Lajmet

Eurodeputeti gjerman: BE duhet të mbajë premtimin për vizat, procesi i dialogut të ecë përpara urgjentisht

Eurodeputeti gjerman tha po ashtu se duhet të zbatohen të gjitha marrëveshjet që janë arritur deri më tani mes Kosovës dhe Serbisë.

Published

4 years ago

November 5, 2021

Betim Gashi

Eurodeputeti gjerman, Romeo Franz deklaroi sot se Bashkimi Evropian duhet të mbajë premtimin për vizat. Në një konferencë për media pas takimit të shtatë të Komisionit Parlamentar për Stabilizim-Asociim, BE-Kosovë, Franz theksoi urgjencën që nevojitet për përparimin e procesit të dialogut.

Eurodeputeti gjerman tha po ashtu se duhet të zbatohen të gjitha marrëveshjet që janë arritur deri më tani mes Kosovës dhe Serbisë, derisa u shpreh optimist se qeveria do të përfshihet në mënyrë konstruktive në punën me opozitën që të arrihet një marrëveshje gjithëpërfshirëse me Serbinë sa më shpejt që të jetë e mundur.

“E di që po kërkojmë shumë nga ju. Ne jemi të vetëdijshëm që i takon BE-së dhe shteteve anëtare që të përmbushin premtimet e dhëna dhe që përfundimisht ta japin liberalizimin e vizave, që është tejzgjatur… Ne po punojmë fuqimisht që t’i bindim shtetet hezituese që ta ndërrojnë mendjen. Është çështje kohe që ato ta ndërrojnë mendimin. Kredibiliteti i BE-së është në pikën më të ulët për shkak të mosmbajtjes së premtimit”, tha Franz.

Ai apeloi për përfshirjen e grave në dialog, pasi një gjë të tillë e sheh si mjet kyç për sukses.

“Nuk ka rrugë tjetër për asnjërën palë. Procesi i dialogut në mënyrë urgjente duhet të ecë përpara. Duke ecur përpara, nënkuptohet që duhet shikuar drejt të ardhmes. Kjo nënkupton gjithashtu se duhet marrë parasysh të gjitha marrëveshjet e arritura deri më tash dhe të zbatohen ato. Pozicioni i BE-së është tepër i qartë në këtë pikë. Pa pasur progres në dialog, perspektiva evropiane për Kosovën dhe për Serbinë, do të mbetet vetëm një perspektivë. Për më tepër, jemi të bindur që përfshirja e grave në procesin e dialogut është një mjet kryesor dhe kyç për suksesin e tij… Ne besojmë që qeveria do të përfshihet në mënyrë konstruktive në punën me opozitën që të arrihet një marrëveshje gjithëpërfshirëse me Serbinë sa më shpejt që kjo të jetë e mundur”, tha ai derisa shtoi se suksesi varet edhe nga niveli i transparencës dhe nga një diskutim i hapur me partnerët ndërkombëtar.

Edhe deputetja Mimoza Kusari-Lila tha se dialogu duhet të çojë në normalizimin e marrëdhënieve ndërmjet të dy shteteve.

“Deklarata jonë e përbashkët e votuar sot nga Komisioni Parlamentar përsërit se ‘dialogu duhet të çojë në normalizimin e plotë të marrëdhënieve mes dy shteteve”, tha ajo.

Kusari-Lila kërkoi që lëvizja e lirë e qytetarëve të mbetet i ndarë me atë të zbatimit të MSA-së, pasi që siç tha ajo, Kosova është ngarkuar padrejtësisht me peshën për mosliberalizim të vizave.

“Në pjesën e marrëveshjes së MSA-së duhet intensifikuar përpjekjet tona si Kosovë për të arritur synimet në kuadër të pikave që janë të përfshira në marrëveshje. Kemi pasur një periudhë kohore të mbushur me zgjedhje, në dy vitet e fundit kemi pasur dy palë zgjedhje parlamentare, të cilat natyrisht se reflektojnë në ngecjet e kohë pas kohëshme. Megjithatë, tashmë është shprehur konfirmimi prej të dy palëve, në një përshpejtim të agjendës, por edhe të gjitha pikave që janë në MSA. Me theksin e veçantë, që procesin e liberlaizimit ta mbajmë të ndarë për arsye se konsiderojmë që padrejtësisht është ngarkuar pesha tek institucionet dhe qytetarët e Republikës, duke mos u liberalizuar përkundër që janë plotësuar kriteret vite më parë”, tha ajo.

Kusari – Lila foli edhe për mbarëvajtjen e takimit të shtatë të Komisionit Parlamentar për Stabilizim-Asociim, BE-Kosovë, për çka tha se këto dy ditë janë përcjellë me diskutime të frytshme.

Siç tha ajo, deklarata e përbashkët e miratuar sot mirëpret përkushtimin e Kosovës në rrugën evropiane.

Related Topics:kryesore dialogu Bashkimi Evropian

Up Next

14 raste të reja me COVID-19

Don't Miss

Diplomati rus u gjet i vdekur jashtë ambasadës ruse në Gjermani

Rajoni

Rektori Hajrizi viziton UniMarconi në Romë

Published

4 hours ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

21 hours ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

22 hours ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

22 hours ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.