Aktualitet

​Centët që nuk kthehen si kusur, qytetarët ankohen e komuniteti i biznesit fajëson BQK-në

Published

on

Monedhat më të imëta se pesë centë në raste të rralla iu kthehen si kusur konsumatorëve nëpër dyqane. Qytetarët mendojnë se bizneset po pasurohen në kurriz të tyre, ndërsa kjo mohohet nga shitësit. Nga Oda e Afarizmit dhe Rrjeti i Shitësve me Pakicë thonë se bizneset janë të detyruara të kthejnë kusurin, ndërsa bëjnë përgjegjës edhe Bankën Qendrore të Kosovës që nuk i furnizon bizneset me paratë e imëta.

Safete Pllana, qytetare, thotë se për një cent disa shitës t’i ndalin edhe katër centë të tjera. Ajo tregon për KosovaPress se gjithmonë e kërkon kusurin, pasi nuk dëshiron që t’i ndalen paratë që janë të sajat.

“Për 1 cent, ndalen 4 centë. Na po mashtrohemi, por për 99 centë, po duhet me i jep 1 euro, ato ndalen. Sa i përket çmimeve, ato janë shumë të larta, po për ata që nuk kanë janë edhe më të larta. Mua më ka ndodh, i kam mbledhë, i kam bërë 4 euro. Vet kam dashur t’i marrë. Ti po i lyp, po i merr, po edhe mua kthema kusurin. Ma anulon atë cent ti, unë për vete e lypi”, thotë ajo.

Të njëjtin mendim me Pllanën, ndan edhe Xhezide Kllokoqi, e cila thotë se krahas çmimeve shumë të larta, në dyqane shumicën e herëve nuk iu kthejnë paratë e imëta.

“Nuk t’i kthen hiç (kusurin). Mundet me t’i ndal herë 5 centë. Dikush edhe nuk di t’i llogarisë. Në markete ndodh që shumë shpesh nuk na i kthejnë centët. Për këtë janë pasuruar kaq shumë (bizneset)”, thotë ajo.

Kryetari i Organizatës së Konsumatorit, Selatin Kaçaniku thotë për KosovaPress se në bazë të disa llogaritjeve që kanë bërë, në një vit abuzohet me rreth 50 milionë euro nga moskthimi i centëve në dyqane. Ai thekson se konsumatorët nuk duhet të dalin nga arka pa e marrë centin e fundit që iu takon, e që bizneset e kanë për obligim t’ua kthejnë qytetarëve.

“Nëse një mijë konsumatorë parakalojnë në një market, dhe nga secili merret nga një cent ato janë 10 euro, çdo ditë nga 10, janë 300 euro, domethënë për 365 ditë pune, janë 3650 euro, dhe ne me një llogari aproksimative kemi ardhur deri tek shifra, për çdo vit në Kosovë abuzohet minimum 50 milionë euro, që do të thotë janë minimum 5 mijë vende pune që abuzohet me 1 cent. Për 1 cent ne duhet të luftojmë dhe nuk duhet të dalim nga arka pa na u dhënë një centi, dhe atë jo në kompensim me çamçakëzë e gjëra të tjera, por një cent. Çdo market e ka për obligim dhe e ka mundësi që të furnizohet me apoena sa të ketë nevojë, qoftë nga Banka Qendrore, qoftë edhe nga burimet alternative”, thotë ai.

Ndërsa komuniteti i bizneseve kërkon nga bizneset që të mos shkelen të drejtat e konsumatorit, ndërkaq kritika adresojnë për Bankën Qendrore të Kosovës.

Kryetari i Bordit të Odës së Afarizmit të Kosovës, Skënder Krasniqi, thotë se kthimi i çdo centi është obligim i çdo biznesi, ndërsa shton se është obligim i Administratës Tatimore të Kosovës dhe inspektorateve që t’i obligojnë bizneset për kthimin e plotë të kusurit.

Krasniqi thekson për KosovaPress se pengesë në këtë drejtim është bërë Banka Qendrore e Kosovës, e cila nuk i pajisë mjaftueshëm bizneset me para të imëta, teksa ndaj tyre ka vendosur tarifa prej 5 deri në 8 përqind për kthimin e parave të imëta në bankat komerciale.

“Kthimi i çdo centi është obligim i çdo biznesi dhe do të ishte edhe obligim i ATK-së dhe inspektorateve që t’i obligojnë bizneset që t’i kthejnë centët. Por, këtu është një problem, të cilin e ka shkaktuar vet shteti, në këtë rast Banka Qendrore, sepse nuk i pajisur mjaftueshëm bizneset me para të imëta. Ndërkohë që përveç se nuk i pajis mjaftueshëm, iu vendos taksë bizneseve në kthimin e parave. Kjo është diçka që e kemi kërkuar gjatë tërë kësaj kohe, dhe është në kundërshtim me të bërit biznes dhe është një pengesë e madhe për të bërit biznes”, thotë ai.

Edhe Albion Ujkashi nga Rrjeti i Shitësve me Pakicë thotë për KosovaPress se është obligim i bizneseve që të kthejnë kusurin ndaj konsumatorëve të tyre, teksa fton Bankën Qendrore që të heq tarifën aktuale që bizneset duhet të paguajnë për paratë e imëta. Ai mohon se bizneset në këtë mënyrë po pasurohen në kurriz të qytetarëve.

“Nuk kemi të bëjmë këtu me një lloj pasurimi, pavarësisht se është obligim i bizneseve që të kthejnë çdo cent, varësisht nga çmimi që i shesin produktet e tyre. Ajo çka vlen të përmendet është që bizneset po ballafaqohen me një barrierë të vendosur nga ana e BQK-së, me të cilën për paratë e imëta i ngarkon me një tarifë prej 5 përqind apo më të lartë. Duhet edhe ATK të vendos mekanizma mbikëqyrës, në mënyrë që të ofrohet një qasje më e lehtë për konsumatorët që t’i trajtojnë këto ankesa përmes institucioneve përkatëse, dhe në momentin që diçka që e dëmton konsumatorin evidentohet e njëjta të trajtohet, qoftë nga departamenti i konsumatorit, qoftë nga Ministria e Tregtisë apo nga institucionet e tjera, të cilat mund të marrin masa ndëshkuese ndaj bizneseve që nuk u kthejnë kusurin konsumatorëve”, thotë ai.

Në tregun e Kosovës mijëra produkte mbarojnë me shifrat 99 centë, nga të cilat 1 centët e mbetur rrallëherë i kthehen konsumatorit. Një deri në pesë centë e edhe më shumë ndodh që konsumatorëve të mos u kthehen në dyqane.

Bota

Trump: I zhgënjyer nga Rusia, Putin të ndalojë sulmet dhe të negociojë

Published

on

By

Presidenti amerikan Donald Trump thotë se është shumë i zhgënjyer me Rusinë dhe beson se Presidenti Vladimir Putin duhet të ndalojë së shtëni mbi Ukrainën dhe të bëjë marrëveshje.

Volodymyr Zelensky është më i qetë dhe dëshiron një marrëveshje”, theksoi Trump pas takimit me presidentin ukrainas në Kishën e Shën Pjetrit.

Takimi ynë shkoi mirë. Zelensky po bën një punë të mirë dhe dëshiron një marrëveshje. Ai ka kërkuar më shumë armë”, shtoi Trump.

“Mendoj se po, theksoi Trump në përgjigje të pyetjes nëse sipas mendimit të tij, presidenti ukrainas Volodymyr Zelensky do të ishte i gatshëm të lëshonte Krimenë si pjesë të një marrëveshjeje për t’i dhënë fund luftës.

Krimea u dorëzua vite më parë, pa asnjë të shtënë. Pyeteni Obamën”, theksoi Trump.

Shën Pjetri është zyra më e bukur që kam parë ndonjëherë. Ishte një pamje shumë e bukur”, theksoi Trump duke iu referuar takimit me Zelenskyn në prag të funeralit të Papa Françeskut./ATSH/

Continue Reading

Bota

Kina po rrit energjinë bërthamore: Qeveria miraton ndërtimin e reaktorëve të rinj

Published

on

By

Qeveria e Republikës Popullore të Kinës ka miratuar 10 reaktorë të rinj si pjesë e rritjes së kapacitetit të energjisë bërthamore.

Aktualisht, 30 reaktorë janë në ndërtim e sipër në vend, deri në fund të dekadës, Kina mund të bëhet prodhuesi më i madh i energjisë bërthamore në botë, duke zhvendosur Shtetet e Bashkuara nga vendi i parë.

Sipas burimit të medias lokale The Paper, kostoja e 10 reaktorëve të rinj pritet të jetë 200 miliardë juanë (27 miliardë dollarë). Katër prej tyre iu dhanë China General Nuclear Power Corp. Në të njëjtën kohë, jo vetëm China National Nuclear Corp., por edhe State Power Investment Corp. dhe China Huaneng Group Co. morën miratimin për dy reaktorë secili.

Disa aksione të energjisë bërthamore kineze u rritën në hapjen e tregtimit të hënën, më 28 prill. Në të njëjtën kohë, aksionet e CGN Power Co., të listuara në Hong Kong, u rritën me 4.1%.

Continue Reading

Bota

Rubio: Java e ardhshme, vendimtare për marrëveshjen mes Rusisë dhe Ukrainës

Published

on

By

Sekretari amerikan i Shtetit, Marco Rubio, ka deklaruar se java e ardhshme do të jetë vendimtare për arritjen e një marrëveshjeje paqeje që synon t’i japë fund luftës mes Rusisë dhe Ukrainës.

Sipas NBC News, Rubio theksoi se Ukraina dhe Rusia janë tani më afër një marrëveshjeje paqeje se sa në çdo moment të tre viteve të fundit, duke vënë në dukje se një marrëveshje duhet të finalizohet në të ardhmen e afërt.

Rubio shpjegoi se Shtetet e Bashkuara kanë shmangur vendosjen e sanksioneve të reja ndaj Rusisë në një përpjekje për të krijuar kushte më të favorshme për negociata. Ai paralajmëroi se çdo veprim që do të pengonte dialogun mund të çonte në dy vjet të tjera luftë, një skenar që Shtetet e Bashkuara dëshirojnë të shmangin.

Sa herë që filloni të ndërmerrni veprime të tjera, po e dënoni veten me dy vjet të tjera luftë dhe ne nuk duam që kjo të ndodhë,” tha Rubio. Ai gjithashtu theksoi se SHBA është e vetmja palë që aktualisht angazhohet në dialog me të dyja palët, duke theksuar rolin unik të Uashingtonit në këtë proces diplomatik të vazhdueshëm.

Në një kontekst të ngjashëm, Presidenti i SHBA, Donald Trump, gjatë funeralit të Papës Françesku në Vatikan, siguroi presidentin estonez Alar Karis se Shtetet e Bashkuara do të mbeten të angazhuara në negociatat e paqes për Ukrainën, duke shtuar se palët ishin “shumë afër” një rezolute, sipas mediave estoneze.

Continue Reading

Bota

Koreja e Veriut mbështet Rusinë, dërgon trupa për luftën kundër Ukrainës

Published

on

By

Koreja e Veriut ka konfirmuar për herë të parë se ka dërguar trupa në Rusi për të mbështetur luftën e saj kundër Ukrainës.

Sipas autoriteteve të Koresë së Veriut, ky dislokim ka për qëllim ndihmën për Rusinë që të rifitojë rajonin e Kurskut, i cili ishte kapur nga forcat ukrainase në një inkursion të papritur vitin e kaluar.

Deri tani, zyrtarët e inteligjencës së SHBA-së, Koresë së Jugut dhe Ukrainës kishin raportuar se Koreja e Veriut kishte dërguar rreth 10,000-12,000 trupa në Rusi në vjeshtën e kaluar, duke shënuar pjesëmarrjen e saj të parë në një konflikt të madh ushtarak që nga fundi i Luftës Koreane të viteve 1950-1953. Megjithatë, Koreja e Veriut nuk kishte konfirmuar ose mohuar këto raporte deri më tani.

Ky njoftim i Koresë së Veriut ka ardhur dy ditë pas deklaratës së Rusisë, e cila tha se trupat e saj kishin rimarrë plotësisht rajonin e Kurskut, një pretendim që u mohua nga zyrtarët ukrainas.

Koreja e Veriut dërgoi trupat luftarake në Rusi pas nënshkrimit të një traktati të mbrojtjes reciproke me presidentin rus Vladimir Putin në qershor 2024. Ky traktat, i konsideruar si marrëveshja më e madhe e mbrojtjes midis dy vendeve që nga fundi i Luftës së Ftohtë, kërkon që të dy vendet të përdorin të gjitha mjetet e disponueshme për të ofruar ndihmë të menjëhershme ushtarake në rast se ndonjëra prej tyre sulmohet.

Continue Reading

Të kërkuara