

Lajmet
Ish-kryesuesja e bordit të KEK-ut: Kemi gjetur keqmenaxhim, parregullsi, nepotizëm dhe diskriminim
Procesi i dëshmisë u përcoll me polemika të shumta ndërmjet deputetëve dhe ish-menaxhmentit të KEK-ut, por edhe atij aktual.
Published
3 years agoon
By
Betim GashiKomisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike ka përmbyllur procesin e intervistimit të hënën.
Para deputetëve, dëshmuan kryeshefi aktual i KEK-ut, kryesuesi i bordit, ish-kryesuesit e bordit dhe po ashtu ish-ushtruesi i detyrës së kryeshefit të KEK-ut, ndërsa mungoi ish-kryeshefi tjetër, Njazi Thaçi.
Procesi i dëshmisë u përcoll me polemika të shumta ndërmjet deputetëve dhe ish-menaxhmentit të KEK-ut, por edhe atij aktual.
Ish-menaxhmenti i emëruar nga Qeveria Kurti I në vitin 2020, adresoi një mori akuzash për keqpërdorime të mundshme nga e kaluara, mirëpo të cilat u mohuan nga ish kryesuesi i bordit të KEK-ut në periudhën 2017-2020. Në anën tjetër, nga opozita, bordet e emëruara nga Qeveria Kurti i fajësuan se për shkak të dështimit të tyre Kosova sot po importon energji elektrike.
Para se të filloi mbledhja, udhëheqësi i komisionit, deputet i PDK-së, Hajdar Beqa, sugjeroi dëshmitarët që mos të dalin nga mbledhja, pasi në të kundërtën do të autorizojnë policinë që mos të lirojnë objektin e Kuvendit pa përfunduar dëshminë e plotë.
“Nuk mundet të përsëritët mbledhja e kaluar se atëherë ne duhet të autorizojmë policinë që mos t’iu lejojmë që të lironi objektin e Kuvendit. Keni drejtë mos me fol, me u mbrojt në heshtje, por nuk keni të drejtë me lëshu”, tha ai.
Ish-kryesuesja e bordit të KEK-ut në vitin 2020, Rrezarta Pllana, tha se kur e kanë marrë detyrën, kanë gjetur një mori shkeljesh në KEK.
“Shpenzime të paplanifikuara dhe të pamatura. Mandej kanë qenë disa bonuse të cilat janë ndarë dhe kanë qenë në kundërshtim me vendimin e ministrit. Ka pasur shkelje në punësim, parregullsi, nepotizëm dhe diskriminim. Ka pasur keqmenaxhim të pronës dhe shkelje të tjera…Konkludimet kanë qenë të bazuara në raportet e auditimit të brendshëm dhe të jashtëm”, tha ajo.
Të njëjtat i konfirmoi edhe ish-ushtruesi i detyrës së kryeshefit në KEK në periudhën 2020-2021, Luigj Imeri.
“Është e vërtet se ne kemi gjetur fakte aty për të cilat i ka adresuar bordi te kryeshefi ekzekutiv, për të cilën kryeshefi ekzekutiv në atë periudhë ka marrë hapat e vet, ku ka lëshuar urdhëresat ekzekutive për përmirësimin e proceseve. Në këtë rast, ka qenë një vit i vështirë për të cilën shumë tema dhe problematika që ne është dashur të merremi kanë qenë sekondare për shkak të pandemisë”, theksoi ai.
Por ish-kryesuesi i i Bordit të KEK-ut në periudhën 2017-2020, Faruk Hajrizi, këto i quajti të pavërteta, derisa renditi sipas tij rezultatet që kanë ndodhur nga ky bord.
“Kapitali i kompanisë nga viti 2017 deri në vitin në vitin 2019 sipas raportit të këtij viti nga 114 milionë ka kaluar në 150 milionë. Asetet janë rritur nga 422 milionë, të hyrat e kompanisë në 182 milionë euro, ndërkohë shpenzimet janë ulur. Nga gjitha këto, raporti i vitit 2019 thotë se qymyri ka pasur prodhim mbi 8 milionë, nëse e përkthen në energji elektrike 5.4 milionë megavat për orë. Kjo do të thotë se Kosovës i kemi dhënë energji të mjaftueshme mbi 800 megavat çdo ditë. Këto janë rezultate”, tha ai.
Pyetjeve të deputetëve për pronat e KEK-ut, iu përgjigj kryeshefi aktual i KEK-ut, Nagip Krasniqi, i cili tha se të vetmet prona që janë transferuar nga KEK-u ka qenë banesat të cilat janë privatizuar nga ish menaxhmentet e kaluara.
“Sa i përket pronave apo aseteve të tjera në KEK nuk kam ndonjë informatë që është bërë ndonjë transferim. Të vetmet prona që janë transferuar kanë qenë banesat që janë marrë nga menaxhimet i mëhershëm me qira, ndërsa me një ligj të veçantë është bërë privatizimi i tyre”, deklaroi Krasniqi.
Në anën tjetër, deputeti i LDK-së, Armend Zemaj, pyeti ish-kryesuesen e bordit të KEK-ut, Rrezarta Pllanën se a e ka pasur këshilltar Gazemend Begollin.
Sipas tij, me kërkesë të njëjtit është anuluar projekti kapital për rinovimin e kaldajës së bllokut A5.
“Me kërkesë të këtij këshilltari të bordit dhe njëkohësisht drejtorit menaxhues është anuluar projekti kapital i rinovimit të kaldajës së bllokut A5…Ju keni qenë kryesuese e bordit, ju është dashur me ditë që ky anulim është, do të pyes edhe kryeshefin, por nëse nga ky anulim ne sot po i vuajmë pasojat e mungesës së energjisë elektrike, cili ka qenë veprimi i juaj saktë”, tha Zemaj.
Pllana tha se nuk i kujtohet se a ka qenë këshilltar apo jo Gazmend Begolli, dersia theksoi se sot Kosova është më së miri në rajon sa i përket energjisë elektrike.
“Ne në rajon jemi më së miri me energji elektrike me çmim dhe furnizim”, tha ajo.
Asaj i reagoi sërish deputeti Zemaj, i cili tha se si pasojë e anulimit të këtij tenderi, Kosova sot blen 4.4 milionë euro energji elektrike.
“Nuk po e di prej cilës perspektivë po aludoni se jeni më së miri. Por unë po ju njoftoj se për shkak të mos punës së A5, Kosova blen 4.4 milionë euro energji”, tha ai.
Krahas kësaj, në mbledhjen e sotme deputetët intervistuan edhe ish-anëtarët e bordit nga ZRrE-ja.
Lajmet
DW: Kosova hyn në paqartësi juridike për institucionet
Published
3 hours agoon
July 27, 2025By
UBTnews
Pas përfundimit të afatit që Gjykata Kushtetuese u kishte dhënë deputetëve që të konstituonin Kuvendin e Kosovës, deputetët nuk do të mund të mblidhen më dhe as të marrin ndonjë vendim deri më datën 08 gusht 2025.
Dy përpjekjet e fundit të deputetëve për ta konstituuar Kuvendin e Kosovës gjatë ditës së shtunë, 26.07, dështuan, duke shënuar kështu plot 54 tentime pa rezultat. Shkaku: mungesa e konsensusit politik. Tani është mbyllur afati 30-ditor që Gjykata Kushtetuese u kishte dhënë afat deputetëve për ta përmbyllur çështjen e konstituimit të Kuvendit. Deputetët nuk do të mund të mblidhen më dhe as të marrin ndonjë vendim deri më datën 08 gusht 2025, kur Gjykata Kushtetuese caktoi masën e përkohshme deri në një vendim përfundimtar të saj.
Gjykata Kushtetuese pritet të sqarojë se cilat do të jenë pasojat juridike për deputetët e zgjedhur në zgjedhjet parlamentare të nëntë shkurtit të këtij viti.
Fati i themelimit të institucioneve të reja i paqartë
Lëvizja Vetëvendosje, që doli partia e parë në zgjedhje me 48 mandate, këmbëngulte me kandidaten e saj për kryetare Kuvendi, Albulena Haxhiu, emër ky i papranueshëm për partitë tjera politike opozitare të deritashme, PDK, LDK, AAK dhe një pjesë e pakicave, përfshirë edhe listën Srpska.
Edhe dy përpjekjet e fundit të deputetëve për ta konstituuar Kuvendin e Kosovës gjatë ditës së shtunë, 26.07, dështuan.
“Atë që nuk ua dhanë qytetarët përmes votës, po tentojnë ta grabisin përmes këtyre manovrave”, tha Hekuran Murati nga Lëvizja Vetëvendosje, duke akuzuar partitë e deritashme opozitare si bllokuese të konstituimit të Kuvendit.
”Me keqardhje, deri në orët e fundit, pavarësisht përpjekjeve, shtysës tonë të krijohen institucionet, s’patëm sukses. E pamë që deputetët e opozitës sërish refuzuan të kryejnë obligimin e tyre kushtetues, që të votojnë. Nuk u është dhënë shansi deputetëve përmes votimit të fshehtë të krijoheshin institucionet e vendit”, u shpreh Murati.
Akuza për Vetëvendosjen
Kryetari i partisë së dytë, Partisë Demokratike të Kosovës, PDK, Memli Krasniqi, duke e akuzuar Lëvizjen Vetëvendosje si bllokuese të procesit, tha se “Kosova tani nuk ka më një shtet funksional.
“Asnjë tentim për zgjidhje, asnjë reflektim për pasojat, asnjë empati për qytetarët. Përkundër këshillës së qartë të Kushtetueses për kompromis dhe mirëbesim, kryeneçësia e Albin Kurtit dhe e partisë së tij ka qenë më e madhe sesa përgjegjësia e kërkuar. Më e madhe edhe se shteti e demokracia dhe për fat të keq Kosova sot po ecën në një tokë të panjohur, në një terren të rrezikshëm kushtetues, institucional dhe shoqëror. Në një zonë gri, ku shteti s’ka më busull e qytetarët s’kanë adresë të qartë”, tha Krasniqi.
Edhe kreu i Lidhjes Demokratike të Kosovës, LDK, Lumir Abdixhiku, akuzoi kryeministrin në detyrë Albin Kurtin, duke e cilësuar atë si njeri që nuk respekton vendimet e Gjykatës Kushtetuese.
Kryetari i Lidhjes Demokratike të Kosovës, LDK, Lumir Abdixhiku, e akuzoi kryeministrin në detyrë Albin Kurtin, që nuk respekton vendimet e Gjykatës Kushtetuese
“Unë dhe LDK-ja e kemi shumë të qartë. Albin Kurtit duhet t’i thuhet: respekto vendimin e Gjykatës Kushtetuese që të garanton qartë jo vetëm të drejtën, por edhe përgjegjësinë për të krijuar shumicë. Albin Kurtit duhet t’i thuhet: respekto vendimin e prerë të Gjykatës Supreme që të ndalon ty, ministrat e tu dhe të gjithë kabinetin të jeni në të njëjtën kohë deputetë dhe anëtarë të qeverisë. Je uzurpator i institucioneve të shtetit tash me vendim të Gjykatës Supreme dhe po qëndron aty vetëm e vetëm sepse ky vend ende nuk është i pjekur që të ketë një prokurori dhe një polici që ia ndalon të bëjë një gjë të tillë”, tha Abdixhiku.
Ambasadori gjerman: Klasa politike po dështon përballë qytetarëve
Që nga 15 prilli, kur nisën tentimet e deputetëve për konstituim të Kuvendit dhe dështonin radhazi, organizatat joqeveritare dhe ato të shoqërisë civile u kanë bërë thirrje vazhdimisht deputetëve që t’i formojnë institucionet e reja. Këtyre thirrjeve iu bashkuan edhe ambasadorët e vendeve të QUINT-it dhe diplomat të BE-së. Madje në seancën e së premtes ata ishin brenda sallës së Kuvendit, duke shpresuar që deputetët ta vënë përpara interesin për shtetin, e jo për partitë politike.
Ambasadori i BE-së në Kosovë, Aivo Orav, tha se “Kosovës i duhet një Kuvend menjëherë”, duke theksuar nevojën pastaj “për një qeveri të re që do t’i forconte marrëdhëniet me Brukselin. Një qeveri e re që do ta ndërtojë një urë të re dhe të fortë mes Kosovës dhe BE-së”, deklaroi Orav.
Në të njëjtën linjë u shpreh edhe ambasadori i Gjermanisë, Jorn Rohde, i cili vlerësoi se “klasa politike po dështon përballë qytetarëve”.
Ambasadori i Gjermanisë në Kosovë, Jorn Rohde: Klasa politike po dështon përballë qytetarëve.
“Qytetarët dolën për të votuar më 9 shkurtdhe tani janë bërë gati gjashtë muaj. Është fatkeqësi që Kuvendi nuk po konstituohet”, tha Rohde.
“Ky është një karton i kuq për klasën politike”, vuri në dukje ambasadori gjerman. Edhe ambasadori britanik, Jonathan Hargreaves, u bëri thirrje politikanëve të Kosovës “që të bashkohen dhe të gjejnë një zgjidhje për t’i dhënë fund bllokadës”.
“Kosova po hyn në territor të panjohur dhe shtetasit e saj vazhdojnë të humbin përfaqësimin politik kuptimplotë dhe aftësinë për të marrë vendime të rëndësishme vendase dhe ndërkombëtare që ndikojnë në jetën e qytetarëve”, tha Hargreaves.
Dëme të pariparueshme për rendin kushtetues të Republikës së Kosovës
Gjykata Kushtetuese, pasi vendosi masën e përkohshme, tha se “nëse nuk do të vendosej masa e përkohshme ex officio ndaj vendimeve dhe veprimeve të deputetëve të zgjedhur të Kuvendit të Republikës së Kosovës pas datës 26 korrik 2025, çdo vendim dhe veprim i ndërmarrë pas kësaj date deri në vendimmarrjen e Gjykatës lidhur me kërkesat mund të shkaktojë dëme të pariparueshme për rendin kushtetues të Republikës së Kosovës dhe funksionimin e institucioneve kyçe në Republikën e Kosovës”.
Presidentja Vjosa Osmani iu drejtua më 22 korrik Gjykatës Kushtetuese për të sqaruar se cilat janë pasojat juridike nëse Kuvendi nuk konstituohet deri më 26 korrik.
Presidentja Vjosa Osmani, nga ana e saj më 22 korrik, iu drejtua Gjykatës Kushtetuese me dy kërkesa: që të sqaronte se cilat janë pasojat juridike nëse Kuvendi nuk konstituohet deri më 26 korrik dhe që Kushtetuesja të vendosë masë të përkohshme ndaj afatit 30-ditor, deri në nxjerrjen e një aktvendimi sa i përket kërkesës për pasojat juridike. Paqartësia për pasojat juridike vazhdon, ndërsa, deri në një vendim përfundimtar të Gjykatës Kushtetuese, Kosova nuk do të ketë institucione të reja. /DW
Lajmet
Rritje alarmante e zjarreve: Mbi 1,300 intervenime vetëm këtë vit
Published
3 hours agoon
July 27, 2025By
UBTnews
Zëvendëskomandanti i Brigadës së Zjarrfikësve, Abdusamed Shkodra, ka ngritur alarmin për shtimin e zjarreve fushore dhe malore, për shkak të temperaturave të larta që kanë përfshirë vendin.
Në një intervistë për Ekonomia Online, Shkodra bëri të ditur se numri i rasteve është rritur me 15 për qind, krahasuar me vitet e mëparshme, ndërsa theksoi nevojën për ndërgjegjësim dhe kujdes më të madh nga ana e qytetarëve.
“Me ngritjen e temperaturave të ajrit, më të theksuara janë zjarret fushore dhe malore. Ka rritje të rasteve jo vetëm në krahasim me vitin paraprak, por me të gjitha vitet tjera sipas përqindjes. Jemi diku te 15 për qind rritje. Duhet ngritur alarmin. Menaxhimi më i mirë do të ishte nga qytetarët,” tha Shkodra.
Ai theksoi se shumë nga zjarret shkaktohen nga pakujdesia, përfshirë hedhjen e bishtave të cigareve nga veturat dhe ndezjen e mbetjeve pas korrjes nga ana e bujqve.
“Vetëm më 7 korrik kemi pasur, brenda një orari të ngushtë, rreth 30 intervenime. Në situata të tilla nuk dimë nga t’ia mbajmë apo cilit rast t’i japim prioritet,” shtoi ai.
Derisa mbi 1,300 raste janë regjistruar deri më tani, Shkodra bëri thirrje për vetëdijesim qytetar dhe theksoi se një zjarr ndizet lehtë, por kërkon ditë të tëra për t’u shuar.
“Në këtë situatë, kur përballemi me kaq shumë raste, na shkon shumë kohë dhe e kemi të vështirë edhe me kapacitetet që kemi. Qytetarët duhet të jenë të kujdesshëm, mos të rrezikojnë jetën dhe mjedisin me veprimet e tyre të pakujdesshme,” përfundoi ai./EO
Lajmet
Dështimi i 53-të, deputetët mblidhen sonte prapë në orën 22:00
Published
1 day agoon
July 26, 2025By
UBTnews
As në përpjekjen e 53-të, deputetët nuk e konstituan Kuvendin e Kosovës, të dalë nga zgjedhjet e 9 shkurtit.
Kryesuesi Avni Dehari ua ndërpreu fjalën deputeit të PDK-së Abelard Tahirit, deputetes së LDK-së Jehona Lushaku Sadriu dhe deputetes së AAK-së Time Kadrijaj.
Kryesuesi i seancës konstituive, Avni Dehari, tha se seanca do të mbahet sonte në orën 22:00.
Gjykata Kushtetuese e Kosovës ka vendosur masë të përkohshme, që do të jetë në fuqi nga 27 korriku deri më 8 gusht, periudhë në të cilën deputetëve u ndalohet të ndërmarrin çdo vendim apo veprim për konstituimin e Kuvendit, të dalë nga zgjedhjet e shkurtit.Palët vazhdojnë të mos gjejnë një kompromis.
Lajmet
Zemaj: Nuk pres të ketë diçka as pas dy javësh
Published
1 day agoon
July 26, 2025By
UBTnews
Deputeti i Lidhjes Demokratike të Kosovës (LDK), Armend Zemaj tha se nuk pret dalje nga bllokada institucionale as pas dy javësh.
Para fillimit të përpjekjes së 53-të për konstituim të kuvendit, Zemaj tha para mediave se “kryeneçësia e Vetëvendosjes po i kushton Kosovës”.
“Kryeneçësia e Vetëvendosjes, ose më mirë të them kryeneçësia e tyre për të qenë në një pushtet absolut është ka i kushton Kosovës dhe sot jemi në muajin e pestë të mos konstituimit të kuvendit dhe të krijimit të qeverisë së re të Kosovës. tash kemi hyrë edhe në atë që quhet përgjigje legale nga Gjykata Kushtetuese, sot është dita e fundit deri në atë që do ta marrim si masë të përkohshme dhe të presim datën 8”, u shpreh ai.
Gjykata Kushtetuese ka vendosur masa të përkohshme nga data 27 korrik deri më 8 gusht, ku deputetëve u ndalohet të ndërmarrin çdo veprim e vendim që lidhet me konstituim të kuvendit.
Zemaj tha se nuk pret ndryshim as pas dy javëve.
“Duhet shfrytëzuar çdo moment, çdo minutë që të kemi institucione të reja. Por me këtë logjikë dhe me këtë bllokadë që është evidente nga VV-ja, nuk pres që mund të ketë diçka edhe pas dy jave,” ka thënë Zemaj.

Izraeli njofton ndërprerjen e luftimeve në disa pjesë të Gazës, ndërsa agjencitë kritikojnë dërgesat e ndihmave nga ajri

DW: Kosova hyn në paqartësi juridike për institucionet

Rritje alarmante e zjarreve: Mbi 1,300 intervenime vetëm këtë vit

Dështimi i 53-të, deputetët mblidhen sonte prapë në orën 22:00

Zemaj: Nuk pres të ketë diçka as pas dy javësh

Limaj: S’po shoh ndonjë mundësi për ndryshim sot

Murati: Nuk është problem që të sigurohen votat për të tejkaluar këtë ngërç

Bogujevci: Presim që deputetët do të votojnë

Temperaturat e larta, Kuvendi nuk i lë mediat te hyrja kryesore
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore