Komisionerja e BE-së, Dubravka Suica, do të udhëtojë këtë javë drejt Uashingtonit për të marrë pjesë në një takim të Bordit të Paqes, të krijuar nga presidenti amerikan Donald Trump, në cilësinë e vëzhgueses, bëri të ditur të hënën një zëdhënës i Komisionit Evropian.

“Komisioni Evropian nuk po bëhet anëtar i Bordit të Paqes. Ne po marrim pjesë në këtë takim pikërisht në kuadër të angazhimit tonë të kahershëm për zbatimin e armëpushimit në Gaza, si dhe për të kontribuar në përpjekjet ndërkombëtare për të mbështetur rindërtimin dhe rimëkëmbjen pas luftës në Gaza,” u tha gazetarëve zëdhënësi Guillaume Mercier. /Reuters/

Në Ditën e Pavarësisë së Kosova, më 17 shkurt, platforma “Liria ka emër” ka paralajmëruar mbajtjen e një proteste në mbështetje të ish-krerëve të Ushtria Çlirimtare e Kosovës, të cilët po përballen me gjykim në Dhomat e Specializuara të Kosovës në Hagë. Sipas organizatorëve, data e zgjedhur nuk është e rastësishme, pasi ata e lidhin drejtpërdrejt shpalljen e pavarësisë me luftën çlirimtare dhe me rolin e UÇK-së në procesin e shtetformimit.

Thirrja për protestë ka marrë përkrahje edhe nga figura publike në Kosovë, përfshirë artistë, përfaqësues të organizatave të dala nga lufta dhe personalitete të njohura të jetës publike, të cilët kanë shprehur mbështetje përmes deklaratave dhe rrjeteve sociale. Organizatorët kanë bërë thirrje që tubimi të jetë paqësor dhe dinjitoz, si formë demokratike e shprehjes së qëndrimit në një ditë që simbolizon lirinë dhe shtetësinë e Kosovës.

Në Hagë po gjykohen ish-presidenti Hashim Thaçi, ish-kryeparlamentari Kadri Veseli, Jakup Krasniqi dhe Rexhep Selimi, të akuzuar nga Zyra e Prokurorit të Specializuar për krime lufte dhe krime kundër njerëzimit. Të gjithë ata i kanë mohuar akuzat.

Krijimi i Dhomave të Specializuara lidhet me raportin e vitit 2011 të hartuar nga senatori zviceran Dick Marty në kuadër të Këshilli i Evropës, pas të cilit, në vitin 2015, Kuvendi i Kosovës miratoi ndryshimet kushtetuese që i hapën rrugë themelimit të kësaj gjykate.

Legjislatura e sapozgjedhur e Kuvendit të Kosovës dite më pare ka miratuar rezolutën për Dhomat e Specializuara dhe Zyrën e Prokurorit të Specializuar në Hagë, përmes së cilës kërkohet që ndaj ish-udhëheqësve të Ushtrisë Çlirimtare të Kosovës të zhvillohet një proces gjyqësor i drejtë.

Presidenti i Republikës së Shqipërisë, Bajram Begaj, do të qëndrojë për vizitë zyrtare në Republikën e Kosovës më 16 dhe 17 shkurt 2026, për nderë të 18 vjetorit të pavarësisë.

Gjatë kësaj vizite, Policia e Kosovës njofton se do të kujdeset për ruajtjen e rendit dhe qetësisë publike, si dhe për rregullimin e trafikut gjatë lëvizjes së eskortës dhe qëndrimit të delegacionit në Kosovë.

Sipas njoftimit zyrtar, për të mundësuar qarkullim të lirë të eskortës sipas itinerarit të lëvizjes, duke filluar nga ardhja më 16 shkurt në orët e pasdites në pikën kufitare Vërmicë, e deri në përfundim të vizitës më 17 shkurt në orët e mbrëmjes, do të ketë ndërprerje të përkohshme të qarkullimit në disa segmente rrugore. Ndërprerjet do të jenë në intervale të shkurtra kohore dhe, sipas nevojës, trafiku do të riorientohet në rrugë alternative.

Policia ka kërkuar mirëkuptim nga qytetarët dhe pjesëmarrësit në trafik për masat e ndërmarra gjatë kësaj vizite zyrtare.

Në prag të 18-vjetorit të Pavarësisë së Kosovës, vizita e presidentit Begaj vjen pas qëndrimit në Prishtinë të kryeministrit të Shqipërisë, Edi Rama, i cili u takua me presidenten Vjosa Osmani dhe kryeministrin Albin Kurti.