Lajmet

​Komisioni për Ekonomi miraton në parim projektligjin për punimet nga metalet e çmuara

Published

3 years ago

on

Është miratuar në parim projektligji për punimet nga metalet e çmuara. Komisioni për Ekonomi, Industri, Ndërmarrësi dhe Tregti ka shqyrtuar këtë projektligj, ku ministrja Rozeta Hajdari ka theksuar se me ligjin aktual ka mundësi për manipulime me përzierje të metaleve. Ajo është zotuar se me ligjin e ri do të plotësohet standardi që punimet duhet të kenë një shkallë të pastërtisë të përcaktuar. Nga takimet që ka pasur me Shoqatën e Artarëve të Kosovës ajo tha se dy kërkesat kryesore janë për vulë dhe sigurinë e tyre.

Ministrja e Industrisë dhe Ndërmarrësisë, Rozeta Hajdari tha se artarët janë pajtuar për vendosjen e vulës, meqë deri më tani ka pasur shumë manipulime.

“Arsyeshmëria për hartimin e projektligjit për punimet nga metalet e çmuara është përcaktim i kushteve, mënyrës dhe kontrollit të cilësisë të punimeve të punuara nga metalet e çmuara. Gjithashtu në këtë projektligj caktohen kërkesat e standardit IZO me të cilat përcaktohet shkalla e pastërtisë, përbërjes dhe mirëmbajtjes së metaleve të tjera. Pjesë prej metaleve jo të çmuara dhe jo metaleve rregullon kushtet dhe mënyrën e ekzaminimit të shënimit në harmonizim me shenjat ndërkombëtarisht të pranuara. Si dhe detyrimet mbi shpenzimet për ekzaminimin dhe shënimin”, ka thënë Hajdari.

Hajdari ka shtuar se mos-pajisja e përpunuesit në Kosovë me shenjën e përpunuesit dhe prodhuesit për punimet e tyre ka shkaktuar vështirësi në funksionimin e tregut.

Më tej, ajo ka theksuar se me ligjin aktual ka mundësi për manipulimin e përzierjes së metaleve.

“Me ligjin aktual kemi mundësi për të manipuluar me përzierjen e metaleve. Dhe me ligjin e ri pikërisht që është konform standardit IZO 9202 -2019 dhe po ashtu me vulën të cilën e aplikojmë me ligjin e ri, e kemi shmangien e hapësirës për përzierjen e metaleve të çmuara. Ne kemi laboratorë në Agjencinë e Metrologjisë”, ka shtuar ajo.

Udhëheqësja e sektorit për metale të çmuara, Sebahate Ibrahimi tha se bëjnë kontrollin e cilësisë së punimeve që janë në treg, ku për model kanë Slloveninë.

“Ne e bëjmë kontrollimin e punimeve të cilat janë në treg. Do të thotë punimet që shihen. A e kanë po atë cilësi të cilën është e paraparë me standardin 9202. Për shembull 14 karati apo 18 karati, ne e vlerësojmë a është po ajo cilësi që është e deklaruar në punim. Dhe pas kontrollit e cilësisë e vlerësojmë me shenjën shtetërore”, u shpreh Ibrahimi në këtë komision.

Anëtari i komisionit, Armend Muja ka pyetur ministren për problemet që kanë hasur që kanë bërë të mundur rregullimin urgjent.

“A mund të na tregoni se çfarë probleme keni hasur që është bërë i domosdoshëm rregullimi i cilësisë. A janë hasur gjatë kontrolleve dhe inspektimeve që nuk ka pasur cilësi, sepse ende diskutohet për 14 karatin ose përzierje të aliazhit. A ka pasur ndonjë analizë studimore paraprake që ka dokumentuar problemet të theksuara që e kanë bërë të mundur rregullimin urgjent”, ka pyetur Muja.

Ajo para anëtarëve të komisionit ka thënë se artarët janë edhe në rrezik për jetë.

“Artarët tanë kanë edhe sfidën e sigurisë. Ata të cilët janë pajtuar me çdo propozim që kemi sjellur, ne si qeveri dhe si parlament duhet të kujdesimi edhe për sigurinë e artarëve të Kosovës, sepse ka shumë rreziqe të mëdha dhe produktet e tyre nuk janë të siguruara. Kjo nuk rregullohet me Ligjin për Metalet e Çmuara, por do të shikohet në të ardhmen se si ta rregullojmë më së miri sigurinë e artarëve të Kosovës. Të cilët janë në rrezik të madh edhe për jetë. Kjo është shqetësuese për sigurinë e Kosovës”, ka deklaruar Hajdari.

Komisioni për Ekonomi ka vazhduar mbledhjen në oën 13:00 me përfaqësues të auditorit, por i njëjti ka qenë i mbyllur për media.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

2 days ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

2 days ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara