Sport

​Batatina për situatën e Giresses: Nuk mund të shkarkojmë trajnerë çdo gjashtë muaj

Trajneri i Llapit e sheh ndeshjen me Qipron si sfidë të një rëndësie të veçantë.

Published

4 years ago

on

E ardhmja e trajnerit Alain Giresse në krye të Kombëtares së Kosovës ka filluar të diskutohet për shkak të rezultateve jo të mira në këtë edicion të Ligës së Kombeve dhe sfida e sotme me Qipron mund të jetë vendimtare.

Humbja në këtë ndeshje mund ta hapte skenarin e rënies së Kosovës në Ligën D, varësisht nga rezultati i ndeshjes ndërmjet Irlandës së Veriut dhe Qipros.

Por, përkundër kësaj situate, trajneri Tahir Batatina vlerëson se shkarkimi i trajnerit nuk duhet të ndodh dhe se ai duhet të kursehet nga presioni i madh publik pasi kjo mund të ndikojë negativisht.

“Mendoj që para ndeshjes nuk është mira ta fusim në presion një trajner siç është selektori që e kemi ne. Ne duhet të kujdesshëm, selektori duhet të jetë i qetë dhe nuk duhet një presion kaq i madh të jetë. Se a duhet të shkarkohet nëse humbet, nuk duhet t’ia bëjmë këtë presion trajneri në këtë situatë. Në këtë situatë ne duhet të mblidhemi të gjithë bashkarisht, nuk kemi interesa të shkarkojmë trajnera çdo gjashtë muaj, çdo një vit, nuk është interes i futbollit dhe i përfaqësueses sonë, interesi është ta bëjmë një ekipë solide, stabile, kush do të jetë trajner në të ardhmen nuk ka shumë peshë. Mendoj që trajneri duhet të mendojë sot shumë mirë, duhet të futet në ndeshje vetëm për fitore, duhet të jetë i kujdesshëm ”, tha Batatina.

Trajneri i Llapit e sheh ndeshjen me Qipron si sfidë të një rëndësie të veçantë dhe pret që Kosova të fitojë dhe të mos e rrezikojë qëndrimin e saj në Ligën C.

“Mendoj që është ndeshje e rëndësisë së veçantë. E dimë që pa marrë parasysh rezultatin Kosova është një kombëtare e re, një përfaqësuese e re e cila dita e ditës besoj që do të rrite edhe më shumë. Mendoj që futbolli është i paparashikueshëm, asnjëherë nuk mund të thuash që kështu parashikojë dhe kështu do të jetë. Mendoj që Kosova sot dhe djemtë do ta bëjnë maksimumin, e dinë rëndësinë e ndeshjes që Kosova të jetë në vendin e dytë dhe të mos bie në një grup më poshtë që të rrezikojë rënien në një kategori të palakmueshme për Kosovën”, tha Batatina.

Kosova është në grup me Qipron, Irlandën e Veriut dhe Greqin ndërsa ka gjashtë pikë në vendin e dytë, një më shumë se Qipro e vendit të katërt.

Related Topics:
Continue Reading

Sport

Emocione të forta,Kenan Yildiz publikon fotografi me Edon Zhegrovën

Published

3 days ago

on

April 3, 2026

By

Zhgënjimi pas humbjes së Kosovës dhe mosrealizimit të ëndrrës u reflektua qartë edhe në fytyrën e yllit kosovar, Edon Zhegrova.

Bashkëlojtari i tij te Juventus, Kenan Yildiz, ndërpreu festën me skuadrën e tij për t’u afruar dhe për ta ngushëlluar Zhegrovën. Ky moment i ndjerë u bë menjëherë viral në rrjetet sociale.

Vetë ylli turk reagoi më pas në Instagram, duke postuar një fotografi ku shfaqej duke e ngushëlluar Zhegrovën pas përfundimit të ndeshjes, duke treguar solidaritetin dhe respektin mes futbollistëve.

Continue Reading

Sport

Arijanet Muric: “Kemi rikthyer shpresën, koha jonë do të vijë”

Published

3 days ago

on

April 3, 2026

By

Portieri i Kosovës, Arijanet Muric, ka ndarë një mesazh emocionues pas përfundimit të ndeshjeve të fundit, duke theksuar krenarinë për ekipin dhe mbështetjen e tifozëve.

Ai u shpreh i lumtur që është pjesë e një grupi të bashkuar dhe luftarak:
“Jam jashtëzakonisht krenar që jam pjesë e këtij ekipi dhe që zbres në fushë me një grup kaq të guximshëm dhe të bashkuar lojtarësh”.

Muric theksoi rëndësinë e këtij rrugëtimi për ekipin dhe falënderoi të gjithë tifozët për përkrahjen:
“Ky rrugëtim ka qenë gjithçka për ne dhe dua të falënderoj të gjithë në vendlindje dhe kudo në botë për besimin dhe mbështetjen tuaj”.

Portieri kosovar nënvizoi se arritjet e skuadrës shkojnë përtej rezultateve në fushë:
“Në futboll, ne fitojmë dhe humbim së bashku, por ajo që kemi arritur shkon përtej rezultateve. Ne i kemi dhënë popullit tonë shpresë përsëri”.

Në fund, ai pati edhe një mesazh motivues për brezat e rinj:
“Për brezin e ardhshëm, ky është vetëm fillimi. Ëndërroni më shumë, punoni më fort dhe vazhdoni të besoni. Koha jonë do të vijë!”.

Continue Reading

Lajmet

Miratohet projektligji për Lojërat Mesdhetare “Prishtina 2030”, hapet rruga për organizimin e ngjarjes madhore

Published

3 days ago

on

April 3, 2026

By

Qeveria e Kosova ka miratuar projektligjin për organizimin e Lojërat Mesdhetare Prishtina 2030, duke shënuar një hap të rëndësishëm drejt zhvillimit sportiv dhe afirmimit ndërkombëtar të vendit.

Institucionet e kanë cilësuar këtë nismë si projekt me interes të lartë publik dhe kombëtar, që pritet të ndikojë drejtpërdrejt në zhvillimin ekonomik, përmirësimin e infrastrukturës sportive dhe rritjen e imazhit të shtetit në arenën ndërkombëtare.

Kryeministri Albin Kurti theksoi rëndësinë strategjike të projektligjit, duke nënvizuar standardet që synohen me organizimin e kësaj ngjarjeje:
“Ky projektligj, i bazuar në marrëveshjen për organizimin e Lojërave Mesdhetare ‘Prishtina 2030’, është projekt me interes të lartë publik dhe kombëtar. Ai garanton që organizimi i kësaj ngjarjeje madhore të bëhet me përgjegjësi të plotë institucionale, me standarde të larta transparence, integriteti dhe menaxhimi efikas të fondeve publike. Ky është një investim në rininë tonë, në sportin tonë dhe në imazhin ndërkombëtar të shtetit”.

Nga ana tjetër, ministri i Rinisë dhe Sportit, Blerim Gashani, dha detaje mbi aspektin financiar dhe organizativ të projektit:
“Përmes këtij ligji, qeveria do të miratojë shfrytëzimin e fondeve publike në shumën prej të paktën 253 milionë euro. Burimi kryesor i financimit do të jetë buxheti i shtetit, ndërsa projektligji rregullon edhe kompetencat e institucioneve përkatëse, përfshirë Komitetin Olimpik të Kosovës dhe komunat që do të përfshihen në organizim”.

Projektligji përcakton qartë rolet dhe përgjegjësitë e institucioneve shtetërore, duke krijuar një kornizë të plotë ligjore për organizimin e kësaj ngjarjeje të madhe sportive.

Pas votimit në Kuvend, pritet të nisin përgatitjet konkrete për Lojërat Mesdhetare Prishtina 2030, me synimin që Kosova të radhitet ndër organizatorët e rëndësishëm të eventeve sportive ndërkombëtare.

Continue Reading

Kulturë

Shqiptarët “pushtojnë” NBA-n, valle dhe muzikë tradicionale në parketin e Chicago Bulls

Published

3 days ago

on

April 3, 2026

By

Një moment i veçantë dhe plot krenari për komunitetin shqiptar është shënuar në një nga arenat më të mëdha të basketbollit në botë, gjatë një ndeshjeje të NBA.

Para përballjes mes Chicago Bulls dhe Phoenix Suns në United Center, ansambli i komunitetit shqiptar në Illinois dhuroi një performancë mbresëlënëse me këngë dhe valle tradicionale.

Tingujt e muzikës shqiptare pushtuan sallën, ndërsa valltarët të veshur me kostume kombëtare sollën energji dhe emocion në parket. Publiku amerikan mbeti i mahnitur nga ritmi dhe gjallëria e valleve, duke e kthyer këtë moment në një spektakël të rrallë në skenën e NBA-së.

Kjo natë e dedikuar komunitetit shqiptar dëshmoi edhe një herë se kultura shqiptare nuk njeh kufij  nga Shqipëria dhe Kosova deri në zemër të Chicago.

Momenti i veçantë tashmë po bën xhiron e rrjeteve sociale, duke treguar para botës bukurinë dhe pasurinë e traditave shqiptare.

Continue Reading

Të kërkuara