Lajmet

​Kërkohet që viktimat e dhunës seksuale të marrin trajtim të duhur shëndetësor

Ky diskutim u organizua nga Misioni i Bashkimit Evropian për Sundimin e Ligjit në Kosovë (EULEX) dhe Forumi për Lidership dhe Diplomaci.

Published

on

“Krijimi i shërbimeve të specializuara për të mbijetuarit e dhunës seksuale”, ka qenë tema e diskutimit që është organizuar nga Misioni i Bashkimit Evropian për Sundimin e Ligjit në Kosovë (EULEX) dhe Forumi për Lidership dhe Diplomaci. Aty u theksua nevoja që viktimat e dhunës seksuale të marrin trajtim të duhur shëndetësor, në mënyrë që të mos përballen edhe me probleme të tjera.

Në këtë diskutim u vlerësua përfshirja e Konventës së Stambollit në Kushtetutën e Kosovës, që sipas pjesëmarrësve në këtë diskutim kjo tregon që Kosova është e gatshme të marrë përgjegjësitë dhe të përmirësojë çështjet sociale kur bëhet fjalë për dhunën seksuale.

Pjesë e këtij diskutimi ishte edhe zëvendëskryeministrja e Kosovës, Emilija Rexhepi, e cila tha se kanë dhënë një kontribut në këtë drejtim duke përfshirë Konventën e Stambollit në Kushtetutën e Kosovës.

“Unë mendoj se deri më tani kemi dhënë kontributin tonë në Parlament duke e aprovuar Konventën e Stambollit, ku për politikë kemi që të kemi barazi gjinore dhe që këtë ta implementojmë si institucione dhe kjo nuk varet vetëm nga ne, mirëpo kjo bazohet edhe tek spektri i përgjithshëm udhëheqës shtetëror në shtetin tonë. Kështu që, është shumë e rëndësishme që në këtë proces të jemi së bashku sektori publik, sektori social dhe sektori ndërkombëtarë i cili më të vërtetë gjithmonë i ka përkrahur këto iniciativa dhe mendoj se është me prioritet të rëndësishëm që të jemi të barabartë edhe pavarësisht gjinisë, racës, kombësisë dhe gjuhës që e flasim”, tha ajo.

Përfshirjen e Konventës së Stambollit në Kushtetutën e Kosovës, shefi i EULEX-it Lars Gunnar Wigemark, e quan hap historik për gratë në Kosovë.

Pas kësaj, ai tha se puna duhet të fillojë me implementimin e specifikave të Konventës së Stambollit, derisa theksoi se viktimat e dhunës seksuale duhet të marrin kujdes të duhur shëndetësor, asistencë ligjore dhe përkrahje që të kenë të gjitha të drejtat që i caktohen me ligj.

“Viktimave të kësaj dhune ju duhet menjëherë një përkrahje shëndetësore, duke e kombinuar këtë me një ekzaminim dhe asistencë ligjore, pra duke u lidhur kjo me prokurorinë dhe gjithmonë duhet një konsutim psikologjik se përndryshe do të kemi shenja psikologjike gjatë gjithë jetës. Pra, ne duhet gjithsesi një ndihmë të bëjmë për viktimat dhe kjo ndihmë mund të bëhet vetëm nëse këto viktima të dhunës seksuale janë të gatshme për të kërkuar ndihmë dhe raportojnë dhunuesin. Pra, siç e dini fatkeqësisht një numër i madh i grave ose viktimave nuk e raportojnë një gjë të tillë dhe për rastet e raportuara në Polici janë vetëm një pjesë e vogël që janë përcjell në Prokurori”, tha ai.

Wigemark tha se mungesa e raportimit të rasteve të dhunës nuk është vetëm në Kosovë, por theksoi se është një fenomen universal.

Edhe shefi i Zyrës së Këshillit të Evropës në Prishtinë, Fran Power, deklaroi se përfshirja e Konventës së Stambollit në Kushtetutën e Kosovës është një hap tejet i rëndësishëm, madje ai tha se me këtë veprim Kosova ka treguar se është e gatshme të marrë përgjegjësitë dhe të përmirësojë çështjet sociale kur bëhet fjalë për dhunën.

“Të kemi një shërbim special për viktimat dhe të mbijetuarit e kësaj dhune dhe duhet të merren gjithmonë masa legjislative të duhura që të kemi një qasje sa më të mirë institucionale që të kemi gjithmonë një përkrahje psikologjike dhe ligjore për viktimat… Kosova ka marrë një hap përpara që të ngërthejë dhe të implementoj Konventën e Stambollit, kjo është shumë e rëndësishme për gratë dhe burrat, jo vetëm këtu, mirëpo edhe për gjithë Evropën[…]Përqafimi i kësaj konvente nga shteti i Kosovës tregon se Kosova është e gatshme të marrë përgjegjësitë e saj dhe të përmirësojë çështjet sociale, sidomos kur kemi të bëjmë me dhunën”, tha ai.

Ndërkaq, drejtoresha e Forumit për Lidership dhe Diplomaci, Njomza Emini, tha se një diskutim i tillë është pjesë e përpjekjeve të vazhdueshme për të fuqizuar vajzat dhe gratë.

“Mbase zhvillohet gjatë 16 ditëve të aktivizimit për parandalimin e dhunës ndaj grave, konferenca është gjithashtu pjesë e një përpjekje më të gjatë për të fuqizuar vajzat dhe gratë nga komunitetet e ndryshme në Kosovë dhe për të siguruar përmbushjen e obligimeve të Kosovës sipas Konventës së Stambollit”, tha ajo.

Ky diskutim i organizuar nga Misioni i Bashkimit Evropian për Sundimin e Ligjit në Kosovë (EULEX) dhe Forumi për Lidership dhe Diplomaci, është në kuadër të 16 ditëve të aktivizimit për parandalimin e dhunës ndaj grave.

Lajmet

Nagavci: Vendimi i Kushtetuese konfirmon se konstituimi është përgjegjësi e subjekteve fituese

Published

on

By

Ministrja në detyrë e Arsimit, Arbërie Nagavci, ka deklaruar se vendimi i Gjykatës Kushtetuese e konfirmon qartë se përgjegjësia për konstituimin e Kuvendit të Kosovës bie mbi subjektet fituese të zgjedhjeve, veçanërisht mbi tre partitë më të mëdha që duhet të kenë përfaqësuesit e tyre në Kryesi.

“Besoj ajo që është e qartë është se VV-ja është munduar që ta trajtojë vendimin e Gjykatës Kushtetuese në aspektin juridik. Vendimi e dëshmon edhe një herë atë që e kemi thënë – që konstituimi i Kuvendit është përgjegjësi e subjekteve fituese të zgjedhjeve, e veçmas tri subjekteve më të mëdha, të cilat do të kenë përfaqësuesit e tyre në Kryesi të Kuvendit,” tha Nagavci.

Ajo tha se nuk ka asnjë indikacion nga vendimi i Kushtetueses që votimi i fshehtë është në kundërshtim me Kushtetutën, duke lënë të kuptohet se ai do të përdoret sërish në përpjekjen për konstituim.

“Gjykata Kushtetuese askund nuk e ka cekur që votimi i fshehtë është kundërkushtetues. Besoj që edhe sot do të vazhdohet me të njëjtin votim,” u shpreh ajo.

Continue Reading

Lajmet

Zemaj: Askush s’mund të udhëheqë me diktat, deputetët i përgjigjen vetëm qytetarëve dhe Kushtetutës

Published

on

By

Deputeti i Lidhjes Demokratike të Kosovës (LDK), Armend Zemaj, ka deklaruar se zgjidhja e vetme për tejkalimin e krizës institucionale është respektimi i Kushtetutës dhe i vullnetit të qytetarëve, duke theksuar se Kosova është një sistem parlamentar dhe jo autokratik.

Ai ka thënë se kjo është kërkesa e vetme e LDK-së në takimin e thirrur nga Kurti.

“Kërkesa e vetme është mbrojtja e kushtetutshmërisë dhe ligjshmërisë, edhe vullnetit të qytetarëve të Kosovës. Ne jemi sistem parlamentar, askush nuk mund të udhëheqë me autokraci ose diktat, sidomos mbi deputetët që nuk i nënshtrohen asnjë lloj detyrimi dhe i përgjigjen vetëm qytetarëve, votuesve dhe subjekteve të tyre politike,” ka thënë Zemaj.

Continue Reading

Lajmet

Kurti: Serbia mund të shfrytëzojë elemente destruktive për të nxitur incidente në Gazimestan

Published

on

By

Kryeministri në detyrë i Kosovës, Albin Kurti, ka thënë të premten se Serbia mund të përdorë “elemente destruktive” për të nxitur incidente gjatë festës serbe Vidovdan të shtunën në Gazimestan, rreth 10 kilometra nga kryeqyteti Prishtinë.

Duke folur në një mbledhje të Qeverisë në detyrë, Kurti tha se Serbia do të përpiqet ta zhvendosë vëmendjen nga protesta antiqeveritare që pritet të zhvillohet të shtunën në Beograd, duke nxitur incidente në Kosovë.

Serbët nga Kosova, Serbia dhe rajoni tradicionalisht e shënojnë Vidovdanin më 28 qershor në Gazimestan, një monument historik pranë Prishtinës.

Kurti tha se – sipas vlerësimeve të institucioneve të sigurisë dhe inteligjencës – ka përpjekje që tubimi në Gazimestan të jetë “sa më masiv, prandaj janë organizuar grupe serbësh nga Serbia, Mali i Zi dhe Bosnjë e Hercegovina që të vijnë në Kosovë nesër”.

Grupet e tilla kanë qenë tradicionalisht provokuese, duke bartur simbole nacionaliste serbe e ruse që janë në kundërshtim me Kushtetutën e Kosovës dhe janë gjithashtu kundër vlerave demokratike dhe evropiane”, tha Kurti.

Ai tha se festa e Vidovdanit, “megjithëse me karakter fetar, fatkeqësisht vazhdimisht është përcjell me retorikë politike, nxitëse e kërcënuese për sigurinë publike nga ana e Serbisë”.

Javë më parë, Gjykata Themelore në Prishtinë e shfuqizoi vendimin e Komunës së Graçanicës për shfaqjen e flamurit të Serbisë për nder të Vidovdanit më 2024.

Në arsyetimin e gjykatës thuhet se komuna ka tejkaluar kompetencat e saj dhe ka vepruar në kundërshtim me ligjet e Kosovës, pasi ka miratuar një vendim për shfaqjen e flamurit të Serbisë më 28 qershor – ditë që nuk është e përcaktuar si festë zyrtare në Kosovë.

Kurti tha se tubimet për Vidovdan duhet të mbahen në përputhje me ligjin, “jo të shndërrohen në mjet për instrumentalizim politik nga autoritetet në Beograd”.

Tubimi zakonisht sigurohet nga Policia e Kosovës, ndërsa gjatë viteve të fundit nuk është lejuar të futen flamuj të Serbisë apo simbole të tjera kombëtare, përveç atyre kishtare, pasi përkujtimi organizohet edhe nga Kisha Ortodokse Serbe në nderim të betejës së vitit 1389 kundër ushtrisë osmane.

Javën e kaluar, ministri në detyrë për Komunitete dhe Kthim i Kosovës, Nenad Rashiq, bëri thirrje për respektimin e të drejtave të komunitetit serb sa i përket përdorimit të simbolit të tyre.

Ai tha se përdorimi flamurit serb nga serbët “nuk përbën kërcënim ndaj identitetit të askujt, por është dëshmi e përkushtimit të Kosovës si një shoqëri demokratike e bazuar në respektimin e të drejtave të njeriut dhe të pakicave”.

Lista Serbe, partia më e madhe e serbëve në Kosovë që ka mbështetjen e Beogradit, e akuzoi Kurtin se gjatë seancave në Kuvendin e Kosovës shfaq flamurin kombëtar të Shqipërisë.

Në një deklaratë, ajo kërkoi nga gjykata që të përdorë “të njëjtat standarde dhe të zbatojë të njëjtin arsyetim edhe në rastet që lidhen me flamurin shqiptar”.

Vitin e kaluar, festimet e Vidovdanit në Gazimestan kaluan pa ndonjë incident.

Por, në vitet paraprake ka pasur edhe arrestime për nxitje të urrejtjes fetare dhe kombëtare, ndërsa më 2023, Vidovdani nuk u festua në Gazimestan – vendin ku festohet tradicionalisht – për shkak të përkeqësimit të situatës së sigurisë në veri të Kosovës.

Gazimestani në Kosovë njihet edhe për fjalimin e ish-presidentit të Serbisë, Sllobodan Millosheviq, i cili, më 28 qershor 1989, nuk i përjashtoi “betejat e armatosura”.

Ai fjalim i Millosheviqit u pa nga shumë njerëz si paralajmërim i luftërave që pasuan në vitet ‘90 në ish-Jugosllavi.

Në të njëjtën ditë në vitin 2001, Millosheviq u ekstradua në Tribunalin e Hagës, i cili e akuzoi atë për krime lufte. Ai vdiq në paraburgim në vitin 2006, para gjykimit përfundimtar./REL

Continue Reading

Lajmet

​Bajrami: LDK do të marrë pjesë në takimin e nesërm

Published

on

By

Deputetja e Lidhjes Demokratike e Kosovës (LDK), Hykmete Bajrami deklaroi se do të jenë prezentë në takimin e nesërm të ftuar nga kryetari i Lëvizjes Vetëvendosje, Albin Kurti. Megjithatë, ajo tha se nuk kanë pritje nga ky takim, meqë theksoi se është më shumë për “show mediatik”.

Pas ndërprerjes së seancës, ku paraprakisht u mbajt një takim konsultativ me kryesuesin e seancës konstituive, Avni Deharin, Bajrami tha se do të shkojnë në takimin me Kurtin për të treguar se janë për konstituim të institucioneve.

Nuk është që kemi shumë pritje duke marrë parasysh komplet të kaluarën historike të LVV-së dhe krejt sjelljet e tyre konferencën për media nuk është që mund të presim diçka nga ky takim. Është më shumë për show mediatik. Megjithatë për të treguar që jemi për konstituim të institucioneve do të jemi prezent”, u shpreh ajo.

Deputetja e LDK-së tha se LVV po bën interpretim ndryshe të aktgjykimit të Gjykatës Kushtetuese.

Kemi parë edhe prononcimet e ndryshme nga eksponentë të Lëvizjes Vetëvendosje të cilët e kanë në plan ta vazhdojnë këtë ngërç duke e bërë një interpretim ndryshe nga krejt Kosova të aktgjykimit të Gjykatës Kushtetuese. Se sa zotëri Kurti është i gatshëm për bashkëpunim, unë po besoj që patët mundësi ta shihni vetëm para dy minutave, kur ishte këtu në sallën plenare dhe nuk ishte në gjendje që të vie në takim konsultativ me të gjithë liderët e partive politike parlamentare. Aktgjykimi është jashtëzakonisht i qartë kur është fjala tek mënyra e votimit sepse i referohet kreut të katërt të rregullores së kuvendit, pikërisht nenit 8 ku ka një agjendë të paracaktuar të seancës konstituive dhe aktgjykimi pikërisht i referohet nenit 8 të rregullores së Kuvendit të Kosovës”, deklaroi ajo.

Ajo tha se kryetari i Kuvendit duhet të votohet me marrëveshje politike dhe nuk kanë votë për asnjë kandidat të LVV-së.

Continue Reading

Të kërkuara