Kronikë e zezë

​Kërkohet paraburgim ndaj një të dyshuari për fajde, rrëmbim e blerje të drogës

Published

5 years ago

on

Për të arrestuarin A.O, Prokuroria Themelore në Prishtinë po kërkon paraburgim me dyshimin se ai ka kryer veprat penale “fajde”, “rrëmbim”, “blerje, posedim, shpërndarje dhe shitje e paautorizuar e narkotikëve, substanca psikotope dhe analoge”.

Në komunikatën për medie nga Prokuroria Themelore në Prishtinë thuhet se A.O dyshohet se në objektin e tij ka rrëmbyer viktimën. Pas bastisjes në këtë objekt është gjetur drogë dhe para në vlerë mbi 12 mijë euro.

“Prokuroria Themelore në Prishtinë, ju njofton se Departamenti i Krimeve të Rënda, ka paraqitur kërkesë për caktimin e masës së paraburgimit në gjykatën kompetente, ndaj personit me inicialet A.O., pasi i njëjti dyshohet se ka kryer veprat penale ‘Fajdeja’, nga neni 331 të KPRK-së, ‘Rrëmbimi’ nga neni 191 të KPRK-së dhe ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’, nga neni 267 të KPRK-së. Prokurori i Shtetit në koordinim të plotë me Policinë e Kosovës, kanë ndërmarrë veprime konkrete hetimore, është urdhëruar masa e kontrollit të shtëpisë së të dyshuarit të lartcekur, me dyshimin se në këtë objekt i njëjti ka mbajtur të rrëmbyer viktimën, ashtu që me aprovim të gjyqtarit të procedurës paraprake, është bastisur objekti në fjalë dhe është sekuestruar një sasi e substancës narkotike, para në vlerë mbi 12.000 (dymbëdhjetë mijë euro), të cilat dyshohet se janë përfituar me anë të kryerjes së veprës penale, si dhe gjësende të tjera të cilat do të përdoren në procedurë të mëtejme penale”, thuhet në komunikatën për media.

I dyshuari, nga data 30 gusht 2021 ndodhet nën masën e ndalimit prej 48 orësh, derisa prokurori i çështjes në koordinim me policinë janë duke ndërmarrë të gjitha veprimet e nevojshme hetimore me qëllim të sqarimit të rrethanave rreth këtij rasti.

Ndërkohë që të hënën policia ka njoftuar për arrestimin e 21-vjecarit, në lagjen Pejton të Prishtinës.

“Sot rreth orës 10:00, nga Njësiti i Hetimeve të Përgjithshme në Prishtinë në lagjen Pejton, është arritur të lokalizohet dhe arrestohet një person i dyshuar për veprat rrëmbim, fajde dhe blerje, posedim, shpërndarje dhe shitje të paautorizuar të narkotikeve , substancave psikotropike dhe analoge”, thuhej në njoftimin e policisë. 

Related Topics:
Continue Reading

Lajmet

Arrestohet një person i dyshuar për zjarrvënie në Prishtinë

Published

7 minutes ago

on

June 29, 2026

By

Policia e Rajonit të Prishtinës, përmes hetuesve të Njësisë së Hetimeve të Përgjithshme (NjHP), ka arrestuar një person të dyshuar për zjarrvënie.

Sipas policisë, rasti ka ndodhur më 6 qershor 2026 në rrugën “C” në Prishtinë, ku është djegur një veturë dhe janë shkaktuar dëme të konsiderueshme edhe në një automjet tjetër.

I dyshuari, A.Sh., 26 vjeç, është arrestuar nga hetuesit policorë dhe me vendim të prokurorit të shtetit është dërguar në ndalim për 48 orë.

Hetimet për rastin po vazhdojnë./A.K/

Continue Reading

Lajmet

Policia në Prishtinë ekzekutoi 182 urdhëresa të gjykatës dhe sekuestroi 10 armë zjarri

Published

12 minutes ago

on

June 29, 2026

By

Policia e Kosovës ka njoftuar se zyrtarët policorë të rajonit të Prishtinës kanë realizuar 182 urdhëresa të gjykatës gjatë javës së kaluar, në kuadër të aktiviteteve të zhvilluara në lokacione të ndryshme.

Sipas policisë, 51 nga urdhëresat kanë qenë për vepra penale, ndërsa të tjerat për kundërvajtje, seanca gjyqësore, verifikime dhe procedura të tjera. Personat e dënuar me burgim janë dërguar për vuajtjen e dënimit, ndërsa ata të dënuar me gjobë janë liruar pasi kanë përmbushur obligimet e përcaktuara.

Gjatë kësaj periudhe, policia ka sekuestruar edhe 10 armë zjarri të llojeve dhe kalibrave të ndryshëm, si dhe municion.

Në fushën e sigurisë në trafik, janë shqiptuar gjithsej 3.214 gjoba për shkelje të Kodit Rrugor, prej të cilave 384 janë evidentuar nga vetura inteligjente dhe vetura me radar mobil./A..K/

Continue Reading

Lajmet

Policia gjen armë AK-47 në veturën e një të aksidentuari në Gllogoc

Published

2 hours ago

on

June 29, 2026

By

Policia e Kosovës ka konfiskuar një armë zjarri të tipit AK-47 me 20 fishekë, pasi ndërhyri në një aksident trafiku në Gllogoc.

Sipas policisë, i dyshuari, një mashkull kosovar, ishte vetaksidentuar, ndërsa gjatë intervenimit në vendin e ngjarjes, zyrtarët policorë gjetën armën brenda veturës së tij.

Arma dhe municioni janë konfiskuar, ndërsa i dyshuari, pas intervistimit, është liruar në procedurë të rregullt me urdhër të prokurorit./A.K/

Continue Reading

Lajmet

Motoçiklisti humb jetën pas aksidentit me veturë në Gjakovë

Published

2 hours ago

on

June 29, 2026

By

Një motoçiklist ka humbur jetën si pasojë e një aksidenti trafiku që ka ndodhur në Gjakovë.

Sipas Policisë së Kosovës, aksidenti ka ndodhur mes një motoçiklete dhe një veture, të cilat drejtoheshin nga dy meshkuj kosovarë.

Si pasojë e përplasjes, motoçiklisti pësoi lëndime të rënda dhe u dërgua në Emergjencë, ku më vonë ndërroi jetë.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa drejtuesi i veturës është ndaluar për 48 orë. /A.K/

Continue Reading

Të kërkuara