Lajmet

​HANDIKOS lanson kampanjën “Ngom mu!”

Kampanja ka për qëllim ngritjen e vetëdijes së institucioneve dhe shoqërisë rreth llogaridhënies dhe pjesëmarrjes së fëmijëve.

Published

on

“Ngom mu!” quhet kampanja që HANDIKOS ka lansuar sot në kuadër të Ditës Ndërkombëtare të të Drejtave të Njeriut, ku fëmijët me aftësi të kufizuara promovojnë avancimin e tyre, pjesëmarrjen dhe intervenimet që janë realizuar falë iniciativave dhe ngritjes së zërit të tyre.

Kampanja ka për qëllim ngritjen e vetëdijes së institucioneve dhe shoqërisë rreth llogaridhënies dhe pjesëmarrjes së fëmijëve.

Eldin Gashi, përfaqësues i grupit avokues të fëmijëve me aftësi të kufizuara “Hëna”, tha se për realizimin e të drejtave themelore të fëmijëve kanë avokuar tek institucionet përgjegjëse dhe kanë ngritur zërin për ato që ju takojnë. Ai tha se si grup kanë kontribuar edhe te procesi i Fletënotimit Komunitar i realizuar nga HANDIKOS në sektorë të ndryshëm si në edukim, shëndetësi dhe mirëqenie sociale. Pjesëmarrja e tyre në këto procese, ai tha se ka prodhuar rezultate konkrete.

“Si rrjedhojë e pjesëmarrjes tonë në këtë proces kemi arritur disa rezultate madhore si, shndërrimi i dy klasave të bashkangjitura në klasa burimore në Ferizaj dhe në Gjakovë, si dhe mbështetja e krijimit të klasës burimore në shkollën Hilmi Rakovica në Prishtinë, duke kontribuar kështu direkt që fëmijët me aftësi të kufizuara të jenë më gjithëpërfshirës në shoqëri. Po ashtu ne e kemi krijuar edhe liftin e qasshëm në QKMF në Gjakovë dhe në Prishtinë, po ashtu kemi bërë një tualet të qasshëm për fëmijët me aftësi të kufizuara në shkollën Ismail Qemaili në Prishtinë…Të gjitha këto rezultate ne kemi arritur duke na u dhënë mundësia që t’i shprehim shqetësimet tona dhe mendimet tona, që këto janë marrë parasysh. Kjo tregon fuqinë që mund ta ketë zëri ynë nëse ai dëgjohet, kështu që ‘ngom mu’”, tha ai.

Ndërkaq, Valid Zhubi, përfaqësues i Save the Children, u shpreh se në vazhdimësi punojnë për fëmijët që janë më të prekur nga pabarazitë dhe diskriminimet. Ai potencoi se fëmijët me aftësi të kufizuara dhe prindërit e tyre vazhdojnë të përballen me probleme të shumta.

“Kemi bërë një rrugë të gjatë në punën tonë për fëmijët që janë më të prekur nga pabarazitë dhe diskriminimet dhe rregullisht adresojmë në nivele të ndryshme. Megjithatë, fatkeqësisht fëmijët me aftësi të kufizuara, familjet e tyre dhe fëmijët e prindërve me aftësi të kufizuara vazhdojnë të mbeten prapa. Ne punojmë për të siguruar që politik-bërësit dhe ofruesit e shërbimeve për të drejtat e fëmijëve në nivel lokal në Kosovë dhe organizatat e shoqërisë civile të jenë të vetëdijshëm për situatën e të drejtave të fëmijëve dhe të veprojnë me sinergji për të përmirësuar situatën e tyre”, tha ai.

Në kuadër të shënimit të kësaj dite, u prezantuan edhe të gjeturat e raportit vlerësues mbi punën pesëvjeçare të HANDIKOS lidhur me llogaridhënien sociale dhe pjesëmarrjen e fëmijëve, në kuadër të projektit “Promovimi i parandalimit të dhunës ndaj fëmijëve me aftësi të kufizuara në të gjitha mjediset”.

