Sport

​Challandes: Koha ta rindërtojmë një skuadër të suksesshme, tani do të jem më i ashpër

Published

4 years ago

on

Trajneri i Kombëtares së Kosovës, Bermard Challandes ka folur në një konferencë për media para ndeshjes me Gjeorgjinë e vlefshme për Kampionatin Botëror.

Challandes ka thënë se pas dështimit për t’u kualifikuar në Euro 2020, është koha për ta krijuar një skuadër të fortë dhe me objektiva të qarta. Ai ka shtuar se mentaliteti i skuadrës duhet të ndryshojë menjëherë për të marrë rezultate pozitive.

Për ta nisur rrugën e krijimit të një mentaliteti të ri, Challandes ka thënë se do të jetë shumë më i ashpër nga tani e tutje. Ai ka shtuar se ndryshimi i mentalitetit do të jetë pika kryesore në të cilën do të punojë duke e marrë si shembull punën e bërë nga Roberto Mançini me Kombëtaren e Italisë që u finalizua me një sukses të jashtëzakonshëm.

Sa i përket mundësisë që Kosova të kualifikohet për në “Katar 2022”, Challandes tha që është diçka shumë e vështirë edhe pse mund të mendojmë dhe të ëndërrojmë në këtë drejtim.

Related Topics:
Continue Reading

Sport

Zyrtare: Bylbyl Sokoli sërish kryetrajner i Drenicës

Published

20 minutes ago

on

April 2, 2025

By

Drenica e ka rikthyer Bylbyl Sokolin si kryetrajner të skuadrës.

Kjo u bë e ditur nga vet klubi drenicas, përmes një postimi në faqen e tyre në Facebook.

Kjo vjen pas largimit të Arsim Thaqit, i cili e kishte zëvendësuar pikërisht Bylbyl Sokolin, i cili ishte larguar nga ekipi pasi i kishte hyrë garës për deputet.

Reagimi i plotë i FC Drenicës:

Pas ndryshimeve në stafin drejtues, klubi ka arritur marrëveshje me trajnerin e ri që do ta udhëheqë ekipin në pjesën e mbetur të sezonit.

Bylbyl Sokoli, trajneri me përvojë të madhe në futbollin kosovar, zyrtarisht është emëruar si kryetrajner i ri i skuadrës.

Me një histori të pasur në zhvillimin e futbollit dhe drejtimin e skuadrave të njohura, besojmë se përvoja dhe vizioni i Sokolit do të jenë vendimtare për të ndihmuar klubin të arrijë objektivat e tij.

Continue Reading

Sport

Granit Xhaka përplaset me tifozët e Leverkusenit pas eliminimit nga skuadra e Bundesliga 3

Published

3 hours ago

on

April 2, 2025

By

Mesfushori i Bayer Leverkusenit, Granit Xhaka, ka pasur një përplasje me tifozët e ekipit të tij pas eliminimit nga gjysmëfinalja e Kupës së Gjermanisë nga klubi i Bundesliga 3, Arminia Bielefeld.

Kalimi i Arminia Bielefeldit në finale ishte një befasi e madhe, ashtu siç ishte edhe eliminimi i Leverkusenit, që shihej si favorit absolut. Ekipi i Xhakës u mposht me rezultatin 2-1 në “Schuco Arena”, duke shkaktuar një tronditje te tifozët.

Ky eliminim ka shpërthyer zemërimin e tifozëve të Leverkusenit, të cilët kishin udhëtuar deri atje për të mbështetur ekipin e tyre dhe kërkuan llogari nga lojtarët pas humbjes. Xhaka, si një nga liderët e skuadrës, ka shkuar te tribuna e tifozëve për të kërkuar falje dhe për të diskutuar me ta.

Por, situata nuk ka kaluar pa tensione. Mesfushori është filmuar duke debatuar me tone të ashpra me disa tifozë, dhe momenti ka bërë xhiron e rrjeteve sociale. Kjo përplasje mes lojtarit dhe tifozëve ka shtuar edhe më shumë tensionin pas një humbjeje të papritur dhe të rëndë për Leverkusenin./UBTNews/

Continue Reading

Sport

Federata e Basketbollit të Kosovës njofton për selektorët e rinj te grupmoshat e reja

Published

3 hours ago

on

April 2, 2025

By

Janë emëruar përzgjedhësit e grupmoshave të reja të Përfaqësueses së Kosovës në basketboll për meshkuj.

Bordi i FBK-së, pas shqyrtimit të propozimit të paraqitur nga Drejtori i Përfaqësueseve të Kosovës për emërimin e trajnerëve të Përfaqësueseve të Reja (Meshkujt), ka marrë vendime.

Përzgjedhës i Kosovës U20 është emëruar Andin Rashica, ndërsa ndihmës trajnerë do të jenë Endrit Elshani dhe Egzon Uka.

Dion Pllana është caktuar përzgjedhës i Kosovës U18, me Defrim Hashanin si ndihmës trajner.

Përzgjedhës i Kosovës U16 është emëruar Gyltekin Selimi, ndërsa ndihmës trajnerë do të jenë Laurant Ibrahimi dhe Vigan Radoni.

Vendimi për emërimin e përzgjedhësve të rinj do të hyjë në fuqi nga data e miratimit nga Bordi i FBK-së.

Gjithashtu, shumë shpejt, Bordi i Federatës së Basketbollit të Kosovës pritet të emërojë edhe shtabet teknike të Përfaqësueses U16 dhe U18 për femra.

Continue Reading

Sport

Golden State ‘fluturon’ me 52 pikët e Stephen Curry

Published

4 hours ago

on

April 2, 2025

By

Golden State Warriors arritën fitoren e tretë radhazi me një paraqitje mbresëlënëse nga Stephen Curry, i cili shënoi 52 pikë dhe mori 10 rebound, duke udhëhoqur skuadrën në fitoren 134-125 ndaj Memphis Grizzlies. Ky sukses e konsolidon ekipin e Golden State në vendin e pestë në Konferencën Perëndimore, duke u afruar më shumë me pozitat më të larta të renditjes.

Në ndeshjet e tjera, Milwaukee Bucks mundën Phoenix Suns 133-123, me Giannis Antetokounmpo duke realizuar 37 pikë dhe duke dhënë 11 asistime, duke e bërë të pavlefshme performancën fantastike të Devin Booker, i cili shënoi 39 pikë për Phoenix.

Minnesota Timberwolves arritën një fitore dramatike ndaj Denver Nuggets, duke mundur 140-139 në një ndeshje të zhvilluar në kohë shtesë. Anthony Edwards udhëhoqi Minnesota me 34 pikë, ndërsa Nikola Jokić shënoi 61 pikë, 10 rebound dhe 10 asist, por kjo nuk mjaftoi për të siguruar fitoren për Denver.

Rezultatet e tjera të ndeshjeve:

Atlanta Hawks – Portland Trail Blazers: 113-127

Milwaukee Bucks – Phoenix Suns: 133-123

New York Knicks – Philadelphia 76ers: 105-91

Chicago Bulls – Toronto Raptors: 137-116

Memphis Grizzlies – Golden State Warriors: 125-134

San Antonio Spurs – Orlando Magic: 105-116

Denver Nuggets – Minnesota Timberwolves: 139-140

Continue Reading

Të kërkuara