Lajmet

​Khabib për McGregorin: Ai djalë është një kosh mbeturinash dhe karriera e tij ka mbaruar

Published

5 years ago

on

Khabib Nurmagomedov ka kritikuar komunitetin MMA për mbështetjen e dhënë për Conor McGregor dhe sulmoi Irlandezin duke pretenduar se ai kurrë nuk do të kthehet më në majë pas dëmtimit të tij të rëndë në UFC 264.

McGregorit iu desh t’i nënshtrohej një operacioni për të riparuar fibulën e thyer, një dëmtim serioz që ai mori gjatë luftës së tij të tretë kundër Dustin Poirier.

“Paratë dhe fama tregojnë se kush je”, tha Nurmagomedov për “ESPN”. Gjatë gjithë kohës ne dëgjojmë se paratë dhe fama ndryshojnë njerëzit. Jo. Kur vijnë paratë dhe fama, këto dy gjëra tregojnë kush je. Dhe çfarë ka bërë McGregor? Ai grushtoi një njeri të moshuar në një lokal në vitin 2019. Ju djem mund të shikoni gjithçka që ai bëri dhe të kuptoni se ai djalë është një thes me mbeturina”, vazhdoi më tutje Khabib.

“Unë pashë shumë “tëeets” që përpiqeshin ta mbështesnin atë. Si do ta mbështesni këtë djalë? Kur fëmijët, brezi i ri e shikojnë atë, e shikojnë këtë sport? Nëse doni të promovoni luftën tuaj, promovojeni. Nëse komuniteti MMA do të mbështesë këtë popull të keq, ky sport do të shkojë në një mënyrë të keqe”, deklaroi ai.

Nurmagomedov mendon se lëndimi i pësuar nuk do ta lejojë më që Khabib të rikthehet në formën e tij më të mirë.

“Me këmbët e thyera, ai kurrë nuk do të shkelmojë njëlloj si më parë. Nuk besoj ai do të kthehet më në majë. Conor ka një moshë të mirë, por ajo që ndodhi me mendjen dhe këmbët e tij mendoj se ky djalë ka mbaruar”, tha në fund ai.

Related Topics:
Continue Reading

Lajmet

Një i arrestuar për dyshime për falsifikim dokumentesh dhe keqpërdorim të detyrës zyrtare

Published

6 minutes ago

on

May 21, 2026

By

Sipas raportit të Policisë së Kosovës, në koordinim me prokurorin për krime të rënda, janë realizuar kontrolle në dy lokacione të ndryshme në rajonin e Prishtinës dhe Mitrovicës, me qëllim të sigurimit të provave lidhur me dyshimet për veprën penale të falsifikimit të dokumenteve.

Gjatë këtij operacioni, janë shoqëruar dy të dyshuar meshkuj kosovarë, të cilët dyshohet se në bashkëveprim kanë kryer falsifikim të dokumenteve, si dhe keqpërdorim të pozitës apo autoritetit zyrtar.

Si prova materiale janë sekuestruar një laptop, telefona mobilë, para në euro dhe dokumentacione të ndryshme.

Me vendim të prokurorit kompetent, njëri nga të dyshuarit është arrestuar dhe dërguar në mbajtje, ndërsa i dyshuari tjetër është liruar në procedurë të rregullt.

Rasti po vazhdon të hetohet nga organet kompetente.

Continue Reading

Lajmet

UBT organizon ligjëratë me arkitektin austriak Heinz Neumann mbi arkitekturën, ndërtimin dhe dizajnin bashkëkohor

Published

1 hour ago

on

May 21, 2026

By

UBT, gjegjësisht Fakulteti i Arkitekturës dhe Planifikimit Hapësinor do të organizojë një ligjëratë tematike ndërkombëtare me titull “Competitions, Building Constructions and Design”, duke mirëpritur në Kosovë arkitektin e njohur austriak Heinz Neumann, një personalitet me kontribut të shquar në fushën e arkitekturës, urbanizmit dhe projektimit bashkëkohor.

Ngjarja do të mbahet më 22 maj 2026, duke filluar nga ora 13:30, në ambientet e Parkut Shkencor, Inovativ dhe Teknologjik të UBT-së (Biblioteka), duke sjellë për studentët, stafin akademik dhe profesionistët e fushës një mundësi të rëndësishme për të përfituar njohuri dhe përvoja nga një ekspert me karrierë të gjerë ndërkombëtare në projektim arkitektonik dhe zhvillim urban.

Arkitekti Heinz Neumann njihet për angazhimin e tij në projekte të shumta profesionale dhe akademike në nivel ndërkombëtar, ndërsa gjatë ligjëratës do të trajtojë tema që lidhen me konkurset arkitektonike, proceset moderne të ndërtimit, projektimin inovativ dhe sfidat bashkëkohore të arkitekturës dhe urbanizmit.

Ky aktivitet synon të krijojë një platformë të avancuar akademike dhe profesionale ku studentët do të kenë mundësinë të lidhen drejtpërdrejt me praktikat më moderne të arkitekturës ndërkombëtare, duke kuptuar më mirë raportin ndërmjet kreativitetit, funksionalitetit dhe teknologjisë në projektim.

Në këtë ngjarje do të marrin pjesë gjithashtu përfaqësues të odave profesionale dhe asociacioneve të arkitekturës dhe ndërtimit, duke e kthyer aktivitetin në një hapësirë të rëndësishme të dialogut profesional, shkëmbimit të ideve dhe krijimit të bashkëpunimeve ndërmjet akademisë dhe industrisë.

Continue Reading

Lajmet

Në New York promovohet romani “Një fije shprese, Një fije shkrepëse” i Ag Apollonit

Published

2 hours ago

on

May 21, 2026

By

Në ambientet e Konsullatës së Përgjithshme të Republikës së Kosovës në New York do të mbahet promovimi i romanit “Një fije shprese, Një fije shkrepëse” të autorit Ag Apolloni.

Ngjarja organizohet nën kujdesin e ambasadorit Blerim Reka dhe do të ketë si folës profesorin David Damrosch. Promovimi do të zhvillohet sot, më 21 maj 2026, në orën 17:30, në adresën 801 2nd Ave, Suite 301, New York.

Romani “Një fije shprese, Një fije shkrepëse”, i botuar në vitin 2020, është një vepër dokumentare që trajton pasojat e luftës në Kosovë përmes historive të nënave që humbën familjarët e tyre, përfshirë Ferdonije Qerkezin nga Gjakova dhe Pashke Markun nga Zllakuqani.

Vepra sjell një reflektim të thellë mbi dhimbjen, kujtesën dhe qëndresën njerëzore, ndërsa aktiviteti pritet të mbledhë komunitetin shqiptar dhe dashamirësit e letërsisë në SHBA.

Continue Reading

Lajmet

Ministri Gashani vlerëson sukseset e kick-boksierëve kosovarë në garat ndërkombëtare

Published

2 hours ago

on

May 21, 2026

By

Ministri i Sportit dhe Rinisë, Blerim Gashani, ka zhvilluar një takim me drejtuesit e Federatës së Kick Boksit të Kosovës, të udhëhequr nga kryetari Fatmir Makolli, si dhe me sportistët që përfaqësuan Kosovën në kampionatin botëror në Turqi.

Gjatë takimit u prezantuan aktivitetet, planet dhe programi i federatës, ndërsa u diskutua edhe për organizimin e garave dhe zhvillimin e mëtejmë të këtij sporti në vend.

Një vëmendje e veçantë iu kushtua rezultateve të arritura në “Turkish WAKO World Cup”, ku Kosova fitoi një medalje të artë dhe dy të bronzta.

Nga ministria u theksua se këto rezultate dëshmojnë nivelin e lartë të përgatitjes dhe potencialin e sportistëve kosovarë në arenën ndërkombëtare.

Në takim u diskutua gjithashtu për vazhdimin e mbështetjes institucionale ndaj federatës dhe sportistëve, me synim avancimin e mëtejmë të kick boksit dhe përmirësimin e kushteve për zhvillimin e tij në vend.

Continue Reading

Të kërkuara