Lajmet

​“Foltorja” e Berishës, Meta nga Korça: Është si vera, sa më shumë kalon koha aq tërheqës dhe më demokrat bëhet

Published

on

Presidenti i Shqipërisë, Ilir Meta anashkaloi pyetjen në lidhje me përjashtimin e Sali Berishës nga grupi demokrat, por u përgjigj shkurt në lidhje me betejën e liderit historik të PD-së për foltoren për një Parti Demokratike më të bashkuar. Nga Korça kreu i shtetit tha se Berisha është si vera sa më shumë kalon koha aq tërheqës dhe aq më demokrat bëhet.

“Nuk dëshiroj të merrem me çështje të tilla se nuk është kjo detyra ime, sigurisht që Berisha është si vera sa më shumë kalon koha aq tërheqës dhe aq më demokrat bëhet”.

Dhe gjatë deklaratës së tij për gazetarët, Meta u fokusua te demokracia që sipas tij është problematike, por shumë më mirë se para zgjedhjeve të 25 prillit.

“Situata e demokracisë në vend është në gjendje problematike, nuk është ashtu siç do të donin shumë, përfshirë dhe mua pas 25 prillit, por shumë më mirë se para situatës katastrofike të 25 prillit, në kushtet e mungesës së një parlamenti kushtetues, në kushtet e e zero opozitës në institucione. Pas 25 prillit janë mundësitë për rivendosjen e plotë të demokracisë funksionale, parlament funksional dhe ky është qëllimi ynë kryesor dhe i gjithë qytetarëve që demokracia të funksionojë dhe zëri i atyre të dëgjohet”.

I pyetur në lidhje me deklarata e tij se do të jepte dorëheqjen në rast se Rama do të fitonte 71 mandate në zgjedhjet e 25 prillit, Meta u përgjigj se protagonizmi i tij ishte i imponuar në mbrojte të demokracisë dhe në kushtet e braktisjes së opozitës nga të gjithë institucionet. Tashmë, kreu i shtetit i bën apel opozitës që të përmbushë detyrat dhe përgjegjësitë e veta.

“Nuk jemi për të interpretuar dhe nxjerrë jashtë kontekstit se ç’kam deklaruar unë. Jam këtu për të zbatuar kushtetutën, kam kërkesa për të dalë në studio e intervista, por e kam gjykuar të panevojshme një gjë të tillë, se gjykoj që protagonizmi im nuk ka qenë i kërkuar nga Ilir Meta, por i imponuar në mbrojtje të demokracisë, kushtetutës në kushtet e braktisjes së opozitës nga të gjithë institucionet dhe kushtet e përpjekjes së mazhorancës për të kapur çdo institucion; Gjykatën Kushtetuese dhe institucionin e Presidentit që para zgjedhjeve dhe për të krijuar një situatë të pashpresë për demokracinë e ndryshimin e qytetarët. Jam i detyruar të respektoj kushtetutën. Askush të mos presë që presidenti të marrë përsipër detyra që u takojnë aktorëve të tjerë politikë. Opozita të përmbushë përgjegjësinë e saj në parlament. Llogaridhënia të nisë në mbrojtje të interesit publik”./A2

lajme

Von der Leyen lavdëron Shqipërinë; Kos: Vit rekord për zgjerimin

Published

on

By

Nga Brukseli, ku po zhvillohet Forumi i II-të i Zgjerimit të Bashkimit Evropian me temën “Evropë më e gjerë – Evropë më e fortë”, presidentja e Komisionit Evropian, Ursula von der Leyen, deklaroi se Shqipëria po shënon progres domethënës drejt anëtarësimit në BE.

“Talentet e reja të Ballkanit Perëndimor do të sjellin vlera në tregun e përbashkët evropian. Shqipëria po bën progres domethënës drejt anëtarësimit. Në vendet e BP-së, vendet po bëjnë hapa të mëdhenj. Ky është një moment i rëndësishëm. Ne duhet ta kapim këtë mundësi. Të shfaqim të njëjtën ambicie si liderët e 30 viteve më parë, që ta kthejmë në sukses”, tha mes tjerash von der Leyen.

Ajo solli në vëmendje edhe procesin historik të zgjerimit, duke kujtuar se tre dekada më parë diskutohej për zgjerimin më të madh të unionit, kur vendet e Evropës Qendrore dhe Lindore nisën rrugëtimin për t’u rikthyer në familjen evropiane.

Ndërkohë, komisionerja evropiane për Zgjerim, Marta Kos, theksoi se zgjerimi është rikthyer në qendër të debatit politik dhe se rezultatet e këtij viti tejkalojnë ato të 25 viteve të fundit.

