Lajmet

​Klinaku: Gazi lotsjellës është hedhur nga dritarja e Kuvendit

Paralajmëron masa të tjera.

Published

4 years ago

on

Për më shumë se tri orë, me qindra protestues kanë qëndruar në oborr të Kuvendit të Kosovës. Ata kanë shprehur kundërshtinë për ndryshimin e projektligjit për pagën minimale, i cili përjashton veteranët e luftës së Ushtrisë Çlirimtare të Kosovës. Ani pse një gjë e tillë nuk ndodhi në seancën plenare, udhëheqës të kësaj organizate kanë paralajmëruar masa edhe më të ashpra.

Ushtruesi i detyrës së kryetarit të OVL-UÇK-së, Faton Kliniku pas përfundimit të protestës, ka deklaruar se është turp që 51 deputetë kanë votuar pro këtij ndryshimi të ligjit. Po ashtu, ai ka thënë se nuk ka pasur ftesë prej institucioneve për të diskutuar në lidhje me këtë çështje.

“Është turp për këta 51 deputetë që votuan një ndryshim ligji që i heq veteranët edhe nga ajo pagesë apo ai pension që e marrin prej 170 eurove. Është mirë që ky pushtet të vetëdijesohet, sepse të ardhurat për deputetë kanë, por duhet llogaritur që edhe veteranët e luftës kanë familje nuk mund të jetojnë me 170 euro. Ne si organizatë kërkojmë që të rritet paga minimale për gjithë sektorin së paku 350 euro apo 400 dhe në këtë rast të rritet edhe pensioni i veteranëve. Me ligj qeveria e ka mundësinë që ta rris pensionin e veteranit më shumë se paga minimale, por me ligj është e ndaluar që të bëhet më pak, prandaj këta kanë dashur të shkelin ligjin”, ka theksuar ai.

Ai është zotuar se nuk do të lejojnë ndryshime të tilla të ligjit, ku përjashtohen veteranët. Për këtë ka paralajmëruar edhe masa të tjera.

“Ne prapë do të thërrasim protesta, nëse gjithsesi e ndryshojnë këtë, natyrisht që protestat tona do të jenë që do ta bllokojmë kuvendin apo qeverinë që të mos funksionojë, sepse me të vërtetë janë duke bërë një gjë të kundërligjshme…Ka deputetë edhe nga pozita që e kundërshtojnë këtë ndryshim ligji”, ka shtuar ai.

Ai ka mohuar që në protestën e sotme veteranët kanë hedhur gazlotsjellës.

“Nga dritarja e kuvendit, këtë shqetësim ia kam paraqitur edhe Policisë së Kosovës, komandatit të tyre. Nga dritarja e kuvendit, është kryetari Glauk Konjufca le ta vërteton se kush ka hedhur gaz… E pash edhe unë që pat tentime, natyrisht që këta janë të frustruar për shkak se duanë të lëjnë edhe familjet e tyre pa bukë. Unë jam munduar me policinë që ta qetësojë se nuk ka pasur nevojë dhe nuk kanë bërë diçka. Dhunë nuk ka pasur, por tentime. Natyrisht na kanë dëgjuar neve dhe policisë”, ka përfunduar Klinaku.

Me fillim të protestës, pjesëmarrësit kanë thyer rrethojën e kuvendit dhe kanë hyrë brenda oborrit. Më pas, është hedhur gazlotsjllës, për çka ka mohuar Policia e Kosovës. Përreth godinës së kuvendit, ka pasur forca të shtuara të Njësisë Speciale të Kosovës.

Related Topics:
Continue Reading

Lajmet

Ferizaj: Arrestohet një 16-vjeçar pasi sulmoi me thikë qytetarët dhe zyrtarët policorë

Published

8 minutes ago

on

July 10, 2026

By

Sot rreth orës 07:50 në Ferizaj, policia ka arrestuar një 16-vjeçar dhe nënën e tij 47-vjeçare, pas një incidenti që nisi në sheshin e qytetit dhe përfundoi me lëndimin e dy qytetarëve dhe tre zyrtarëve policorë.

Sipas njoftimit zyrtar, i mituri fillimisht ka sulmuar qytetarët me thikë dhe më pas është larguar nga vendi i ngjarjes.

Policia e ka lokalizuar të dyshuarin në fshatin Greme, ku ai ka refuzuar të dorëzohet, ka hedhur benzinë në trup dhe ka sulmuar zyrtarët policorë me gurë e me thikë. Gjatë kësaj kohe, nëna e tij ka ndërhyrë duke penguar veprimet e policisë. Nga përleshja kanë mbetur të lënduar tre policë, përfshirë njërin që ka marrë një goditje me thikë në qafë.

Pas ndërhyrjes, policia ka prangosur të dy personat dhe ka sekuestruar thikën si provë materiale. Me urdhër të prokurorit, 16-vjeçari është dërguar në mbajtje për 24 orë, ndërsa autoritetet po vazhdojnë hetimet për zbardhjen e plotë të rastit. /E.A/

Continue Reading

Lajmet

Kosova ndan licencat e para për udhërrëfyesit turistikë

Published

9 minutes ago

on

July 10, 2026

By

Kosova ka ndarë licencat e para për udhërrëfyesit turistikë, duke shënuar fillimin e një sistemi të rregulluar të licencimit me standarde të qarta për këtë profesion.

Sipas Ministrisë së Kulturës dhe Turizmit, ky proces synon të sigurojë që udhërrëfyesit turistikë të ushtrojnë profesionin me përgatitje profesionale, përgjegjësi dhe njohuri të sakta, duke kontribuar në prezantimin dinjitoz të historisë, kulturës dhe trashëgimisë së Kosovës para vizitorëve.

