Lajmet

BFG: Masat e qeverisë për zbutjen e krizës energjetike janë të ngathëta

U publikua hulumtimi “Kriza energjetike në Ballkanin Perëndimor: Masat e ndërmarra në kohën e rritjes së çmimeve të energjisë”.

Published

3 years ago

September 30, 2022

Betim Gashi

Masat e ndërmarra nga qeveria për zbutjen e situatës me krizën energjetike janë të vonuara dhe nuk ofrojnë zgjidhje. Kështu ka thënë hulumtuesi në Balkan Green Foundation(BFG), Besart Kosova gjatë publikimit të hulumtimit “Kriza energjetike në Ballkanin Perëndimor: Masat e ndërmarra në kohën e rritjes së çmimeve të energjisë”.

Kosova me këtë rast ka thënë se lejimi i përdorimit të thëngjillit është një formë e keqe dhe mesjetare për ngrohje.

“Masat e ndërmarrja nga qeveria për zbutjen e situatës me krizën me energji kanë qenë të vonuara. Fatkeqësisht kjo është një shpërfaqje e reaktivitetit tonë si shoqëri dhe jo pro aktivitetit, sepse ne gjithmonë reagojmë atëherë kur situata është veçse vonë. Këto masa natyrisht që e ndihmojnë situatën, por nuk e zgjidhin atë, për shkak se është dashur t’i paraprihet më herët. Ne kemi bërë thirrje shumë herë që të bëhen investime në energji të ripërtëritshme, sidomos në energji të erës”, tha ai.

Sipas Kosovës, është për keqardhje që nuk ka ndonjë formë e cila mundëson zbutjen e krizës energjetike. Ai tha se çmimi për një metër kub dru ka arritur deri në 100 euro.

“Është për të ardhur keq që nuk ka ndonjë formë e cila mundëson zbutjen e krizës energjetike për qytetarët sidomos për ofrimin e formave të ngrohjes me energji qoftë nga druri dhe peleti, ndërsa çmimet vetëm se janë duke fluturuar. Sot e pamë që çmimi për një metër kub dru ka arritur deri në 100 euro, ndërsa peleti në 450 euro, kurse fatkeqësisht veprimet janë të ngathëta”, theksoi Kosova.

Ndërsa në bazë të hulumtimit të BFG-së, Kosova dhe Maqedonia e Veriut, kanë rezultuar që janë ndër shtetet më të ndikuara nga kriza energjetike.

Disa nga rekomandimet që dalin nga ky raport përfshijnë: avancimin e skemave të natyrës sociale për t’i mbështetur konsumatorët e varfër energjetik dhe për ta parandaluar dëmtimin e mëtejmë ekonomik për bizneset dhe industritë e caktuara; forcimin e bashkëpunimit rajonal ndërmjet gjashtë vendeve të Ballkanit Perëndimor lidhur me krizën energjetike dhe krijimin e një sistemi interkonektiviteti më të mirë.

Lajmet

Rutte në takim me Ramën: Shqipëria është një aleat i dedikuar

Published

16 minutes ago

September 17, 2025

UBTnews

Sekretari i Përgjithshëm i NATO-s, Mark Rutte, ka nisur sot bashkëbisedimet me kryeministrin e Shqipërisë, Edi Rama, në selinë e NATO-s, në Bruksel.

Përpara mediave Rutte pohoi se Shqipëria vazhdimisht paraqet një partner të besusheshëm, në të cilin NATO mund të mbështetet. Ai theksoi përpjekjet e Shqipërisë për të rritur mbrojtjen e shtetit, por edhe mbrojtjen e saj përtej territorit shqiptar.

Rutte: “Shqipëria është një aleat i dedikuar. Shqipëria do të arrijë 2 për qindëshin e shpenzimeve të mbrojtjes këtë vit. Shqipëria po zhvillon bazën e industrisë së mbrojtjes, duke përfshirë ndërmarrjen e saj shtetërore. Je duke ndihmuar shumë me Ukrainën përmes delegacionit shqiptar, por, gjithashtu përmes trajnimit të gjuhës. Jashtë Shqipërisë, merrni pjesë në ushtritë e tokëve të huaja në Letoni dhe në Bullgari, jeni aktivë në Kosovë me KFOR. Pra, po shkoni përtej pritshmërive. NATO mund të mbështetet në Shqipëri dhe anasjelltas”.

Ndërkohë, Rama përmendi rilindjen e industrisë ushtarake të Shqipërisë, bashkëpunimin për portin ushtarak në Portin Romano dhe mundësinë për t’u anëtarësuar në programet e sigurisë së Bashkimit Evropian.

