Sport

​Ilir Daja kërkon përforcime te Ballkani

Ai ka thënë se qëllimi kryesor ishte mbajtja e lojtarëve që i sollën titullin Ballkanit.

Publikuar

2 vjet më parë

më

Trajneri i Ballkani, Ilir Daja, në konferencë për media para ndeshjes me Zalgirisin ka gjetur kohë të flas edhe për kualitetin e skuadrës që ka në dispozicion dhe ka zbuluar strategjinë që do të përdoret në këtë afat kalimtar.

Ai ka thënë se qëllimi kryesor ishte mbajtja e lojtarëve që i sollën titullin Ballkanit, por ka pranuar se disa lojtarë kërkuan largimin.

“Hapi i parë i merkatos ka qenë që lojtarët kryesor që e çuan Ballkanin drejt fitimit të titullit të parë historik për qytetin të rinovonin kontratat, pra që mos të kishim shumë rrjedhje nga formacioni bazë që kishim kampionatin e kaluar sepse dihet që ekipi posedon lojtarë me cilësi goxha të mirë, do përjashtoja vetëm ndonjë lojtarë për shkak të zgjedhjes individuale sepse klubi u ofroi të gjithë lojtarëve rinovim”, ka thënë Daja.

Daja më tutje ka shtuar se pret blerje të reja nga skuadra, sepse si trajner, asnjëherë nuk është i kënaqur, por ka kërkuar që fokusi të jetë të cilësia dhe jo te sasia e lojtarëve.

“Asnjëherë trajnerët nuk janë të kënaqur me merkaton, por ne si Ballkan do të na duhet që të kemi një politikë ne dy kahe, një që të përforcohemi me lojtarë, element cilësorë si lojtarët që kemi apo ndoshta edhe me ndonjë lojtarë edhe me cilësi më të mira, por që do t’u hapim rrugën edhe disa lojtarëve të rinj në mënyrë që Ballkani të ketë një politikë jo afatshkurtër, por që të mendoj edhe për vazhdimësinë në kampionat por edhe për vitet e ardhshme. Kështu që mendoj që kemi nevojë për merkato, por që duhet të jemi të kujdesshëm për të marr jo në sasi por në cilësi”, tha Daja.

Ndryshe, Ballkani sot ballafaqohet me skuadrën lituaneze, Zalgiris, në kuadër të raundit të parë kualifikues të Ligës së Kampionëve.

Etiketa
Vazhdo të lexosh

Sport

Futbollisti i Benfica-s kërcënohet me vdekje nga trafikantët e drogës

Publikuar

10 orë më parë

më

2 Maj, 2024

nga

Familja e Angel Di Marias, ka marrë kërcënime me vdekje pasi që argjentinasi e pranoi se do të dëshironte ta përfundonte karrierën e tij te Rosario Central, klubi që ai bëri debutimin e tij në vitin 2005.

Di Maria, momentalisht luan për Benfican, mori kërcënimet në shtëpinë e familjes së tij në Rosario. Mesazhi kërcënues thoshte që ta paralajmërojnë Di Marian se nëse rikthehet në Rosario, një pjesëtar i familjes së tij do të vdes nga trafikantët e drogës.

Mediat lokale raportuan se disa persona në një veturë lanë një shenjë pranë Funes Hills Miraflores, vendi ku zakonisht Di Maria qëndron, duke thënë se as kryetari Maximiliano Pullaro nuk mund të garantojë për sigurinë e tij nëse ai rikthehet në qytet.

“Thuaji djalit tënd Angel që mos të rikthehet te Rosario sepse ndryshe ne do t’ia vrasim një familjar. As Pullaro nuk mund të të shpëtojë. Ne nuk hedhim letra. Ne hedhim njerëz të vdekur”, ishte mesazhi i lënë për babanë e Di Marias sipas “Infobae”.

Qyteti i Rosarios kohët e fundit ka përjetuar një rritje të dhunës, për të cilën janë përgjegjës grupet e c si “narko-terroristë”./UBTNews/

Vazhdo të lexosh

Sport

FFK publikon skuadrat e licencuara për garat evropiane

Publikuar

11 orë më parë

më

2 Maj, 2024

nga

Federata e Futbollit të Kosovës (FFK) ka publikuar shtatë skuadrat që ka licencuar për garat evropiane të UEFA-s.

Komisioni i Shkallës së Parë për Licencimin e klubeve për garat e UEFA-s ka licencuar shtatë nga tetë klubet që e kanë nisur procesin e licencimit.

Klubet e licencuara janë: Ballkani, Drita, Llapi, Malisheva, Prishtina, Gjilani dhe klubi i futbollit i femrave Mitrovica.

Ndërkaq skuadra e vetme e cila nuk është licencuar për garat e UEFA-s për edicionin 2024/25 është KF Dukagjini./UBTNews/

Vazhdo të lexosh

Sport

Skuadra nga Premier League interesohet për shërbimet e Thiago Motta-s

Publikuar

11 orë më parë

më

2 Maj, 2024

nga

Chelsea po kërkon një zëvendësues për Mauricio Pochettinon, teksa së fundmi ka shfaqur interes serioz për trajnerin e Bolongas, Thiago Motta.

Londinezët nuk kanë bërë një sezon të mirë nën drejtimin e trajnerit argjentinas, ku renditen në vendin e nëntë në tabelë me vetëm pak javë të mbetura në sezonin e Premier Ligës.

Në anën tjetër, Motta me paraqitjet e tij ka tërhequr vëmendjen e shumë skuadrave evropiane, siç janë Milan apo Juventus.

“Tuttosport” raporton se si Chelsea ka mbetur tepër i zhgënjyer nga puna dhe rezultatet e Pochettinos këtë sezon, duke kërkuar zëvendësues të mundshëm gjatë verës, duke identifikuar Thiago Mottan e Bolongas si një opsion serioz.

Juventusi ende nuk ka marrë një vendim përfundimtar për teknikun italo-brazilian, ndërsa ata shqyrtojnë mundësitë se çfarë të bëjnë me Massimiliano Allegri, i cili nuk është i gatshëm të japë dorëheqjen.

Interesi i Milanit për Thiago Motta është rritur gjithashtu pas vendimit të tyre për t’u larguar nga Julen Lopetegui, lidhjet e të cilit shkaktuan protesta nga tifozët./UBTNews/

Vazhdo të lexosh

Sport

Barcelona nis punën për sezonin tjetër, katalunasit pranë mesfushorit holandez

Publikuar

2 ditë më parë

më

30 Prill, 2024

nga

Barcelona së fundmi ka shprehur interesim për ta afruar në skuadër mesfushorin e talentuar, Xavi Simons. 21-vjeçari holandez aktualisht është i huazuar te RB Leipzig nga Paris Saint-Germain, ku edhe po kalon një sezon mjaft të mirë, me nëntë gola të shënuara dhe 13 asistime në të gjitha garat.

Sipas mediave spanjolle, bëhet e ditur se klubi katalunas ka nisur negociatat me PSG-në për të arritur një marrëveshje e cila do e shihte Simons me fanellën “blaugrana” sezonin e ardhshëm.

Çmimi i futbollistit në tregun e transferimeve arrin shifrën e 80 milionë eurove dhe kjo do të shkaktonte jo pak problem për klubin spanjoll, andaj ata po shqyrtojnë një mundësi huazimi njëvjeçar për të./UBTNews/

Vazhdo të lexosh

Të kërkuara