

Shëndeti
Gjatë verës ka më shumë baktere në shtrat – sa shpesh duhet të pastrohen çarçafët?
Published
4 years agoon
By
Betim GashiNë verë, duhet të pastroni shtratin tuaj më shpesh, veçanërisht çarçafët dhe jastëkët. Bërja e dushit para gjumit mund të ndihmojë, por nëse doni të zvogëloni aromat dhe bakteret e pakëndshme, është më mirë të pastroni shtratin tuaj çdo tri deri në katër ditë.
Muajt e nxehtë të verës sjellin me vete nxehtësi dhe lagështirë të padurueshme. Kjo çon në djersitje të tepruar, edhe kur flemë.
Në përgjithësi, çarçafët dhe jastëkët duhet të lahen të paktën një herë në javë, sipas ekspertit të toksinës mjedisore Tonya Harris.
“Ka disa arsye të ndryshme pse duhet të pastroni shtratin tuaj më shpesh gjatë verës”, shpjegon ajo.
“Së pari, është e qartë që djersitemi më shumë, gjë që mund të çojë në shfaqjen e shumë baktereve dhe aromave të pakëndshme. Por përveç kësaj, alergjenët si poleni mund të hyjnë në shtëpi, kështu që pastrimi më shpesh i shtratit do të ndihmojë në zvogëlimin e alergjenëve dhe merimangat që mund të shkaktojnë simptoma të pakëndshme”, shton ajo.
Për shkak të gjithë kësaj, ajo rekomandon larjen e çarçafëve dhe jastëkëve më shpesh gjatë verës, nëse mundeni çdo tre ose katër ditë.
“Kjo duhet të jetë e mjaftueshme për të mbajtur larg bakteret, aromat dhe alergjenët”, thotë Harris.
Nëse përdorni një çarçaf të sipërm ose një batanije të hollë, ato duhet të lahen në të njëjtën kohë me çarçafët dhe jastëkët.
“Nëse mbani një batanije në mbulesë, atëherë mund ta lani atë çdo katër deri në gjashtë javë dhe mbulesën çdo dy ditë”, shton ai.
Si të pastroni dhe mirëmbani shtratin në verë?
Gjithmonë kontrolloni etiketën me udhëzime për larjen dhe mirëmbajtjen. Për shembull, pambuku mund të lahet në ujë të nxehtë, ndërsa materialet e tjera lahen më mirë në ujë të ftohtë.
Për pastrim të thellë Harris rekomandon pastrimin e dyshekut dy deri në tri herë në vit për të hequr qafe bakteret dhe alergjenët. Ju gjithashtu mund të spërkatni dyshekun me një shtresë të hollë sodë buke, duke e lënë të qëndrojë për disa orë para se të pastroni me fshesën e korrentit për të hequr aromat.
Gjëja e fundit para gjumit është një dush i mirë që do të zvogëlojë aromat e pakëndshme, djersën, vajrat e trupit, alergjenët dhe të ngjashme, shkruan Mind Body Green.
You may like
Shëndeti
Këto ushqime nuk duhet t’i hani gjatë ditëve të nxehta
Published
11 minutes agoon
April 24, 2025
Gjatë sezonit veror është e rëndësishme shmangia e disa ushqimeve, që jo vetëm ndikojnë keq, por edhe mund të bëhen shkaktarë për infeksione.
Nuk duhet të konsumoni ushqimet pikante dhe ato që nuk janë vegjetariane. Ushqimet pikante rrisin temperaturën e trupit duke qenë se rritet norma e metabolizmit. Vera nuk është koha më e mirë për të konsumuar mish, peshk apo të gjitha llojet e ushqimeve të detit.
Nëse konsumoni shumë mish do të djersisni më shumë e do keni probleme me tretjen.
Është e rëndësishme të shmangni ushqimet e gatshme apo të fast-food-eve që janë të pasura me yndyrë dhe vaj. Nuk duhet të konsumoni salcat, se përmbajnë sasi të lartë të një lënde që ndikon në shtimin në peshë. Ushqimet mund t’i konsumoni në gjendjen natyrale e nuk keni pse t’u shtoni salcë.
