

Lajmet
Bizneset kërkojnë luftimin e ekonomisë joformale, Murati: S’ka shtet pa taksa
Kështu tha sot drejtori i përgjithshëm i ATK-së, Ilir Murtezaj me rastin e shënimit të 22-vjetorit të themelimit të këtij institucioni.
Published
4 years agoon
By
Betim GashiRreth 8 miliardë euro janë inkasuar të hyra tatimore dhe kontribute pensionale për 22 vjet nga Administrata Tatimore e Kosovës. Në vitin 2021, ATK-ja ka shënuar rekord në mbledhjen e tatimeve, rreth 600 milionë euro tatime dhe mbi 200 milionë euro kontribute pensionale.
Kështu tha sot drejtori i përgjithshëm i ATK-së, Ilir Murtezaj me rastin e shënimit të 22-vjetorit të themelimit të këtij institucioni.
Murati tha se nga 5 milionë euro kur kishte mbledhur në vitin e parë të themelimit, ATK është shndërruar në kontribuuesin kryesor për të hyrat buxhetore.
Ministri i Financave më tej ka thënë se faza tjetër e këtij institucioni duhet të jetë digjitalizimi i plotë për ta bërë më të lehtë punën me tatimpaguesit.
“Shteti si koncept është një kontratë shoqërore ku të gjithë bëhen bashkë edhe merren vesh të kontribuojnë përmes tatimeve në mënyrë që disa shërbime të përbashkëta të cilat e bëjnë jetën më të lehtë për qytetarët për t’i paguar tatimet dhe për t’i mbuluar ato kosto. Prandaj, është e paimagjinueshme që të ketë një shtet pa tatime dhe pa taksa, dhe pa administratë tatimore në këtë rast. Të hyrat nga ATK-ja janë tepër të rëndësishme dhe përveçse janë të rëndësishme për shtetin, janë të nevojshme edhe për ta ruajtur barazinë dhe për ta ruajtur edhe produktivitetin e ekonomisë”, theksoi Murati.
Drejtori i ATK-së, Ilir Murtezaj duke treguar për arritjen e objektivave, tha se viteve të fundit ky institucion ka krijuar shërbime moderne dhe digjitale për tatimpaguesit.
“Si rezultat i punës profesionale, me integritet dhe ndershmëri, Administrata Tatimore e Kosovës për këto 22 vjet ka mbledhur 5 miliardë e 771 milionë euro tatime dhe 2 miliardë e 215 milionë euro kontribute pensionale. Gjithsej mbledhja e të hyrave është 7 miliardë e 986 milionë euro apo rreth 8 miliardë euro… Ajo që patjetër duhet të potencohet në këtë rast është bashkëpunimi me tatimpaguesit. Dihet se asnjë person në asnjë vend të botës nuk ka dëshirë të paguajë tatime dhe nuk është një gjë e këndshme, mirëpo sot në Kosovë rreth 90 përqind e tatimeve janë deklarime vullnetare, gjë e cila dëshmon se ne kemi arritur t’iu ofrojmë tatimpaguesve shërbime sa më cilësore”, theksoi Murtezaj.
Në emër të komunitetit të bizneseve, drejtori ekzekutiv i Odës Ekonomike Amerikane në Kosovë, Arian Zeka theksoi se të hyrat e këtij institucioni mundësojnë për shërbime më të mira nga shteti për qytetarët dhe bizneset.
Derisa Zeka tha se ATK ka krijuar qasje moderne për bizneset, ka thënë se përveç ATK-së dhe qeverisë, është obligim edhe i bizneseve dhe i qytetarëve që të kontribuojnë në luftimin e ekonomisë joformale.
Përveç kësaj, kreu i kësaj Ode ka kërkuar të ketë më pak ndëshkime nga ATK, por më shumë edukim për bizneset.
