Sport

​FIBA Evropa shpërblen Federatën e Basketbollit të Kosovës

“Ne jemi shumë të lumtur që së pari do të vazhdojmë me projektin edhe për një vit” tha Dushku.

Published

4 years ago

on

Federata e Basketbollit e Kosovës (FBK) është në mesin e pesë Federatave Nacionale që është shpërblyer nga FIBA Evropa për angazhimin dhe përkushtimin e jashtëzakonshëm në promovimin dhe vizibilitetin e kampanjës “Her World, Her Rules” (në kuadër të projektit FIBA Europe Girls Program).

FBK së bashku me Federatën e Bullgarisë, Greqisë, Maqedonisë së Veriut dhe të Rumanisë janë shpërblyer me nga 5,000 Euro për përkushtimin në kuadër të kampanjës, përderisa për vitin kalendarik Shtator 2022 – Korrik 2023, FBK nga ky projekt do të përfitoj në total 28,000 Euro.

Federata e Basketbollit e Kosovës këtë vit kampanjën Her World, Her Rules do ta zhvillojë në bashkëpunim me klubet e Superligës së Femrave, Ligës së Parë të Femrave, Ligave U16 dhe U14, si dhe me disa nga shkollat fillore të të gjitha qyteteve të Kosovës.

Sekretarja e Përgjithshme e FBK-së, Elvira Dushku në lidhje me shpërblimin nga FIBA Evropa dhe vazhdimin e projektit edhe për një vit për faqen zyrtare të FBK-së ka thënë:

“Prej se FIBA Evropa e ka lansuar projektin FIBA Europe Girls Program dhe kampanjën ‘Her World, Her Rules’ ne kemi qenë ndër Federatat që më së miri dhe më me vullnet e kemi implementuar këtë projekt nëpërmjet aktiviteteve të ndryshme që kanë bërë që vajzat të merren me basketboll, por edhe të qëndrojnë në basketboll. Ne kemi raportuar në FIBA për këtë projekt pas çdo viti kalendarik të tij, si me raporte të punës ashtu edhe me ato financiare, dhe gjithnjë kemi marr lëvdata për punën e bërë si në terren, ashtu edhe në çështje administrative. Ne jemi shumë të lumtur që së pari do të vazhdojmë me projektin edhe për një vit, dhe së dyti që FIBA Evropa na ka shpërblyer për angazhimin dhe punën e bërë, sepse kjo na motivon edhe më shumë që të vazhdojmë të inkurajojmë vajzat e reja të merren me basketboll”, ka thënë ajo.

Related Topics:
Continue Reading

Sport

Kosova nis pa medalje garën në Grand Prix të xhudos

Published

3 days ago

on

June 26, 2026

By

Në Qingdao të Kinës ka nisur të premten Grand Prix i xhudos, ku në ditën e parë u paraqitën tri xhudiste nga Kosova, por pa arritur të sigurojnë vazhdim në garë për medalje.

Në kategorinë deri në 48 kilogramë, Erza Muminoviq e nisi mirë garën duke e fituar luftën e parë ndaj Su Yon Jon nga Koreja e Veriut, por u ndal në xhiron e dytë pas humbjes ndaj kinezes Wenna Zhuang.

Fatjona Kasapi u eliminua në luftën e parë në kategorinë deri në 52 kilogramë, pasi u mposht nga bartësja e parë, gjermanja Mascha Ballhaus.

Ndërkohë, edhe Flaka Loxha u ndal që në përballjen e parë në kategorinë deri në 57 kilogramë, duke pësuar nga Maysa Pardayeva e Turkmenistanit.

Të shtunën në garë për Kosovën do të zbresin Laura Fazliu dhe Dardan Cena.

D.L

Continue Reading

Sport

Holanda fiton bindshëm, Tunizia eliminohet pa pikë

Published

3 days ago

on

June 26, 2026

By

Holanda ka regjistruar një fitore të sigurt 3:1 ndaj Tunizisë në Kansas City, duke e mbyllur fazën e grupeve në vendin e parë të Grupit F me shtatë pikë.

Ndeshja nisi furishëm për holandezët, të cilët kaluan në epërsi që në minutën e tretë pas një autogoli të Ellyes Skhirit. Vetëm katër minuta më vonë, Brian Brobbey dyfishoi avantazhin, duke e çuar rezultatin në 2:0.

Tunizia u rikthye në lojë në minutën e 54-t me golin e Hazem Mastourit, por Holanda reagoi shpejt. Në minutën e 62-të, Jan Paul van Hecke vulosi fitoren me golin për 3:1.

Me këtë disfatë, Tunizia i humbi të tre ndeshjet e grupit dhe i jep fund paraqitjes në turne.

D.L

Continue Reading

Sport

Japonia pa humbje, Suedia kalon si e treta

Published

3 days ago

on

June 26, 2026

By

Japonia dhe Suedia kanë siguruar kualifikimin në fazën e nokautit të Kupës së Botës, pasi barazuan 1:1 në ndeshjen e fundit të Grupit F.

Takimi, i zhvilluar të premten në Arlington para rreth 70 mijë shikuesve, ishte vendimtar për renditjen përfundimtare të grupit. Japonia kaloi në epërsi në minutën e 56-të me golin e Daizen Maedës, ndërsa Suedia reagoi shpejt dhe barazoi gjashtë minuta më vonë, kur Anthony Elanga realizoi për 1:1.

Japonia e mbylli fazën e grupeve pa humbje, duke grumbulluar pesë pikë dhe duke siguruar vendin e dytë në grup. Ndërkohë, Suedia, që në kualifikime kishte përfunduar pas Kosovës, avancoi nga pozita e tretë me katër pikë.

Në fazën e nokautit kualifikohen tetë përfaqësueset më të mira të vendeve të treta nga 12 grupet e turneut, ndërsa Suedia ishte njëra prej tyre.

Për Japoninë, ky është kualifikimi i tretë radhazi nga faza e grupeve dhe i pesti në shtatë pjesëmarrje në Kupën e Botës.

Edhe Suedia vazhdon serinë pozitive, pasi ka kaluar fazën e grupeve në secilin prej katër edicioneve të fundit në të cilat është kualifikuar.

D.L

Foto: aljazeera

Continue Reading

Sport

Fitorja ndaj SHBA-së nuk i mjaftoi Turqisë për kualifikim

Published

3 days ago

on

June 26, 2026

By

Turqia e mbylli me fitore paraqitjen në Kupën e Botës, por suksesi 3:2 ndaj SHBA-së nuk mjaftoi për të siguruar një vend në fazën e nokautit.

Në ndeshjen e zhvilluar në Inglewood, të premten në mëngjes sipas kohës së Kosovës, turqit triumfuan falë një goli dramatik të Kaan Ayhan në minutën e 98-të. Megjithatë, dy humbjet e mëparshme ndaj Australisë dhe Paraguait rezultuan fatale për ekipin turk, që e mbylli garën në vendin e fundit të Grupit D me tri pikë.

SHBA-ja, pavarësisht humbjes, e ruajti pozitën e parë në grup me gjashtë pikë dhe avancoi në fazën tjetër. Australia u rendit e dyta me katër pikë, ndërsa Paraguai përfundoi i treti, gjithashtu me katër pikë, dhe pritet të sigurojë kalimin tutje si një nga ekipet më të mira të vendeve të treta.

Për Turqinë shënuan Arda Güler në minutën e 10-të, Burak Yılmaz në të 31-tën dhe Kaan Ayhan në minutën e 98-të. Për SHBA-në realizuan Auston Trusty në minutën e tretë dhe Sebastian Berhalter në minutën e 49-të.

Amerikanët, të cilët e kishin siguruar më herët kualifikimin, u paraqitën me një formacion të ndryshuar, duke aktivizuar nëntë lojtarë të rinj nga minuta e parë.

Turqia kishte udhëtuar drejt SHBA-së me pritshmëri të larta, pasi në plejof kishte eliminuar Kosovën, por dështimet në dy ndeshjet e para ia pamundësuan vazhdimin e garës.

Në ndeshjen tjetër të Grupit D, Australia dhe Paraguai barazuan 0:0.

D.L

Foto:.theguardian

Continue Reading

Të kërkuara