudhë të mirë te FC Arges Pitesti dhe është shndërruar në një prej figurave kryesore të skuadrës në Superligën e Rumanisë.

Mbrojtësi kosovar është në sezonin e dytë me klubin rumun dhe gjatë kësaj periudhe ka fituar gjithnjë e më shumë besimin e trajnerit dhe bashkëlojtarëve. Paraqitjet e tij në repartin defensiv e kanë bërë një prej lojtarëve më të rëndësishëm të skuadrës, ndërsa së fundmi atij i është besuar edhe një përgjegjësi e veçantë – shiriti i kapitenit.

Forma e Sadriut në ndeshjet e fundit tregon qartë qëndrueshmërinë e tij. Në pesë paraqitjet e fundit, reprezentuesi i Kosovës ka marrë nota të larta nga “Sofascore”: 7.4 ndaj Petrolul Ploiestit, 7.0 ndaj Csikszeredas, 7.0 ndaj Universitatea Craiovas, 7.1 ndaj Farul Constantas dhe 7.7 ndaj FC Voluntarit.

Kështu, Sadriu ka një mesatare prej 7.24 në këto pesë ndeshje, duke dëshmuar vazhdimësinë e tij dhe nivelin e mirë të paraqitjeve.

Edhe rezultatet e FC Arges në këto përballje flasin në favor të mbrojtësit kosovar. Me Sadriun në fushë, skuadra ka regjistruar tri fitore, një barazim dhe vetëm një humbje.

Performancat e mira i kanë sjellë edhe një vlerësim të rëndësishëm nga klubi. Në ndeshjen e fundit, Sadriu ka bartur shiritin e kapitenit, duke marrë përsipër një prej përgjegjësive më të mëdha që mund t’i besohet një futbollisti.

Ky rol nuk është vetëm simbolik. Sadriu po dëshmon se mund të jetë lider edhe përmes paraqitjeve, qetësisë dhe sigurisë që sjell në mbrojtje. FC Arges e ka të regjistruar atë si mbrojtës me fanellën numër 3.

Arritja e tij merr një rëndësi të veçantë edhe për faktin se Rumania nuk e njeh zyrtarisht pavarësinë e Kosovës. Pavarësisht kësaj, Sadriu po arrin të ndërtojë një pozitë të rëndësishme në futbollin rumun dhe tashmë është bërë një prej liderëve të klubit.

Gjatë afatit kalimtar të verës, mbrojtësi kosovar kishte pasur interesim dhe oferta nga klube të tjera, por FC Arges nuk ishte e gatshme ta linte të largohej lehtësisht. Klubi vendosi ta mbajë Sadriun, ndërsa paraqitjet e fundit po tregojnë se ky vendim mund të jetë duke u shpërblyer.

Nga një futbollist që kërkonte të konsolidohej në futbollin rumun, Sadriu tashmë është kthyer në një prej emrave kryesorë të FC Arges. Paraqitjet e mira, notat e larta dhe shiriti i kapitenit janë tregues të qartë të rritjes së tij.

Nëse vazhdon me këtë ritëm, afati kalimtar i verës së ardhshme mund të jetë një mundësi për një hap edhe më të madh në karrierë, me interesimin nga kampionatet më të forta evropiane që pritet të rritet.

D.L

Sport

Xhudistët e Kosovës rikthehen në garat e mëdha, synohet medalja në Budapest

Published

7 hours ago

September 10, 2026

UBTNews

Xhudistët e Kosovës rikthehen këtë javë në arenën e garave të mëdha, me ekipin kosovar që do të marrë pjesë në Grand Slamin e xhudos në Budapest.

Garat në kryeqytetin hungarez do të zhvillohen nga e premtja deri të dielën, ndërsa Kosova do të përfaqësohet me pesë xhudistë, të cilët do të kërkojnë rezultate sa më të mira përballë një konkurrence të fortë ndërkombëtare.

Në konkurrencën e meshkujve, Akil Gjakova dhe Dardan Cena do të garojnë në kategorinë deri në 73 kilogramë.

Ndërkohë, te femrat, Kosovën do ta përfaqësojnë Fatjona Kasapi në kategorinë deri në 52 kilogramë, Flaka Loxha në 57 kilogramë dhe Laura Fazliu në kategorinë deri në 63 kilogramë.

Në këtë garë nuk do të paraqitet Distria Krasniqi, e cila do të mungojë për shkak të një lëndimi.

Ekipi kosovar në Budapest do të drejtohet nga kryemjeshtri Driton Kuka, ndërsa synimi mbetet sigurimi i medaljeve, edhe pse përballë do të jenë disa prej xhudistëve më të mirë në botë.

Në Grand Slamin e Budapestit do të marrin pjesë gjithsej 513 xhudistë nga 70 shtete, duke e bërë këtë një prej garave më të forta të kalendarit ndërkombëtar të xhudos.

Përfaqësuesit e Kosovës synojnë të dëshmojnë edhe një herë potencialin e tyre në skenën ndërkombëtare dhe të rikthehen nga Budapesti me medalje.

D.L

Sport

Topi i Artë 2026, gara mes yjeve më të mëdhenj të futbollit

Published

9 hours ago

September 10, 2026

UBTNews

Janë bërë të ditur emrat e futbollistëve të nominuar për çmimin prestigjioz “Ballon d’Or 2026”, me disa prej yjeve më të mëdhenj të futbollit botëror që do të garojnë për trofeun e më të mirit të vitit.

Ceremonia e ndarjes së çmimeve do të mbahet më 26 tetor 2026 në London Palladium Theatre, në Londër, ku do të kurorëzohet fituesi i “Topit të Artë”. Ky do të jetë edicioni i 70-të i ceremonisë prestigjioze.

Në mesin e kandidatëve janë disa prej emrave më të njohur të futbollit, përfshirë Lionel Messin, Kylian Mbappén, Erling Haalandin, Lamine Yamalin, Vinícius Júniorin, Harry Kane dhe Ousmane Dembélén.

Një nga befasitë më të mëdha të listës është mungesa e Cristiano Ronaldos. Ylli portugez nuk është përfshirë në mesin e 30 kandidatëve për çmimin e këtij viti.

Në anën tjetër, Lionel Messi është sërish pjesë e garës për “Topin e Artë”. Argjentinasi është futbollisti me më së shumti trofe të fituar në historinë e këtij çmimi, me gjithsej tetë “Topa të Artë”, dhe rikthimi i tij në listën e kandidatëve ka tërhequr vëmendje të madhe.

Gara pritet të jetë veçanërisht interesante edhe për shkak të paraqitjeve të futbollistëve të rinj. Lamine Yamal është ndër emrat që po shihet si një prej pretendentëve kryesorë, ndërsa në listë janë edhe Jude Bellingham, João Neves dhe Michael Olise.

Në garë është edhe Ousmane Dembélé, ndërsa emra si Mbappé, Haaland, Vinícius Júnior dhe Kane synojnë të lënë pas rivalët dhe të shpallen futbollisti më i mirë i vitit.

Fituesi i “Ballon d’Or” do të përcaktohet përmes votave të gazetarëve nga vende të ndryshme të botës. Përveç çmimit kryesor, gjatë ceremonisë në Londër do të ndahen edhe çmime të tjera individuale dhe ekipore, përfshirë çmimin për futbollisten më të mirë, portierët më të mirë, talentet e rinj dhe trajnerët.

Lista e plotë e 30 të nominuarve për “Ballon d’Or 2026” është:

Jude Bellingham

Pau Cubarsí

Marc Cucurella

Ousmane Dembélé

Luis Díaz

Bruno Fernandes

Gabriel Magalhães

Erling Haaland

Achraf Hakimi

Harry Kane

Khvicha Kvaratskhelia