Lajmet

​Gjithçka që duhet të dini për ETIAS dhe taksat e Evropës

Kur do të hyjë në fuqi ETIAS?

Published

on

Nga viti 2024, hyrja në Evropë nuk do të jetë më pa pagesë. Sistemi Evropian i Informacionit dhe Autorizimit të Udhëtimit – ETIAS do të lejojë hyrjen në vendet e BE-së me pagesë prej 7,70 dollarë. Ky është një sistem për vizitorët nga vendet që nuk kanë nevojë për viza për të hyrë në Evropë.

Ndërsa shumë qytetarë amerikanë duken të tronditur nga kjo gjë, ata mund të habiten që sistemi ETIAS është modeluar sipas programit të heqjes së vizave ESTA, i cili u prezantua në 2009 nga Shtetet e Bashkuara. Dhe, sigurisht, qytetarët e shumë vendeve kanë nevojë për viza “të vërteta” për në vendet e BE-së – që nuk është vetëm një proces i kushtueshëm, por gjithashtu kërkon shumë kohë.

Kur do të hyjë në fuqi ETIAS?

Fillimisht e planifikuar për të filluar në maj 2023, ETIAS është shtyrë disa herë – por tani duket se është në rrugën e duhur për të nisur në 2024.

Kush ka nevojë për autorizimin ETIAS?

Qytetarët e rreth 60 vendeve jo anëtare të BE-së, të cilët aktualisht nuk kanë nevojë për vizë për në BE – si Shtetet e Bashkuara, Mbretëria e Bashkuar, Japonia, Singapori dhe Emiratet e Bashkuara Arabe, shkruan CNN.

Banorët e BE-së janë të përjashtuar, pavarësisht nga kombësia e tyre.

Do të kushtojë 7 euro (7,70 dollarë) dhe do të mbulojë hyrje të shumta për tre vjet, ose derisa të skadojë pasaporta juaj.

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara