Sport

Finalja e UEFA-s, mbërrijnë në portin e Durrësit tifozët e Romës

Gjatë këtyre dy ditëve është konfirmuar mbërritja në Durrës e 500 tifozëve të organizuar.

Published

4 years ago

May 24, 2022

Betim Gashi

Rreth 100 tifozë, mes të cilëve 35 ultras të Romës kanë mbërritur mëngjesin e sotëm me tragetet e linjës së Barit në Durrës.

Gjatë këtyre dy ditëve është konfirmuar mbërritja në Durrës e 500 tifozëve të organizuar, ndërsa të tjerë pritet të mbërrijnë në grupe të vogla. Edhe pse fluksi në mbërritje i udhëtarëve është i përballueshëm, masa të shtuara sigurie janë marrë nga Policia e Shtetit dhe autoritetet që veprojnë në territorin portual. Mbërritja e grupit të parë të ultrasve të Romës është ndjekur nga afër nga drejtori i policisë së qarkut Durrës Neritan Nallbati dhe përfaqësues të policisë holandeze dhe italiane që kanë mbërritur në vendin tonë për të siguruar mbarëvajtjen e këtij eventi të rëndësishëm sportiv europian.

Kreu i policisë së qarkut Durrës Nallbati shprehet se dhe në Durrës ka një plan masash që po ndiqet së bashku me kolegët italianë dhe holandezë, ndërkohë që përveç grupit të ultrasve që ka mbërritur përmes portit detar, një grup tjetër pritet të mbërrijë në Rinas sot dhe të gjithë ultrasit do të akomodohen sot në Durrës.

Mëngjesin e sotëm me dy tragetet e linjës Bari-Durrës mbërritën në total 527 udhëtarë, 100 prej të cilëve për finalen e madhe të 25 majit Roma-Feyenoord.

Sport

Drita rikthehet në Superligë

Published

1 hour ago

April 21, 2026

UBTNews

Skuadra e Drita ka siguruar rikthimin në Superligën e basketbollit, pasi të hënën mbrëma mposhti Proton Cable Prizreni me rezultat të ngushtë 92:91.

Kjo ishte fitorja e dytë e Dritës në plejofin për inkuadrim, duke vulosur kështu ngjitjen në elitë për edicionin e ardhshëm. Në ndeshjen e parë finale, skuadra nga Gjilani kishte triumfuar bindshëm me rezultat 85:71.

Në këtë përballje vendimtare, Ardian Ibishi u dallua me paraqitje të gjithanshme, duke kontribuar me 18 pikë, 12 kërcime dhe katër asistime. Ndërkohë, Jay Walker ishte realizatori më i mirë me 20 pikë, të shoqëruara me nëntë kërcime dhe tre asistime.

Te skuadra prizrenase, më efikasi ishte Rron Dahsyla me 23 pikë, shtatë kërcime dhe nëntë asistime, ndërsa kontribut të rëndësishëm dha edhe Qendrim Ajazaj me 21 pikë, dhjetë kërcime dhe katër asistime.

Sport

Fenerbahçe synon rikthimin e Muriqit

Published

1 hour ago

April 21, 2026

UBTNews

Sulmuesi kosovar Vedat Muriqi vazhdon të jetë një nga figurat kryesore te RCD Mallorca, ku po kalon një periudhë shumë të suksesshme. Megjithatë, në mediat turke vazhdojnë të qarkullojnë lajme për një rikthim të mundshëm të tij në Superligën turke.

Sipas raportimeve të publikuara të martën nga Sabah dhe të shpërndara më pas nga media të tjera, Fenerbahçe thuhet se ka arritur një marrëveshje paraprake me sulmuesin kosovar. Po sipas këtyre burimeve, klubi turk është i gatshëm të nisë bisedimet me Mallorcën për transferimin e tij, ndërsa vlera fillestare për negociata mendohet të jetë rreth 10 milionë euro.

Ndërkohë, në disa raportime është përmendur edhe FC Barcelona si një destinacion i mundshëm për Muriqin, megjithëse vetë lojtari ka theksuar vazhdimisht se ndihet i kënaqur në klubin aktual.

Muriqi mbetet i lidhur me Mallorcën me kontratë afatgjatë deri në vitin 2029, çka e bën çdo transferim të mundshëm të varur nga negociatat mes klubeve.

Sport

Dienit Isufi shpallet “Ylli i Javës” në Superligë

Published

20 hours ago

April 20, 2026

UBTNews

Federata e Futbollit e Kosovës, në bashkëpunim me sponsorin zyrtar Albi Mall, ka vazhduar traditën e ndarjes së çmimit “Ylli i Javës”, që i takon futbollistit më të spikatur në Superliga e Kosovës.

Për javën e 29-të të këtij edicioni, ky vlerësim i është dhënë për herë të dytë futbollistit të KF Dukagjini, Dienit Isufi.

Isufi pati një paraqitje vendimtare në fitoren 3:2 ndaj SC Gjilani, ku shënoi një gol dhe fitoi një penallti për skuadrën e tij, duke kontribuar drejtpërdrejt në sigurimin e tri pikëve shumë të rëndësishme.

Vlerësimi është bërë nga Komisioni i Veteranëve të Futbollit, i cili ka çmuar ndikimin e tij në rezultat dhe performancën gjatë ndeshjes.

Pas marrjes së çmimit, Isufi u shpreh i kënaqur për vlerësimin, duke theksuar rëndësinë e fitores ndaj Gjilanit dhe objektivat e ekipit në vazhdim. Ai theksoi se synimi i KF Dukagjini mbetet fitimi i Kupës së Kosovës dhe sigurimi i një vendi në garat evropiane, ndërsa falënderoi familjen, bashkëlojtarët dhe stafin për mbështetjen.

Ky është një tjetër moment i rëndësishëm për Isufin, i cili po vazhdon të tregojë formë të lartë në kampionatin kosovar.

Sport

Bayern shkruan histori, shpallet kampion për herë të 35-të në Bundesliga

Published

21 hours ago

April 20, 2026

UBTNews

Bundesliga ka kurorëzuar edhe një herë dominimin e Bayern Munich, i cili është shpallur kampion për herë të 35-të në histori.

Skuadra bavareze e siguroi titullin e sezonit 2025/26 pas një fitoreje bindëse 4–2 ndaj Stuttgartit, duke e mbyllur garën shumë javë para fundit të kampionatit. Ky sukses vjen si dëshmi e vazhdimësisë së dominimit të Bayernit në futbollin gjerman.

Nën drejtimin e Vincent Kompany, Bayern ka zhvilluar një sezon të jashtëzakonshëm, duke treguar forcë të madhe si në sulm ashtu edhe në konsistencë gjatë gjithë kampionatit.

Ky është titulli i 35-të kampion në histori për klubin më të suksesshëm gjerman, duke e thelluar edhe më shumë diferencën me rivalët në Bundesligë dhe duke konfirmuar epokën e dominimit bavarez në futbollin gjerman.