Lajmet

​Abdullahu për situatën gjatë vërshimeve: Pushteti lokal duhet të fuqizohet

Ai ka folur për vërshimet në disa komuna gjatë muajit janar.

Published

3 years ago

on

Zëvendësdrejtori i Agjencisë së Menaxhimit Emergjent, Shefki Abdullahu po raporton para Komisionit për Çështje të Sigurisë.

Ai tha se pushteti lokal duhet të fuqizohet, teksa ka folur për vërshimet në disa komuna gjatë muajit janar.

“Situata gjatë vërshimeve: pushteti lokal duhet të fuqizohet. Disa i kanë edhe divizione në kuadër të drejtorive, organeve kompetente por edhe kryetarit. Herën e fundit nuk po i apostrofojë kryetarët me emra, por deklarata e tyre që shpallet gjendje të jashtëzakonshme, në vend se me shpall gjendje emergjente. Aty do të ketë mos respektim të procedurave. Duhet të fuqizohen gjithsesi sepse, duhet shumë punë. Ne nuk jemi reagues”, ka thënë ai.

Ai shtoi se komunat në veri të vendit funksionojnë në bazë të marrëveshjes së vitit 2013.

“Problemi i Agjencisë së Emergjencave që nuk jemi zhvilluar deri në nivel ka qenë procesi politik që kemi kaluar të zhvillimit të këtij mekanizmi e kemi bërë planin zhvillimor që duhet të arrihen objektivat me gjitha mekanizmat qe duhet t’i ketë”, shtoi ai.

Related Topics:
Continue Reading

Lajmet

Zbulim i ri arkeologjik në Spanjë: Një dhomë romake mendohet të ketë qenë bibliotekë e lashtë

Published

56 minutes ago

on

July 30, 2026

By

Një zbulim i ri arkeologjik në kompleksin romak Fuente Álamo, në Kordobë të Spanjës, mund të ndryshojë mënyrën se si kuptohet historia e këtij vendbanimi antik.

Sipas një studimi të publikuar në Journal of Mediterranean Archaeology, një dhomë që më parë besohej se ishte një faltore kushtuar perëndisë Mithra, mund të ketë shërbyer si bibliotekë romake.

Studiuesit nga universitetet e Kordobës dhe Granadës kanë arritur në përfundimin se Dhoma 10 është rimodeluar në shekullin e IV pas Krishtit dhe mund të jetë protobiblioteka më e vjetër e zbuluar deri më sot në Gadishullin Iberik, si dhe biblioteka më perëndimore e njohur në Perandorinë Romake.

Analizat arkitekturore kanë zbuluar elemente tipike të bibliotekave romake, përfshirë një absidë, kamare për ruajtjen e dorëshkrimeve, podium dhe hapësira që mund të kenë shërbyer për punë ose magazinim.

Nëse konfirmohet përfundimisht, kjo bibliotekë do të përbënte një nga zbulimet më të rëndësishme për studimin e jetës kulturore dhe intelektuale në Perandorinë Romake./A.K/

Continue Reading

Lajmet

Sulm ndaj zyrtarëve policorë në Rahovec, një person dërgohet në mbajtje

Published

1 hour ago

on

July 30, 2026

By

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Inspektim në 65 auto-parkingje në Prishtinë, evidentohen shkelje tatimore

Published

1 hour ago

on

July 30, 2026

By

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Continue Reading

Lajmet

Arrestohet një person në Lipjan për ngacmim seksual

Published

1 hour ago

on

July 30, 2026

By

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/

Continue Reading

Të kërkuara