Duhet të tregoni një kujdes shumë të madh edhe ndaj ushqimeve të mbetura nga vaktet e kaluara. Sapo mbarohet ushqimi, pjesën që ngelet duhet ta ruani në ambient të ftohtë ose të ngrohtë, në varësi të llojit. Ushqimi i lënë jashtë mund të kthehet në problem, sepse hyn në një zonë problematike të temperaturës.
Nëse ushqimi lihet jashtë për më shumë se 4 orë, duhet hedhur menjëherë në kosh të plehrave.
Shëndeti
A përplaseni me objekte e mavijoseni lehtë? Mund t’ju mungojë një nga këto lëndë ushqyese
Published
20 hours agoon
April 23, 2025
Edhe pse mavijosja është pjesë e jetës, një dietë e pasur me vitamina dhe minerale mund të ndihmojë në reduktimin e tyre
A ju duket se mavijoseni shpejt edhe pas goditjeve të lehta, ndërsa të tjerët mezi vënë re një ndryshim në lëkurë incidenteve të ngjashme?
Mavijosja e lehtë është një sinjal se trupit i mungojnë lëndët ushqyese që forcojnë enët e gjakut dhe lëkurën.
Edhe pse disa njerëz janë natyrshëm më të prirë ndaj mavijosjeve për shkak të gjenetikës ose llojit të lëkurës, ushqimi luan rol kyç në shpejtësinë e rikuperimit nga lëndimet e vogla. Ato ndodhin kur enët e vogla të gjakut nën sipërfaqen e lëkurës dëmtohen, duke bërë që një sasi e vogël gjaku të rrjedhë në indet përreth. Tek ata që mavijosen lehtë, ky proces intensifikohet dhe lëkura ka nevojë për më shumë kohë për t’u rikuperuar.
Mavijosja e lehtë mund të tregojë mungesë të lëndëve ushqyese, qarkullim të dobët apo edhe dehidrim.
Nëse vëreni mavijosje të shpeshta edhe pas ndikimeve të lehta, merrni parasysh rritjen e marrjes së vitaminave dhe mineraleve të mëposhtme.
Ushqyes që ndihmojnë në parandalimin e mavijosjeve
Vitamina C – Ndihmon në krijimin e kolagjenit, që mbështet strukturën e enëve të gjakut e lëkurës. Mungesa e saj mund të dobësojë enët e gjakut.
Burime të mira: agrumet, luleshtrydhet, specat, kivi dhe brokoli.
Vitamina K – Esenciale për koagulimin e gjakut, ndihmon në ndalimin e shpejtë të gjakderdhjes. Njerëzit me nivele të ulëta të vitaminës K janë më të prirur ndaj mavijosjes.
Burime të mira: perimet me gjethe jeshile si lakra jeshile, spinaqi.
Bioflavonoidet – Antioksidantë bimor që forcojnë kapilarët në kombinim me vitaminën C.
Burime të mira: agrumet, manaferrat, qepët dhe çaji jeshil.
Hekuri – Është thelbësor për formimin e rruazave të kuqe të gjakut dhe transportin e oksigjenit. Mungesa e hekurit mund të shkaktojë zbehje dhe të rrisë tendencën për të mavijosur lehtë.
Burime të mira: mish i kuq pa dhjamë, shpendët, peshku, fasulja, spinaqi dhe drithërat e fortifikuara.
Zinku – I rëndësishëm për riparimin e indeve dhe shërimin e plagëve. Mungesa e zinkut mund të ngadalësojë rikuperimin e lëkurës.
Burime të mira: mishi, butakët, bishtajoret, farat dhe arra.
Proteinat – Ato janë të nevojshme për të forcuar e riparuar indet, duke përfshirë lëkurën. Marrja e ulët e proteinave mund të çojë në enët e brishta të gjakut.
Burime të mira: vezët, pula, peshku, tofu, fasulet dhe kos grek.
Kur të bisedoni me mjekun?
