Lifestyle

Dhjetë aftësitë më të kërkuara për vitin 2022

Transformimi dixhital është duke e ndryshuar botën në mënyrë dramatike.

Published

3 years ago

December 29, 2021

Betim Gashi

Sot është shtuar frika që kompanitë mund ta humbasin aftësinë garuese në treg në të ardhmen. Transformimi dixhital është duke e ndryshuar botën në mënyrë dramatike. Jo vetëm jetët tona private, por po aq shumë edhe në atë të biznesit.

Prandaj, nëse punonjësit tuaj i kanë aftësitë e duhura në botën e sotme, mund ta forconi pozitën tuaj në treg dhe të jeni në hap me kohën. Për të qenë në këtë vijë, Akademi Pune i ka renditur një numër të aftësive në të cilat duhet të përqendroheni në të ardhmen, por edhe pse këto aftësi janë kaq të rëndësishme.

Njohuri në shkencën e të dhënave

Mbase e keni dëgjuar thënien e famshme të matematicientit britanez, Clive Humby që “Të dhënat janë vaji i ri”. Shumë njerëz pyesin vetes pse kompanitë si Google, Facebook dhe Amazon janë kaq të fuqishme. Kjo është për dy arsye, e para është sasia e të dhënave që ata zotërojnë dhe, nga ana tjetër, është fuqia punëtore që mund të analizojë dhe interpretojë të dhënat.

Sot është pothuajse e pamundur që të imagjinohet tregu i punës pa analizuesit e të dhënave. Ata janë të kërkuara në pothuajse të gjithë sektorët si në mjekësi, financa, logjistikë dhe shitje online. Puna e tyre është që të mbledhin, të zhvillojnë dhe procesojnë të dhëna, nga kompania ose departamenti në mnëyrë që të jetë një pasqyrë për veprimet e mëtutjeshme.

Inteligjenca artificiale

Nëse “të dhënat janë vaji i ri” atëherë “Inteligjenca Artificiale është elektriciteti i ri”, sipas shkencëtarit të kompjuterit Dr. Andrew Ng. Inteligjenca Artificiale nuk është më një çështje për të cilën flitet në heshtje, por po bëhet gjithnjë e më shumë një çështje më e rëndësishme dhe më e kërkuar pothuajse në të gjitha fushat. Profesionistëve të IA ju duhet një bazë e fortë në “software design, statistika, programim, po aq mirë sa edhe në inxhinieri.

UX dizajn

Rritja e numrit të ueb-faqeve të reja dhe aplikacioneve, rezulton në kërkimin gjithnjë e më në rritje të dizajnerave. Në ditët e sotme, kompanitë po kërkojnë secilën herë e më shumë vëmendjen tonë, duke i dizajnuar produktet e tyre, kështu që shpenzojmë shumë kohë në to. UX dizajnerat dizajnojnë produkte dhe shërbime dixhitale, për t’ua bërë jetët e njerëzve shumë herë më të lehta.

Detyra kryesore e këtyre dizajnerave është hulumtimi se si përdoruesit sillen dhe ndërveprojnë me produktin. E kur hulumtimi të ketë përfunduar, është koha që të dizajnohet prototipi ndërveprues dhe të testohet me përdoruesit potencialë. Pra, ata duhet të jenë në gjendje ta vendosin veten në pozitë të përdoruesve të produktit, për t’i kuptuar problemet dhe të gjejnë një zgjidhje të mirë.

Zhvillime të web-it

Zhvillimi i webi-it është arsyeja pse ekzistojnë përmbajtje dhe aplikacione online. Sot, kompanitë më me vlerë janë onine. Ata ndryshuan tërë ekonominë dhe ndikuan në shoqërinë tonë në mënyrë dramatike. Zhvilluesit e web-it dizajnojnë dhe zhvillojnë ueb-faqe bazuar në nevoja. Punonjësit e tillë duhet që t’i kuptojnë mirë një numër gjuhësh koduese psh., Python, JavaScript dhe HTML, gjithashtu edhe njohuri dizajn të përgjithshëm dhe SEO.

Komunikimi në distancë dhe bashkëpunimi

Pothuajse të gjitha bizneset thonë “ju jeni pjesë e ekipit”, kjo është shumë e rëndësishme, por pandemia na treguar që puna në distancë duhet të jetë një shkathtësi që ekipet duhet ta kenë me patjetër. Kjo aftësi i lejon ekipet që në mënyrë efikase dhe produktive të bashkëveprojnë me të tjerët, pa marrë parasysh se ku janë.

Njohuri në të dhënat dhe IT

Edhe pse shpikjet teknologjike kanë përfitime pafund, është naivitet që të injorohen rreziqet që vinë nga to. Punonjësit duhet të mësojnë se si ta mbrojnë veten dhe organizatën e tyre nga sulmet kibernetike. Ato nuk janë më diçka e cila mund të merret “me sportivitet” sepse dëmet nga ato janë marramendëse.

Menxhimi i stresit

Shëndeti mendor është çështje shumë e rëndësishme. Një arsye për të pasur kujdes është “djegia” e punonjësve për shkak të stresit. Madje ky trend në botë është shokues! Me menaxhimin e stresit, punonjësit tuaj mësojnë strategji me të cilat mund t’i përballojnë më mirë situatat stresuese. Sidomos punonjësit e vendeve që ndryshojnë shpejt duhet të trajnohen në mënyrë që të mbijetojnë në këto situate.

Menaxhimi i inovacionit

Është më e rëndësishme që kurrë për kompanitë dhe punonjësit e tyre që të vazhdojnë me teknologjitë e reja, softuerët dhe mësimet e metodave. Menaxhimi i inovacionit është çelësi për organizatat, që të mbahen me sukses në një treg kaq konkurrues. Kur e përdorni këtë, atëherë ekipi juaj mund të zbulojë mundësi të reja për biznesin dhe t’i zvogëlojnë shpenzimet e panevojshme.

Programimi “blockchain”

Kjo është teknologji që i nënvizon kriptovalutat si bitcoin. Është një sistem i decentralizuar në të cilin informacionet mund të ruhen dhe të shërbejnë si bazë e të dhënave. Këta punonjës duhet të kenë njohuri të thella të strukturës së të dhënave dhe kriptografisë.

Cloud computing

Kompania juaj mbase i përdorë shumë mirë serverët e rrjeteve të distancës si Google drive, dropbox ose iCloud. Këto shërbime dhe produkte po kërkohen shumë jo vetëm për konsumatorët por për të gjitha bizneset. Tri llojet kryesore të tyre janë: SaaS, PasS dhe IaaS. /Akademi Pune

Lifestyle

6 veprime që duhet të ndalosh së bëri në mëngjes

Published

1 week ago

April 18, 2025

Albina Zeneli

Sikur të mos ishte mjaftueshëm i vështirë zgjimi në mëngjës, tani ka edhe gjëra që nuk duhet të bëjmë, kur zgjohemi.

Ndoshta pa e kuptuar, një prej këtyre veprimeve është arsyeja pse dita nuk shkon mirë e të mungon energjia. Duke ditur çfarë nuk duhet të bëni, ju përmirësoni mëngjesin tuaj dhe jeni të gatshëm për sukses çdo ditë.

Mos bëj dushe të gjata dhe të nxehta

Po, e dimë se është qetësuese të qëndrosh në dush e të lësh ujin e ngrohtë të rrjedhë, por pjesa më e madhe e ekspertëve sugjerojnë që dushet e ngrohta t’ia lëmë mbrëmjës. Një dush i nxehtë, edhe pse relaksues, zvogëlon rrahjet e zemrës dhe do të të bëjë më të predispozuar për të pushuar sesa për të qenë aktiv gjatë ditës. Është mirë të marrim sa më shumë energji në mëngjes dhe një dush me ujë më të ftohtë është një zgjidhje e mirë për ta bërë këtë.

Mos e fik alarmin e zgjimit

Jemi fajtorë kur vjen puna te alarmi i zgjimit, por a i di efektet anësore dhe se si një veprim, në dukje i vogël, mund të të pengojë gjatë gjithë ditës?

Fikja e alarmit rregullisht do të të bëjë të ndihesh më i/e lodhur dhe të flesh më keq gjatë natës. Gjumi i dobët ngatërron me qindra qeliza në trupin tënd, duke çuar në rritjen e tensionit dhe dobësimin e imunitetit.

Pra, nëse nuk fle mirë natën dhe ndihesh i/e lodhur në mëngjes, fajin mund ta ketë pikërisht ky veprim.

Mos kontrollo rrjetet sociale sapo hap sytë

Një lundrim në rrjet, në mëngjes, mund të shndërrohet në një apo dy orë si pa kuptuar, humb një pjesë të mirë të ditës.

Studimet tregojnë se duhet t’ia lësh këtë pjesë pushimit të drekës, apo orëve të para të mbrëmjes para se të flesh.

Shmang pirjen e kafesë, direkt pas zgjimit

Sipas studimeve, koha ideale për kafe është pas orës 9:30 në mëngjes ose gjysmë ore pasi të zgjohesh nga gjumi. Nëse pi kafeinë shumë shpejt, ngadalëson prodhimin natyral të hormonit të quajtur kortizol në trupin tënd, që ndihmon të zgjohesh në mënyrë organike.

Mos e shmang asnjëherë vaktin e mëngjesit

Mëngjesi është vakti më i rëndësishëm i ditës. Nëse nuk e konsumon rregullisht, efektet anësore përfshijnë: rrezik të shtuar nga sëmundjet e zemrës, presion më të lartë të gjakut, diabetin, mbipeshën, kolesterol të lartë etj.

Përpiqu të përgatisësh diçka të lehtë në mbrëmje, ose mendo se çfarë do të konsumosh, për të mos humbur kohë.

Rregullo gjithnjë shtratin

Një krevat i rregullt, do të të bëjë të ndihesh më i/e qetë kur të kthehesh përsëri në shtëpi. Për më tepër, do të kesh një shtrat të rregullt në mbrëmje. Ky veprim të kushton vetëm 3 minuta.

Lifestyle

Shprehitë që janë duke jua dëmtuar trurin

Published

1 week ago

April 17, 2025

Albina Zeneli

Ka disa shprehi në stilin tuaj të jetesës që e kërcënojnë shëndetin e trurit në mënyrë serioze.

Zakonisht janë shprehi të cilat ua mohojnë trurit nutrientët e rëndësishëm ose me shpejtësi i vrasin qelizat e trurit që t’ju bëjnë më të rrezikuar nga çrregullimet mendore si depresioni apo ankthi.

Shmangia e shujtës së mëngjesit

Kur duhet të nxitoni për në zyre, gjëja më e lehtë që e bëni është ta shmangni mëngjesin. Kjo ju jep kënaqësinë e arritjes në zyre më herët, por është diçka që ju kushton në shëndet më vonë. Veç kësaj, shmangia e shujtës së mëngjesit nuk ju ndihmon në zvogëlimin e peshës.

Flini vonë

Është e zakonshme që njerëzit të flenë vonë, e posaçërisht vikendeve. Por, kjo është e rrezikshme për shëndetin e trurit. Kur qëndroni zgjuar deri vonë, ju vuani nga shtimi i peshës, rënia e flokëve dhe problemet e ndryshme të lëkurës.

Konsumimi i ushqimeve me shumë sheqer

Këto ushqime e rrisin rrezikun e sëmundjes së alzheimerit dhe sëmundjeve të zemrës, ndikojnë në aftësitë tuaja për të mësuar dhe e rrisin depresionin.

Pirja e duhanit

Jo vetëm se pirja e duhanit është e dëmshme për mushkëritë, por është tejet e rrezikshme edhe për trurin. Kur pini duhan, ia rritni vetes shanset për të pësuar sulm në tru, për t’u sëmurë nga Alzheimeri, etj.

Lifestyle

Kujdesi për lëkurën, tre hapa të thjeshtë

Published

2 weeks ago

April 11, 2025

Albina Zeneli

Për kujdesin e përditshëm të lëkurës, mund ta kufizoni rutinën tuaj në tre hapa të thjeshtë:

Pastrimin e lëkurës, mbrojtjen e saj nga dielli dhe prirjen ndaj ndonjë problemi specifik që mund të keni, të tilla si lëkura e thatë, puçrrat, ose linjat e imëta dhe rrudhat.

Produktet për të tre hapat janë në dispozicion në barnatoret lokale dhe kanë kosto të ulët.

Pastroni lëkurën tuaj

Zgjidhni pastruesin bazuar në faktin nëse lëkura juaj është e thatë apo e yndyrshme. Nëse keni lëkurë të thatë, zgjidhni një agjent të butë pastrimi e shmangni produktet si tonerët, që përmbajnë alkool. Për lëkurë të yndyrshme, zgjidhni një sapun që largon vajin e pastroni më shpesh lëkurën gjatë ditës.

Mbroni lëkurën nga dielli

Zgjidhni krem me spektër të gjerë me SPF prej 30 ose më të lartë përdoreni çdo ditë. SPF-të më të larta janë të dobishme nëse planifikoni të kaloni kohë jashtë, nëse rrini brenda, SPF 30 është i mjaftueshëm. Nëse keni lëkurë të ndjeshme, zgjidhni një produkt për mbrojtje e krijuar për lëkurë të ndjeshme.

Trajtoni nevojat e veçanta të lëkurës

Për lëkurën e thatë, ka shumë hidratues efektivë dhe të lirë. Ekzistojnë produkte pa kosto të përballueshme që mund të zvogëlojnë linjat dhe rrudhat, njollat e zbehta kafe ose puçrrat. /UBT News/

Lifestyle

Fundjava erdhi, ja si ta kaloni pa stres dhe në mënyrë fantastike

Published

3 weeks ago

April 5, 2025

Albina Zeneli

Shumë njerëz jetojnë për fundjavën, se është koha kur mund të shijojnë ditën e pushimit. Edhe pse është e trishtë kur mendon se të gjithë janë të mbingarkuar me punë, nuk besoj se kjo gjë do të ndryshojë ndonjëherë.

Prandaj duhet të bëni maksimumin për të shijuar këto dy ditë pushim.

Sapo kalon e premtja, keni vetëm 48 orë deri sa mëngjesi i të hënës të vijë sërish. Ndoshta kjo është një mënyrë dramatike për ta parë situatën, por të gjithë e ndiejnë presionin e fundjavës. Është koha për të takuar miqtë, familjen, të dilni në takim, të gatuani e të kujdeseni për veten nëpërmjet disa ushtrimeve fizike. Ose dhe të rrini dhe të mos bëni asgjë, kjo është një mënyrë shumë e mirë për t’u relaksuar.

Këto janë disa këshilla se çfarë mund të bëni gjatë fundjavës:

Mos kontrolloni email-in tuaj, shmangiuni punës – Sapo keni një moment qetësie, merrni telefonin e filloni kontrolloni email-et tuaja. Është zakon i fiksuar gjatë javës, por në fundjavë duhet eliminuar. Lëreni mënjanë punën e fokusohuni në momentin e qetësisë.

Shmangiuni listës së gjërave që duhet të bëni – Një nga gjërat më të mërzitshme të të qenit i rritur është organizmi i ditës. Qoftë një ditë në shkollë apo në orar të plotë pune, e keni parasysh çfarë do ndodhë në çdo ditë të javës. Në fundjavë mund ta hidhni këtë listë. Nuk ka më punë, detyra për të bërë apo takime. Jini vetja juaj dhe rrini në pizhama për sa kohë doni.

Festoni të premten – Qëllimi kryesor i fundjavës është të bëni qejf, por edhe të shplodheni. Për t’i realizuar, dilni e festoni të premten në mbrëmje dhe gjatë fundjavës do të keni mundësi të merrni veten. Kështu, për të hënën do të jeni tërësisht të freskët.

Dilni nga shtëpia dhe shikoni çfarë ndodh – Nuk ka rëndësi nëse nuk keni asnjë plan apo takim të organizuar, mund të dilni të bëni diçka për të cilën nuk keni planifikuar asgjë. Kur jeni me pushime, cilat janë ditët më të mira? Janë ato që s’keni asnjë plan. Mjafton ta kaloni ditën duke lëvizur në qytet, duke parë se çfarë do t’ju ofrojë.

Kaloni një kohë të gjatë me miqtë tuaj – A ka ndonjë gjë më të adhurueshme se sa një grup shoqeror që ju ndihmon të relaksoheni por edhe të kaloni momente fantastike plot të qeshura dhe harmoni? Nuk ka, prandaj sapo të mbaroni ato që kishit për të bërë në shtëpi, dilni dhe takoni shoqet/shokët tuaj. Mjafton të dilni edhe për një kafe, pa pasur shumë harxhime. Do e shikoni që ja vlen.

Mos përhapni panik kur vjen mbrëmja e së dielës – Asnjë nuk e pëlqen të dielën sepse është e vështirë të mendosh se një javë tjetër e vështirë e me punë të pret. Por, pse ta harxhoni jetën duke menduar për të ardhmen? Mos e mendoni dhe shijoni kohën e lirë që keni. E shtuna dhe e diela janë ditët kur mund të jeni vetvetja, të pushoni dhe të bëni diçka të bukur. /UBT News/