“Sot zgjerimi është sërish në një debat të gjerë se si. Kemi dhënë rezultate për zgjerimin këtë vit më shumë sesa në 25 vitet e fundit. Kemi kundërshtarë që duan të dëmtojnë kandidatët për anëtarësim. Nuk do ta lejojmë të ndodhë kjo”, deklaroi Kos. /E.A/

Continue Reading

Vendi

Shiroka Pula me mesazh për NATO-n: Synimi ynë, ushtarët e Kosovës krah për krah me aleatët

Published

on

By

Presidentja e Kosovës, Justina Shiroka Pula, ka ritheksuar se anëtarësimi në NATO mbetet një nga synimet kryesore strategjike të vendit. Gjatë ceremonisë së shënimit të 10-vjetorit të Ekipit Këshillues dhe Ndërlidhës të NATO-s në Kosovë (NALT), ajo deklaroi se ambicia e Kosovës është zhvillimi i mëtejmë i Forcës së Sigurisë së Kosovës (FSK), në mënyrë që ushtarët kosovarë të shërbejnë një ditë krah për krah me ata të vendeve aleate.

Duke rikujtuar rolin vendimtar të Aleancës në çlirimin e vendit më 1999, me Shtetet e Bashkuara të Amerikës në krye, presidentja theksoi se NATO zë një vend të veçantë në historinë e Kosovës dhe mbetet simbol i lirisë dhe sigurisë së saj.

Shiroka Pula vlerësoi lart mbështetjen që NALT-i ka ofruar gjatë kësaj dekade për Ministrinë e Mbrojtjes, FSK-në dhe Agjencinë e Menaxhimit Emergjent. Sipas saj, kjo ndihmë ka ndikuar drejtpërdrejt në ngritjen e kapaciteteve profesionale, forcimin e strukturave institucionale, mbikëqyrjen demokratike dhe avancimin e menaxhimit të emergjencave.

Në përmbyllje të ceremonisë, presidentja falënderoi gjeneralin Thomas Schulte-Borghoff dhe të gjithë pjesëtarët e NALT-it për përkushtimin dhe mbështetjen e vazhdueshme ndaj institucioneve të Kosovës, duke i uruar me rastin e 10-vjetorit të themelimit. /E.A/

 

 

 

 

 

 

Continue Reading

lajme

Përparim Rama reagon për anulimin e takimit për “Prishtina 2030”

Published

on

By

Anulimi i takimit të planifikuar në Athinë për Lojërat Mesdhetare “Prishtina 2030” ka nxitur reagime në Kosovë.

Për këtë çështje ka reaguar edhe Përparim Rama, i cili përmes një postimi ka kritikuar Qeverinë e Kosovës dhe kryeministrin Albin Kurti, duke kërkuar përgjegjësi për situatën e krijuar.

Sipas njoftimit të Komitetit Olimpik të Kosovës, takimi me Komitetin Ndërkombëtar të Lojërave Mesdhetare është anuluar për shkak të mungesës së përgjigjeve, obligimeve të papërmbushura dhe moskonfirmimit të delegacionit brenda afatit të caktuar.

Rama ka shprehur shqetësimin për rrezikun që kjo situatë paraqet për organizimin e Lojërave Mesdhetare në Prishtinë më 2030, duke e cilësuar anulimin si një skandal dhe duke kërkuar llogaridhënie të menjëhershme nga kryeministri Kurti dhe Qeveria e Kosovës.

“Ky është skandal! Ky është turpi i shtetit tonë!”, ka shkruar Rama në reagimin e tij.

D.L

Continue Reading

Lajmet

Vdes një 26-vjeçare në Prizren, gjendja iu përkeqësua papritur gjatë intervistimit në Polici

Published

on

By

Një 26-vjeçare me inicialet B. H. ka humbur jetën në orët e para të së hënës në Prizren, pasi gjendja e saj shëndetësore është përkeqësuar papritur gjatë intervistimit nga hetuesit policorë.

Sipas të dhënave fillestare, e reja po intervistohej nga zyrtarët e Drejtorisë për Hetimin e Trafikimit me Narkotikë (DHTN) kur i është keqësuar gjendja. Pas kërkimit të ndihmës, ekipi i urgjencës i ka dhënë trajtimin e parë mjekësor dhe e ka dërguar në Spitalin Rajonal të Prizrenit. Megjithatë, ajo ka ndërruar jetë pak minuta pas pranimit në spital, ndërsa Policia është njoftuar rreth orës 01:30.

Në vendin e ngjarjes kanë dalë njësitë rajonale të hetimeve dhe kriminalistika për të dokumentuar rastin. Me urdhër të Prokurorisë, trupi i pajetë është dërguar për obduksion në Institutin e Mjekësisë Ligjore. Rasti është iniciuar si “Hetim i vdekjes”, ndërsa hetuesit po punojnë për të zbardhur shkakun dhe rrethanat e plota të kësaj ngjarjeje. /E.A/

Continue Reading

Të kërkuara