Presidentja e Komisionit Evropian, Ursula von der Leyen tha se kryeministrja italiane e ekstremit të djathtë, Georgia Meloni, partia e së cilës (Fratelli d’Italia, FdI) një parti politike nacional-konservatore dhe populiste e krahut të djathtë në Itali, mund të jetë gati për të qënë një partnere potenciale koalicioni pasi të përfundojnë zgjedhjet katërditore në 27 vendet e BE-së të dielën, sipas AP.

Bordi i Aleancës Evropiane të Agjencive të Lajmeve (EANA) dënon ashpër sulmin kibernetik në faqen e internetit të Agjencisë Polake të Shtypit që u krye disa ditë më parë. Duke kuptuar vlerën që agjencitë e besueshme dhe të lira të lajmeve i sjellin shoqërisë sonë, EANA nënvizon nevojën themelore që gazetaria e vërtetë të jetë e siguruar dhe e lënë jashtë çdo lloj konflikti.

“Sulmi në faqen e internetit të PAP ishte padyshim një përpjekje nga akterë keqdashës për të destabilizuar dhe keqinformuar shoqërinë polake përpara një raundi shumë të rëndësishëm zgjedhor evropian dhe gjatë një lufte që po vazhdon në Ukrainë. Në një farë mënyre, ky zhvillim fatkeq tregon rëndësinë kritike që agjencitë e lajmeve kanë për shoqëritë, sidomos gjatë ngjarjeve shumë të rëndësishme kombëtare apo globale. Gjithashtu, në këtë kontekst, organizatat mediatike duhet të fokusohen më shumë në sigurinë kibernetike dhe qeveritë duhet të vëzhgojnë nevojën për të investuar më shumë në mësimin e përjetshëm të edukimit mediatik”, tha Alexandru Giboi, Sekretar i Përgjithshëm i Aleancës Evropiane të Agjencive të Lajmeve.

“Unë e dënoj fuqishëm sulmin kibernetik ndaj agjencisë polake të lajmeve. Duke pasur parasysh rrezikun e mundshëm të vazhdimit të incidenteve të tilla, u bëj thirrje përdoruesve të mediave që të jenë jashtëzakonisht të kujdesshëm dhe kritikë ndaj lajmeve që përmbajnë përmbajtje të pazakontë ose një ton sensacionalist. Është thelbësore të verifikohen informacionet nga shumë burime për të kundërshtuar në mënyrë efektive kërcënimet e mundshme që mund të prekin mediat tona”, tha Elmir Huremović, anëtar i Bordit të EANA dhe Drejtor i Përgjithshëm i FENA.

Parlamenti japonez miratoi të mërkurën një ligj të ri për të ndaluar rënien e nivelit të lindjeve, pasi vendi shënoi një normë rekord më të ulët të lindshmërisë totale vitin e kaluar.

Sipas ligjit të ri, qeveria do të zgjerojë shtesat e fëmijëve dhe lejen prindërore.

Miratimi i ligjit të ri vjen pasi qeveria e kryeministrit, Fumio Kishida “e sheh periudhën që çon deri në vitin 2030 si shansin e fundit për të ndryshuar trendin, me martesat e vona dhe shqetësimet financiare të përmendura shpesh si arsye për rënien e nivelit të lindjeve.

Kjo gjithashtu vjen pasi statistikat e fundit të qeverisë zbuluan se norma totale e lindshmërisë së Japonisë kishte rënë vitin e kaluar në nivelin më të ulët që nga viti 1947, kur filluan të dhënat.

Shkalla e fertilitetit, e cila tregon numrin e pritshëm të fëmijëve që një grua pritet të ketë, ra në 1.20.

Ai shënoi gjithashtu vitin e tetë radhazi që Japonia, shtëpia e rreth 125 milionë njerëzve, ka dëshmuar një rënie të vazhdueshme të lindshmërisë.

Pas një skandali bankar në Kinë, ku qindra mijëra depozitorë humbën kursimet e tyre, disa prej tyre u ndaluan pasi protestuan për kërkesat e tyre në Henan. Ou Yangyun, një prej viktimave të këtij mashtrimi, mbahet ende nga policia pasi kishte kërkuar dëmshpërblim për llogarinë e tij bankare që ishte ngrirë.

Protestuesit u arrestuan pasi kishin kërkuar llogari nga bankat lokale. Ky rast, në një kontekst të protestave të përhapura për probleme ekonomike në Kinë, nxjerr në pah shqetësimet për stabilitetin financiar dhe trajtimin e protestuesve nga autoritetet.

Në shkurt, Ou Yangyun, një pronar i biznesit nga Changsha, udhëtoi në qytetin e Zhengzhou të Kinës me shpresën për të marrë dëmshpërblim pasi llogaria e tij bankare ishte ngrirë dhe kishte humbur një shumë të konsiderueshme parash. Ai nuk u kthye kurrë në shtëpi, duke u arrestuar së bashku me disa protestues të tjerë pas një proteste në qytetin e Henanit. Këta protestues kishin bërë thirrje për llogari të qarta nga bankat e tyre lokale, pasi ishin viktima të një mashtrimi bankar prej 4.2 miliardë dollarësh që përfshinte katër banka në Henan.

Gjatë protestës, ku qindra të tjerë depozitorë kishin mbledhur për të kërkuar drejtësi, autoritetet lokal u përfshinë dhe disa protestues u arrestuan nga policia. Këta protestues u shoqëruan në një stacion policie, ku shumica u liruan pas disa ditësh në paraburgim, ndërsa disa prej tyre, përfshirë edhe Ou Yangyun, vazhdojnë të mbahen nga policia e Zhengzhou. Kjo ndodhi në një kontekst të protestave të përhapura në Kinë për probleme ekonomike, duke reflektuar shqetësimet për stabilitetin financiar dhe trajtimin e protestuesve nga autoritetet./UBTNews/