Teknologji

​KPM kundër dezinformatave, ndalon transmetimet e mediave ruse në Kosovë

Nga ky vendim janë larguar katër media ruse.

Published

4 years ago

on

Agresioni rus në Ukrainë ka bërë që Komisioni i Pavarur i Mediave (KPM) të marrë vendim për largimin e përkohshëm nga transmetimi të gjitha kanalet me origjinë nga Federata Ruse në Kosovë. Kjo me qëllim që qytetarët tonë mos të bien pre e dezinformatave. E nga ky vendim janë larguar katër media ruse.

Kryeshefiekzekutiv i Komisionit të Pavarur për Media, Faruk Rexhaj, në një intervistë për KosovaPress, tregon qëllimin e largimit e përkohshëm të kanaleve ruse nga transmetimi në vendin tonë.

“Komisioni i Pavarur i Mediave ka marrë një vendim me të cilin përkohësisht ka larguar të gjitha mediat ruse ose me origjinë ruse në të gjithë operatorët e shpërndarjes në vendin tonë. Bëhet fjalë për disa kanale ruse të cilat operojnë përmes operatorëve të shpërndarjes, është Russia Today, Russia Documentary, dhe dy kanale të tjera, por ajo që është me rëndësi se operatorët e shpërndarjes i janë përmbajtur vendimit të KPM-së dhe pothuajse të gjitha operatorët i kanë larguar këto media nga transmetimi i tyre, nga platformat e tyre”, tha Rexhaj.

Për vendimin e largimit të përkohshëm të transmetimit të mediave ruse, Rexhaj thotë se edhe vendet e Evropës kanë marrë një vendim të tillë.

“Së paku sa jemi njoftuar edhe ne nga mediat, siç duket ka edhe në Evropë ka shtete të cilat e kanë ndërmarrë këtë hap duke i larguar këto media nga transmetimi i tyre, mirëpo kryesisht ka ardhur si pasojë e luftës e cila është duke u zhvilluar në mes Rusisë dhe Ukrainës, është bërë në një formë dhe jemi duke marrë masa të nevojshme që të mbrohet siguria, rendi juridik në Kosovë që të mos ketë dezinformata të cilat mund të qojnë në prishjen e çfarëdo rendi apo diçka në vendin tonë, kjo është parandaluese gjithsesi është i përkohshëm dhe në asnjë formë nuk duhet të tingëllojë si ndalim i fjalës së lirë apo diçka e tillë, thjesht është një vendim i përkohshëm, të shohin ditëve në vazhdim se si janë duke rrjedhur gjërat dhe sa duhet të qëndrojë ky ligj në fuqi”, tha ai.

Rexhaj ka thënë se të gjitha mediat të cilat transmetohen në Kosovë janë të licencuara nga Komisioni i Pavarur i Mediave.

“Operatorët e shpërndarjes marrin kanalet me licencë dhe ka kanale vendore të cilat janë të licencuara nga KPM-ja, mirëpo ka kanale edhe nga jashtë Kosovës të cilat janë të licencuara në vendin e origjinës. Në direktivën e AVM-së dhe në përgjithësi licencimi i dyfishtë nuk lejohet, pra ato media të cilat janë të licencuara në venin i origjinës nuk licencohen prapë në Kosovë, këtu operatorët e shpërndarjes kanë mundësi të marrin kanale nga dhe kanë kanale po thuajse nga të gjitha vendet e botës përfshirë Gjermaninë, Francën prej të gjitha vendeve të ciklat mbledhin kanale me marrëveshje i ofrohen marrëveshjet për ato kanale që i kanë dhe i transmetojnë”, tregon ai.

Ndërkohë ,ai foli edhe për transmetimin e mediave serbe në Kosovë, për të cilat thotë se kanë të drejtë të transmetohen në Kosovë, pasi që janë të licencuar.

“Të gjitha subjektet transmetuese të cilat transmetojnë në Kosovë kanë licencë nga KPM-ja. Këto subjekte transmetuese mund të arrin frekuencë nga radio, të cilat janë edhe televizionet me frekuencë, operatorë të shpërndarjes (operatorë kabllorë), kanë licencë në KPM, mirëpo operatorët e shpërndarjes bartin kanale edhe të Serbisë si (RTS), mirëpo kanë të drejtë, ka edhe operatorë shqiptarë që bartin kanale serbe në platformat e tyre të shpërndarjes, kjo është diçka që është në kuadër të ligjit[…]Nuk e di se si funksionon atje në Serbi licencimi i këtyre kanaleve, mirëpo mendoj se Kosova ka një pluralizëm të madh medial, kemi pothuajse televizione në të gjitha komunitet në Kosovë që veprojnë, kjo është një praktikë për tek ne qytetarët e barabartë dhe të gjitha ata që i plotësojnë kushtet në bazë të ligjit”, tha ai.

Ndërkohë KPM bën apel te mediat që të kenë kujdes gjatë transmetimit të përmbajtjeve programore me qëllim të evitimit të shpërndarjes së lajmeve propaganduese dhe të rreme, e që bëhet fjalë për ato nga Federata Ruse.

Related Topics:
Continue Reading

Teknologji

Makina e vitit 2026 në Gjermani, ja kush po e dominon kategorinë

Published

3 days ago

on

November 27, 2025

By

Modeli kompakt elektrik Škoda Elroq u bë makina elektrike më e shitur në Gjermani gjatë muajit tetor dhe sapo fitoi titullin prestigjioz “Makina Gjermane e Vitit 2026”, duke lënë pas konkurrentë si Dacia Bigster dhe Hyundai Ioniq 9.

Me pajisjet e tij moderne dixhitale, sistemet e sigurisë dhe teknologjinë e avancuar, Elroq përfaqëson një shembull të qartë të inovacionit në industrinë e automobilave, përfshirë edhe sistemin e tij të fuqishëm të transmisionit.

Në dispozicion janë tre versione baterish:

Versioni bazë ka një bateri me kapacitet të përdorshëm 50 kWh, që ofron një autonomi prej 375 km, mund të karikohet deri në 130 kW, dhe kur kombinohet me një motor elektrik 170 kf, përshpejton nga 0 në 100 km/h për 9 sekonda.

Versioni më i avancuar ka një bateri 77 kWh me autonomi 570 km, karikohet deri në 175 kW, dhe motori elektrik me 286 kf dhe 545 Nm siguron një përshpejtim vetëm 6.6 sekonda deri në 100 km/h.

Fituesit e çmimeve shpallen në pesë kategori bazuar në çmimin e automjetit:

Kategoria kompakte (deri në 40,000 €): Škoda Elroq

Automjete të vogla (deri në 25,000 €): Dacia Bigster

Segmenti premium (deri në 70,000 €): Hyundai Ioniq 9

Klasa luksoze (mbi 70,000 €): Cadillac Vistiq

“Makina e Vitit” vlerëson makinat më të mira të reja në treg, ku një juri prej 40 gazetarësh automobilash teston modelet kryesore në pesë kategori. Fituesit e klasave marrin pjesë në një provë finale drejtimi, dhe automjeti me më shumë vota shpallet Makina e Vitit në nëntor.

Për herë të parë në historinë e konkursit, fituesi i përgjithshëm nuk është nga Gjermania, duke treguar se prodhuesit ndërkombëtarë po marrin gjithnjë e më shumë iniciativën në industrinë automobilistike. /A.Z/UBT News/

Continue Reading

Teknologji

Renault Group shpallet “Prodhuesi i Vitit”

Published

3 days ago

on

November 27, 2025

By

Një natë krenarie për të gjithë të lidhurit me Renault Group, pasi kompania franceze e automjeteve u shpall “Prodhuesi i Vitit” në TopGear.com Awards 2025 në Londër.

Viti 2025 ka qenë i mbushur me aktivitete për Renault, dhe kompania ndihet e nderuar që përkushtimi i ekipeve u vlerësua nga një nga emrat më të respektuar në industrinë automobilistike.

Jack Rix, redaktor i TopGear.com, komentoi:

“Ka qenë vit i jashtëzakonshëm, me R5 dhe R4 që fituan zemrat e njerëzve, Clio që shpëtoi segmentin supermini, Twingo që riktheu triumfueshëm e R5 Turbo 3E që dëshmoi se ka ende vend për pak çmenduri. Alpine filloi odiseadën elektrike me modelet A290 dhe A390, Dacia zgjeroi horizontet me Bigster dhe më pas i ngushtoi përsëri me Hipster. Tani presim me padurim vitin 2026.”

Ky çmim i fundit kurorëzon një vit të rëndësishëm për Renault, dhe kompania falënderon sinqerisht TopGear.com për njohjen e dhënë.

Suksesi i Renault nuk përfundon këtu: modeli R4 u shpall “Crossover i Vitit”, pas titullit “Vetura Elektrike e Vitit” në TopGear.com Electric Car Awards më herët gjatë vitit.

Ky rezultat reflekton vizionin e Renault: të inovojë dhe të sfidojë kufijtë për të krijuar automjete më të qasshme dhe më argëtuese për një audiencë gjithnjë e më të gjerë. /A.Z/UBT News/

Continue Reading

Teknologji

Apple përballet me hetime për ndikimin e privatësisë

Published

4 days ago

on

November 26, 2025

By

Zyra kundër monopolit e Polonisë (UOKiK) po heton nëse Apple po kufizon konkurrencën në tregun e reklamave mobile përmes politikës së saj të privatësisë, App Tracking Transparency (ATT).

Ky sistem, i prezantuar në iOS 14.5 e më pas, mund të pengojë aplikacionet e palëve të treta të mbledhin të dhëna për reklama të personalizuara, duke favorizuar shërbimin e reklamave të Apple.

Presidenti i UOKiK, Tomasz Chrostny, deklaroi se politika e ATT-së mund të ketë mashtruar përdoruesit për nivelin e mbrojtjes së privatësisë dhe mund të përbëjë abuzim me pozicionin dominues.

Nëse akuzat konfirmohen, Apple mund të gjobitet deri në 10% të të ardhurave vjetore në Poloni. Hetime të ngjashme po kryhen edhe në Gjermani, Itali, Rumani, ndërsa në Francë kompania u gjobit me 150 milionë euro. /A.Z/UBT News/

Continue Reading

Teknologji

Nokia investon 4 miliardë dollarë në SHBA dhe sjell rrjetin 4G në Hënë

Published

4 days ago

on

November 26, 2025

By

Nokia do të investojë 4 miliardë dollarë në SHBA për kërkim, zhvillim dhe prodhim, me fokus në përparimet e rrjetit të drejtuar nga inteligjenca artificiale.

Nga kjo shumë, 3.5 miliardë dollarë do të përdoren për kërkim-zhvillim dhe 500 milionë për prodhim dhe shpenzime kapitale në Teksas, New Jersey dhe Pensilvani.

Përveç investimeve tokësore, Nokia do të vendosë rrjetin e parë 4G në Hënë, pjesë e misionit Intuitive Machines-2, duke ndihmuar në bazat për eksplorimin hënor dhe misionet me ekuipazh.

Anija Athena e misionit u ngrit së fundmi me raketën SpaceX Falcon 9, duke transportuar rrjetin hënor të Nokias.

Nokia prezantoi kamerën e saj profesionale Nokia 360 Camera, e para 5G në botë që transmeton video 8K me zë hapësinor dhe lidhje me vonesë të ulët për përdorim industrial. /A.Z/UBT News/

Continue Reading

Të kërkuara