Në njoftim thuhet se udhërrëfyesit turistikë kanë një rol të rëndësishëm në lidhjen e vizitorëve me identitetin kulturor të vendit, prandaj licencimi i tyre përbën një hap të rëndësishëm në zhvillimin e sektorit të turizmit.

Ministria theksoi se krijimi i Ministrisë së Kulturës dhe Turizmit ka mundësuar një qasje më të strukturuar ndaj zhvillimit të turizmit, duke e trajtuar atë si një sektor me potencial të madh për Kosovën.

Me këtë rast, u uruan të gjithë udhërrëfyesit e licencuar për sukses në ushtrimin e profesionit dhe u vlerësua kontributi i tyre në promovimin e vlerave kulturore dhe turistike të Kosovës para vizitorëve vendas dhe të huaj./A.K/

Continue Reading

Lajmet

Përmbyllet Akademia Verore e Fakultetit Media dhe Komunikim në UBT, në fokus gazetaria dhe inteligjenca artificiale 

Published

13 minutes ago

on

July 10, 2026

By

Me një seri ligjëratash dhe diskutimesh mbi sfidat bashkëkohore të gazetarisë, është përmbyllur Akademia Verore e Fakultetit Media dhe Komunikim në UBT, ku morën pjesë studentët së bashku me profesorët e fakultetit dhe ekspertë të fushës.
Gjatë akademisë, studentët patën mundësinë të trajtonin tema aktuale që lidhen me transformimin e medias në epokën digjitale, ndikimin e inteligjencës artificiale në gazetari, si dhe rëndësinë e verifikimit të informacionit në një mjedis të mbushur me dezinformim.
Profesoresha Gjylie Rexha ligjëroi temën “Saktësia e kontestuar e informacionit në epokën digjitale”. Përmes një bashkëbisedimi interaktiv me studentët u analizuan raste konkrete të raportimit mediatik, përdorimi i burimeve të informacionit dhe rëndësia e verifikimit të fakteve në gazetarinë moderne.
Më pas, profesoresha Xhevahire Millaku ligjëroi në temën “Sfidat e gazetarisë përballë inteligjencës artificiale”, duke nxitur një debat të hapur mes profesorëve dhe studentëve mbi ndikimin që teknologjitë e reja kanë në profesionin e gazetarit, etikën profesionale dhe të ardhmen e mediave.
Akademia u përmbyll me ligjëratën e profesorit Musa Sabedini, i cili trajtoi temën “Inteligjenca artificiale dhe gazetaria, partneritet profesional apo kërcënim për profesionin”. Gjatë prezantimit u diskutua për mundësitë që ofron inteligjenca artificiale në procesin e raportimit, por edhe për sfidat që sjell përdorimi i saj në ruajtjen e standardeve profesionale dhe besueshmërisë së medias.
Dekani Ferid Selimi vlerësoi sfidat e gazetarisë në kohën e intelegjencës artificiale si një çështje që duhet të kihet parasysh, sidomos nga mediat serioze. Ai vlerësoi se gazetaria profesionale, në pikën e sotme të zhvillimit, varet shumë nga redaktorët profesionalë.
Në fjalën përmbyllëse, Koordinatori i Akademisë Verore të Fakultetit Media dhe Komunikim, Safet Zejnullahu, vlerësoi angazhimin e studentëve dhe profesorëve gjatë Akademisë Verore, duke theksuar rëndësinë e diskutimeve akademike për zhvillimin profesional të brezit të ri të gazetarëve.
“Akademia Verore dëshmoi se media dhe komunikimi janë fusha që zhvillohen vazhdimisht dhe kërkojnë mësim të përhershëm. Studentët tanë duhet të jenë të gatshëm të përballen me ndryshimet teknologjike, të ruajnë etikën profesionale dhe të ndërtojnë një gazetari të bazuar në fakte, integritet dhe përgjegjësi ndaj publikut”, u shpreh Zejnullahu.
Akademia Verore u mbyll me mesazhin se përballë zhvillimeve të shpejta teknologjike, gazetaria mbetet një profesion që ndërtohet mbi besueshmërinë, mendimin kritik dhe përgjegjësinë publike, ndërsa dialogu mes studentëve dhe profesorëve mbetet një element kyç në përgatitjen e profesionistëve të së ardhmes.

Continue Reading

Lajmet

Arrestohet 32-vjeçari në Ferizaj, policia i gjen armë zjarri në një Lamborghini

Published

2 hours ago

on

July 10, 2026

By

Policia e Kosovës ka sekuestruar një armë zjarri gjatë një kontrolli të realizuar në Ferizaj.

Sipas policisë, më 9 korrik 2026, rreth orës 19:20, njësia e patrullës së Stacionit Policor në Ferizaj ka ndaluar për kontroll një automjet të tipit Lamborghini në rrugën “Enver Topalli”.

Gjatë kontrollit, te pasagjeri i automjetit, V.S., 32 vjeç, është gjetur dhe sekuestruar një pistoletë me tetë fishekë.

Lidhur me rastin është njoftuar prokurori i shtetit dhe është iniciuar procedurë për veprën penale “Mbajtje në pronësi, kontroll ose posedim të paautorizuar të armëve”.

Me vendim të prokurorit, i dyshuari është liruar në procedurë të rregullt, ndërsa hetimet lidhur me rastin janë në vazhdim./A.K/

Continue Reading

Të kërkuara