Kronikë e zezë

Aktakuzë për shpërlarje të parave në Prishtinë

Personi me inicialet H.G akuzohet për veprime të paligjshme bankare në vlerë mbi 200 mijë euro.

Published

3 years ago

June 26, 2023

Betim Gashi

Prokuroria Speciale e Kosovës ka ngritur aktakuzë kundër një personi për veprën penale të shpërlarjes së parave.

Personi me inicialet H.G akuzohet për veprime të paligjshme bankare në vlerë mbi 200 mijë euro.

“Prokuroria Speciale njofton se i pandehuri H.G. akuzohet se duke vepruar në bashkëkryerje edhe me persona tani për tani të paidentifikuar, në llogarinë bankare të kompanisë së tij me seli në Prishtinë, ka pranuar dhe ka poseduar shumën e të hollave prej dyqind e trembëdhjetëmijë e tetëqind e nëntëdhjeteshtatë euro, me qëllimin që ato të vihen në qarkullim si të siguruara në mënyrë të ligjshme; ndërsa shumën prej nëntëmijë e pesëqind euro kishte arritur t’i tërheqë duke prezantuar fakte të rrejshme se gjoja i ka realizuar në mënyrë të ligjshme, edhe pse e ka ditur se pasuria e caktuar- mjetet e lartcekura janë fituar përmes aktivitetit kriminal të kryer përmes përdorimit të sistemit kompjuterik nga personi tani për tani i paidentifikuar”, ka bërë të ditur prokuroria.

Prokuroria ka sekuestruar përkohësisht mjetet në shumën prej 213 mijë e 897 euro e 94 cent.

Këtë shumë, prokuroria i ka propozuar gjykatës që ta konfiskojë si dobi e fituar nga vepra penale, me urdhër që e njëjta të transferohet tek pala e dëmtuar.

Related Topics:prishtine shperlarje parash

Up Next

Një pjesëtar i Policisë vdiq në një aksident trafiku në Kamenicë, një tjetër është në gjendje të rëndë

Don't Miss

Suspendohet një zyrtar policor

Lajmet

Arrestohet një person në Deçan nën dyshimin për dhunim

Published

44 minutes ago

March 26, 2026

UBTNews

Policia e Kosovës ka njoftuar për arrestimin e një personi në Deçan, i cili dyshohet se ka kryer veprën penale të dhunimit para disa javësh.

Sipas raportit zyrtar, bëhet fjalë për një të dyshuar burrë kosovar, i cili është vënë në pranga pas hetimeve lidhur me rastin e raportuar nga viktima femër kosovare.

Ndërsa me urdhër të prokurorit, viktima është dërguar në Institutin e Mjekësisë Ligjore (IML) për ekzaminime mjekësore gjinekologjike.

Pas intervistimit të të dyshuarit, prokurori ka nxjerrë vendim që ai të dërgohet në mbajtje për procedime të mëtejshme hetimore.

Kronikë e zezë

Dy raste të armëmbajtjes pa leje në rajonin e Gjilanit

Published

55 minutes ago

March 26, 2026

UBTNews

Në raportin 24-orësh të Policisë së Kosovës bëhet e ditur se janë evidentuar dy raste të armëmbajtjes pa leje në qytetin e Vitisë dhe Kamenicës.

Në fshatin Tërpezë të Vitisë, një person ka dorëzuar vullnetarisht në stacionin policor një armë zjarri, pasi i kishte skaduar afati i lejes.

Ndërkohë, në fshatin Berivojc të Kamenicës, njësitet policore kanë realizuar një bastisje në shtëpinë e një të dyshuari, ku kanë gjetur dhe konfiskuar dy pushkë gjysmë-automatike, 100 fishekë dhe tetë karikatorë.

Lidhur me të dyja rastet është konsultuar prokurori kompetent, i cili ka udhëzuar që pas intervistimit të personave të dyshuar, ata të lirohen në procedurë të rregullt.

Kronikë e zezë

Arrestohet një shtetas i Shqipërisë në Prishtinë për mashtrim kompjuterik

Published

1 hour ago

March 26, 2026

UBTNews

Në raportin 24-orësh të Policisë së Kosovës raportohet se është arrestuar një person i dyshuar për veprën penale “Mashtrim kompjuterik” në Prishtinë.

Sipas njoftimit, i dyshuari është shtetas i Republikës së Shqipërisë, i cili dyshohet se ka kryer veprime të jashtëligjshme përmes pajisjeve teknologjike.

Gjatë operacionit policor, në cilësi të provave materiale janë sekuestruar pesë llaptopë, katër telefona celularë dhe pajisje të tjera që dyshohet se janë përdorur për kryerjen e kësaj vepre. Lidhur me rastin, me vendim të prokurorit, i dyshuari është dërguar në mbajtje për procedime të mëtejshme ligjore.

Kronikë e zezë

Vdekje e dyshimtë: Dërgohet pa shenja jete një person në emergjencën e Prishtinës

Published

1 hour ago

March 26, 2026

UBTNews

Në raportin 24-orësh të Policisë së Kosovës, bëhet e ditur se një person është dërguar pa shenja jete në Qendrën Klinike Universitare të Kosovës (QKUK).

Sipas policisë, me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.

“Në emergjencën e qytetit është dërguar pa shenja jete viktima, mashkull kosovar. Me vendim të prokurorit, trupi i pajetë është dërguar në IML për obduksion”, thuhet në njoftimin zyrtar.

Rasti aktualisht po trajtohet nga autoritetet si “hetim mbi vdekjen”.