Lajmet

​Greva kombëtare në Belgjikë do të paralizojë të gjithë vendin nesër

Më shumë se 200 fluturime nga aeroporti i Brukselit tashmë janë anuluar.

Publikuar

2 vjet më parë

më

Sindikatat në Belgjikë, të cilat organizojnë nesër një grevë kombëtare, u kanë bërë thirrje punëtorëve të dalin masivisht në rrugë për të protestuar kundër “bllokadës së pagave” dhe problemeve sociale.

Greva kombëtare në Belgjikë do të paralizojë të gjithë vendin, më shumë se 200 fluturime nga aeroporti i Brukselit tashmë janë anuluar, ndërsa nga sonte priten probleme në trafikun hekurudhor.

Sindikatat dhe organizatat e punëdhënësve nuk arritën një marrëveshje për lëvizjen e pagave dhe shpërndarjen e zarfit social brenda “Grupit të Dhjetëve” të hënën, tha presidenti i Konfederatës së Ndërmarrjeve Belge, Bart de Smet.

Sindikatat tregojnë se refuzojnë “bllokadën e pagave” në këtë periudhë krize dhe veçanërisht theksojnë se marzhet bruto të kompanisë ishin “historikisht të larta” në gjysmën e parë të vitit.

Nga ana tjetër, organizatat e punëdhënësve i referohen një situate dramatike për kompanitë për shkak të indeksimit automatik të aplikuar në Belgjikë, që do të thotë se rritja e pagave vjen pas rritjes së inflacionit.

“Situata po përkeqësohet dita-ditës, kompanitë tona janë në një situatë gjithnjë e më të vështirë dhe të gjitha sinjalet janë të kuqe”, shpjegon Peter Timmermans, drejtor i përgjithshëm i Federatës së Kompanive Belge.

Për shkak të grevës kombëtare të planifikuar për nesër, linjat ajrore kanë anuluar paraprakisht 55 për qind të fluturimeve të planifikuara për të mbërritur ose nisur nga aeroporti i Brukselit, tha zëdhënësja e aeroportit Nathalie Pierrrd të hënën pasdite. Bëhet fjalë për pak më shumë se 200 fluturime.

Bllokuar do të jenë edhe hekurudhat, ndërkaq priten ndërprerje që në mbrëmjen e sotme nga ora 22:00.

Punëtorët e hekurudhave ankohen për “përkeqësimin e kushteve të punës”, mungesën e “punësimit thelbësor për të ruajtur mirëqenien e stafit” dhe bëjnë thirrje për “financim përkatës të misioneve të shërbimit publik”.

Rrjeti i transportit publik në Bruksel do të ndërpritet seriozisht për shkak të një greve kombëtare, ka paralajmëruar kompania e transportit të Brukselit. Prandaj shumë autobusë, tramvaje dhe metro do të qëndrojnë në platforma.

Etiketa
Vazhdo të lexosh

Lajmet

​Rrëmbehet një 19-vjeçare në Fushë Kosovë

Publikuar

1 ditë më parë

më

25 Maj, 2024

nga

Sot rreth orës 09:35 policia rajonale e Ferizajt ka pranuar një informatë me telefon nga një femër e moshës 19-vjeçare, e cila rreth orës 08:00 dyshohej se ishte rrëmbyer në Fushë Kosovë nga GJ.H. (23) dhe se ajo ndodhej në një pikë karburanti në Bibaj të Ferizajt, ku i dyshuari e kishte sjellë me veturë dhe ishin ndaluar aty.

Ekipe të policisë menjëherë janë nisur në drejtim të fshatit Bibaj dhe aty kanë hasur të dyshuarin, i cili ishte jashtë në oborr të pikës së karburantit, duke e pritur viktimën femër të dalë jashtë.

I dyshuari është arrestuar dhe është shoqëruar në stacionin e policisë në Ferizaj, gjithashtu në stacionin e policisë është sjellë edhe viktima femër.

Në bashkëpunim me policët e stacionit në Fushë Kosovës, i dyshuari dhe viktima janë dërguar për procedura të intervistimit dhe hetimit atje, ngaqë rasti i dyshuar për rrëmbim me forcë dyshohet se ka ndodhur në qytetin e Fushë Kosovës.

Vazhdo të lexosh

Lajmet

​Monitorim edhe me helikopterë për protestën e paralajmëruar në Jarinjë nga Serbia

Publikuar

1 ditë më parë

më

25 Maj, 2024

nga

Pas paralajmërimit për protestë në Serbi, në Leposaviq vërehet prezencë më e madhe e Policisë së Kosovës dhe KFOR-it.

Megjithatë situata në afërsi të pikës kufitare në Jarinjë është e qetë dhe qarkullimi po vazhdon normalisht.

Përveç KFOR-it dhe Policisë së Kosovës në afërsi të pikës kufitare në Jarinjë po qëndrojnë edhe automjete te misionit të Bashkimit Evropian për zbatim të ligjit, EULEX si dhe karabinierët.

Patrullimi i kufirit po bëhet edhe nga ajri me helikopterë. Qarkullimi i automjeteve në këtë pikë kufitare është i vogël.

Ndryshe, Qendra Kombëtare për Menaxhim Kufitar ka ftuar qytetarët të cilët planifikojnë të udhëtojnë përmes pikë – kalimeve kufitare me Serbinë, që të shtunën (sot) të përdorin pika tjera për qarkullim, pasi atje për sot janë paralajmëruar protesta.

Vazhdo të lexosh

Lajmet

Kurti për regjistrimin e popullsisë: Kemi mbledhur të dhëna të rëndësishme për planifikimin e së ardhmes

Publikuar

1 ditë më parë

më

25 Maj, 2024

nga

Kryeministri i Kosovës, Albin Kurti ka thënë se me përfundimin e procesit të regjistrimit të popullsisë kanë nxjerrë të dhëna shumë të rëndësishme që do të ndihmojnë në planifikimin e së ardhmes.

Këto komento, kreu i ekzekutivit i ka bërë në shënim të përfundimit të procesit të Regjistrimit të Popullsisë, Ekonomive Familjare dhe Banesave në Kosovë, i nisur më 5 prill 2024, të organizuar nga Agjencia e Statistikave të Kosovës, në bashkëpunim me UNDP-në.

“Të dhënat e mbledhura do të jenë baza për politika, strategji e vendime më të mira, për një zhvillim edhe më të hovshëm e më të qëndrueshëm të vendit tonë. Në veçanti i falënderoj edhe partnerët tanë ndërkombëtarë për bashkëpunimin. Së bashku mund të arrijmë gjithçka, të jemi edhe të numëruar edhe të lumtur”, tha kryeministri Kurti në fjalën e tij para të pranishmëve.

Vazhdo të lexosh

Lajmet

​Bashkëpunimi Kosovë-SHBA, Gërvalla takon O’Brien

Publikuar

1 ditë më parë

më

25 Maj, 2024

nga

Në kuadër të vizitës zyrtare në Shtetet e Bashkuara të Amerikës, shefja e diplomacisë kosovare Donika Gërvalla, është pritur në takim nga ndihmës sekretari i Shtetit për Çështjet Evropiane dhe Euroaziatike, James O’Brien.

Në frymën e marrëdhënieve të posaçme ndërmjet dy shteteve gjatë takimit janë trajtuar aspekte të shumta të thellimit të bashkëpunimit dypalësh, forcimit të sundimit të ligjit e demokracisë dhe jetësimit të aspiratave për anëtarësimin e Kosovës në organizata ndërkombëtare.

Gërvalla dhe O’Brien diskutuan po ashtu rreth zhvillimeve të tjera aktuale në vend, duke vënë theksin në përkushtimin e institucioneve në ruajtjen e paqes dhe stabilitetit në vend dhe rajon si dhe zmbrapsjen e kërcënimeve të sigurisë.

Vazhdo të lexosh

Të kërkuara