Nëse vëreni se mavijosjet shfaqen shpesh ose janë të theksuara, konsultohuni me mjekun, pasi formimi i tepërt tregon probleme shëndetësore si çrregullime të koagulimit të gjakut, sëmundje të mëlçisë ose efekte anësore të disa ilaçeve.
Shëndeti
Studimi: Lotët ndihmojnë në diagnostifikimin e Parkinsonit
Published
21 hours agoon
April 23, 2025
Rrjedhja e lotëve, mund t’ju ndihmojë të tregoni nëse vuani nga sëmundja e Parkinsonit apo jo, thotë një studim i ri.
Biomarkuesit mund të zbulohen thjeshtë në lot duke u mundësuar mjekësve të diagnostifikojnë sëmundjen neurologjike e cila prek një në 500 njerëz.
Shkencëtarët zbuluan se kishte dallime minutëshe në nivelet e një proteine të veçantë e gjendur në lot.
Testi mund të ndihmojë në zbulimin e sëmundjeve para se simptomat të zhvillohen duke lejuar mjekët të përshkruajnë trajtime të tilla si medikamenti për të rivendosur dopaminën në tru.
Shëndeti
Uthulla e mollës, shëruese nëse përdoret për çdo ditë
Published
22 hours agoon
April 23, 2025
Uthulla e mollës e ul shtypjen e lartë të gjakut, ndihmon me rastin e sëmundjeve të fytit, tretjes së çrregulluar, metabolizmit dhe qarkullimit të dobët të gjakut dhe e ruan linjën e trupit.
Kundër lodhjes kronike duhet përzier tri lugë të vogla me uthull molle me një filxhan me mjaltë dhe masa e fituar të vendoset në kavanoz.
Çdo mbrëmje para fjetjes të konsumohen dy lugë të vogla të kësaj përzierjeje.
Ekziston edhe një mënyrë tjetër, një lugë e vogël me uthull mund të qitet në një gotë me ujë dhe të pihet gjatë kohës së drekës. Kundër dhimbjeve në nyja gjatë natës duhet t’i mbështillni vendet me dhimbje me pëlhurë, që janë lagur mirë me uthull të mollës. Mbi të e vendosni një stof të leshtë.
Gjatë secilës shujtë duhet pirë një gotë ujë, në të cilën janë përzier dhjetë lugë të vogla me uthull molle. Për humbje të peshës për çdo mëngjes, duhet pirë një gotë ujë një deri në dy lugë të vogla me uthull molle. Ose, gjatë secilës shujtë të pini një gotë ujë me dy lugë të vogla me uthull.
Trajtimi zgjat dy muaj, ndërsa humbja e kilogramëve arrihet për shkak se uthulla e mollës ndikon në djegie më të shpejtë të indeve të tepërta yndyrore.
Kundër venave të zgjeruara për çdo mëngjes e mbrëmje, lëkurën mbi venat e zgjeruara e fërkoni me uthull të pastër molle.
Përveç kësaj, duhet që edhe dy herë në ditë ta pini nga një gotë ujë me dy lugë të vogla të uthullës. Terapia zgjat një muaj.

86 aksidente trafiku dhe mbi 2 mijë gjoba në 24 orët e fundit

Përshkallëzohen tensionet mes Indisë dhe Pakistanit, pas sulmit vdekjeprurës në Kashmir

Sekretari amerikan i Thesarit: FMN dhe Banka Botërore kanë nevojë për reforma

Këto ushqime nuk duhet t’i hani gjatë ditëve të nxehta

Dy raste të dhunimit raportohen në Malishevë dhe Gjakovë

UBT përgatit liderët e së nesërmes – Studentët e Menaxhmentit në vizitë studimore në Solaborate

Dy të rinj arrestohen për disa raste të vjedhjeve në Drenas

Fakulteti i Gjuhës Angleze në UBT, model i edukimit të lidhur me praktikën profesionale

Njëzet vjet më vonë, YouTube po kthehet në rrënjët e veta
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT