Lajmet

​Kosova ka bërë përmirësim të theksuar për barazinë gjinore

Kurti tha se Qeveria e Kosovës po punon me diversitet, gjithëpërfshirje dhe me mundësi për të gjithë.

Published

on

Në Prishtinë sot është lansuar projekti “Instrumenti për Barazinë Gjinore”, i cili është i dizajnuar që ta mbështesë Kosovën në procesin e integrimit në BE, duke u siguruar që barazia gjinore është e integruar në të gjithë sektorët dhe që mekanizmi i barazisë gjinore është i fuqizuar, me qëllimin e vetëm për zhvillim të barabartë socio-ekonomik për gratë dhe burrat në Kosovë.

Në këtë ceremoni nga të pranishmit u tha se Kosova ka bërë përmirësim të theksueshëm në barazi gjinore.

Kryeministri i Kosovës, Albin Kurti tha se Qeveria e Kosovës po punon me diversitet, gjithëpërfshirje dhe me mundësi për të gjithë.

“Të gjithë ne besojmë se duhet t’i gëzojmë të drejtat e barabarta, por ne si qeveri angazhohemi me punën tonë që në shoqërinë tonë që të gjithë t’i kemi edhe mundësitë e barabarta…..për të zvogëluar pabarazitë dhe hendeqet në zhvillim, nevojitet rritje e përfshirje të grave dhe vajzave në kontrollin dhe shpërndarjen e burimeve financiare, si dhe të rritjes së qasjes në fonde publike”, tha ai.

Shefi i Bashkëpunimit të BE-së në Kosovë, Johannes Madsen tha se Kosova për herë të parë do të merr mbështetjen e BE-së për integrimin e barazisë gjinore. Sipas tij, Qeveria e Kosovës ka demostruar përkushtimin për promovimin e barazisë gjinore dhe fuqizimit të grave, dhe për këtë duhet krenuar.

“Në këtë fazë të zbatimit të MSA-së dhe financimit IPA 3, Kosova për herë të parë do të merr mbështetje nga BE të dedikuar për integrimin e barazisë gjinore. Në vazhdën e viteve të ardhshme, instrumenti i barazisë gjinore do të punoj drejt një qasje koherente për institucionet kosovare drejtë akisë së BE-së.….Viteve të fundit suksesi i Qeverisë së Kosovës që kanë demonstruar përkushtimin e tyre për të promovuar barazinë gjinore dhe fuqizimin e grave. Kosova ka një agjenci të specializuar për barazia gjinore dhe ka ligje strategjike, të cilat janë të miratuara..14\10 Kosova është ngadalë por me hapa të sigurt duke marrë kuptim më të mirë të nevojave të barazisë gjinore dhe tashmë ka shumë gjëra me të cilat mund të krenoheni”, theksoi ai.

Koordinatorja e Kombeve të Bashkuara për Zhvillim në Kosovë, Arnhild Spence tha se Kosova ka bërë përmirësim të theksueshëm në barazi gjinore. Por, ajo theksoi se mbetet ende punë që të shkojmë drejt prioritetit gjinor.

“Kosova ka bërë përmirësim të theksueshëm në barazi gjinore, e ka marrë modelin botëror që gjithashtu ka edhe presidenten e cila është grua dhe ka një kabinet impresiv të ministreve të cilët punojnë nën udhëheqjen e kryeministrit Kurti….Në Kuvendin 35% janë gra edhe pse ka ende punë që të shkojmë drejt prioritetit gjinor, mirëpo ta bëjmë këtë si qëllim deri në vitin 2040….Statistikat na kanë treguar që 17,09% kanë marr pjesë në fuqinë punëtore krahasuar me 46’6% të burrave ky është një dallim shumë I madh, ky boshllëk ka vazhduar edhe pse gratë janë pjesë e shumicës”, u shpreh ajo.

“Instrumenti për Barazinë Gjinore”, është i financuar nga Bashkimi Europian dhe i implementuar nga Zyra e UN Women në Kosovë. 

Aktualitet

Punëtorët e KEK-ut protestojnë më 1 maj

Published

on

Sindikata e Re e Korporatës së Energjisë së Kosovës njoftoi për organizimin e një proteste më 1 Maj, Ditën Ndërkombëtare të Punëtorëve, për të kërkuar paga më dinjitoze dhe kushte më të mira pune për punëtorët e sektorit energjetik.

Protesta do të mbahet të mërkurën, në ora 12:00, në sheshin “Skënderbeu” në Prishtinë.

Në njoftimin e bërë publik, Sindikata thekson se puna e tyre përmban lodhje ekstreme, rrezik të përhershëm dhe sakrificë të përditshme, duke theksuar se “kjo punë nuk ka para që mund ta paguajë”.

Për të ilustruar realitetin e vështirë, sindikata ka shpërndarë edhe një fotografi të një punëtori me fytyrë të mbuluar nga pluhuri i zi, simbol i kushteve të rënda në të cilat punojnë minatorët dhe teknikët e KEK-ut.

“Protestojmë për një pagë dinjitoze dhe respekt për punën tonë”, thuhet në thirrjen publike, ku organizatorët ftojnë qytetarët dhe përfaqësuesit sindikalë të solidarizohen me kërkesat e tyre.

Continue Reading

Aktualitet

Zhduket një person në Shtime

Published

on

Një person është raportuar i zhdukur në Shtime tash e dy ditë.

Sipas njoftimit nga Policia, babai i viktimës ka raportuar në polici të hënën pasdite se djali i tij është  larguar nga shtëpia dhe nuk është kthyer më.

Rasti vazhdon të hetohet.

Continue Reading

Lajmet

Presidenti i Malit të Zi nuk e dekreton ligjin për Plazhin e Madh të Ulqinit

Published

on

By

Presidenti i Malit të Zi, Jakov Millatoviq, ia ka kthyer Kuvendit për rishqyrtim njërën nga dy marrëveshjet që Qeveria e Malit të Zi i kishte nënshkruar me Emiratet e Bashkuara Arabe – atë që i hapte rrugë dhënies me qira të Plazhit të Madh në Ulqin.

Sipas asaj marrëveshjeje, Mali i Zi do t’ia jepte Plazhin e Madh me qira për 99 vjet kompanisë Emmar të biznesmenit arab, Mohamed Alabbarit, që do të ndërtonte një kompleks megaturistik në Ulqin.

Alabbar ka marrë pjesë edhe në projekte rajonale në Kroaci, Shqipëri dhe në “Beogradin mbi ujë” në Serbi.

Por, Millatoviq, i cili dekretoi Ligjin për ratifikimin e Marrëveshjes për bashkëpunim ekonomik, nuk e bëri të njëjtën edhe për Ligjin për ratifikimin e Marrëveshjes për bashkëpunim në fushën e turizmit dhe zhvillimit të pasurive të paluajtshme. Këtë të fundit ai ua ktheu deputetëve për ta votuar sërish.

Që marrëveshjet e nënshkruara nga kryeministri Millojko Spajiq në fund të marsit me zyrtarët e Emirateve të hyjnë në fuqi, Kuvendi i Malit të Zi i miratoi dy ligjet me procedurë të përshpejtuar më 23 prill, me propozim të Qeverisë.

Ato u mbështetën nga deputetët e shumicës parlamentare – lëvizja e Spajiqit “Evropa tani”, partia “Demokracia e Re Serbe” e kryetarit të Kuvendit, Andrija Mandiq, Demokratët dhe Partia Boshnjake.

Ditëve para miratimit, Millatoviq dhe një pjesë e sektorit joqeveritar paralajmëruan se me miratimin e Marrëveshjes për bashkëpunim në turizëm dhe zhvillim të pasurive të paluajtshme po pezullohet Kushtetuta dhe një pjesë e ligjeve të Malit të Zi.

Kthimi i këtij ligji nga Millatoviq e detyron Kuvendin që të votojë sërish për të. Nëse ligji miratohet përsëri, ai do t’i dërgohet sërish Millatoviqit për nënshkrim. Sipas Kushtetutës, në atë rast ai është i detyruar ta nënshkruajë, dhe ligji hyn në fuqi./REL/

Continue Reading

Lajmet

Rama: Buxheti për vitin 2025 po sabotohet, kërkojmë zgjidhje alternative

Published

on

By

Kryetari i Prishtinës, Përparim Rama, pas dështimit të seancës së Kuvendit Komunal, ka deklaruar se buxheti i kryeqytetit për vitin 2025 po përballet me pengesa serioze.

Sipas tij, ndonëse buxheti është votuar që në dhjetor 2024 dhe është planifikuar për projektet madhore të qytetit, Parlamenti i Kosovës ende nuk ka miratuar atë.

Rama akuzoi institucionet për shmangie të vazhdueshme dhe tentim sabotimi. “Do të vazhdojmë të punojmë me projekte të reja dhe të kërkojmë fonde nga instanca të tjera”, u shpreh ai.

“Buxhetin e dini që ne e kemi votuar në dhjetor të vitit 2024, i cili është planifikuar për të gjitha projektet madhore të kryeqytetit. Kemi kërkuar që atëherë që Parlamenti i Kosovës ta miratojë, por asnjëherë nuk është ftuar seanca. Tani kemi një çështje tjetër që ende nuk është konstituar. Ne kemi shqyrtuar në mënyrë ligjore se si Ministria e Financave të kërkojë buxhetin, e kemi kërkuar tashmë dy herë, por është shmangur. Tani ne duhet të gjendemi në mënyra të ndryshme, duhet t’i gjejmë fondet përmes projekteve të reja. Është tentuar të sabotohet edhe buxheti, por ne kemi arritur që të bëhet. Nuk po shfrytëzohet mundësia që buxheti i vitit 2025 të aprovohet. Ne vazhdojmë me projektet, nuk do të ndalemi dhe do të vazhdojmë të kërkojmë instanca të tjera”, tha Rama.

 

Continue Reading

Të kërkuara