Rama: “Ne po në lançojmë rilindjen e industrisë ushtarake, jemi shumë entuziastë të bisedojmë me ty për punën që mund të bëjmë më tej për portën ushtarake ‘greenfield’ në Portin Romano. Gjithashtu, jemi këtu të flasim për se si mund të anëtarësohemi në programin e sigurt të Bashkimit Evropian. Siguria shkon përtej parametrave të shteteve të BE-së, shtetet e NATO-s në Evropë mund të përfitojnë gjithashtu nga ajo”./D.B/KP

Lajmet

FIFA ndan një shumë rekorde për klubet në Kupën e Botës 2026

Published

57 minutes ago

September 17, 2025

UBT News

FIFA ka njoftuar se do të shpërndajë një shumë rekord prej 355 milionë dollarësh për klubet në mbarë botën në kuadër të Programit të Përfitimeve për Klubet (CBP) të lidhur me Kupën e Botës 2026.

Për herë të parë, pagesat do të përfshijnë jo vetëm lirimin e lojtarëve për fazën finale të turneut, por edhe për ndeshjet kualifikuese.

Ky vendim është rezultat i një marrëveshjeje të arritur mes FIFA-s dhe Shoqatës Evropiane të Klubeve (ECA) në mars të vitit 2023, me synim që sistemi të jetë më i drejtë dhe gjithëpërfshirës, duke siguruar përfitime për klubet në të gjitha kontinentet.

Shuma e ndarë është rreth 70% më e lartë krahasuar me 209 milionë dollarët e shpërndarë pas Kupës së Botës 2022 në Katar.

“Një shumë rekord prej 355 milionë dollarësh do t’u shpërndahet klubeve për lirimin e lojtarëve të tyre. Kjo përforcon bashkëpunimin tonë me ECA-n dhe klubet në mbarë botën, teksa presim një edicion inovativ e globalisht gjithëpërfshirës të Kupës së Botës FIFA vitin e ardhshëm,” deklaroi presidenti i FIFA-s, Gianni Infantino.

Edhe presidenti i ECA-s, Nasser Al-Khelaifi, përshëndeti marrëveshjen, duke theksuar se kjo nismë vlerëson rolin e klubeve në zhvillimin e futbollit ndërkombëtar dhe garanton që gjithnjë e më shumë prej tyre të shpërblehen për kontributin e tyre.

Në edicionin e fundit, Katar 2022, 209 milionë dollarë u shpërndanë për 440 klube nga 51 shoqata anëtare të FIFA-s.

Ndërkohë, edicioni i ardhshëm i Kupës së Botës do të zhvillohet nga 11 qershori deri më 19 korrik 2026 në Shtetet e Bashkuara, Meksikë dhe Kanada./S.K/KP/

Aktualitet

Profesoresha e UBT-së, Jeta Kiseri – Kubati, me publikim në revistën ndërkombëtare IJBM

Published

60 minutes ago

September 17, 2025

Driton Iseni

Prof. Asoc. Dr. Jeta Kiseri – Kubati, profesoreshë në UBT, ka botuar punimin e saj të fundit në revistën shkencore ndërkombëtare International Journal of Biomedicine (IJBM), e indeksuar në Scopus, një prej databazave më prestigjioze shkencore në botë.

Artikulli i titulluar: “Retention Practices of Orthodontists in the Western Balkans”, është rezultat i një bashkëpunimi ndër-rajonal mes UBT-së, Fakultetit të Stomatologjisë në Universitetin e Rijekës dhe Fakultetit të Stomatologjisë në Shkup.

Ky studim origjinal përfshiu një hulumtim të gjerë me mbi 450 ortodontë nga Kroacia, Maqedonia e Veriut dhe Kosova, duke analizuar praktikat dhe protokollet e mbajtjes pas trajtimit ortodontik. Rezultatet zbuluan dallime të rëndësishme mes vendeve sa i përket përdorimit të pajisjeve, ndjekjes së pacientëve dhe faktorëve që ndikojnë në zgjedhjen e metodave të mbajtjes.

Studimi thekson se:

Ortodontët në Kosovë i kushtojnë më shumë rëndësi moshës së pacientëve dhe rritjes biologjike,
Në Kroaci dhe Maqedoninë e Veriut përzgjedhja bazohet kryesisht në llojin e malokluzionit,
Praktikat e kujdesit dhe dhënies së udhëzimeve të shkruara për pacientët ndryshojnë dukshëm mes vendeve.

Ky publikim jo vetëm që pasuron literaturën shkencore ndërkombëtare në fushën e ortodonciës, por gjithashtu nënvizon rëndësinë e bashkëpunimit akademik rajonal dhe potencialin që ka UBT për të kontribuar në shkencë dhe inovacion.

Për më shumë, punimi është publikuar më 5 shtator 2025 dhe mund të lexohet në linkun zyrtar: Retention Practices of Orthodontists in the Western Balkans – IJBM