Sport

Giresse e Rrahmani flasin para sfidës me Burkina Fason

Rrahmani theksoi se kjo ndeshje do të jetë një test i mirë para ndeshjeve të qershorit në Ligën e Kombeve.

Published

3 years ago

March 23, 2022

Betim Gashi

Ndeshjen e parë nën urdhrat e trajnerit të ri, Alain Giresse, Kosova do ta zhvillojë kundër Burkina Fasos në Prishtinë të enjten, sfidë kjo që ka karakter miqësor.

Në prag të këtij ballafaqimi, para mediave kanë folur trajneri Alain Giresse dhe kapiteni Amir Rrahmani. Me këtë rast, qendërmbrojtësi i Napolit theksoi se kjo ndeshje do të jetë një test i mirë para ndeshjeve të qershorit në Ligën e Kombeve.

“Kemi një ndeshje me Burkina Fason nesër dhe jemi duke u përgatitur për ta treguar atë që trajneri do dhe të përgatitemi sa më mirë për ndeshjet e qershorit pasi që pas kësaj ndeshje kemi edhe ndeshjen me Zvicrën, kështu që këto dy ndeshje do të na ndihmojnë për përgatitjet në qershor”, tha Rrahmani.

Ai tutje foli edhe për përshtypjet e para për trajnerin e ri francez në krye të kombëtare së Kosovës në futboll.

“Besoj që më e rëndësishme që mund ta di është pas ndeshjes, sepse pas ndeshjes e shohim çfarë kemi bërë dhe mund ta bëjmë video analizën çfarë mund të bëjmë ndryshe dhe çfarë kërkon trajneri nga ato situata të lojës…Është një person shumë pozitiv dhe shpresoj të ketë kështu gjithmonë sepse na duhet një pozitivitet në ekip”, tha Rrahmani.

Ndërkaq trajneri Giresse bëri të ditur se në këto seancat e para stërvitore është përqendruar te stërvitjet me dhe pa top, për të parë formën e lojtarëve.

“Mbetet punë padyshim për t’u bërë më rastet kur e kemi topin, kur e kemi posedimin mirëpo edhe puna pa top pa dyshim”, tha Giresse.

Më pas ai foli edhe për formacionin për të cilin deklaroi se nuk e ka vendosur ende.

“Atëherë siç e kemi thënë më herët, këto dy lojëra do të përfshihen të gjithë lojtarët që janë në ekip dhe padyshim që ditën e nesërme do të kemi një pamje se si do të duket formacioni për ndeshjen me Burkina Fason… Padyshim ky sesion i trajnimit që do ta kemi sot, i cili është i fundit para ndeshjes së nesërme do të na jep idetë e fundit se si do të shfaqemi para Burkina Fasos”, tha Giresse.

Trajneri francez në fund shtoi se rivali i nesërm ka një stil të veçantë të lojës dhe se Kosova do të provojë që t’i kundërvihet me mënyrën e saj për t’i eliminuar të gjitha rreziqet që vijnë nga kundërshtari.

Related Topics:Alain Giresse Amir Rrahmani Burkina Faso

Up Next

FFK aprovon kandidaturën e Agim Ademit, refuzon atë të Gramos Vokrrit

Don't Miss

Neymar i dehur në stërvitje të PSG-së, Paqueta i del në përkrahje

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.