Kronikë e zezë

Caktohet masa e paraburgimit ndaj katër të dyshuarve për fajde

Kështu njoftoi Gjykata Themelore e Ferizajt.

Published

3 years ago

May 18, 2023

Betim Gashi

Gjykata Themelore në Ferizaj ka caktuar masën e paraburgimit kundër katër të dyshuarve lidhur me aksionin e realizuar për fajde.

Në komunikatë thuhet se gjykata në këtë rast gjen se ekziston dyshimi i bazuar se të pandehurit kanë kryer veprat penale të lartpërmendura, dhe ky dyshim i bazuar mbështet nga faktet dhe provat të cilat janë të bashkangjitura deri në këtë fazë.

“Gjyqtari i procedurës paraprake i Departamentit për Krime të Rënda kërkesën e prokurorit të shtetit për caktimin e masës së paraburgimit kundër katër (4) të dyshuarve: B.M., A.H., B.K., A.M., e ka aprovuar si të bazuar dhe të njëjtëve i`u është caktuar masë e paraburgimit në kohëzgjatje prej një (1) muaji për secilin veç e veç, konform dispozitave ligjore të Kodit të Procedurës Penale të Republikës së Kosovës, për shkak të dyshimit të bazuar se të pandehurit kanë kryer veprat penale të përshkruara më lartë”, thuhet në njoftimin e Gjykatës.

Në njoftim thuhet se: “Gjykata Themelore në Ferizaj, ka vendosur lidhur me kërkesën e Prokurorisë Themelore në Ferizaj, për caktimin e masës së paraburgimit kundër të pandehurve si vijon: B.M., i dyshuar për shkak të veprës penale në bashkëkryerje në vazhdim fajdeja nga neni 331 paragrafi 3 lidhur me nenin 31; veprës penale në bashkëkryerje detyrimi nga neni 328 paragrafi 2 lidhur me nenin 31 të Kodit Penal të Republikës së Kosovës. A.H., i dyshuar për shkak të veprës penale në bashkëkryerje në vazhdim fajdeja nga neni 331 paragrafi 3 lidhur me nenin 31; veprës penale në bashkëkryerje detyrimi nga neni 328 paragrafi 2 lidhur me nenin 31; veprës penale fajdeja në bashkëkryerje nga neni 331 paragrafi 3 lidhur me nenin 31 të Kodit Penal të Republikës së Kosovës. B.K., i dyshuar për shkak të veprës penale fajdeja në bashkëkryerje nga neni 331 paragrafi 3 lidhur me nenin 31 të Kodit Penal të Republikës së Kosovës. A.M., i dyshuar për shkak të veprës penale organizimi i skemave piramidale dhe bixhozit të paligjshëm nga neni 294 paragrafi 3 lidhur me paragrafin 2 të Kodit Penal të Republikës së Kosovës”.

Po ashtu thuhet se palët njoftohen se ankesa kundër këtij aktvendimi nuk e shtynë ekzekutimin e tij.

Related Topics:paraburgim te dyshuarit fajde

Up Next

Haradinaj dhe Limaj pritet të dëgjohen si dëshmitarë në gjykimin ndaj Begajt dhe të tjerëve për korrupsion

Don't Miss

Prokuroria kërkon një muaj paraburgim ndaj katër të dyshuarve për fajde

Lajmet

Arrestohen katër persona për mashtrim milionësh me prona në Prishtinë

Published

3 hours ago

February 19, 2026

UBTNews

Katër persona janë arrestuar nën dyshimin për përfshirje në një skemë mashtrimi dhe falsifikimi dokumentesh që dyshohet se ka rezultuar me përfitim të kundërligjshëm mbi 1.5 milion euro, ka njoftuar Policia e Kosovës.

Sipas Policisë, më 19 shkurt 2026, hetuesit nga Drejtoria për Hetimin e Krimeve Ekonomike dhe Korrupsionit (DHKEK), pas një pune të gjatë operative dhe hetimore, kanë siguruar prova që implikojnë të dyshuarit me inicialet M.M., Sh.B., D.R. dhe B.Zh. në veprat penale të mashtrimit, falsifikimit të dokumenteve dhe legalizimit të përmbajtjes së rreme.

“Përmes veprimeve të kundërligjshme, përfshirë falsifikimin e dokumenteve si pasaportë e Serbisë dhe dokumente të tjera dhe duke i përdorur ato si të vërteta, si dhe duke prezantuar një person të rrejshëm si person real, të dyshuarit kanë arritur të tjetërsojnë-shesin përmes noterit pronën e ankuesit M.T., në sipërfaqe prej 36.28 ari”, thuhet në njoftimin e Policisë.

Sipas të dhënave zyrtare, prona dyshohet se është shitur tek blerësi H.M. me pretendimin se dokumentacioni ishte i rregullt dhe ligjor. Në këmbim të kësaj shitjeje, të dyshuarit dyshohet se kanë përfituar shumën prej 1,578,180.00 euro.

Me urdhër verbal të prokurorit të rastit janë realizuar kontrolle në pesë lokacione të ndryshme, ku janë gjetur dhe sekuestruar 9,000 euro para të gatshme, të cilat do të shërbejnë si provë materiale në procedurat e mëtejme.

Të dyshuarit po hetohen për veprat penale “mashtrimi” , “falsifikimi i dokumenteve” dhe “legalizimi i përmbajtjes së rreme”.

Pas intervistimit në prani të avokatëve mbrojtës dhe konsultimit me prokurorin nga Prokuroria Themelore në Prishtinë – Departamenti i Përgjithshëm, të dyshuarve u është caktuar masa e ndalimit prej 48 orësh, raportoi Policia.

Kronikë e zezë

Aksident trafiku me fatalitet në Mitrovicë

Published

7 hours ago

February 19, 2026

UBTNEWS

Sipas raportit 24-orësh të Policisë se Kosovës, një person ka humbur jetën si pasojë e një aksidenti trafiku në fshatin Kutllovc, në Mitrovicë.

Dyshohet se viktima burrë, derisa po drejtonte automjetin, nga pakujdesia ka humbur kontrollin dhe ka dalë jashtë rruge. Si pasojë e aksidentit ai ka pësuar lëndime të rënda trupore.

Vdekja e tij është konfirmuar në vendin e ngjarjes nga ekipi mjekësor.

Me urdhër të prokurorit, trupi i pajetë është dërguar në Instituti i Mjekësisë Ligjore për obduksion, ndërsa rasti po hetohet nga organet kompetente.

Kronikë e zezë

Hetim për keqpërdorim të pozitës zyrtare në Hajvali

Published

7 hours ago

February 19, 2026

UBTNEWS

Sipas raportit 24-orësh të Policia e Kosovës, është iniciuar një rast për “Keqpërdorim të pozitës apo autoritetit zyrtar” në Qendrën e Paraburgimit në Hajvali.

Rasti lidhet me dyshimet se disa zyrtarë të qendrës së paraburgimit kanë keqpërdorur detyrën zyrtare, duke u mundësuar qasje në telefon celular disa të burgosurve.

Lidhur me këtë çështje janë intervistuar katër dëshmitarë, ndërsa për rastin është njoftuar prokurori kompetent.

Rasti është duke u trajtuar në procedurë hetimore nga organet përkatëse.

Kronikë e zezë

Gjendet pa shenja jete një burrë në Kolovicë

Published

8 hours ago

February 19, 2026

UBTNEWS

Sipas raportit 24-orësh të Policisë së Kosovës, në lagjen Kolovicë në Prishtinë është raportuar për një person të gjetur pa shenja jete.

Rasti ka ndodhur mbrëmjen e 18 shkurtit, ku viktima, mashkull kosovar, është gjetur i shtrirë në rrugë pa shenja jete. Në vendin e ngjarjes kanë dalë njësitë relevante policore si dhe ekipi mjekësor, të cilët kanë konstatuar vdekjen e tij.

Me urdhër të prokurorit, trupi i pajetë është dërguar në Instituti i Mjekësisë Ligjore për obduksion.

Rasti është iniciuar si “Hetim mbi vdekjen” dhe po trajtohet nga organet kompetente.