“Derisa në momentet si këto ka fjalë më të mira, besoj që ia vlen të përmendim edhe atë që duhet të bëhet në muajt dhe në vitet në vijim. Besoj që njëra prej plagëve më të mëdha që rëndon në shoqërinë tonë kosovare, është ekonomia joformale. Prandaj, është obligim i të gjithë neve, jo vetëm i ATK-së dhe Ministrisë së Financave, por edhe i vet bizneseve dhe qytetarëve të këtij vendi që bashkërisht të luftojmë ekonominë joformale, dhe të krijojmë një mjedis të barabartë për të tatimpaguesit e rregullt, që të ndihen të barabartë dhe jo të diskriminuar… Derisa kjo natyrisht që kërkon një qasje më rigoroze, unë do të doja më pak ndëshkime nga ana e inspektorëve tatimorë dhe shumë më tepër edukim”, u shpreh Zeka.
Ndërsa, zyrtari ndërlidhës i ambasadës britanike, Simon Ëodcok, u shpreh më këtë rast se shteti i tij do të vazhdojë të mbështesë Kosovën dhe institucionet e saj, derisa beson se një administratë e fortë është shtylla e ekonomisë së një vendi.
Aktualitet
Ngrihet aktakuzë ndaj dy personave për keqpërdorim të pozitës zyrtare në Prizren
Published
9 seconds agoon
August 18, 2025By
UBT News
Prokuroria Themelore në Prizren ka ngritur aktakuzë kundër P.B., dhe E.Th., për shkak të dyshimit siç thuhet të bazuar se në bashkëkryerje kanë kryer veprën penale “Keqpërdorimi i pozitës apo autoritetit zyrtar” në Komunën e Prizrenit.
Sipas aktakuzës, në periudhën kohore prej datës 5 janar 2024 deri më 4 prill 2024 në Prizren, i pandehuri i parë P.B., në cilësinë e personit zyrtar drejtor i drejtorisë për urbanizëm në Komunën e Prizrenit, ndërsa e pandehura e dytë E.Th., në cilësinë e bashkëpunëtores profesionale në DUPH në komunën e Prizrenit.
Ata akuzohen se duke shfrytëzuar detyrën apo autoritetin zyrtar i tejkalojnë kompetencat e tyre dhe nuk i përmbushin detyrat me qëllim të shkaktimit të dëmit Ministrisë së Kulturës (MKRS), duke mundësuar përfitim të dobisë pasurore për investitorin A.Xh., në atë mënyrë që i pandehuri P.B., në cilësinë e drejtorit të DUPH edhe pse ka pas njohuri se kompleksi “Saraji i vjetër” në Prizren është në kuadër të mbrojtjes së përhershme të monumenteve kulturore, nuk e parandalon rrënimin e tij.
“Ndërsa e pandehura E.Th., më datë 5 janar 2024 pas kërkesës së investitorit A.Xh., fillimisht lëshon kushtet ndërtimore, dhe vazhdon më datë 15 janar 2024 ku e lëshon vendimin për rrënimin e objekteve ekzistuese, dhe më datë 4 prill 2024 lëshon lejen e ndërtimit investitorit A.Xh., për të ndërtuar kompleks banesor në objektin e trashëgimisë kulturore “Saraji i vjetër” në Prizren, krejt kjo në kundërshtim me Ligjin për ndërtim dhe Ligjin për trashëgiminë kulturore dhe listën e aseteve të trashëgimisë kulturore në mbrojtje të përhershme, ashtu që me dashje tejkalojnë dhe nuk i përmbushin detyrat e tyre të cila janë të përcaktuara me ligj në drejtimin të moslejimit të rrënimit të objektit “Saraji i vjetër” dhe ndërtimit mbi gërmadhat e saj të kompleksit banesor, me ç’rast shkaktohet një dëm i pariparueshëm i trashëgimisë kulturore në shumë rreth 15.961.832.70 € (pesëmbëdhjetë milionë, e nëntëqind e gjashtëdhjetë e një mijë e tetëqind e tridhjetë e dy euro, e shtatë dhjetë cent)”, thuhet në njoftim.
Sipas Prokurorisë, me këto veprime, të pandehurit e lartëcekur në bashkëkryerje kanë kryer veprën penale “Keqpërdorimi i pozitës apo autoritetit zyrtar” sipas KPRK-së.
Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprën penale për të cilën akuzohen të shpallen fajtorë dhe të dënohen sipas ligjit”, thuhet në njoftimin e Prokurorisë.
Aktualitet
Kurti: Vonesa e publikimit të aktgjykimit të Kushtetueses nuk është e mirë
Published
5 minutes agoon
August 18, 2025By
UBT News
Mospublikimin e plotë të aktgjykimit të Gjykatës Kushtetuese për konstituimin e Kuvendit të Kosovës, kryeministri në detyrë Albin Kurti e ka konsideruar si vonesë. Në një prononcim për media, ai ka thënë se sipas informatave të tij, aktgjykimi i datës 8 gusht ka mospërputhje dhe se duhet të mendojnë çfarë të bëjnë por megjithatë, ai theksoi se do ta respektojë aktgjykimin e Kushtetueses.
“Nuk ka asnjë aktgjykim të Gjykatës Kushtetuese të cilin Qeveria e Republikës së Kosovës me mua si kryeministër nuk e ka respektuar dhe nuk ka asnjë aktgjykim të Gjykatës Kushtuese, si edhe unë si kryetar i Lëvizjes Vetëvendosje, si subjekti më i madh në Kuvend, nuk e kam respektuar. Por, kur më pyesni sërish a do ta respektoj aktgjykimin e Gjykatës Kushtetuese, kjo më bën të mendoj që do të jetë i pazakonshëm, i padrejtë e i padurueshëm, saqë ndoshta duhet ta konsiderojmë se çfarë duhet të bëjmë”, tha Kurti.
Tutje, Kurti tha se për dallim nga aktgjykimi i 26 qershorit i cili ka dalë po atë ditë me njoftimin, aktgjykimi i dytë po vonohet që nga tetë gushti, vonese të filën nuk e vlerëson si të duhur.
“Për dallim nga njëzet e gjashtë qershori, e kemi vetëm njoftimin e Gjykatës Kushtetuese dhe e kemi aktgjykimin e plotë i cili po vonohet, e të cilin duhet ta lexojmë tërësinë e tij. Me njëzet e gjashtë qershor e kemi pasur në të njëjtën ditë edhe njoftimin, edhe aktgjykimin, tash me tetë gusht e patëm njoftimin, por ja që ende nuk e kemi aktgjykimin. Kur ta lexojmë atë, do ta themi vlerësimin tonë meritor. Por nuk është mirë që kemi këtë vonesë dhe në bazë të njoftimit, për bindjen time ka mospërputhje midis këtij aktgjykimit, i cili në versionin e plotë ende jemi duke e pritur dhe atij të njëzet e gjashtë qershorit të po kësaj përbërje të Gjykatës Kushtetuese”, tha Kurti.
Njoftimin mbi aktgjykimin, Kushtetuesja e publikoi më 8 gusht, përmes së cilit urdhëroi deputetët që ta konstituojnë Kuvendin e Kosovës brenda 30 ditësh.
Kushtetuesja tha se kryekuvendari duhet të zgjidhet me votim të hapur dhe se ai mund të votohet vetëm deri në tri herë.
Aktualitet
Master në Studime të Sigurisë në UBT: program që përgatit ekspertë për sfidat e kohës
Published
33 minutes agoon
August 18, 2025By
Driton Iseni
UBT ofron programin Master në Studime të Sigurisë, i konceptuar për të trajnuar profesionistë në sigurinë kombëtare dhe ndërkombëtare, me fokus në kërcënimet moderne si kibernetika, menaxhimi i krizave dhe politikat e mbrojtjes.
Programi synon nxjerrë kuadro të afta për parandalim, reagim dhe hartim strategjish efektive, për institucionet publike dhe private.
Programi dyvjeçar kombinon teori, punë në terren dhe kërkim shkencor, duke i pajisur studentët me aftësi analitike, vendimmarrëse dhe praktike për tregun e punës në Kosovë dhe rajon. Ky program mbështet objektivat e zhvillimit demokratik dhe të qëndrueshëm përmes edukimit cilësor në sektorë kritikë të sigurisë.
Çfarë mbulon programi?
- Strategji të sigurisë kombëtare dhe inteligjencës;
- Siguri kibernetike dhe mbrojtje të infrastrukturës kritike;
- Menaxhim krizash dhe emergjencash;
- Parandalim të terrorizmit dhe luftim të krimit të organizuar;
- Politika mbrojtjeje, diplomaci të sigurisë dhe gjeopolitikë.
Struktura akademike (përzgjedhje lëndësh):
Viti I: Koncepte të avancuara në siguri; Kërcënime bashkëkohore; Metoda të avancuara kërkimi; Mjetet ekonomike të sigurisë; zgjedhore si Mbrojtja e infrastrukturës kritike, Menaxhimi dhe siguria e informacionit, Analiza & shkrimi i politikave.
Viti II: Statistika & analiza të dhënash; Siguria në Ballkan; Siguri kibernetike dhe krim kibernetik; Gjeopolitikë; zgjedhore si Terrorizëm & kundërterrorizëm, Siguria e mjedisit, Migrimi & siguria.
Semestri III: Globalizim & inteligjencë; Luftë asimetrike & konflikte hibride; Politika e mbrojtjes & strategjia ushtarake; Siguria & të drejtat e njeriut; zgjedhore si Siguria e energjisë, Krimi i organizuar transnacional, Kontrolli i armëve & mospërhapja.
Semestri IV: Praktikë/punë në terren; Seminar i tezës; Teza (hulumtim & shkrim).
Rezultatet e të nxënit
- Aftësi për vlerësim rreziku dhe hartim politikash sigurie;
- Kompetenca në menaxhimin e krizave dhe ndërtimin e kapaciteteve institucionale;
- Aftësi kërkimore dhe konsulence mbi baza të dhënash;
- Udhëheqje dhe bashkëpunim ndër-institucional (përfshirë PPP).
Kujt i shërben
- Institucione shtetërore të sigurisë (ushtri, polici, inteligjencë);
- Agjenci rregullatore, qendra të menaxhimit të emergjencave;
- Organizata ndërkombëtare për paqe dhe stabilitet;
- Sektori privat në cybersecurity, mbrojtje të infrastrukturës kritike dhe menaxhim rreziku.
Aplikimi
Aplikimet realizohen online në: APLIKO TANI. Të gjithë kandidatët do të kenë qasje në infrastrukturë moderne, mentorim akademik dhe mundësi praktike në terren.
Aktualitet
ShSKUK në Spitalin e Pejës: Është bërë funksionalizimi i pajisjeve të avancuara diagnostike
Published
2 hours agoon
August 18, 2025By
UBT News
Rezonanca Magnetike dhe Rentgeni Digjital janë rregulluar dhe tashmë janë në dispozicion të qytetarëve të rajonit të Pejës, duke u mundësuar atyre që të marrin shërbime moderne dhe të sigurta brenda këtij institucioni shëndetësor.
“ShSKUK kërkon mirëkuptimin e qytetarëve për periudhën kur këto shërbime nuk ishin në shërbim të pacientëve, për shkak të procedurave të domosdoshme të prokurimit dhe kohës që kërkojnë ato”, thuhet në njoftim.
ShSKUK thotë se mbetet e përkushtuar që përmes përkrahjes buxhetore dhe investimeve të vazhdueshme, të përmirësojë infrastrukturën dhe cilësinë e shërbimeve në të gjitha spitalet e përgjithshme dhe institucionet tjera përbërëse.

Ngrihet aktakuzë ndaj dy personave për keqpërdorim të pozitës zyrtare në Prizren

Kurti: Vonesa e publikimit të aktgjykimit të Kushtetueses nuk është e mirë

Victoria Beckham flet hapur për problemet me trupin dhe ushqimin në dokumentarin e ri

Master në Studime të Sigurisë në UBT: program që përgatit ekspertë për sfidat e kohës

Liverpooli ia vendos çmimin Konates nëse Real Madridi synon transferimin këtë verë

E papritur! DiCaprio zbulon se u pendua për rolin e famshëm të Jack në ‘Titanic’

ShSKUK në Spitalin e Pejës: Është bërë funksionalizimi i pajisjeve të avancuara diagnostike

Vdes Terence Stamp, ylli i filmave “Superman”

Paralajmërimi i pavdekshëm i Dianas për Harryn dhe Williamin
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit