Lajmet

​Finlanda vlerëson rrezikun e termocentralit të ri bërthamor për shkak të lidhjeve ruse

Thuhet se projekti Hanhikivi mund të mbartë rreziqe gjeopolitike dhe ekonomike.

Published

on

Ministria e Mbrojtjes e Finlandës ka kërkuar një vlerësim të rrezikut të një termocentrali bërthamor të planifikuar nga konsorciumi i energjisë i kryesuar nga “Fennovoima”. Shqetësues është fakti se “Rosatom”, një kompani shtetërore ruse bërthamore, zotëron 34% të firmës, transmeton “Euractiv”.

Në deklaratën e Ministrisë së Mbrojtjes së Finlandës thuhet se projekti Hanhikivi mund të mbartë rreziqe gjeopolitike dhe ekonomike. Ekzistojnë gjithashtu pyetje në lidhje me origjinën dhe furnizimin e ardhshëm të karburantit të uzinës.

Projekti RAOS, i cili është pjesë e “Rosatom Group”, është përgjegjës për projektimin, ndërtimin dhe instalimin e uzinës pasi “E.O” e Gjermanisë dhe “Rolls-Royce” e Britanisë u tërhoqën nga projekti.

Rreth një e treta e energjisë elektrike të prodhuar në Finlandë vjen nga energjia bërthamore. Janë katër reaktorë bërthamorë dhe i pesti është në përfundim. Nëse ndërtohet, centrali Hanhikivi në veriperëndim duhet të prodhojë rreth 10% të energjisë elektrike të nevojshme në të ardhmen.

Projekti ka shkaktuar polemika që në fillim. Disa investitorë janë larguar dhe grupet mjedisore janë ngritur në këmbë. Kompania gjithashtu nuk ka bindur ende autoritetet finlandeze se rregullat e sigurisë janë përmbushur. 

Lajmet

Zogaj: Çdo 48 orë i njëjti dështim, fajtor është partia që i fitoi zgjedhjet

Published

on

By

Deputeti i LDK-së, Alban Zogaj, pas dështimit të radhës për konstituimin e Kuvendit, tha se vendi po përballet me të njëjtin rezultat çdo 48 orë dhe vlerësoi protestën e shoqërisë civile si një shenjë pozitive.

“Edhe sot në dështimin e radhës po vijmë çdo 48 orë dhe kemi të njëjtin rezultat. Shoqëria civile ka protestë dhe kjo është shenjë e mirë. Fajtori kryesor është partia që ka fituar zgjedhjet dhe nuk ka asnjë përpjekje për të dalë nga kjo situatë”, shtoi ai.

Continue Reading

Lajmet

Çitaku: I bëj thirrje Kurtit që të reflektojë, Kosova është shumë më e vlefshme sesa egoja e tij

Published

on

By

Nënkryetarja e PDK-së, Vlora Çitaku, pas dështimit të 37-të me radhë për konstituimin e Kuvendit, e quajti situatën tërësisht të papranueshme.

Ajo akuzoi Lëvizjen Vetëvendosje dhe Albin Kurtin për kryeneçësi dhe papërgjegjësi.

“Kosova është shumë më e madhe dhe më e vlefshme se egoja e tij,” theksoi Çitaku, duke kërkuar reflektim urgjent nga partia fituese e zgjedhjeve.

“Sërish ishim dëshmitarë të shpërfaqjes politikë të subjektit të parë politik. Kjo gjendje është tërësisht e papranueshne. Në këtë pikë të bllokadës jemi si rezultat i kryeneçësisë dhe papërgjegjesisë së Lëvizjes Vetëvendosje dhe Albin Kurtit.

Madje, i dëgjova disa deklarata qesharake se gjoja i kanë numrat për qeveri, por nuk i paskan numrat për kryeparlamentar. Kjo nuk do koment është papërgjegjësi. I bëj thirrje që të reflektojë. Kosova është shumë më e madhe dhe më e vlefshme se egoja e tij”, shtoi Çitaku.

Continue Reading

Lajmet

Dështoi sërish vazhdimi i seancës konstituive të Kuvendit të Kosovës

Published

on

By

Edhe vazhdimi i 37-të i seancës konstituive të Kuvendit të Kosovës përfundoi pa sukses. Lëvizja Vetëvendosje bëri sërish përpjekje për krijimin e një komisioni ad-hoc që do të mundësonte votimin e fshehtë, por pa arritur konsensus mes partive politike.

Kryesuesi i seancës, Avni Dehari, u bëri thirrje partive opozitare – PDK-së, LDK-së, AAK-së, Nismës dhe Listës Serbe – që të propozojnë kandidatët e tyre për përbërjen e komisionit. Megjithatë, këto subjekte nuk pranuan të marrin pjesë në këtë proces dhe refuzuan të votojnë.

Nga 92 deputetët e pranishëm në sallë, 52 votuan për formimin e komisionit, një ishte kundër dhe nuk pati asnjë abstenim.

Përballë mungesës së përkrahjes së gjerë parlamentare, Dehari vendosi që seanca të ndërpritet. Ai njoftoi se vazhdimi i saj do të mbahet më 22 korrik, në orën 11:00.

Continue Reading

Lajmet

Haradinaj: Situata në Kuvend, shqetësim real

Published

on

By

Kryetari i AAK-së Ramush Haradinaj, pohoi se situata e krijuar në Kuvend është shqetësim real.

Ai deklaratën e bëri para vazhdimit të seancës konstituive.

“Është shqetësim real edhe të gjithë i kanë të drejtat e veta, mundësitë e veta, përgjegjësitë e veta. Unë mirëpres shoqërinë civile që na kujton detyrën tonë”, tha ai.

Continue Reading

Të kërkuara