Artë Halimi nga HANDIKOS, tha se përmes këtij projekti kanë arritur rezultate konkrete, të cilat kanë ndikuar në fuqizimin e fëmijëve me aftësi të kufizuara.

“Është një projekt, i cili ka prodhuar ndryshime të mëdha në fuqizimin e fëmijëve me aftësi të kufizuara edhe komunitetit në përgjithësi, po në të njëjtën kohë ka promovuar bashkëpunimin midis ofruesve të shërbimeve dhe vetë fëmijëve me aftësi të kufizuara si urë lidhëse për bashkëpunime të mëtutjeshme dhe për përmirësim të mëtutjeshëm të shërbimeve për fëmijët…Procesi i Fletënotimit Komunitar është proces përmes të cilit përgjatë pesë viteve është iniciuar shtatë herë me gjithsej 15 institucione. Në sektorin e arsimit janë gjithsej tetë shkolla të cilat kanë përfituar prej procesit të Fletënotimit Komunitar në katër komuna target… Në arsim janë arritur disa rezultate kyçe, të cilat po dëshirojmë t’i ndajmë me ju, fillimisht janë shndërruar dy klasa të bashkangjitura në klasa burimore në Ferizaj dhe në Gjakovë, rezultat ky i cili më të vërtetë e pasqyron një sukses shumë të madh për shkak që me automatizëm e ka lehtësuar gjithëpërfshirjen e fëmijëve”, tha ajo.

Si suksese ajo përmendi edhe sigurimin e transportit për fëmijët me aftësi të kufizuara dhe rritjen e bashkëpunimit ndërmjet mësuesve të rregullt dhe atyre mbështetës. 

Lajmet

Aktori Christian Bale duket thuajse i panjohur rrugëve të Atlantas, teksa po xhiron filmin e ri

Published

on

Një nga yjet më të mëdhenj të Hollywood-it është shfaqur i paidentifikueshëm në xhirimet e filmit të ri biografik me temë sportive por a mund ta dalloni kush është?

Aktori 51-vjeçar është parë i veshur me një xhaketë të zezë prej lëkure, me flokë të lëmuar pas dhe duke mbajtur tre unaza të Super Bowl-it në xhirimet e filmit të tij më të ri, shkruan The Sun.

Ky fitues i çmimit Oscar kishte një pamje ndryshe nga ajo me të cilën jemi mësuar ta shohim si zemërthyes klasik, teksa po xhironte të mërkurën në Atlanta.

Ylli i njohur është fotografuar duke shëtitur në setin e filmit me një shprehje goje të hapur në fytyrë.

Por, a e zbuluat se për cilin aktor bëhet fjalë? As më pak e as më shumë, është ylli i filmit Batman, Christian Bale.

Aktori i famshëm është duke xhiruar skena për filmin e tij të ri të titulluar Madden, ku luan përkrah yllit tjetër amerikan, Nicolas Cage, në një projekt shumë të përfolur të regjisorit David O. Russell. Në rolin e tij, Christian Bale i ngjan shumë personazhit real që portretizon – të ndjerit Al Davis, pronari dhe menaxheri legjendar i ekipit Oakland Raiders. Bale shihej me një pamje të zbehtë dhe me fytyrë të skuqur, karakteristike për Davis.

Ndërkohë, Nicolas Cage është parë në set i veshur me një kostum special që e bënte të dukej më i shëndoshë, me flokë të gjatë, duke interpretuar trajnerin e famshëm të Raiders dhe më pas transmetuesin legjendar të NFL-it, John Madden.

Në film marrin pjesë edhe komediani John Mulaney në rolin e Trip Hawkins, themeluesit të Electronic Arts, si dhe aktorja britanike Sienna Miller, e cila luan Carol Davis, bashkëshorten e Al Davis.

Sipas një deklarate nga Amazon, “Filmi ndjek rrugëtimin e jashtëzakonshëm të Madden – nga partneriteti i suksesshëm në Super Bowl me Al Davis dhe ekipin Raiders, te krijimi i lojës së famshme Madden NFL, e deri tek shndërrimi në një nga zërat më ikonë në historinë e futbollit amerikan”.

