Sport

​Arsenali mund të zhgënjehet, raportohet se Vlahovic ka gjetur akordin me një skuadër tjetër

Reprezentuesi serb ka qenë në formë të shkëlqyer në Serie A kohët e fundit.

Published

on

Sulmuesi i Fiorentinës, Dusan Vlahovic raportohet se ka rënë dakord për një transferim në një klub të paidentifikuar që luan në Ligën e Kampionëve, derisa ai po lidhet me skuadrën angleze, Arsenalin.

Reprezentuesi serb ka qenë në formë të shkëlqyer në Serie A kohët e fundit, duke u vlerësuar si njëri nga sulmuesit më të mirë në Serie A për momentin.

Tani duket shumë e mundshme që Vlahovic të largohet nga Serie A, me Fiorentinën që madje kishte lëshuar një deklaratë zyrtare në fillim të këtij sezoni duke konfirmuar se ylli i tyre nuk do të nënshkruajë kontratë të re.

Arsenali ka qenë një nga klubet më të lidhura me Vlahovicin, por duket se lojtari tani ka gjetur akordin me një skuadër tjetër, sipas “Transfer Exchange Show”.

Nuk është ende e qartë se kush mund të jetë klubi në fjalë, por ka disa kandidatë bazuar në thashethemet e tjera të transferimeve të fundit që përfshijnë të ardhmen e 21-vjeçarin.

Vlahovic ka qenë gjithashtu i lidhur fort me Juventusin dhe Manchester Cityn, dhe në një masë më të vogël me Liverpoolin dhe Chelsean gjithashtu.

Sport

Mesazhi lamtumirës i Gallapenit për Prishtinën dhe i fillimit të kapitullit të ri në Poloni

Published

on

Dion Gallapeni u zyrtarizua sot nga klubi i tij i ri, Widzew Lodz.

Futbollisti kosovar nënshkroi kontratë katërvjeçare me klubin polak, tek i cili do të luajë deri në verën e vitit 2029, natyrisht nëse e respekton kontratën, shkruan “Gazeta Express”.

E pasi u prezantua nga klubi polak, futbollisti i deridjeshëm i Prishtinës e bëri një postim në rrjetet sociale, përmes së cilit e falënderoi klubin Bardhekaltër për mundësinë dhe emocionet, ndërsa foli me entuziazëm për eksperiencën e re që e pret tash e tutje në Poloni.

Më poshtë mund ta lexoni postimin e futbollistit të krahut të majtë.

 

Continue Reading

Sport

Bayern-PSG, dueli tjetër gjigant në Botërorin e Klubeve

Published

on

By

Bayern Munich e mposhti Flamengo-n me rezultat 4–2 në ndeshjen e 16‑s në Hard Rock Stadium, Miami, dhe siguroi një vend nëçerekfinale, ku do të përballet me Paris Saint-Germain.

Goli i parë erdhi në minutën e 6-të, kur mbrojtësi Pulgar shënoi në portën e vet pas një korneri të Kimmich. Tre minuta më vonë, Harry Kane thelloi avantazhin me një goditje të bukur nga distanca, përcjellë KosovaPress.

Leon Goretzka shënoi golin e tretë në minutën e 41-të, ndërsa Flamengo kundërpërgjigjej me gola nga Gerson dhe Jorginho (penallti) përkohësisht duke ngushtuar diferencën në 3–2

Harry Kane bëri histori si sulmuesi i parë anglez që arrin 40+ gola në tri sezone të njëpasnjëshme në ligat kryesore evropiane dhe u barazua me Phil Foden dhe Ëayne Rooney si shënuesi më i mirë anglez në historinë e Club Ëorld Cup (3 gola)

Bayern do të përballet me Paris Saint-Germain, kampionin në fuqi të Champions League, në çerekfinale.

Në këtë mënyrë Bayern siguroi një vend në top 8 të botës, duke treguar formë dhe dominim, veçanërisht në tri ndeshjet me rivalë të fortë. PSG – si kundërshtari i ardshëm – do të jetë një test i madh për bavarezët.

Continue Reading

Sport

Sonte Inter – Fluminense

Published

on

By

Interi po hyn në fazën më delikate të Kampionatit Botëror për Klube 2025 me disa dilema në repartin ofensiv, por edhe me lajme pozitive.

Sulmuesi francez, Markus Turam, ka tejkaluar problemet muskulore të pësuara gjatë ndeshjes me Monterein dhe është rikthyer në stërvitje të plotë, duke respektuar plotësisht programin e rikuperimit të hartuar nga stafi mjekësor i klubit.

Ndërkohë, trajneri Kristian Kivu do të duhet të bëjë pa shërbimet e mesfushorit Davide Fratezi për ndeshjen e sotme. Fratezi vazhdon të vuajë nga problemet fizike dhe nuk është rikuperuar në kohë për këtë sfidë të rëndësishme në fazën e 1/8-ave.

Një tjetër çështje që mban pezull kampin zikaltër është gjendja e sulmuesit të ri, Françesko Pio Espozito. Lajmi i mirë është se ekzaminimet kanë përjashtuar çdo dëmtim të rëndë, bëhet fjalë vetëm për një lodhje muskulore. Espozito u ndal gjatë seancës së fundit stërvitore, por do të përpiqet të jetë të paktën mes të grumbulluarve për ndeshjen. Kështu, Kivu mund të detyrohet të hedhë menjëherë në fushë Markus Turam përkrah kapitenit Lautaro Martinez.

Sa i përket mesfushës, Kivu do të vazhdojë t’i besojë Asllanit regjinë, ndërsa përkrah tij do të jenë Barela dhe Mkhitarian. Në krahë do të vendosen Dumfris e Dimarko, ndërsa treshja para Zomerit do të përbëhet nga Darmian, Açerbi dhe Bastoni.

Continue Reading

Sport

Ronaldo bëhet sportisti më i paguar në botë me marrëveshjen e re në Arabinë Saudite

Published

on

By

Cristiano Ronaldo ka firmosur një kontratë të re dyvjeçare me klubin saudit Al-Nassr, duke u bërë sportisti më i paguar në botë. Sipas të përditshmes zvicerane “Blick”, kjo marrëveshje kap vlerën totale prej rreth 565 milionë eurosh, duke përfshirë paga, shpërblime dhe përfitime personale luksoze.

Paga vjetore e Ronaldos në këtë kontratë është afërsisht 200 milionë euro, ndërsa ai do të marrë edhe një pagesë për nënshkrim prej 27 milionë eurosh menjëherë, dhe 15 milionë të tjera nëse qëndron edhe në sezonin e dytë. Përveç kësaj, portugezi ka siguruar 15% aksione në klub, me vlerë rreth 36 milionë euro, si dhe një marrëveshje sponsorizimi për tregun aziatik me vlerë 66 milionë euro.

Bonuset për performancën në fushë janë gjithashtu të larta: për çdo gol Ronaldo do të marrë 88 mijë euro, për asist 44 mijë euro, ndërsa për fitimin e titullit kampion një bonus prej 9.4 milionë eurosh. Bonuset për fitimin e Champions League Aziatik dhe për golashënuesin më të mirë arrijnë respektivisht në 7.2 dhe 4.7 milionë euro.

Kontrata përfshin edhe shërbime dhe përfitime personale të nivelit të lartë, përfshirë avion privat në dispozicion 24/7, staf prej 16 personash që përfshin kuzhinier, trajner fitnesi dhe staf sigurie, vila luksoze në Riad, si dhe pushime të paguara në destinacionet e zgjedhura nga ylli portugez.

Kjo marrëveshje jo vetëm që vendos Ronaldon në majë të listës së sportistëve më të paguar në histori, duke tejkaluar kontratat e yjeve si Lionel Messi dhe LeBron James, por gjithashtu përfaqëson një pjesë të strategjisë së Arabisë Saudite për zhvillim sportiv dhe ekonomik, të njohur si “Vision 2030”.

Continue Reading

Të kërkuara