Lajmet
”Gjykatat në veri pothuajse të bllokuara”
Zgjidhja e këtij problemi duhet të arrihet përmes politikës, përkatësisht dialogut.
Published
3 years agoon
By
Betim GashiGjendja aktuale e gjyqësorit në veri është pothuajse e bllokuar. Pas largimit të serbëve nga institucionet nuk ka staf të mjaftueshëm, ndërsa çështja duhet të zgjidhet vetëm përmes dialogut. Kështu u tha sot në veri të Mitrovicës, gjatë një diskutimi publik mbi gjyqësorin në veri të vendit, pas ngjarjeve të fundit atje, që u organizua nga OJQ ‘Qendra Avokuese për Kulturë Demokratike’(ACDC).
Dushan Radakoviq, drejtor ekzekutiv i ACDC-së në veri të Mitrovicës ka bërë të ditur se gjendja aktuale në gjykata në veri është e keqe. Ai duke përmendur shifra tha se gjithsej 130 punonjës serbë vetëm në Gjykatën Themelore të Mitrovicës, e kanë braktisur punën, duke përfshirë këtu edhe gjykatën për kundërvajtje në jug të qytetit.
Radakoviq konsideron se zgjidhja e këtij problemi duhet të arrihet përmes politikës, përkatësisht dialogut.
“Janë larguar 130 persona serbë nga Gjykata, nga Prokuroria 36 dhe nga Gjykata e Apelit-Divizioni në Veri, janë 15 persona të cilët janë jashtë institucioneve gjyqësore të Kosovës… Definitivisht situata aktuale në Gjykata në veri është e keqe. S’ka staf punonjës të mjaftueshëm, 130 persona serbë të larguar nga Gjykata në Mitrovicë është shumë, gjysma e stafit të përgjithshëm nuk është duke punuar… Definitivisht (kjo situatë duhet të zgjidhet v.j.) përmes politikës dhe dialogut. Tani sistemi është krejtësisht i bllokuar, komuna, policia, gjykata”, ka thënë Radakoviq.
Aleksandar Rapajiq, drejtor i programit “Rritja e transparencës dhe sundimit të ligjit në komunat me shumicë serbe në Kosovë”, që zhvillohet në kuadër të kësaj organizate, theksoi se integrimi i sistemit gjyqësor në veri të Kosovës është rrëfimi më i mirë i marrëveshjes së Brukselit. Sipas tij, rezultati më i madh i arritur ka qenë besimi i krijuar në mesin e komunitetit serb ndaj institucioneve gjyqësore të Kosovës.
“Integrimi i sistemit gjyqësor në veri të Kosovës mendoj se është rrëfimi më i mirë i marrëveshjes së Brukselit dhe rrëfimi më i mirë i komplet marrëveshjes së integrimit në kuadër të procesit të Brukselit… Vërtetë bëhet fjalë për profesionistë seriozë, të cilët kanë kryer punën e tyre…Dhe, kjo pati filluar të jap rezultate serioze. Rezultati më i madh është besimi i krijuar në komunitetin serb ndaj këtyre institucioneve gjyqësore, e cila tani fatkeqësisht është lëkundur… Ne jemi në kontakt të vazhdueshëm si me njerëzit të cilët kanë braktisur Gjykatën, po ashtu, edhe me ata të cilët kanë vazhduar të punojnë. Më besoni, gjatë bisedave me ta vërehet sa i mirë ka qenë ky integrim, dhe si ata vërtetë kanë punuar bashkë si kolegë. Ne kemi vizituar gjykatën në veri, asgjë s’ka lëvizur.. absolutisht gjithçka ka mbetur ashtu siç e kanë lënë serbët që kanë punuar aty, askush nuk i ka marrë zyrat e tyre, apo diçka tjetër ngjashëm, dhe punëtorët shqiptarë sikur po presin që të kthehen serbët për të vazhduar punën së bashku si më parë”, u shpreh Rapajiq.
Ndryshe pjesëmarrësit në këtë diskutim parashtruan pyetje të ndryshme rreth problemeve dhe sfidave të gjyqtarëve dhe stafit tjetër, për të cilat thanë se duhet zgjidhur sa më parë për të mirën e qytetarëve.
Lajmet
Dy persona kapen me mbi 2 kg kokainë dhe mbi 13 mijë euro, sulmohet policia
Published
4 minutes agoon
October 22, 2025By
UBT News
Një shtetas i Kosovës dhe një me shtetësi të huaj janë arrestuar gjatë një kontrolli rutinor në Prishtinë, pasi tek të dyshuarit u gjetën mbi 2 kilogram kokainë dhe mbi 13 mijë euro para të gatshme.
Policia ka njoftuar se i dyshuari ka rezistuar dhe ka sulmuar policët.
“Policia e Kosovës, më saktë Njësia për Reagim të Shpejtë- Prishtinë me datën 21.10.2025 gjatë një pike të rregullt kontrolli në Prishtinë ka ndaluar një automjet me targa të huaja me drejtues të dyshuarin mashkull kosovar dhe pasagjerin mashkull shtetas i huaj. Njësia e lartcekur policore gjatë zbatimit të autorizimeve të saj, pasi ka kërkuar realizimin e një kontrolli rutinor, i dyshuar mashkull shtetas i huaj ka tentuar të largohet nga vendi i ngjarjes, mirëpo si rezultat i reagimit profesional policor i njëjti është ndaluar nga njësia policore. I dyshuari gjatë tërë kohës ka rezistuar në mënyrë agresive duke i sulmuar zyrtarët policorë dhe tek i njëjti gjatë arrestimit janë gjetur dy paketime të mbështjella të mbushura me pluhur ngjyrë të bardhë të dyshuar si substancë narkotike e llojit kokainë pesha e përgjithshme e së cilës arrin rreth 2270.6 gramë (2 kilogramë e 270.6 gramë)” , njofton policia.
Gjithashtu, Policia ka njoftuar se përveç substancës së dyshuar narkotike pas kontrollit tek të dyshuarit në vendngjarje janë gjetur edhe: para të gatshme 12550 euro, para të gatshme 1000 euro, një telefon mobil.
“Përveç substancës së dyshuar narkotike pas kontrollit tek të dyshuarit në vendngjarje janë gjetur edhe: para të gatshme 12550 euro, para të gatshme 1000 euro, një telefon mobil. Lidhur me rastin në vendngjarje ka dalë edhe Drejtoria për Hetimin e Trafikimit me Narkotikë si dhe është njoftuar edhe prokurori kompetent, me urdhër të të cilit është kryer kontroll edhe tek shtëpia e të dyshuarit shtetas kosovar mirëpo nuk është gjetur diçka e dyshuar. Të dyshuarit pas intervistimit me urdhër të prokurorit janë dërguar në mbajtje për 48 orë”, thuhet në njoftim.
Lajmet
Ia vodhi babait mbi 24 mijë euro, arrestohet 34-vjeçari në Shtime
Published
19 minutes agoon
October 22, 2025By
UBT News
Një person është arrestuar të martën për vjedhjen e 24 mijë e 800 eurove në banesën e babait të tij, në rrugën “14 Dhjetori” në Shtime, gjatë periudhës kohore nga 22 gushti deri më 18 tetor të këtij viti.
Sipas njoftimit të Policisë, arrestimi u bë pasi ankuesi, një shtetas i Kosovës që jeton dhe punon jashtë vendit, më 19 tetor kishte vërejtur mungesën e parave.
Gjatë ekzaminimit të vendngjarjes, policia nuk ka konstatuar shenja thyerjeje apo dëmtime që do të tregonin hyrje me forcë në banesë.
“Si rezultat i hetimeve intensive, më 21.10.2025, policia ka identifikuar dhe arrestuar të dyshuarin B.N. (34 vjeç) – djalin e ankuesit, i cili është intervistuar në prani të avokatit mbrojtës dhe ka pranuar kryerjen e veprës penale”, thuhet në njoftim.
Me urdhër të prokurorit të shtetit, i dyshuari është dërguar në ndalim policor për 48 orë. Hetimet lidhur me rastin janë duke vazhduar./S.K/EO/PK/
Lajmet
Rekord i ri, 43 gola në një natë në Champions League
Published
21 minutes agoon
October 22, 2025By
UBT News
Gjithsej, 43 gola janë shënuar në 9 ndeshjet e para të javës së tretë në Champions League, ku aktualisht shihet një dominim i frikshëm nga ekipet e mëdha.
14 skuadra zbritën në fushë në orën 21:00, pas dy ndeshjeve të pasdites, ku takimi që spikati më shumë ishte Arsenal-Atletico Madrid.
Pjesa e parë u mbyll pa gola, por në të dytën “Topçinjtë” dominuan frikshëm, duke shënuar plot 4 herë, me ekipin e Simeones që ishte i pafuqishëm për t’u kundërpërgjigjur.
PSG shkaktoi një tërmet, duke marrë fitoren e tretë në po kaq ndeshje, kësaj radhe duke mundur Leverkuesenin në Gjermani me rezultatin e thellë 2-7.
Të dyja ekipet ngelën me 10 lojtarë, ndërsa në listën e golashënuesve i pranishëm ishte edhe Dembele, i cili sapo u kthye nga një dëmtim.
Interi gjithashtu tregoi forcën në Belgjikë, duke mundur 0-4 debutuesit e Royal Union.
Haaland dhe Bernardo Silva i dhanë fitoren 0-2 Manchester Cityt kundër Villarrealit.
Surpriza më e madhe erdhi nga Holanda, ku Napoli u mposht me rezultatin e thellë 6-2 nga PSV-ja.
Në sfidat e tjera, Dortmund mundi 2-4 Copenhagen, ndërsa Newcastle triumfoi 3-0 me Benficën.
Sa i përket sfidave të orës 18:45, Barcelona mundi 6-1 Olympiacosin, ndërsa Kairat Almaty-Pafos u mbyll pa gola./S.K/Tch/
Lajmet
Dy të vrarë me armë zjarri në Durrës
Published
30 minutes agoon
October 22, 2025By
UBT News
Dy persona kanë vdekur pasi janë qëlluar për vdekje nga armë zjarri pranë një karburanti në Manëz të Durrësit. Ngjarja e rëndë ka ndodhur në orët e para të mëngjesit të sotëm, ku sipas informacioneve të para, bëhet me dije se si pasojë e një konflikti janë qëlluar A. K (23-vjeçar) dhe F. P (33-vjeçar).
Policia e shtetit ka njoftuar se ka shpallur në kërkim autorin e veprës D.P.
Durrës- Informacion paraprak:
“Rreth orës 01:45 të datës 22.10.2025, në Manëz, pranë një karburanti, pas një konflikti dyshohet për motive të dobta, kanë mbetur të vrarë me armë zjarri shtetasit A. K., 23 vjeç, dhe F. P., 33 vjeç, të dy banues në Manëz.
Nga veprimet e para hetimore të kryera nga grupi i posaçëm hetimor, dyshohet se shtetasi F. P. është vrarë me armë zjarri nga shtetasi D. P., 21 vjeç, banues në Manëz, ndërsa shtetasi A. K. dyshohet se është vrarë nga shtetasi F. P.
Shërbimet e Policisë po vijojnë kontrollet intensive për kapjen e shtetasit D. P. Ndërkohë, një grup i posaçëm hetimor, nën drejtimin e Prokurorit, po vijon punën në vendngjarje për zbardhjen e rrethanave, identifikimin e personave të tjerë të përfshirë në këtë ngjarje dhe administrimin e çdo prove, me qëllim dokumentimin e plotë ligjor të rastit.”, thuhet në njoftim./S.K/TopChannel/
Dy persona kapen me mbi 2 kg kokainë dhe mbi 13 mijë euro, sulmohet policia
Ia vodhi babait mbi 24 mijë euro, arrestohet 34-vjeçari në Shtime
Rekord i ri, 43 gola në një natë në Champions League
Dy të vrarë me armë zjarri në Durrës
Britania e Madhe nikoqire e Samitit të Procesit të Berlinit për vendet e Ballkanit Perëndimor
Villarreal-Barcelona nuk do luhet në Miami
Skëndërbeu luan në Europë, por me të rinjtë
Basha: Do të ishte antikushtetuese nëse nuk do t’i jepja mundësinë Rashiqit për nënkryetar
Ari bie nga nivelet e tij më të larta
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months agoProfesori i UBT-së fiton grant prestigjioz kërkimor në Universitetin Çarls të Pragës