Fansat e NFL-it kanë reaguar me habi ndaj transformimit të Christian Bale dhe Nicolas Cage për rolet e tyre.

“Prisni pak, a është kjo e vërtetë?”, shkroi një përdorues. “Ata s’duken aspak si vetja e tyre e vërtetë”, komentoi një tjetër. “Jo, nuk ka mundësi që ky të jetë John Madden!”, shtoi dikush tjetër i habitur.

Filmi Madden është i drejtuar nga David O. Russell, i cili ka qenë i nominuar për çmimin Oscar me filmat si The Fighter dhe Silver Linings Playbook.

Ai gjithashtu ka shkruar skenarin e këtij filmi, i cili është i bazuar në jetën e vërtetë të John Madden – nga koha si trajner i NFL-it, tek karriera si komentator dhe më pas fytyra ikonë e lojërave video Madden NFL të EA Sports.

Madden ndërroi jetë në dhjetor të vitit 2021, në moshën 85-vjeçare. Në film përfshihet edhe jeta e Al Davis – pronarit karizmatik të Raiders, i njohur për moton e tij të famshme: “Fitoni, thjesht fitoni, baby.” Davis ndërroi jetë në tetor të vitit 2011, në moshën 82-vjeçare për shkak të dështimit të zemrës.

Në prill të kaluar, u bë e ditur se roli i Madden do t’i besohej Nicolas Cage, ndërsa më vonë u konfirmua se Christian Bale do të portretizonte Al Davis. /

Continue Reading

Lajmet

Tërnava u uron besimtarëve Kurban Bajramin

Published

on

By

Myftiu i Kosovës, Naim Tërnava, ka uruar besimtarët për Festën e Kurban Bajramit, duke u bërë thirrje për më shumë mirësi mes tyre.

Në urimin e tij tradicional në prag të Festës së Bajramit të Vogël, Tërnava tha se kjo festë është përkujtim i sakrificës të profetit Ibrahim, “i cili ishte i gatshëm të flijonte më të dashurin e tij për hir të Zotit të madhërishëm, e i cili na mësoi se besimi i vërtetë nuk njeh kufi e as frikë nga sprovat, por gjen kuptimin e lartë pikërisht në dorëzimin ndaj vullnetit hyjnor të Zotit”.

Në këtë ditë, zemrat e besimtarëve mbushen me mirënjohje dhe përkushtim, ndërsa duart e tyre shtrihen në ndihmë dhe bujari, ngase kjo festë është një akt që mishëron në frymën e afërsisë me Zotin dhe përgjegjësisë ndaj shoqërisë”, tha ai.

Myftiu Tërnava tha se Kurban Bajrami është festë fetare, por bart edhe mesazhe të thella shoqërore dhe atdhetare.

Festa e Bajramit nuk kufizohet vetëm me adhurim, por ajo kontribuon në forcimin e vlerave që ndërtojnë shoqërinë dhe forcojnë atdheun”, u shpreh ai.

Festa e Kurban Bajramit karakterizohet me therjen e kubanit dhe kryerjen e haxhillëkut.

Sot, kur miliona besimtarë janë në tokën e shenjtë të Mekës dhe ku do ta kalojnë këtë ditë në rrafshnaltën e Arafatit dhe në mesin e tyre gjenden edhe haxhilerët nga Kosova, të cilët janë duke e përjetuar haxhillëkun – udhëtimin e jetës – me lutjet e tyre drejtuar krijuesit për falje gabimesh, shëndet dhe mirëqenie për familjet e tyre, për popullin tonë dhe siguri për vatanin tonë”, tha Tërnava.

Haxhillëku ka nisur më 4 qershor dhe besimtarët myslimanë do të kryejnë rite fetare në Mekë deri më 8 qershor. Këtë vit, më shumë se 1.5 milion pelegrinë po marrin pjesë në ritualin më të rëndësishëm të Islamit./REL/

Continue Reading

Lajmet

​Bajrami: Nuk kemi nevojë që ta përsërisim një proces zgjedhor

Published

on

By

Deputetja e Lidhjes Demokratike të Kosovës, Hykmete Bajrami deklaroi se nuk ka nevojë që të përsëritet sërish një proces zgjedhor. Sipas tij, qëndrimi i LDK-së është që ketë konstituim të institucioneve pas zgjedhjeve të 9 shkurtit, teksa shtoi se bashkimi i dy palë zgjedhjeve do të shkaktonte probleme të mëdha.

Kështu u shpreh deputetetja Bajrami, pas dështimit për herë të 27-të për konstituim të legjislaturës së nëntë të Kuvendit të Kosovës.

Unë mendoj që ne veç sa e kemi kaluar një proces të zgjedhjeve nacionale, në fakt edhe si parti e kemi të njëjtin qëndrim dhe duhet të bëhet konstituimi i institucioneve të dala nga zgjedhjet e 9 shkurtit. Nuk kemi nevojë që ta përsërisim një proces zgjedhor, sepse nuk mund të priten as edhe ndryshime të mëdha. Në ndërkohë ne e dimë të gjithë procesin tejet të ndërlikuar dhe kohën që e ka marrë për numërim të votave nga ana e KQZ-së. Bashkimi i dy palë zgjedhjeve në një periudhë të caktuara do të shkaktonte probleme të mëdha dhe ka shumë mundësi që zgjedhje të tilla mandej edhe të mos pranohen nga ndonjë subjekt”, u shpreh Bajrami.

Deputetja e Lidhjes Demokratike të Kosovës tha se degët e LDK-së në komuna janë në procesin konsulatativ për paraqitjen e kandidaturave për kryetar komunash.

Nuk janë përcaktuar emrat, janë mbajtur takime të përbashkëta me kryesinë dhe kryetarët e degëve, gjithashtu me kryetarin dhe kryetarët e degëve, e kemi ndarë procesin në tri faza. Dhe tani janë komunat, degët e LDK-së në gjitha komunat në Kosovë të cilat janë në fazën e procesit konsultativ, disa prej tyre veç i kanë paraqitur kandidaturat, disa të tjera janë në proces”, shtoi Bajrami.

Continue Reading

Lajmet

Kryeziu-Hyseni: Qëllimi i partive opozitare nuk është zgjidhja por vazhdimi i bllokadës

Published

on

By

Deputetja e Lëvizjes Vetëvendosje, Arbëreshë Kryeziu-Hyseni ka thënë se qëllimi i partive që deri tani ishin në opozitë nuk është formimi i institucioneve të reja pas zgjedhjeve të 9 shkurtit, mirëpo vazhdimi i bllokadës dhe krizës politike.

Pas dështimit të sotëm të seancës konstituive të Kuvendit për herë të 27-të, ajo tha se këto parti parlamentare qëllimshëm nuk po marrin pjesë në votim për formimin e komisionit verifikues për zgjedhjen në mënyrë të fshehur të kryeparlamentarit.

Qëllimi i partive opozitare nuk është zgjidhja por vazhdimi i bllokadës që ata vet e kanë krijuar qysh në fillim të sagës së këtyre seancave të vazhdueshme. Fillmimisht kanë refuzuar komisionin për verifikimin e mandateve dhe më pastaj duke refuzuar të marrin pjesë në votim për komisionin verifikues për votim të fshehtë të kryeparlamentarit”, tha ajo.

Madje, Kryeziu-Hyseni para gazetarëve tha se në procesin e zgjedhjes së nënkryetarëve ata nuk do të votojnë për asnjë deputetë të LDK-së, kurse për ata të PDK-së tha se votojnë vetëm Nait Hasanin dhe Sala Jasharin.

Është qëndrim i joni që nuk do të votojmë asnjë emër tjetër nga radhët e PDK-së përveç Nait Hasanit dhe Sala Jasharit. Ndërkohë që edhe ne kemi vendosur reciprocitet ndaj LDK-së dhe nuk pranojmë asnjë propozim nga ana e tyre. Nëse duam që të hyjmë në ciklin e dëshirave dhe të shndërrojmë Kuvendin në vend të dëshirave, e jo në vend të numrave atëherë le të vendosim këso lloj kriteresh”, tha ajo./KosovaPress/

Continue Reading

Të kërkuara