Lajmet

​KE propozon pezullimin e plotë të marrëveshjes për lehtësimin e vizave për rusët

Propozimi erdhi pasi ministrat e jashtëm të vendeve anëtare arritën një marrëveshje politike mbi të javën e kaluar në Pragë.

Published

3 years ago

on

Komisioni Evropian ka propozuar një pezullim të plotë të marrëveshjes për lehtësimin e vizave me Rusinë, që do të thotë se qytetarët rusë do të paguajnë më shumë dhe procesi i dhënies së vizave do të zgjasë më shumë.

Propozimi erdhi pasi ministrat e jashtëm të vendeve anëtare arritën një marrëveshje politike mbi të javën e kaluar në Pragë.

Komisioni publikoi gjithashtu një propozim për mosnjohjen e pasaportave ruse të lëshuara në territoret e okupuara të Ukrainës.

“Për sa kohë që vazhdon agresioni rus kundër një vendi që është kandidat për anëtarësim në BE, qytetarët rusë nuk mund të kenë lehtësi për të udhëtuar në Evropë”, tha nënkryetari i Komisionit për Zbatimin e Mënyrës Evropiane të Jetës, Margaritis Shihinas.

Në të ardhmen, rusët do të paguajnë 80 euro për viza për të hyrë në BE, në vend të 35 eurove aktuale.

Afati për konsullatat që lëshojnë viza do të rritet nga 10 në 15 ditë dhe mund të zgjatet deri në maksimum 45 ditë kur kërkohet një kontroll më i detajuar i aplikantit për vizë.

Lëshimi i vizave që mundësojnë hyrjen e shumëfishtë në BE do të jetë i kufizuar dhe qytetarët rusë do të duhet të paraqesin më shumë dokumente në aplikimet e tyre për vizë sesa është tani.

Marrëveshja për lehtësimin e vizave me Rusinë hyri në fuqi në prill 2007. Më 25 shkurt, një ditë pas fillimit të pushtimit rus të Ukrainës, BE-ja e pezulloi pjesërisht atë për biznesmenët rusë.

Propozimi për pezullimin e marrëveshjes duhet të miratohet nga Këshilli i BE-së.

Related Topics:
Continue Reading

Lajmet

Rinumërohen rreth 88% e vendvotimeve

Published

1 hour ago

on

January 29, 2026

By

Procesi i rinumërimit të votave të zgjedhjeve parlamentare të 28 dhjetorit është duke iu afruar fundit. Nga përditësimi i të dhënave në uebfaqen e Komisionit Qendror të Zgjedhjeve rezulton se deri tash janë rinumëruar më shumë se rreth 88 për qind e vendvotimeve apo 2.244 nga 2557 sa janë në total.

Rinumërimi i plotë u ndërmor pasi në rinumërimin e pjesshëm u hasën shumë manipulime në garën e kandidatëve për deputetë. Në secilën parti ka kandidatë që ka rezultuar se në numërimin e parë kanë përfituar qindra vota shtesë ose kanë humbur qindra vota.

Continue Reading

Lajmet

Ekstradohet nga Italia në Kosovë i dyshuari për falsifikim të dokumenteve

Published

1 hour ago

on

January 29, 2026

By

Një shtetas kosovar me inicialet F.V. është ekstraduar nga Italia në Kosovë, pasi kërkohej me urdhërarrest ndërkombëtar nga institucionet e drejtësisë së vendit.

Policia e Kosovës njoftoi se ekstradimi u realizua më 28 janar 2026 nga Drejtoria për Bashkëpunim Ndërkombëtar Policor, në koordinim me njësitë përkatëse policore dhe institucionet e drejtësisë, si dhe në bashkëpunim me autoritetet italiane.

I dyshuari ishte arrestuar në Itali dhe kërkohej për veprat penale “falsifikim i dokumenteve” dhe “legalizim i përmbajtjes së rreme”, ndërsa thuhet se i ishte shmangur drejtësisë.

Pas ekstradimit, ai u është dorëzuar njësive përkatëse të Policisë së Kosovës për procedura të mëtejshme ligjore. Policia bëri të ditur se bashkëpunimi ndërkombëtar do të vazhdojë me qëllim parandalimin, hetimin dhe zbulimin e veprimtarive kriminale, si dhe gjurmimin dhe arrestimin e personave të kërkuar brenda dhe jashtë vendit.

Continue Reading

Lajmet

PDK thirr konferencë për media sot në orën 14:00

Published

2 hours ago

on

January 29, 2026

By

Partia Demokratike e Kosovës (PDK) do të mbajë sot konferencë për media.

Në komunikatën për media, ata kanë njoftuar se konferenca do të mbahet në orën 14:00, në zyrat e selisë, por nuk është bërë e ditur arsyeja e thirrjes së saj.

Continue Reading

Lajmet

Arrestohet një shtetas serb në Aeroportin “Adem Jashari”

Published

2 hours ago

on

January 29, 2026

By

Është arrestuar një shtetas i Serbisë në Aeroportin “Adem Jashari” në Prishtinë pasditen e së mërkurës pasi që dyshohet të ketë prezantuar dokumente të falsifikuara.

Me vendim të prokurorit, ai është dërguar në mbajtje.

“Është arrestuar i dyshuari mashkull shtetas i Serbisë pasi që i njëjti derisa kishte qenë duke udhëtuar kishte prezantuar dokumentet për të cilat dyshohet të jenë të falsifikuara. Me vendim të prokurorit pas intervistimit i dyshuari është dërguar në mbajtje”, thuhet në raportin policor.

Continue Reading

Të kërkuara