Lajmet

​Agresioni rus, Blinken të enjten nis vizitën në Evropë

Blinken fillimisht do të mbërrijë në Bruksel ku pritet të marrë pjesë në takimet e ministrave të jashtëm të NATO-s dhe G7.

Published

on

Sekretari i Shtetit, Antony Blinken do të niset të enjten për një udhëtim në Evropë, i cili do të përfshijë ndalesa në një numër vendesh në krahun lindor të NATO-s, tha Departamenti i Shtetit.

Blinken fillimisht do të mbërrijë në Bruksel ku pritet të marrë pjesë në takimet e ministrave të jashtëm të NATO-s dhe G7.

Të shtunën, Blinken do të udhëtojë në Poloni, ku sekretari i shtypit i Departamentit të Shtetit, Ned Price tha se kryediplomati amerikan do të takohet me udhëheqësit polakë, “përfshirë ministrin e Jashtëm Zbigniew Rau, për të diskutuar ndihmën e mëtejshme të sigurisë përballë agresionit të vazhdueshëm të Rusisë dhe sulmit të paprovokuar ndaj Ukrainës”.

“Ai gjithashtu do të falënderojë Poloninë që ka mirëpritur bujarisht qindra mijëra persona të zhvendosur nga Ukraina dhe do të diskutojë se si Shtetet e Bashkuara mund të rrisin përpjekjet e ndihmës humanitare për ata që ikin nga lufta e Putinit”, shtoi Price.

Blinken më pas do të udhëtojë për në Lituani të dielën, në Letoni të hënën dhe në Estoni të martën.

“Gjatë të tri ndalesave, ai do të diskutojë përpjekjet e përbashkëta për të mbështetur Ukrainën, për të forcuar parandalimin dhe mbrojtjen e NATO-s, për të promovuar demokracinë dhe të drejtat e njeriut dhe për të ndjekur një bashkëpunim më të thellë ekonomik dhe energjetik me aleatët tanë baltikë”, tha Price.

Lajmet

Maria Corina Machado fiton Çmimin Nobel për Paqe 2025

Published

on

By

Liderja më me ndikim e opozitës në Venezuelë, Maria Corina Machado, është fituesja e Çmimit Nobel për Paqe 2025.

Komiteti Norvegjez i Nobelit ka vendosur t’i akordojë çmimin Machado-s për “punën e saj të palodhur në promovimin e të drejtave demokratike për popullin e Venezuelës dhe për përpjekjet e saj për të arritur një tranzicion të drejtë dhe paqësor nga diktatura drejt demokracisë”, shkruan TheGuardian.

Kryetari i Komitetit Norvegjez të Nobelit, Jorgen Watne Frydnes, e lavdëroi Machadon si një “kampione të guximshme dhe të përkushtuar për paqe” e cila “mban zjarrin e demokracisë ndezur gjatë një errësire në rritje”.

Komiteti thotë se demokracia varet nga njerëzit që refuzojnë të qëndrojnë të heshtur.

Duke iu përgjigjur pyetjes për përpjekjen e lobimit nga Trumpi për të fituar çmimin, kreu i komitetit tha se komiteti merr mijëra letra çdo vit dhe merr vendimin e tij në një dhomë “plot me guxim dhe integritet”./D.B/KP

Continue Reading

Lajmet

​Mbappe i gatshëm të shkëlqejë edhe me Francën

Published

on

Kapiteni i Francës, Kylian Mbappe, ka deklaruar se ndihet më i relaksuar dhe plotësisht i përshtatur me jetën në Madrid, ndërsa është gati të ndihmojë përfaqësuesen franceze në ndeshjet kualifikuese për Kupën e Botës.

Në një konferencë për shtyp të mbajtur në “Parc des Princes”, ylli i Real Madridit tha se është në formë të mirë dhe se problemi i vogël në kyçin e këmbës së djathtë tashmë ka kaluar.

“Trajneri dëshiron që unë të luaj. Nuk mendoj se do të ketë ndonjë problem të madh,” tha Mbappe.

Sulmuesi francez shtoi se ambientimi në kryeqytetin spanjoll e ka ndihmuar të gjejë qetësinë dhe ekuilibrin që kërkonte.

“Kam pasur vite më të ndërlikuara, por në Madrid jam përshtatur mirë. Nuk është një kritikë ndaj Francës, por është e vërtetë që jam më i qetë atje. Stili i jetës është më pak kaotik se në Paris,” tha Mbappe.

Deschamps ndërkohë paralajmëroi skuadrën e tij të mos e nënvlerësojë Azerbajxhanin, kundërshtarin e radhës në “Parc des Princes”.

“Sigurisht që nuk janë ndër ekipet më të mira evropiane, por vijnë nga një barazim kundër Ukrainës. Shtatë nga lojtarët e tyre luajnë për Qarabag-un, që ka fituar dy ndeshjet e para në Ligën e Kampionëve,” theksoi ai.

Franca kryeson grupin e saj me dy fitore nga dy ndeshje dhe do të përballet me Azerbajxhanin në Paris, përpara se të udhëtojë drejt Islandës tri ditë më vonë./S.K/KP/

Continue Reading

Lajmet

Vdes një grua në Dragash pas shpërthimit të bombolës së gazit

Published

on

Një grua ka humbur jetën në Dragash, si pasojë e shpërthimit të një bombole gazi në shtëpinë e viktimës.

Sipas Policisë, vdekjen e viktimës e ka konstatuar mjeku, derisa trupi i saj është dërguar në IML për obduksion.

“Raportohet se viktima femër kosovare ka mbetur pa shenja jete, dyshohet si pasojë e shpërthimit të një bombole gazi në dhomën e shtëpisë ku kishte qenë duke qëndruar. Njësitet policore dhe ekipi mjekësor kanë dalë në vendin e ngjarjes dhe nga mjeku është konstatuar vdekja e viktimës. Lidhur me rastin është informuar prokurori me urdhrin e të cilit trupi i pajetë i viktimës është dërguar në IML për obduksion”, thuhet në njoftimin e PK-së./S.K/EO/PK/

Continue Reading

Lajmet

Tërmet i fuqishëm me magnitudë 7.6 godet Filipinet, alarm për cunami

Published

on

Paralajmërime për cunami janë lëshuar për disa vende pasi një tërmet me magnitudë 7.4 ballë goditi brigjet e Filipineve jugore.

Epiqendra e tërmetit ishte rreth 62 km në juglindje të qytetit Manay, në rajonin Mindanao, në një thellësi prej 22 km.

Qendra e Paralajmërimit për Cunami në Paqësor me seli në SHBA tha se valë deri në 3 metra ishin të mundshme në rajon, me paralajmërimin që mbulonte edhe rajonet Sulawesi dhe Papua të Indonezisë.

Instituti Filipinez i Vullkanologjisë dhe Sizmologjisë tha se priste dëme dhe lëkundje pasuese.

Presidenti fiLipinas, Ferdinand Marcos, tha se autoritetet po vlerësonin situatën në terren.

“Operacionet e kërkim-shpëtimit dhe ndihmës po përgatiten tashmë dhe do të nisin sapo të jetë e sigurt për ta bërë këtë. Po punojmë pa ndërprerje për të siguruar që ndihma të arrijë tek të gjithë ata që kanë nevojë. Le të vazhdojmë të kujdesemi për njëri-tjetrin dhe të lutemi për sigurinë e të gjithë bashkatdhetarëve tanë”, shtoi presidenti.

Ndryshe, tërmeti është ndër më të fuqishmit që kanë goditur “Unazën e Zjarrit” të Paqësorit vitet e fundit, një zonë që ka më shumë se 800 tërmete çdo vit./S.K/EO/

Continue Reading

Të kërkuara