Trajneri i Kombëtares së Kosovës në futboll, Franco Foda ka folur pas fitores kundër Islandës në dy ndeshje, triumf ky i cili ia siguroi Kosovës kalimin nga Liga C në Ligën B të Ligës së Kombeve.

Ai në një intervistë për faqen zyrtare të Federatës së Futbollit të Kosovës ka thënë se ishte optimist se do të arritje ky objektiv që ishte shumë i rëndësishëm.

“Ky ishte qëllimi ynë. Qëllimi i parë ishte të ngjiteshim në Ligën B, nga Liga B e më tej. Sot jam shumë, shumë krenar me ekipin. Pas një disavantazhi e kemi ndjekur lojën tonë që nga fillimi, ishim shumë aktiv në të gjitha fazat e lojës, e dominuam ndeshjen, luajtëm jashtëzakonisht mirë në sulm, ishim shumë të mirë edhe në lojën pa top dhe shihet qartë që ekipi është zhvilluar shumë mirë gjatë javëve dhe muajve të fundit. Tani kemi një grup të mirë prej 20-25 lojtarëve, kishim shumë mungesa por tashmë çdo lojtar mund të zëvendësohet dhe kjo e karakterizon ekipin tonë. Tani duhet thjeshtë të vazhdojmë përpara dhe ta marrim këtë shpirt ekipi edhe në qershor”, ka thënë Foda.

Ai ka shtuar se tashmë sheh një tjetër përkushtim tek lojtarët, sidomos në karakterin për të luftuar dhe përmbysur rezultatin në një ndeshje.

“Ajo që më bëri përshtypje ishte se ekipi arriti të kthehej në lojë pas disavantazhit. Në fillim kur erdha në Kosovë kjo nuk ndodhte, sa herë që binim në disavantazh e humbnim ndeshjen. Tani jemi në gjendje ta përmbysim rezultatin. Kjo tregon për forcën e ekipit, për shpirtin e skuadrës dhe për energjinë që ka ekipi”, ka shtuar Foda.

Kryetrajneri i dardanëve ka theksuar se për ndeshjet e shtatorit, të vlefshme për kualifikim në Kampionatin Botëror skuadra do të jetë edhe më e komponuar dhe kështu do të jetë në gjendje të rivalizojë edhe kombëtare të nivelit shumë të lartë.

“Do të jetë thelbësore që në shtator t’i kemi të gjithë lojtarët ën formë të mirë. Siç thash kemi pasur shumë lojtarë të dëmtuar dhe mungesa por nëse në shtator të gjithë janë gati do të kemi një konkurrencë të fortë në skuadër, kemi një atmosferë të mirë në ekip dhe kur ke shumë lojtarë në dispozicion kjo e rritë edhe më shumë energjinë dhe harmoninë në skuadër. Nëse vazhdojmë kështu kemi mundësi të përballemi edhe me ekipe si Zvicra, Suedia dhe Sllovenia”, ka thënë Foda.

Mediumi argjentinas i sportit “TNT Sports” ka raportuar të premten se superylli Lionel Messi 37-vjeçar, pritet të kthehet te Barcelona pas Kupës së Botës që do të organizohet në SHBA, Kanada dhe Meksikë. 

Kontrata e tij me klubin e ligës MLS, Inter Miami, skadon në fund të muajit dhjetor.

Spekulimet për rikthimin e Messit te Barcelona kanë nisur para një muaji.  Sipas gazetarit Alex Candal, i cili kishte deklaruar se Messi do t’i bashkohej Inter Miamit, Messi tani do të kthehet sërish te Barcelona.

Sipas tij, Messi nuk do ta mbyll karrierën pa luajtur në stadiumin e ri “Camp Nou”, që pritet të kompletohet në vitin 2026.

Kombëtarja e Kosovës ka siguruar një vend në Ligën B të Ligës së Kombeve, me fitoren ndaj Islandës, ku e pret punë e vështirë dhe kundërshtarë më të fortë. 

Kosova e mposhti Islandën me rezultat 2-1 në ndeshjen e parë në shtëpi, si dhe festoi edhe në të dytë me rezultat 1-3. Islanda kaloi në epërsi në minutën e dytë me golin e Orri Steinn Oskarsson, por Kosova përmbysën gjërat me tre golat e Vedat Muriqit.

Kosova siguroi një vend në Ligën B me një fitore në ndeshjen me dy ndeshje, ndërsa Islanda zbret në një nivel më të ulët (Liga C).

Kosova e nisi Ligën e Kombeve në vitin 2018 në nivelin e fundit, Liga e Kombeve D. Ata ishin në grup me Azerbajxhanin, Ishujt Faroe dhe Maltën. Kosova fitoi hyrjen në ligën C atë vit, ku qëndruam deri në këtë sezon.

Ishim në një grup me Rumaninë, Qipron dhe Lituaninë dhe morëm vendin e dytë, pas së cilës arritën në Ligën e Kombeve B përmes play-off-it.  Për Kosovën, kjo është ndoshta arritja më e madhe në historinë e saj të shkurtër të futbollit.

Në Ligën B, Kosova e nis nga vazo e katërt, ku janë Suedia, Maqedonia e Veriut dhe Irlanda e Veriut, me të cilët nuk do mund të përballemi.

Tani në Ligën B, nga vazo 1 mund të na vijnë kundërshtarë si Skocia, Hungaria, Polonia dhe Izraeli.

Në vazon e dytë janë Zvicra, Austria, Ukraina dhe Bosnja me të cilën e kemi të ndaluar të luajmë.  Sa i përket vazos së tretë, mund të vijë sërish një përballje me Rumaninë, por edhe me Sloveninë, Gjeorgjinë dhe Irlandën.

Vazo 1: Skocia, Hungaria, Polonia, Izraeli 

Vazo 2: Zvicra, Bosnja, Austria, Ukraina 

Vazo 3: Sllovenia, Gjeorgjia, Irlanda, Rumania 

Vazo 4: Suedia, Maqedonia e Veriut, Irlanda e Veriut dhe Kosova.

Kombëtarja e Shqipërisë është gati për ndeshjen e dytë në Grupin K ndaj Andorrës, e vlefshme për kualifikueset e Kupës së Botës 2026.

Kuqezinjtë mbyllën përgatitjet ditën e djeshme në stadiumin “Arena Kombëtare”. Të gjithë lojtarët u stërvitën normalisht dhe do të jenë në dispozicion të trajnerit Silvinjo për ndeshjen ndaj Andorrës.

Takimi Shqipëri – Andorra do të luhet në “Arenën Kombëtare”, në Tiranë, në orën 20:45.

Ndeshjen e parë në kuadër të këtij grupi Shqipëria e humbi në ballafaqim me Anglinë në “Wembley” me rezultat 2-0, andaj sonte kërkohet vetëm fitorja dhe tri pikët e para.