Lajmet

Bislimi: S’ka marrëveshje për targat

Ai ka theksuar se aktualisht janë në bisedime.

Published

3 years ago

November 16, 2022

Betim Gashi

Zëvendëskryeministri i Kosovës, Besnik Bislimi ka thënë se nuk ka ndonjë marrëveshje për targat, derisa ka shtuar se në Bruksel kanë diskutuar elemente për mundësi të daljes nga kriza, por pa ndonjë dakordim.

Bislimi ka thënë se nuk e di çfarë do të ndodhë pas 21 nëntorit kur pritet të hyjë në fuqi vendimi i qeverisë për të gjobitur ngasësit e veturave me targa të paligjshme, por ka theksuar se aktualisht janë në bisedime.

Pasi u kthye nga Brukseli, Bislimi nuk ka dhënë detaje rreth takimit me të dërguarin e Bashkimit Evropian për dialogun Kosovë-Serbi, Miroslav Lajçak.

“Nuk ka asnjë marrëveshje për targat… Nuk ka propozim të Bashkimit Evropian, jemi duke diskutuar, nuk mund të diskutoj tash këtu opsionin që është diskutuar atje sepse nuk kishte me qenë opsion, duhet pak të shtojë seriozitetin… Ka elemente që kemi diskutuar për mundësinë e daljes nga kriza, por nuk ka dakordim dhe nuk ka logjikë të diskutohet në publik… Nuk jam Nostradamus, jam zëvendëskryeministër. Nuk e di çka do të ndodhë të hënën, sepse ne jemi në diskutime”, ka thënë Bislimi para gazetarëve.

Derisa ka marrë pjesë në një diskutim të organizuar nga Zyra e BE-së rreth raportit të zgjerimit për Kosovën, Bislimi është përgjigjur shkurt rreth takimit të djeshëm në Bruksel ku ka theksuar se nuk është takuar me përfaqësuesin e palës serbe, Petar Petkoviq.

“Takimi në Bruksel ka qenë vetëm unë me zotin Lajçak. Rrjedhimisht, çdo raportues që ka raportuar për zhvillimet në Bruksel ka dezinformuar, nuk ka raportuar, por ka dezinformuar për arsye se unë nuk jam dëgjuar me asnjë prej gazetarëve. Asgjë që është thënë në media nuk përkon, është thjesht produkt i imagjinatës së gazetarit, mendoj që te gazetaria e mirëfilltë imagjinata duhet të jetë zero, objektiviteti maksimal. Është edhe më shumë jo serioze pastaj kur mediat tjera kanë përcjell të njëjtat dezinformata, Bislimi është takuar e Petkoviqin, Petkoviq nuk ka qenë fare në Bruksel”, ka thënë Bislimi.

Derisa është pyetur nëse qeveria është e brengosur për tensione të mundshme në veri pas 21 nëntorit, Bislimi ka thënë se hapat që janë duke i ndërmarrë janë me qëllim të vendosjes së ligjit pa krijuar tensione.

“Mendoj që është shumë jo serioze me thënë a brengoset qeveria që kam e pasur ndonjë tension, ky është niveli maksimal i jo seriozitetit. Ne brengosemi për gjëra edhe shumëfish më të vogla. Por duhet bërë dallimin mes rrafshit ku ne brengosemi dhe rrafshin ku ne shpresojmë që do të ndodhë diçka, sepse një pjesë e madhe e opinionit publik, por edhe politikë-bërjes, por shpresojnë që do të ndodhë diçka që pastaj ta adresojnë gishtin. Kjo është shumë rrezik sepse nënkupton një dashuri shumë minimale për vendin ose mos dashuri për vendin. Të gjithë hapat që jemi duke i ndërmarrë, është që të vendoset ligji, por mundësisht pa u krijuar tensione”, ka thënë Bislimi.

Lidhur me zgjedhjet në katër komunat veriore të vendit, zëvendëskryeministri i Kosovës ka thënë se serbët atje e kanë mundësinë të votojnë për ata që promovojnë interesat e komunitetit dhe jo ata të klaneve të caktuara të politikë- bërjes në Beograd.

“Lista Serbe ka qenë pjesë e institucioneve me vite. Unë kam qenë zëvendëskryeministër dhe jam ende që 18 muaj. Kam zero takime me Rakiq, zero kërkesa të tij për projekte që mbrojnë apo avancojnë interesat e komunitetit serb dhe zero iniciativa nga Lista Serbe në Parlament. Mendoj që ky është një shans i artë për ju (serbët e Kosovës) që të zgjidhni ata mekanizma të cilët më të vërtetë i promovojnë interesat e komunitetit e jo interesat e klaneve të caktuara të politikë-bërjes në Beograd”, ka thënë Bislimi.

Ndërsa ambasadori i Bashkimit Evropian në Kosovë, Tomas Szunyog ka ftuar të dyja palët që të përmbahen nga çdo gjuhë që dërgon në dhunë, ndërsa për çështjen e vizave ka thënë se pret një vendim deri në fund të këtij viti.

“Jam inkurajuar nga deklarimet, përfshirë edhe të kryeministrit, se ekziston një mundësi për ta përmbyllur dialogun me një marrëveshje gjithëpërfshirëse në dy vitet e ardhshme dhe do të doja ta shoh këtë, por kjo është një çështje që është diçka që si Prishtina, edhe Beogradi, duhet ta shtyjnë përpara. Për liberalizmin e vizave, nuk dua ta komentoj tepër, por e përgëzoj Presidencën Çeke që e ka vënë në agjendën e Këshillit. Ka pasur dy takime të grupit punues, të cilat ishin mjaft konstruktive kështu që kam besim të plotë se do të merret një vendim nga Këshillit për vizat para përfundimit të këtij viti. Kështu që është diçka që do të merret një vendim gjatë vitit 2022”, ka thënë ai.

Lajmet

Irlanda e Veriut triumfon ndaj Maltës në kualifikuese të Botërorit 2026

Published

10 hours ago

September 5, 2025

UBT News

Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.

Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.

Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.

Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.

Irlanda e Veriut u përmirësua në pjesën e dytë me dy gola në tre minuta.

Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.

Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.

Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.

Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.

Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.

Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/

Lajmet

Sulm në parkingun e kopshtit në Vushtrri dhe arsenal armësh në shtëpi, një muaj paraburgim për dy persona

Published

10 hours ago

September 5, 2025

UBTnews

Prokuroria Themelore në Mitrovicë ka paraqitur kërkesë për caktimin e masës së paraburgimit në Gjykatën Themelore në Mitrovicë – Dega në Vushtrri, ndaj të dyshuarve K.M. dhe K.M., për shkak të dyshimit të bazuar se kanë kryer disa vepra penale.

Të dyshuarit ngarkohen me veprat penale: “Mbajtja në pronësi, kontroll ose posedim të paautorizuar të armëve”, si dhe “Përdorimi i armës apo mjetit të rrezikshëm”, ndërsa njëri prej tyre, K.M., dyshohet gjithashtu për veprën penale “Lëndimi i rëndë trupor”.

Sipas Prokurorisë, ngjarja ka ndodhur më 20 maj 2025, rreth orës 08:55, në parkingun e një kopshti fëmijësh në Vushtrri, ku i dyshuari K.M., së bashku me persona të tjerë, e kanë sulmuar fizikisht të dëmtuarin L.O., në momentin që ai po zbriste nga automjeti për të shoqëruar vajzën në kopsht.

Sipa sprokurorisë, sulmi është kryer me një shufër metalike, duke i shkaktuar viktimës lëndime të rënda në kokë, këmbë dhe pjesë të tjera të trupit.

Pas sulmit, të dyshuarit janë larguar nga vendi i ngjarjes me motoçikleta.

Gjatë bastisjes së shtëpisë së të dyshuarve në fshatin Ropicë të Vushtrrisë, janë sekuestruar elektroshokë, sprej, telefona mobil, si dhe një sasi e konsiderueshme armësh dhe municioni, përfshirë armë të gjata dhe të shkurtra, snajperë, pistoleta me silenciatorë. Në telefonat e të dyshuarve janë gjetur video dhe fotografi ku ata shihen duke përdorur armë, përfshirë edhe një imazh ku njëri prej tyre shihet duke shënjestruar një automjet të policisë me revole.

Gjykata Themelore në Mitrovicë – Dega në Vushtrri ka aprovuar kërkesën e Prokurorisë dhe ka caktuar masën e paraburgimit prej një muaji ndaj të dyshuarve K.M. dhe K.M./D.B/KP

Lajmet

Lautaro tejkalon Maradonën me gola për Argjentinën

Published

11 hours ago

September 5, 2025

UBT News

Kapiteni i Interit, Lautaro Martinez, shënoi si zëvendësues për Argjentinën në fitoren 3-0 ndaj Venezuelës mbrëmë, duke tejkaluar Diego Armando Maradonën dhe duke u bërë golashënuesi i pestë më i mirë me ekipin kombëtar.

Lautaro Martinez kontribuoi në fitoren 3-0 të Argjentinës ndaj Venezuelës mbrëmë, duke shënuar vetëm dy minuta pas futjes së tij nga stoli në pjesën e dytë.

Kapiteni i Nerazzurrëve gjeti rrjetën me një gjuajtje me kokë, duke shënuar golin e tij të 33-të ndërkombëtar dhe duke tejkaluar legjendën e Argjentinës dhe Napolit , Maradonën, i cili kishte shënuar 32 gola.

Siç e vuri në dukje me krenari Interi në faqen e tyre të internetit, vetëm Lionel Messi (114 gola), Gabriel Omar Batistuta (55), Sergio Agüero (41) dhe Hernan Crespo (35) kanë shënuar më shumë gola për Argjentinën sesa Lautaro./S.K/KP/

Lajmet

Gjykata Kushtetuese vendos masë të përkohshme, s’ka mandatar për Qeverinë deri më 30 shtator

Published

11 hours ago

September 5, 2025

UBTnews

Gjykata Kushtetuese ka nxjerrur aktgjykimin në lëndën e parashtuar nga deputetës e Listës Serbe për ‘masë të përkoheshme’ rreth veprimeve të mëtejme të Kuvendit të Kosovës.

Gjykata vlerëson se kjo ndërhyrje është e nevojshme për të shmangur “rreziqe ose pasoja të pariparueshme” dhe se miratimi i saj është në “interes publik”.

Po ashtu, Gjykata thekson se kjo masë nuk paragjykon përmbajtjen përfundimtare të çështjes që është ende në shqyrtim.

VENDIMI I GJYKATËS:

Gjykata Kushtetuese e Republikës së Kosovës, në mbështetje të nenit 116 (2) të Kushtetutës, të nenit 27 të Ligjit dhe rregullat 44, 45, 46 (2) dhe 48 (1) (d) të Rregullores së punës, më 4 shtator 2025, njëzëri

VENDOS

I. TË CAKTOJË ex officio dhe sipas kërkesës së parashtruesve masën e përkohshme përmes të cilës ndalohet çdo veprim i deputetëve të zgjedhur të Kuvendit të Republikës së Kosovës, si dhe çdo procedurë për formimin e Qeverisë;

II. TË URDHËROJË që masa e përkohshme hyn në fuqi më 5 shtator 2025, në kohëzgjatje deri më 30 shtator 2025;

III. T’U’A KUMTOJË këtë Vendim palëve;

IV. TË PUBLIKOJË këtë Vendim në Gazetën Zyrtare, në pajtim me paragrafin 4 të nenit 20 të Ligjit;

V. Ky Vendim hyn në fuqi më 5 shtator 2025./D.B/EO