Sport

​Flet Majlinda Kelmendi, zbulon problemin e xhudistëve të rinj dhe këshillën e artë të Driton Kukës

Pasi theu të gjitha barrierat, Majlinda Kelmendi tashmë ka nisur misionin e saj të ri.

Published

2 years ago

on

Pasi theu të gjitha barrierat duke u shpallur si xhudistja më e mirë në botë në të gjitha kategoritë në vitin 2014, e pasuar tutje edhe me medaljen e artë në Lojërat Olimpike 2016 dhe shumë trofe të tjera, Majlinda Kelmendi tashmë ka nisur misionin e saj të ri.

Ajo po e ushtron profesionin e trajneres së xhudos dhe është e fokusuar në zbulimin dhe përgatitjen e xhudistëve të rinj për suksese ndërkombëtare, duke pasur gjithmonë mbështetjen e trajnerit më të mirë në botë, Driton Kuka.

Vitin e parë të saj si trajnere, Kelmendi e konsideron si të vështirë, por thotë se e kanë bërë të lumtur sukseset e xhudos të arritura në arenën ndërkombëtare gjatë vitit 2022.

“Në përgjithësi viti 2022 për mua ka qenë një vit me plotë sfida duke marrë parasysh që kam filluar një karrierë të re si trajnere dhe realisht fillimi si në çdo punë tjetër ka qenë i vështirë, mirëpo e kam cekur gjithmonë që jam shumë me fat që e kam Tonin afër dhe kam prej kujt të mësoj. Në përgjithësi ka pasur vështirësi, por ka pasur edhe suksese të mëdha. Jam shumë e lumtur që ekipit iu kanë bashkangjitur edhe emra të rinj. Sivjet Laura është bërë kampione evropiane, është bërë e dyta në Masters, pikë të reja olimpike, kështu që në përgjithësi ka qenë vit i suksesshëm duke marrë parasysh që edhe kemi marrë medalje në Kampionat Botëror, në Kampionatin Evropian edhe Distria është bërë e bronztë, kështu që vit i suksesshëm”, thotë Kelmendi.

Kelmendi thotë se puna me të rinjtë është bërë shumë e vështirë për shkak se rrjetet sociale po e marrin vëmendjen e tyre. E për ta tejkaluar këtë, ajo thotë se ka marrë një këshillë të artë nga Driton Kuka.

“Problemi kryesor kur kam filluar të punojë si trajnere që unë për vete kam qenë punëtore jashtëzakonisht e madhe, edhe kam pritur që edhe garuesit tjerë ta kenë atë, përderisa një ditë ka ardhur Toni ka thënë ‘hej këta nuk janë ti, nuk e kanë kokën tënde, përkushtimin tënd, fokusin, kështu që duhet secilit t’i qasesh ndryshe-ndryshe. Ta gjesh formën si ta bësh secilin veç e veç, ta jep maksimumin në stërvitje’. Kështu që realisht shumë e vështirë, ndoshta edhe fajin e kanë rrjetet sociale, shumë e vështirë me ua sjellë atë fokusin në stërvitje, mirëpo, pavarësisht kësaj, prapë se prapa po arrijmë me e nxjerrë maksimumin prej sportistëve, por realisht jo lehtë”, thotë Kelmendi.

Por, ajo është e bindur se e ardhmja e xhudos në Kosovë është e ndritur.

“Realisht kemi edhe talentë të rinj, kemi djem e vajza të cilët janë shumë të talentuar dhe që po merrem me ata, katër apo pesë orë në ditë dhe progresi tash e një vit që ia kemi filluar me u marrë me ata më seriozisht, është shumë i madh, kështu që nuk po dyshoj aspak që edhe në të ardhmen do të kemi emra të rinj ndoshta për kadetë, juniorë e pse jo edhe seniorë”, tha Kelmendi.

Për vitin 2023, Kelmendi sfidon të gjithë xhudistët. Ajo kërkon medalje në secilën garë që do të marrin pjesë.

“Cikli olimpik të shkojë sa më mirë që është e mundshme. Të marrim medalje pothuajse në secilën garë që të shkojmë sepse niveli i garuesve është i lartë dhe është shumë çudi nëse ndonjëri prej garuesve që janë në ekip të marrë mos të marrin medalje. Të mos ketë lëndime çfarë është shumë me rëndësi, lëndimet janë ndoshta pjesa më e vështirë e një sportisti, të mbajnë larg stërvitjeve, larg garave. Të mos kemi lëndime dhe përgatitjet për Lojërat Olimpike në Paris të shkojnë sa më mirë që është e mundur”, shton ajo.

Në fund, ajo dha një koment për Distria Krasniqin, xhudisten që po thyen rekorde të reja me rezultate kulminante evropiane e botërore. “Ajo është për çdo lëvdatë”, thotë Majlinda Kelmendi.

“Distria të gjithë e dimë që ka kaluar në kategorinë 52 kilogramë edhe për një vit ka arritur të bëhet e para në ranglistën botërore, diçka e jashtëzakonshme. Distria e ka xhudon shumë të mirë, shumë me ndjesi edhe është punëtore, është shumë gjakftohtë, i di qëllimet e saj edhe nuk e ka ndërprerë punën asnjëherë. Pas Lojërave Olimpike, dy javë dhe menjëherë është kthyer në stërvitje edhe e ka ditur cakun e saj, kështu që është për çdo lëvdatë”, thotë ajo.

Në vitin 2013, Majlinda renditej në vendin e parë në renditjen ndërkombëtare nga Federata Ndërkombëtare e Xhudos për kategorinë 52 kilogramë, ndërsa në Kosovë, një vit më vonë u dekorua me titullin “Medalja Presidenciale e Meritave”.

Related Topics:
Continue Reading

Sport

Zyrtare: Xabi Alonson, trajner i Real Madridit për tri sezonet e ardhshme

Published

9 hours ago

on

May 25, 2025

By

Më në fund është zyrtare.

Djali planprishës kthehet, Real Madrid ka emëruar zyrtarisht Xabi Alonson si trajnerin e tyre të ri.

“Real Madrid CF njofton se Xabi Alonso do të jetë trajneri i Real Madridit për tre sezonet e ardhshme, nga 1 qershori 2025 deri më 30 qershor 2028,” shkroi Real Madrid në një deklaratë zyrtare.

“Xabi Alonso është një nga legjendat më të mëdha të Real Madridit dhe futbollit botëror. Ai veshi fanellën tonë në 236 ndeshje zyrtare midis viteve 2009 dhe 2014. Gjatë asaj kohe, ai fitoi gjashtë tituj: Kupën e dhjetë të Evropës në Lisbonë, një Superkupë Evrope, një titull të La Ligas, dy Kupa të Mbretit dhe një Superkupë të Spanjës.”

Continue Reading

Sport

Kosova aranzhon miqësore me një përfaqësuese të vogël

Published

2 days ago

on

May 23, 2025

By

Përfaqësuesja e Kosovës në futboll ka aranzhuar ndeshje miqësore me një përfaqësuese të vogël. 

Të premten, faqja zyrtare e Federatës së Futbollit e Kosovës njoftoi se Kosova në muajin qershor do të luajë me Përfaqësuesen e Komoreve.

“Kjo miqësore vjen si pjesë e përgatitjeve të Kombëtares sonë për ndeshjet kualifikuese të Botërorit që nisin në shtator”, ka shkruar ndër të tjera FFK-ja.

Ndeshja Kosova – Komoret luhet më 9 qershor në stadiumin “Fadil Vokrri” në Prishtinë.

Më 6 qershor po në Prishtinë, Kosova përballet me Armeninë në miqësoren tjetër.

Continue Reading

Sport

Zyrtare, Reali i jep lamtumirën Ancelottit

Published

2 days ago

on

May 23, 2025

By

Real Madridi e bëri zyrtar largimin e Carlo Ancelottit në faqen e tyre të internetit në prag të ndeshjes së tyre të fundit në La Liga. Trajneri italian nuk do t’i udhëheqë “blancos” në Kupën e Botës për Klube.

Deklarata e gjatë e klubit renditi trofetë e shumtë të fituar në dy periudhat e tij te Reali dhe presidenti Florentino Perez falënderoi Ancelottin për kontributin e tij të madh në familjen e Madridit. Së fundmi, njoftimi për nderime në “Bernabeu” me rastin e ndeshjes të së shtunës, më 24 maj, me Real Sociedadin. Menjëherë pas njoftimit të klubit madrilen, mbërriti postimi i trajnerit në rrjetet sociale, duke publikuar një video të gjatë të shoqëruar me një mesazh emocional.

Real Madridi ka njoftuar përfundimin e marrëveshjes me Ancelottin, i cili ndihmoi në zgjerimin e kabinetit prestigjioz të trofeve të klubit duke fituar: 3 Liga të Kampionëve, 3 Kupa të Botës për Klube, 3 Superkupa Evropiane, 2 La Liga, 2 Kupa të Mbretit dhe 2 Superkupa Spanjolle për një total prej 15 titujsh.

Florentino Perez i dërgoi një mesazh trajnerit: “Carlo Ancelotti do të jetë gjithmonë pjesë e familjes së madhe të Madridit. Ndihemi krenarë që kemi mundur të punojmë me një trajner që na ka ndihmuar të arrijmë kaq shumë dhe që ka përfaqësuar vlerat e klubit tonë në një mënyrë shembullore.”

Ndeshja e fundit me trajnerin nga Reggiolo në stol do të jetë kundër Real Sociedad në Bernabeu, ku atij do t’i bëhen nderime nga klubi, lojtarët dhe tifozët e Real Madridit.

Mesazhi i lamtumirës i Carlo Ancelottit mbërriti gjithashtu pak më vonë, duke u shfaqur në mediat sociale për t’i thënë lamtumirë asaj që kishte qenë shtëpia e tij për 6 sezone. Trajneri e nisi postimin e tij kështu:

“Sot ndahemi përsëri. Sot mbaj në zemër çdo moment që kam përjetuar gjatë kësaj periudhe të dytë të mrekullueshme si trajner i Real Madridit. Kanë qenë vite të paharrueshme, një udhëtim i jashtëzakonshëm, plot emocione, tituj dhe mbi të gjitha krenari për të përfaqësuar këtë Klub. Tani fillon një aventurë e re, por lidhja ime me Real Madridin është e përjetshme. Shihemi së shpejti, Hala Madrid Y Nada Mas“, ka shkruar Ancelotti.

Continue Reading

Sport

Ten Hag i thotë po Leverkusenit

Published

3 days ago

on

May 23, 2025

By

Në një zhvillim të rëndësishëm për tregun e trajnerëve në Evropë, trajneri holandez Erik ten Hag ka pranuar të marrë drejtimin e Bayer Leverkusen në një projekt dyvjeçar.

Lajmi është bërë i ditur nga gazetari i njohur italian Fabrizio Romano, i cili raporton se tanimë vendimi përfundimtar i takon klubit gjerman.

Sipas Romano, Bayer Leverkusen ka zhvilluar bisedime me disa kandidatë për stolin e trajnerit, por Ten Hag ka shprehur gatishmërinë e tij për të marrë drejtimin e skuadrës dhe i ka dhënë përparësi ofertës së tyre.

Ndërkohë, në sfond mbetet edhe një interesim nga ish-klubi i tij Ajax, i cili është në pritje të një mundësie për ta rikthyer holandezin në Amsterdam.

Ten Hag është i njohur për punën e tij të suksesshme me Ajax, veçanërisht gjatë sezonit 2018-2019, kur arriti deri në gjysmëfinalen e Ligës së Kampionëve me një skuadër të re dhe dinamike.

Pas kësaj aventure, ai mori drejtimin e Manchester United, por periudha në Angli rezultoi me ulje dhe ngritje, çka shtyu spekulimet për një rikthim në Eredivisie ose një sfidë të re në kontinentin europian.

 

 

Continue Reading

Të kërkuara